صبغت شعري بس اللون الي ببالي + تجربتي بلابلوبيل

q8 nono

New member
إنضم
11 يناير 2006
المشاركات
2,129
مستوى التفاعل
0
النقاط
0
السلام عليكم

شلونكم

و اخيييييييييييييييييييييرا سويت نبو لوك قصيت و صبغت شعري !! و كانت التجربه تقدرون تقولون فلم تشويق و اثارة

تدرون ليش

:eh_s(22):

سمعوا سالفتي

قبل يومين حجزت بصالون لابلوبيل عند صفاء قص و صبغ ...

القصه خليتها على ذوقها بس طلبت منها انها ما يكون وايد قصير و انها تكون على الموضه .. و النتيجه كانت قصتها حليوه !!

و نيي حق الصبغه .. وانا طبعا اووووووووووووول مره اصبغ شعري و كنت حيل خايفه و حيل متشوقه

و وريتها الصبغة الي ببالي و هالصورة قريبه منها



و مثل ماهو واضح بالصورة ان الهايلات ياي على اشقر على بلاتيني و زيتي و و اشقر رمادي !!! و الخصل صغيره كلش و موزعة بطرقة عشوائية و الشعر من الجذور غامج و عند الاطراف افتح علشان اذا طال الشعر و نززلت الصبغة ما يصير الشكل بايخ !!

المهم بلشت بالصبغ طبعا صفاء ما كلفت روحهت بالصبغة كللللللش و الي كانت تسوي لي فلبينيه و الي خصلت لي شعري مغربيه ... المهم قالت ان الصبغة راح تطول 3 ساعات !! و انا خلال هال 3 ساعات قاعدة على اعصابي و متشوووووووقه ابي اشوف اللون علي !! مو مصدقة اني راح اصير شقره و اصير نيو لوك


و عقب 3 ساعات من النطره غسلت شعري خلاص و وقت السشوار يات صفاء تسشور لي شعري واقفه قفال المنظرة علشان لا اشوف و اهي تقول الصبغة طالعه واااااو

و الي يشتغلون بالصالون جم وحده منهم واقفين على راسي يشوفون الصبغة و يقولون يااي كتير طالع حلو و انا ما شفت روحي طبعا لي الحين


يات اللحظه الحاسمه و لاول مره بحياتي اصبغ شعري شفت روحي و انا شقرة ... و لا شنو اشوف






:cxxxp:



شكلي صار عيوز لبنانيه !!!





:eh_s(16):


والله ما ابالغ والله صرت كاني عيووووووووووووووز مع الصبغة .. صابغت لي الارضية جوكلت و الخصل لون زيتي زيتي فاتح و طبعا الخصل توزيعهم مرض كل خصلة شكبرها و موزعه بطريقه مرتبة يعني شكلي اكس اكس اكس


قلتها ان مو عاجبني و اهما بالعكس كتير حلو عالموضه !! المهم دفعت الحساب و قعدت ابجي بالسياره لعنت الساعه الي فكرت فيها بالصبغ والله اني متسحية افصخ حجابي عند ريلي !!

امبي كان شكلي فلللللللللللللللللللللللللللللللللللللللللم

و الله جني كاسرة بيض على راسي و موزعه الصفار على شعري :cxxxp:


ما قدرت انام و كان عندي احلق شعري اهون من الصبغة


اختي قالت لي روحي عند ليلى هارموني شوفي في مجال يعدلونه لج !!

و اليوم الي عقبه رحت عند ليلى هارموني قلت لهم ابي وحدة استشيرها عم صبغة شعري و يابتني وحده اسمها مريم قالت لي اشوف شعرج .. يوم فصخت حجابي بطلت عيونها !!!!! :bbbiu: تقولي حرام شمسوية

فيج انتي شعرج حلو ليش جذي صبغت لج !!! و بسرعه بسرعه ترقع فيني حطت لي صبغة غامجة و النتيجة كانت لا باس


بس الحين كرهت طاري لابلوبيل و ظل بخاطري الصبغة الشقرة !!

و ابيي نصيحتكم متى اقدر اصبغ شعري مرة ثانيه .!.!!!؟؟؟؟ ابي اصبغة اشقر و ابي صالون يضبط الي اللي ابي و ما يخرب لي شعري ؟!؟!



قولولي ترى مالي غيركم ينفعني لاني ماني خبرة بالصبغات و الصالونات ؟!؟!
 
