صج بلندن يوم 24-25/ 12 يسكر السوق ؟؟؟ :(

[a7latwins]

السلام عليكم
سؤال للي رايحين لندن بالكرسمس او يعرفون احد راح
صج لندن بهاليومين 24 - 25 / 12 يسكر السوق ؟؟؟
انا بروح هالحزه و حده ضاق خلقي يوم سمعت هالحجي
فودي أتأكد منكم

مشكورين​

 

[a7latwins]

عفيه قوليلي
اشدعوه ولا وحده رايحه لندن بالكرسمس !!!!!!

 

[carrot^cake]

يقولون اي يسكر

 

[razany]

ايي حبيبتى يسكر وهم يسكر بالنيووير

 

[a7latwins]

يعني ويين اروح بهاليومين ؟!؟!

 

[a7latwins]

 

[NoNoFeTa]

روحي البق بين باليومين وتمشي بالهايد بارك

 

[& أم جمال &]

والله ما أدري

 

[بسمه الم]

اي ياقلبي يسكرون اكثرهم بس مو كلهم ..

 

[razany]

مالج الا التمشي والجو بارد او حلووو

 

[لميس]

تسوقي قبل لا يسكرووووووووووووووون....

 

[فارسه الخيل]

اي يسكروووون ..

ويــهـ ما تقدرين تأجليــنـهـ احنا بنــرووح بعطله الربيع ..

اجليهااا والله احسن لج .. بتقعدين بالفندق ترى طوول اليوم .. بس ترى في جم محل مبطلين ..

ولا تتدرين الحل الوحيد روحــي احتفلي معاااهم هههههههههههه

مو تسوينها عاااد ..

 

[a7latwins]

امبيييييييييييه ضاق خلقي
حجزنا كل شي

 

[بسمه الم]

لاا ياااقلبي لايضيق خلقج
التنزيلات بالكرسمس تهبل24-25 روحي اماكن سياحيه
وباجي الايام روحي السوووق

 

[a7latwins]

مشكووره
بس الاماكن السياحيه ما تسكر بعد ؟؟

 

[sHa6o0ra]

يوم 24 اهوا البوكسنق دي يسوون تنزيلات اكثر من 75% بالاميه وكل العالم بالسوق وسموه بوكسنق لان بكسات على المحلات
ولان بعض المحلات يعطون هدايا (خاصه بامريكا) بعلب عشان جذي سموه بوكسنق

اما 25 يسكرون المحلات لان الانقليز يحتفلون مع اهلهم ببيوتهم

بس ترى بالبوكسنق دي زحمه موووووطبيعيه لازم تروحين قبلها بجم يوم تحطين عينج على كل الي تبين تشترينه والساعه 7 الصبح
تروحين تنطرين عند الباب عشان لي بطل المحل تاخذين الي تبينه وتنحاشين لان مرات توقفين بالطابور 3 ساعات من الزحمه

 

[a7latwins]

للرفع

 

[أم الحلوة جمان]

حبيبتي ... انا العام كنت بهالفترة بلندن ...

يوم 24 السووق مبطل أغلبيته ... بس يسكر بسرعة ...لأنه يسموونه Chrismas Eve يعني ليلة الكريسماس ...
يعني السوق الساعة 4 تقريبا خلاص مسكر ....

و يوم 25 يسكر عندهم كل شي لأنهم يحتفلوون ... و ماعندج غير انج تتمشين .. و الهايد بارك ... و شارع ادجوارد رود كلله عرب و مبطل ... مطاعم و كافيهات ...

أما يوم 26 اهو أول أيام ال boxing Day ... و من الفير يبطلوون المحلات .. لا والناس تلقينها نايمة عند المحلات بالليل ...
و أحلى شي سلفردج يخصص باب لماركة جوتشي ... و شووووفي الطاااابوووور لي وين واااصل ... يبجي و كللهم من شرق آسيااا ...
يابانيين و كوريين ... عفية لي شفتيييهم شوووتيييهم لأنهم بااطين جبدي سنتين و أنا بلندن بالكريسماس و اهما لاهفين كل الشي الزين

 

[نعوومه الطيوبه]

انا اسكن هناك بس مو بلندن .يوم 24 تفتح المحلات ويوم 25 كل شى يسكر والشوارع ميته( مو فاضيين يدبحون الديك الرومى) مافى الا العرب والبنقال يفروون بالشوارع ويوم 26 يوم البوكسنق دى انا شخصيا اروح من الخمسه ونص عشان محل نيكست يفتح من هالوقت ويسوى تنزيلات75% على اغراضه كلها تجنن وباقى المحلات تفتح 6 او 7وتضل التخفيضات مستمره طيلة شهر واحد

 

[{ شيوخهـ ~]

حبيبتي والله انا يوم بسافر روما كلهم قالوا السوق يسكر شهر ثمانيه ورحتلها شهر ثمانيه ولا سوووووق مصكر
يمكن يصكرون بعض المحلات بس مستحييييل كلهم و يمكن لهم وقت مبجر يصكرون فيه مثل الساعه 8 او 7 بس مستحيل يصكرون شهر كامل
نفس ميلانو اذبحووونا السوق بيصكر ومادري شنو وحبطونا ويوم رحنا الا فاتحين
لاتهتــــمين ولا تخــــافين روحي واتسوقي وخمطي لووولز
ولا تنسين صـــوغات حق منتـــدئ كـــويتيـات
لــــووولز

وتروحـــين وتـــردين بالســـلامــهـ =)