صج القطوه تسبب عقم للبنت ؟ بنات وايد احاتي دشو وطمنوني

[nano555]

مشكووريين كلكم ع الردوود و الله ماقصرتو والله من كثر ما احاتي حتى خدامتنا سولفت لها قعدة تضحك علي :\ الله يستر عاد انا و الله اول مايابوها مو بس ما احبها الا ما اواطنها كنت اخاف تقرب يمي والحين سبحان الله تعلق فيها و اموت :\

 

[صعب غلاها]

والله حبيبتي انا كنت اربي قطاوه وقطيتهم والسبه اللي سمعته امي انهم يسوون عقم وبعض من الامراض واجهاض حق الحامل و ثعلبه بالشعر
والحين حدددددددددي بخااطري اشتري قطوه بس خايفه بروحنا مو ناقصين امراض

 

[nano555]

الله يستر و الله .. انا اللي مصبرني اني اعرف كذا و حده عندهم قطاوه و الحمد الله م افيهم الا العافيه تزوجو و حملو و الوضع طبيعي .. مادري و الله :\

 

[قَلبيْ صُويبكْ !]

,



إيه صح سمعت أنه تسبب أجهآض !

 

[a l m a g r O r a]

مااعتقد

 

[catloverq8]

لا لا لا لا لا لا لا لا لا
بأعلى صوتي أقول لألأ لا تتهمون القطوة ما تسبب أي شي
و الحين مو وقته باكر أشرح لكم بالكامل

 

[sweet life]

أختي انا كان عندي اجهاض متكرر لمدة 4 سنوات و 6 مرات اجهضت فكانو يسؤلوني اذا ربيت قطاوة او وانا صغيرة في بيتنا قطاوة
ومع انة عندنا قطاوه بس الحمدالله ماكان حايشني هالمرض كان سببه وراثي والحمدلله الحين عندي عيال بس ايامها بحثت عن هالموضوع

وطلع انة القطط تنقل مرض التاكسوبلازما اللي يسبب تشوة للجنين وبالتالي الاجهاض
وهذا الرابط راح يفيدج

http://ar.wikipedia.org/wiki/%D8%AF%D8%A7%D8%A1_%D8%A7%D9%84%D9%85%D9%82%D9%88%D8%B3%D8%A7%D8%AA

 

[nano555]

يمه واااي استغفر الله :\ مشكووره حبيبتي

 

[sweet life]

انا الي اعرفه ان القطاوه مكروووهين بالبين نفس الكلاب و شعرهم نجس !

اضافه الى انها تسبب اجهاضات !!

الله يهداج هديتي كل الحيوانات و ما حلا لج الا القطاوه !!

انا ما اخاف من الجلاب بس اطيح غشيانه لين شفت قطوه

ياختي مايجوز انج تحللين وتحرمين بكيفج
عرفنا ان الكلب نجس ومكروه في البيت بس القطاوة لا مو نجسة ولا مكروة بالبيت
والدليل الصحابي الجليل أبو هريرة...سمي ابو هريرة لأنه كان يعطف على الهرر ويقتنيها

والله اعلم

 

[شندوخه]

اذا قطوتج نظيفه ومافيها فطريات ماتسوي شي
بس اذا فيها فطريات ممكن انها تسوي
شلون تعرفين ؟ لازم فحص دوري عند الطبيب البيطري

 

[nano555]

مشكوورين بنات ماقصرتو ع المرور والله انا بعد استغربت من اللي تقول انه القطوه نجسه و مكروها بالبيت شكيت بعلوماتي ههههه
شندوخه : لا الحمد الله ما فيها شي و بعد اسبوع عندها ابرة تطعيم عشتاو هههه

 

[tooota_]

خل اقولج سالفة بنت خالي والقطاوه
طبعا اهي من واهي صغيره تربي..وتقريبا مرو عليها قبيلة قطاوه مو قطوه وحده ليييين تزوجت..ماحملت 3 سنين كلا تراجع وفحوصات
اكتشفو انه في عندها حيوان صغير يقعد عالمبايض ياكل منهااا لي تضمر فهمتيني
يقول الددكتور هالبكتريا او الحيوانات تتواجد وتتكاثر من افراز القطوه نفسهاا..عزكم الله بولها
بس مادري بعد مو شرط كل الناس يصير فيهم نس هالبنيه والله يستر ويحمي ويحفظ كل البنات..بس هم الاحتياط واجب ديري بالج على عمرج..هالحيوانات نشوفهم ونلعب وياهم بس ماله داعي ينامون صوبنا وياكلون معانا ويضلون عندنا بالبيت..واذا عندكم حديقه عوده حطيها مافيها مشكله..والله يحفضج ويعافي من كل شر لاتحاتين انشالله ماكو الا العافيه

 

[asola107]

هلا حبيبتي
القطوة ما تسبب العقم لكن تسبب فايروس بالدم او مكروب وكان عندي رفيجتي واختي كل ما يحملون يسقط الطفل وكل وحده حللت دم وبعد العلاج بفترة طويلة احملوا لكن الفرق ان اختي اولدة طفلين ثم صابها المكروب بسبب تربية القطوة اما رفيجتي من اول زواجها وهي اطيح باليهال والله يتمم عليك بالسعاده والبنبن والبنات

 

[Vera~]

انا الي ارعفه الأنثى من القطاوة اهي تسبب امراض لكن ان ربيتي ذكر يقولون نسبة امراض منه اقل هذا الي اعرفه ولان رفيجتي تربى قطاوة فساائله بهشي^^

 

[㋡..PRINCESS..㋡]

>مرووم<<, post: 10144122, member: 110745"]

لااا مااعتقد تسبب عقم لان امي وخالتي كان عندهم قطاوهـ وماسببت لهم العقم ​

صح كلامها .. حتى انا امي وخالاتي قبل لا يتزوجون كان عندهم قطاوه وااااايد ! فالمعلومه غلــــــــــط ماكو الا العافيه ان شاءالله

 

[M!$$ CUTE]

مـادري والله

بس امشي مع المثل اللي يقول : ابعد عن الشر وغني لو

ههههههههه

 

[Mrs_Orchidia]

و الله احنا طول عمرنا بيتنا ما يخلى من القطوة .. كل وحدة ورا الثانية و الحين امي يابتنا ماشاءالله و اختي عندها 2!! و الله يخليهم كلهم

ما عليج من الخنابيج.. الكل يفتي من صوب..هالاشياء بايد الله سبحانه و بس

 

[moone GRL]

القطو مو نجس


بس اللي اعرفه تسبب عقم وصلع مو زينه لمرضى الربو عشان الشعر اللي يطيح منها

 

[ms basken]

انا حمااة بنت خالتي كاانت تربي قطااوه ولما تزوجت بالغصب حملت لما حللت قالولها فيج مرض حمى القطط بس يابت ولد وخلاااص

 

[mi corazon]

انا الي اعرفه ان القطاوه مكروووهين بالبين نفس الكلاب و شعرهم نجس !

اضافه الى انها تسبب اجهاضات !!

الله يهداج هديتي كل الحيوانات و ما حلا لج الا القطاوه !!

انا ما اخاف من الجلاب بس اطيح غشيانه لين شفت قطوه

منو قال القطاوة مكروهين بالبيت؟

ولا جان ما سمو الصحابي ( ابو هريره) لأنه كانت ملازمته قطوته

الكلب عزكم الله اهو المكروه لأنه نيس وموزين بالبيت الا للضروره