إنضم
31 أغسطس 2008
المشاركات
3,887
مستوى التفاعل
0
النقاط
0
ديري بالج كثرت صبغ الشعر اشقر يقطع الشعر ويخربه

انا مره صبغته وحرمت اني اصبغ مره ثانيه عندي البس برستيج اشقر ولا اصبغ
 

The Boutique

New member
إنضم
12 أبريل 2008
المشاركات
4,255
مستوى التفاعل
0
النقاط
0
الإقامة
في بيتنا P:
صبري الحين بس تقدرين تسوين رينساج يعني تغمجينه شوي كل ماصار اوفر
ترىيتقطع وايد وايد اذا صبغتيه اشقر بعد

وايد تصير فيني هالدقات عادي تعودت ههههه
 

Baby^Bop

New member
إنضم
27 فبراير 2008
المشاركات
2,510
مستوى التفاعل
0
النقاط
0
نطري 3 شهور وروحي لافينوس عند ليلى ماشاء الله صبغتها وااااااايد حلوة للاشقر وما تقطع الشعر باذن الله
 

ice-moon

New member
إنضم
8 ديسمبر 2009
المشاركات
1,372
مستوى التفاعل
1
النقاط
0
الإقامة
الكويت
امبيه انته مثلي بالضبط

توني صابغة شعري بصالون مس ون قرطبه

طلبت نفس لون الصوره اللي عندج بالضبط اشقر رمادي وبلاتيني وكنت حدي متفائلة


وبعد عناء من الساعه 12 ظهر لي ساعه 4 العصر :weight_lift:

كانت النتيجه....:tongue22:

مو مثل ماتوقعت

لون شعري زيتي وخصل ذهبي ماعجبني قالت تزيد خصل البلاتيني وراح يطلع مثل ما انا ابي

قلت لها يله توكلي على الله بس على الله يضبط:eek:

عطتني الشمس بايد والقمر بايد

وطلعت النتيجة العن من اول:eh_s(2):

لو خليته مثل اول احسن:lkmnkl:

لانه صرت حيـــــــــــــــــــــــل شقره من جذور راسي
بس ماشاف السنع خصل مو مرتبه تحسين مو واضحه الخصل عفيسه :eh_s(2)::eh_s(2):

رحت لها بعد اسبوع علشان تسوي ريسانج (مادري اذا جذي تنقال رسانج ، وله لاء )

المهم سوته لي على بلاتيني طلعت افتح من اول وقلبت جذور راسي على البرتقالي

مادري كلش ماحبيته ناس تقول روعه وااو وناس تقول حيل فاتحه شعري ذهبي

بس انا نهائيا مو عاجبني جني شسمه صابغته بحولي او بخيطان كلش مو بروفيشنال

شسوي الحل؟ اصبغه لون واحد؟ او اعدله بصالون ثاني؟:gr4uu:
مع العلم احس شعري محترق اطرافه متقصفه وانا توني صابغته صارلي اقل من اسبوعين؟؟

اشكرج علـ موضوع

وسوري على االإطاله بس بطلع اللي بقلبي
 
إنضم
20 أغسطس 2008
المشاركات
2,932
مستوى التفاعل
0
النقاط
0
جان خليتي الصبغة مع الوقت يتغير اللون
ومع غسيل الشعر يتغير
 

asma_alyousef

New member
إنضم
21 ديسمبر 2006
المشاركات
1,456
مستوى التفاعل
0
النقاط
0
لافينوس ماعجبني شغلهم رحت عند وحده مادري شسمها بس حجز ونطرة وحاله انا ورفيجتي صبغتلي اشقر بزيتي ماكو اسبوعين ولا ماكو اثر حق الخصل الزيتيه صار الللون واحد ..

الي صج صج يعجبني شغلها مريم بالجابريه صالون كل ديور رحتلها عدلت صبغتي وصارت شي ثاني طلع اللون اللي ابالي صج وكان وايد حلو.روحيلها تعدل صبغتج ..
 

