صبغ جديد

[fnooon]

السلام عليكم و رحمة الله و بركاته
حبايبي بسالكم عن صبغ جديد للجدران شفته عند ناس وعجبني
غرررررررريب جنه لمعة رخام مكسر و هو ساده بس التأثيرات الي فيه روعه
ممكن المساعده؟​

 

[ام هالدنيا]

عندج حبيبيتي الوسيط دقي واسالي وخلي يجيب لج الصور والتكالوج مثلي انا لما كنت ابي اصبغ بيت امي سويت شذى قاعد ادق واقول لهم ابي كتالوج عندك او لا

 

[سمسومه]

روحي شركة أبيات شوفي شغلهم روعه بالورق الجدران تحتارين من جمالهم

 

[جبل واره]

حياتي انا مسويته روعه

اسمه معجون رخامي بس انا اخذت لونه الرمادي اللي يميل للبيج مع السلفر ...

بس غالي ....شوي ....سويت صالتي والممر والموزع طلع علي 1200 دينار من اصباغ همبل
-----------------------------------------------
----------------------------
---------------

 

[PaRaDISE^]

رد : صبغ جديد

صااااجه شركة ابيات روعهـ

 

[fgkrozar]

هلا حبيبيتي انا قبلك صبغت بيتي بس ماستعجلت رحت كثير لمحلات الاصباغ شفت الوان الصبغ والنوعية وايضا يعتمد على مساحة المكان الي بتصبغينه وايضا سئلت على اخر توع من الاصباغ الي انزلت لاتستعجلين تقريبا انا ضليت حول شهرين وانا اروح محلات الاصباغ

 

[صاحبة السمو الملكي]

اوف 1200 لممر وصالة بس

 

[السيده شوكه]

هذي الصبغه عرفتها من اصباغ الجزيره اسمها المامور على مااعتقد اللي احلى صبغة الفلفيت روحي فرعهم الوحيد في الشويخ قبل مجمع لايف سنتر

 

[غلا جابر]

اختي جبل واره ممكن رقم صباغج

 

[ضمير حي]

انا شايفه نفس اللي وصفتيه باصباغ الجزيره اسمها مرمر وصراحه حلوه وسعرها حلو بعد