صج انا معقدة وبكل شي ادخل الدين و هيلقيه ؟

[الورده الفوشية]

رد : صج انا معقدة وبكل شي ادخل الدين و هيلقيه ؟

صدق آلرسول صلى آلله عليه وسلم :

يأتي على آلنآس زمآن آلقآبض على دينه كَ آلقآبض على آلجمر

لآ منتي معقدة ولآ شي وعلى فكرة آلرجآل يحب آلآنسآنة آلمهذبة

وآلآ آلدين يآمآ دينآت ينفرووووون بس مثل مآقلتي هو آلتزآم بِ آدآب وقنآعآت تربيتي عليهآ لآ آكثر

آنآ نفسج مآني دينة بس آلبس عبآة رآس ومنقبة وكثير يوزنوني آلبس كتف ويقولون معقدة عنّي

بس خلي عندج قنآعآتج وآعتزي بِ هويتج آنتي آلصح وهم آلغلط

آلله يثبتج

أنـــــــــــآآ مع كلامك

اهم شيء انك مقتنعه باللي تسوينه ماعليك منهم ،،


الله يوفقك يآعرووسه ،،

 

[strawberry89]

انتي صح .... ما عليج منهم ناس سطحين

 

[اخت خالتهم]

رد : صج انا معقدة وبكل شي ادخل الدين و هيلقيه ؟

الوردة الفوشيـة

حبيبتي حيـاج تسلمين على مرورج

ستراوبيري

حيـاج يا عمري نورتي و مشكوره على مرورج

 

[summer's day]

رد : صج انا معقدة وبكل شي ادخل الدين و هيلقيه ؟

مالت عليهم
رفيجاتج المعقدات مو أنتي

 

[يــ عذآبيئ ــآ]

الحمدلله والشكر .. والله اهم الهيلقيين والمعقدين ..

ماشفت ولاشي من تصرفاتج ومواقفج اللي ذكريتها يدل على انج هيلقيه او معقده .. بالعكس ادب وسنع ..

اللي قالت هالكلام اهي عندها تخلف فكري ..

موفقه حبيبتي

وماعليج من اللي يقولون ريلج بيتعقد ومادري شنو . شكوووووو .. ماعليج فيهم

 

[0(مـــســـ(مطير)ــــــك)0]

حبيبتي دايما اللي على غلط يبون اللي حواليهم يصيرون نفسهم .. حتى يكونون بالغلط مع بعض ..
وهالنظريه ذكرها الله سبحانه في القران .. فماعليج منهم ..

 

[هاديهـ&مطيعهـ]

والله زمن صار الستر والأدب هلاقه

والله انتي الصح وأهم غلط وانتي مو معقده بالعكس واعيه وعقلج كبير ماشاء الله

 

[نور دربي]

حبيبتي الله يثبتج وبالعكس انتي الصح وماعليج منهم لا معقده ولا شي الحمدلله

 

[اخت خالتهم]

رد : صج انا معقدة وبكل شي ادخل الدين و هيلقيه ؟

حبيباتي اللي نورتـوني
و فرحت والله الحمدلله لاني والله خفت ان صج المجتمع تغير
لكن دام في مثلكم و شرواكم اقول الكويت والدنيا للحين بخير

مشكورين

 

[الفنانة لؤلؤة]

ما عليج منها حبيبتي

لكن هذا الزمان ألحين،، وما عندي أبلغ من هالكلام أقوله

عن أنس بن مالك رضي الله عنه قال: قال رسول الله صلى الله عليه وسلم : "يأتي على الناس زمان القابض على دينه كالقابض على الجمر" رواه الترمذي

عَنْ أَبِي هُرَيْرَةَ عَنْ رَسُولِ اللهِ صلى الله عليه وسلم قَالَ إنَّ الدِّينَ بَدَأَ غَرِيبًا وَإِنَّ الدِّينَ سَيَعُودُ غَرِيبًا فَطُوبَى لِلْغُرَبَاءِ‏