ناااني

New member
إنضم
2 ديسمبر 2008
المشاركات
272
مستوى التفاعل
0
النقاط
0
يااااااااااا جماعه مافي احد اشطر من كارمن الي بصالون بنت السلطان نااااااااس موت عليها اول ما تقعدين تقولج اذا راح تصير الصبغه الي تبينها واذا راح يحترق ولالا واذا يحترق تقولج ما اقدر اصبغ وعندها ذمممممممه وسعرها منسب حق الكل
والصبغه الي تبينها اتوقع تسويها لج ما يبيلها تعب اهيا بس تخاف من الشعر الاسود
انا صبغت شعري عنده وحده الله يسامحها وطلعت الخصل برتغالي على الوان تلوع الجبد ثالث يوم رحت عند كارمن خلت صبغتي مو صج والكل يسألني عليها ولو اعرف احط صور جان حطيتلكم الصوره بس ما اعرف مع الاسف انا اقول روحيلها وماراح تندمين وانشالله يصير مثل ما تبين سوري قرقت وايد بس حبيت افيدج
 

ام مضاوي

New member
إنضم
14 ديسمبر 2006
المشاركات
8,547
مستوى التفاعل
2
النقاط
0
الإقامة
Uk
غريبه!!!!!!


انا تجاربي معاهم حلوه
ويطلعوني مستاااانسه مثل ما ابي واحلى
بس طبعا الاشقر قطع ونتف شعري لان صبغت مرتين ثاني مره فتحته اكثر
وفي يوم سويت ويفي بعد الصبغه الثانيه بشهرين
والنتيجه من فير الويفي الكهربا <<<وحرارته خفيفه
شعري تنتف طاح مثل برادة الحديد جدامي وسويت فلم هندي وشبعت بجي
والحين اعابل فيه ابيه يتسنع لان صاير شعر طويل وشعر قصير متنتف

الي تفكر تصبغ عندهم تاخذ كورس عنايه لشعرها <<وعموما اي صبغه مو بس عندهم
انا اخذت بس ماستمريت

وترى اهما صح مايصبغونلج
بس اهي تختارلج الاللوان وتخلطهم
وفلبينياتهم شاطرين وفي مره هنديه سوتلي ايدها تهبل خفيفه
وخصلها مرتبه
 
التعديل الأخير:
إنضم
26 ديسمبر 2008
المشاركات
2,797
مستوى التفاعل
0
النقاط
0
يامعوده ..


ما يتعب الشعر شي .. كثر الصبغه الاشقر ..~


وفوق هذا ولا وحده تجيب اللون صح ..


انا تجربتي بلامود .. لعبت بشعري ..~

قمت ووحدت اللون .. ومابي اشقر خلاص ..
 

:: Diva ::

New member
إنضم
29 يونيو 2008
المشاركات
14,408
مستوى التفاعل
2
النقاط
0
عاد اهم يخورونها مرات
خواتي الثنتين كل وحده دفعت 120
يعني 240
علاج و قص و صبغ !


وحده طلعت واو
الثانيه طلع شعهرا مصدي بس القصه حلوه !!!!!
 

sweet heart

New member
إنضم
12 أغسطس 2008
المشاركات
3,046
مستوى التفاعل
1
النقاط
0
الإقامة
العاصمه♥
ماكو على صالون cutting edge
مستحيل اصبغ عند غيرهم دايما اصبغ عند (ندين) و حدها نصوحه تقولج قبل لا تصبغين شنو بيصير
راح يضبط اللون ولا لا وساعات ماترضى باي شي تقول لا حرام يطيح شعرج مثلا ماترضى تصبغ لج اى لون يحليلها
لو غيرها جان تفكر بالماده و بس..صج اجانب بس عندهم ذمه ..
 

irresistible

New member
إنضم
2 ديسمبر 2006
المشاركات
7,045
مستوى التفاعل
0
النقاط
0
الإقامة
USA
اقولج وين المشكلة الصراحة و من غير زعل الغلط منج و منهم اقولج شلون اول شي دام انج اول مرة تسوين اشقر ثقي و امني ان الدرجة اللي تبينها ماراح تطلع لان الاشقر يي بالتدريج يعني انت اول ما شطح نطح علي طول اشقر علي ثلجي علي رمادي اللون اللي بالصورة يبيلة فترة طويلة عشان ياخذ هاللون لاتنسين ان شعور الاجانب اسااسا فاتحة حيل مو فاتح يعني مثلنا لاااااا غير ثاني غلط الصالون كان لازم ينبهج و يقولج ان اللي تبينة ما راح يصير بس شتقولين اللي يفكرون فية هو الربح المادي و بس يعني مو مهم قالو و لا ما قالو علي العموم اتمني انج الحين تكونين عدلتي الصبغة لان صج تاثر بنفسية الواحد الشي الغلط و اتمني انج تقبلتي كلامي بدون زعل
 

