صج العيال عزوة ويمسكون الريال !!!

[المدينه]

موشرط في رياييل يحبون اعيالهم ويقعدون يحاتون بتربيتهم ومستقبلهم وفي رياييل ماهمه شي

 

[مشموشته]

لي اليوم امهاتنا يوصونا بهالشي بس للاسف الزمن تغير و الريال ما يقضبه الا رب العالمين و ضميره

 

[(أم نونو)]

رد : صج العيال عزوة ويمسكون الريال !!!

شوفي حبيبتي العيال ذخر للأم الرجال ماتدرين عنه اليوم زين وياج وباجر مايندرة بس الاعيال هم اللي معاج باقي عمرج
اذا ربي صلح زوجج تقولين الحمدلله بس اذا مامنه فود خليه يولي الاهم عيالج هم سندج بهالدنيا والرجال مايقظبه شي لازوجه ولاعيال يدور وناسته وين ماتكون

 

[طموحه بزياده]

اذا عندج اعيال ممكن يفكر ما يطلقج اذا كان يحب عياله وحنون وياهم واذا ماعنده مرح يتراجع عن اطلاق ولا 1%

 

[**وقفة فرس**]

رد : صج العيال عزوة ويمسكون الريال !!!

إي نعمممممم يالغالية العيال سند وعزوة...لي كبرت ألقى من يشيلني ولي اصطكت علي الدنيا ونزلت دمعتي ألقى من يواسيني ويوقف معاي من بعد ربي وهذا في حال أحسنت تربيتهم والله هداهم وسخرهم لي...لكن إنهم يقضبون الرجال لا موفي جميع الأحوال في رياجيل من غلا حريمهم يغلون عيالهم(قمة الحب)...وفي رياجيل يصبرون على حريمهم وقشارتهم وقلة سنعهم علشان عيالهم(الله يعينهم) وفي رياجيل يعشقون نفسهم وبسسسسسسسسسس(الله يهديهم) ولا يردون لا على المرة ولا على عيالها...وفي رياجيل يصبرون على المرة عشان حلالها وحلال أبوها...يعني هالشي ماله قاعدة ثابته بس للحين ماشفت غير الصابرين على حريمهم عشان عيالهم...يعني أعرف وحدة زوجها صابر على رفالتها وجعاصتها عشان عياله والثانية زعلت وخاست عند أهلها كم سنة وفكر يتزوج عليها لوما (حلف أمه عليه )وردها عشان عياله....
يعني بإختصار مايقضب الرجال إلا غلا مرته في قلبه...وحتى هذي ماهي قاعدة ثابتة لأن الحياة فيها تقلبات وماندري الزمن شنو خاش لنا يمكن هالحبيب باجر يجيه شي ويغيره وينسى الغلا والحببببببببببببببب ولا يفيدنا لا عيال ولا حب ولا مال....

 

[۩۩ الجـــــود ۩۩]

امي تقول

ام عشره قعدت تحت شجره

لهجه بدويه بشد العين

 

[Elizabeth]

uppp

 

[Elizabeth]

اااااااااااااااااااااااب

 

[noo7a]

والله كله على حسب الريال
انا خالي اسم الله عليه متزوج صارله فوق 30 سنه و الله مارزقه
ومسوي مرته يادهينه لا تنكتين اصلا جنهم معاريس اسم الله عليهم من ديره لي ديره خفاف ماعندهم عيال و مدارس

 

[Morena]

والله كله على حسب الريال
انا خالي اسم الله عليه متزوج صارله فوق 30 سنه و الله مارزقه
ومسوي مرته يادهينه لا تنكتين اصلا جنهم معاريس اسم الله عليهم من ديره لي ديره خفاف ماعندهم عيال و مدارس

الله يرزقهم انشالله ويخليهم حق بعض مشالله:blueSmCLR: انا اشوف انه العيال عمرهم ماكانوا سبب لاستمرار الحياة الزوجية واستقرارها

 

[عالين المواجيب]

رد : صج العيال عزوة ويمسكون الريال !!!

العيال يربطون الحرمه ما يربطون الريال حبيبتي

ياما رياييل عقوا عيالهم كلهم ولا يعرفون عنهم شي وما يتورط غير الام اللي غصبن عنها تستحمل اي شي من الريال عشان عيالها