 

[غرور وايل]

وعليكم السسسلام

حبووبه الله يثبتج ياارب

والله يهدينا ياارب

 

[نوراء]

لا معقدة ولا شي..... جان على العباية والله انا بعيدا عن الدين يعني اشوف ان العباية ارتب من البدل مو على الكل طبعا بس الاغلبية ....وجان على الالفاظ صراحه ما اقبل بهالالفاظ شنو حمارة قاعدة بزريبة تكرمون احنا مانقولها ولا نبي نسمعها وهذا اعتقد من الادب ... بعدين انيي لسالفة الحمام تكرمون اعتقد اهي كانت داخل الحمام تقصدين مو يم المنظرة والمغاسل واهي تكلمج يعني مو حلوة في حقها انها تكلمج تصرف مقرف وعيب صراحه ولو انا مكانج اقولها لها ماارد عليج الا لما تطلعين بعيدا عن الدين يعني تصرفاتج من الادب والاحترام خيووه انت صح

 

[D a m a s]

باين عليج خلوقة ومؤدبة ، ماعليج من كلامهم ولا تخلينهم يأثرون على قناعاتج

حلو إن الوحدة تحاسب على ألفاظها عشان تكسب الناس ، وهالشي يدل على تربيتج ، والعباية إذا كانت واسعة

ومرتبة انا أشوفها قمة الأنوثة ، الهلاقة لما تلبسين شي ويطلع شكلج مبهذل سواء بدلة أو عباية !!

 

[*سوسو ستار*]

العباة ستر وحشمه للمرأه تخليها دره مصونه محد يفكر يتحرش فيها لانها حافظه نفسها وجسمها عن عيون الشباب



بالنسبه للدين مافيها شي اذا دخلنا كل شي بالدين ليش احنا مومسلمين ولامسلمين بالاسم بس !!



حبيبتي خليج واثقه ان انتي مومسويه شي غلط واذا الستر صار هلاقه فخليج مفتخره بهالشي لان انتي الصح



والله يهدي رفيجتج وينور بصيرتها

 

[Ray.Bana =$]

رد : صج انا معقدة وبكل شي ادخل الدين و هيلقيه ؟

العبايهـ رزه وتعطي المرهـ هيبهـ هذا اللي اشوفهـ الصراحهـ وكيفها اهيا المعقدهـ مو انتي وهاذي حريتج الشخصيهـ ماطلبتي رايها

 

[گـحِـلْ |~]

رد : صج انا معقدة وبكل شي ادخل الدين و هيلقيه ؟



إنتي ما غلطتي ,
إنتي سويتي شغلات المفروض تكون بديهيه وتسويهآآ هي مو تستنكرها !!
آلله يهديهآ
خليج وآآثقه من نفسج و لآ يهمج كلآم أحد ,
تحيآآآآتي لج

 

[تمنيته]

انتي ميه ميه

 

[اخت خالتهم]

رد : صج انا معقدة وبكل شي ادخل الدين و هيلقيه ؟

حبيباتي وحده وحده قواكم الله
والحمدلله لك يارب
انك رزقت ديرتنا في بنات مثل هالبنات
تبارك الرحمن

 

[جيمي~]

بسم الله عليك الله يكملك بعقلك ماعليك منهم اهم شي سوي اللي يرضي ربك

وبالعكس البنت المحترمه تفرض احترامها ع الكل

والله يووفقك بزواجك

مبرووووووووك مقدمآآ

 

[ام احمد Q8]

انا البس عبايه يعني صرت هيليقيه والله اللي يفكرون جذي اهما الهلاقه بكبرها
ماعليج حبيبتي طاف شدعوى يعني صج ماعندها سالفه
بس سالفة الخلاء مادري الصراحه
يعني لو قايلتلها ماحبيت اسلم عليج بالحمام ابرك لوووول

والله يثبتج على اللي يرضي الله