صج اللي تولد في الثامن مايستقبلونها الخاص؟

[dana1986]

بنات انا حيل خايفه نزل علي دم من جم يوم والحين الحمدلله وقف
بس ناقزني قلبي احس راح اولد مبجر

صج مايستقبلوني الخاص بالثامن ؟ :yaaaaaarb:

 

[أحب ربي]

حبيبتي لا تحاتين وان شاء الله تولدين بالسلامه
الله يسهل عليج ويحفظ جنينج يارب

بخصوص الدم اسئلي الدكتوره أفضل
وأما الخاص ماعندي فكره حبيبتي

 

[قلبي سلومي]

لا يستقبلون

انا ولدت بنتي اول الثامن بخاص

بس الشيشة اكلتني ماطولت بنتي يوم وحولتها حكومي

 

[dana1986]

جم الشيشه بالخاص؟

 

[المكسيكيه]

الله يسهل عليج ان شاء الله ويتمم عليج

 

[؛؛حلاوه؛؛]

انشالله ماكو الا العافيه اتوقع بالثامن عادي بس قبل لا

 

[om MaRyooM]

شكووو

عادي يستقبلون اذا حالتج موخطرة ..


بس احتمال يحطون الياهل بالشيشة .. بس تاكدي من شغلة

اذا بيحطون الياهل اكثر من اسبوع قوليلهم بوديه الصباح ..

أما اذا جم يوم عادي خليه عندهم .. انا بنتي قعدت 4ايام عندهم .. وكانت رعايتهم زينة وماكان حيييل غالي جنه خذو100 حق الشيشية ماذكر بالظبط جم ... كنت بالهادي



والله يقومج بالسلامة

بس نصيحة راجعي شوفي من شنو الدم ..

انا نزل علي بالثامن ماي حسبالي افرازات الحمل ... يوم رحت قالو ماي المشيمة جان يولدوني علطول

والله يقومج بالسلامة

 

[cherry tree]

على حسب حالة البيبي
انا كنت بالسابع وولادة قالولي اذا حالة البيبي اوكي وحجمه زين نولدج
اذا لا نكتب لج تقرير واروحين العدان دايركت
وكان البيبي نتفة ودزوني العدان
والحاضنة بالخاص على حسب حالة الياهل
يعني ةلد اختي كان باول شهره بس شارب ماي
كانت حاضنته ١٦٠ باليوم ظل ٦ ايام خذو له ٩٥٠ بروحه

 

[dana1986]

الله يستر ان شاء الله مااولد مبجر

 

[sweeta77]

في رويال حياه استقبلوا وحده كانت والده بالسادس
والحضانات ممتازه
بس السعر وايد غالي
اذا مو مستعده روحي الحكومه اضمن
لان صعبه النقله من الخاص للحكومه
مرات مايرضون

 

[dana1986]

ادعولي اكمل حملي ان شاء الله
قدر الله وما شاء فعل

 

[cherry tree]

الله يتمم عليج يارب وتولدين بشهرج والياهل بصحة وعافية

 

[chocolat cake]

الله يتمم عليج يارب
انا دكتورتي قالت فتحي ملف بالصباح الخاص احتمال كبير مايستقبلونج وعناية الصباح بالاطفال الخدج احسن والله يتمم علينا يارب

 

[عبث طفله]

لا ان شاء الله تولدين وانتي بشهرج ..

الحضانه بالسلام جنه اليوم الواحد مع الاشعه اتوقع 120 وانتي احسبي جم يوم ينحط ..
بس ادا عندج واسطه بالصباح او الفروانيه على طول ينقلونه لانه راح ياكلج غالي حييييل ..

انتي ارتاحي حييييييييييييل يعني راحه تامه من كل شي الحركه خليها بس للصلاة وتكرمين الحمام .. وان شاء الله الله يثبت حملج يارب

 

[زين ودلال]

الله يتمم عليج ان شاءالله وتولدين بشهرج

 

[dana1986]

ان شاء الله

انا عندي ملف بالصباح مال المجلس الطبي
بس لازم افتح ملف ثاني ؟

 

[super star]

حاااااااسه فيج ياقلبي

وان شاء الله تولدين بالتاسع وربي يتمم عليج وعلي

انا ولدت بالثامن على نهايته بالهادي