صج الزيوت تأثر على الصبغة ‍‍!!

[CheeSeCaKe]

قوة بنات

حبيت استفسر منكم ....

انا توني مسوية هاي لايت ثلجي ... وعاجبني اللون .. وبنفس الوقت .. شعري تعبان ويتقطع .. وهم يطيح ... لاني ملسته وبعدها صبغته ..

فأنا بحاول اعالجه واشتغل عليه زيوت وحمامات زيت وخلطات وماسكات شعر ..

لكن ..

انا سمعت ان الزيوت تأثر على لون الصبغة ممكن تغيره وتغمجه !!

ومرة بالصالون قالتلي وحدة انج اذا تبين تنزلين الصبغة حطي زيت وقعدي تحت جهاز البخار !!

فشسوي صج يأثر على الصبغة يعني !!

وإلا عادي .... في أحد صابغ ويستخدم الزيوت عادي وما حس بتغيير بلون الصبغة ...؟

يعطيكم العافية

وشكريا ،،،​

 

[Pinky Dream]

مشاركة: صج الزيوت تأثر على الصبغة ‍‍!!

اي انا سامعه انه يغير لون الصبغه لاتحطين زيت

حطي كريمات حمام الزيت افيد واحسن من الزيت لانه ماينشف مثل الزيت,, الكريم يرطبه وينعمه ويهديه ههههههههههه حلوه يهديه لاصج عندي كريمات الزيت فظييييييييييعه

 

[نفيشه]

مشاركة: صج الزيوت تأثر على الصبغة ‍‍!!

انا بعد سامعه ان الزيوت تخرب الصبغة وتخلي اللون يقلب
عاد انا توني صابغته وكنت على طول احط له بهالخلطات بس الحين وقفت وعلى الماسكات والحمام زيت بس

 

[@@عيوني@@]

مشاركة: صج الزيوت تأثر على الصبغة ‍‍!!

استخدمي زيت الذره أو زيت السمسم ميأثر ولا زيت جوز الهند مدام ندى تستعمله بصالون النجوى والندى وفي

حمام زيت انا شريته وايد زين من الجمعيه اخلي اموره تكتب اسمه ينعم عجييييييييب مره

 

[نفيشه]

مشاركة: صج الزيوت تأثر على الصبغة ‍‍!!

عيوني على مسؤوليتج؟؟

 

[*الحالمه*]

مشاركة: صج الزيوت تأثر على الصبغة ‍‍!!

شي بديهي و معروف ان الزيوت تغير لون الصبغه

يعني اذا تبين تغذين شعرج عندج ماسكات و كريمات و حمامات زيت

جذي بتغذين شعرج و تحافظين على لونه

 

[جوريه]

مشاركة: صج الزيوت تأثر على الصبغة ‍‍!!

صجج الخلطات تغمج لون الشعر

 

[@@عيوني@@]

مشاركة: صج الزيوت تأثر على الصبغة ‍‍!!

أنا كله أدهن شعري ماصار شي

 

[Kuwait]

مشاركة: صج الزيوت تأثر على الصبغة ‍‍!!

اللي يقلب لون الصبغه جد حمامات الزيت تسحب اللون سحاب جربي امبولات الشعر كعلاج وفي سائل للشعر مغذي عجيب تبيعه ام فهد عباره عن فايتامينات اذا تبين منه قوليلي

 

[CheeSeCaKe]

ما تقصرون

تسلمون بعد عمري على التفاعل والتعليق ..

والله توني مستخدمه حمام زيت اسمه الجذور سمعت جم وحدة تمدحه اهني اخذته بالسدر والصبار .... والله اوكي وايد رطب شعري

اي شكلي بهد الزيوت مؤقتا ... واستلمه حمام كريم وماسكات وامبولات ..

عاد امبولات كريستاس للتساقط وتطويل الشعر ... وايد يمدحونهم ..

شكريا ​

 

[أم السنع]

آه يا قلبي
عشر سنين وانا هايلات وصبغ

وصبغ وهايلات

وجذوز وصبغ

وكل مره يقولون لي يا مدام نحذرج من الزيت ترى يحرق شعرج

ما يستحمل مع الصبغ

وانا مصدقه وعشر سنين فقط بلسم وماسكات

عاد لا تشوفون الجفاف اللي صار بشعري

خيالي

بس الحمدلله داويته وقاعد شوي وشي يرد

 

[danaaa]

صج
اتخرب لون الصبغه و اتغمج اذا حطيتي زيت بعد فتره واذا اول ما سويت هاي لايت اتسيح الالوان علي بعض

نصيحتي حمامات زيت للشعر المصبوغ الجوثن بووت + ماسكات و هسوالف