اااريج2009

New member
إنضم
14 يونيو 2009
المشاركات
319
مستوى التفاعل
0
النقاط
0
يااااااااااا جماعه مافي احد اشطر من كارمن الي بصالون بنت السلطان نااااااااس موت عليها اول ما تقعدين تقولج اذا راح تصير الصبغه الي تبينها واذا راح يحترق ولالا واذا يحترق تقولج ما اقدر اصبغ وعندها ذمممممممه وسعرها منسب حق الكل
والصبغه الي تبينها اتوقع تسويها لج ما يبيلها تعب اهيا بس تخاف من الشعر الاسود
انا صبغت شعري عنده وحده الله يسامحها وطلعت الخصل برتغالي على الوان تلوع الجبد ثالث يوم رحت عند كارمن خلت صبغتي مو صج والكل يسألني عليها ولو اعرف احط صور جان حطيتلكم الصوره بس ما اعرف مع الاسف انا اقول روحيلها وماراح تندمين وانشالله يصير مثل ما تبين سوري قرقت وايد بس حبيت افيدج



أنا معاج صج صالون بنت لسلطان ممتازة كارمن وتنصح من قلب
 

q8 nono

New member
إنضم
11 يناير 2006
المشاركات
2,129
مستوى التفاعل
0
النقاط
0
يعني طلعت مو بس انا الي اعاني ؟!؟!؟! :gr4uu:


و الظاهر لابلوبيل شغلهم على مزاجهم الي اشتهوا يضبطون و الي اشبعوا طقاق احنا و شعورننا ؟!؟!:eh_s(4):

و بعلق على irresistible ترى البلا مو لون شعرنا ان غامج البلا من شغل الصالون نفسه يعني الاجانب او صالونات برا مو مثل هني !! و بدليل كلامج ان االلون الاشقر ما يضبط فجأة من اول صبغة .. انا تروالي لو رايحة انا اردى صالون بلبنان و الا دول برا جان نصحوني بلي ينفعني .. و على فكره وايد و الله ماكثرهم الحين الي يصبغون اشقر بلاتيني خالص و شعرهم اسود مني و ضبطت معاهم الصبغة !! والله يوم رحت ليلى هارموني شفت وحده صابغة شعرها اشقر بلاتيني مثل الباربي و جذور شعرها سوده !! مثل ما قلت لج اهو عالي تشتغل على شعرج و مثل ما ذكرت ان المشكلة ما كانت بس اللون حتى توزيع الخصل لوووووووووووووووووعه لوعه لوعه

و الله الحين ببالي يا ارده اسود مثل قبل يا اصبغه اشقر بلايتيني بس اااااااااااااااااااااااااااااااااه يا قلبي حطموا احلامي هاللابلوبيل :krkrkr:
 

^^ ريان^^

New member
إنضم
11 مارس 2005
المشاركات
739
مستوى التفاعل
0
النقاط
0
العمر
21
ياربي اكرهه هالصالون
صفاء نفس شينه علي شنو
صبغت عندها وطلع الصبغ مو اللي طلبته نهائيا انا طلبت بني فاتح الارضيه والخصل شقر
صبغتلي زيتي شكوووووووووو لا والخصل شكبرهم بلعت الصدمه وسكتت لانه عرس اخوي بعد يومين وما في مجال اغامر
لا وقالت بسويلج استشوار مجانا اثاريها يايبه هنديه تدربها علي راسي نتفت شعري جان اقوم واخذف الرول واطلع
 

• MuFFiN •

New member
إنضم
17 يونيو 2008
المشاركات
3,779
مستوى التفاعل
0
النقاط
0
بنات نصيحه مني اللي يبي الاشقر يروح لافينوس عند ليلى وعن تجربه والله الكل يسألني عن صبغتي

وماشالله ما يتعب الشعر وايد بعدها واللوون يطلع نفس ما تبييين والخصل ضعيفه مع الشعر صج تطلعين وانتي راضيه

وشكـــــرا .. :)
 

q8 nono

New member
إنضم
11 يناير 2006
المشاركات
2,129
مستوى التفاعل
0
النقاط
0
شكلهم ما عندهم الا الصبغ الزيتي طايح بجبدهم بتخلصون منه على شعورنا ... اصلا انا دشيت الصالون و لاااااااااااااا وحده صبغة شعرها حلوه او حتى عاديه كلهم صبغاتهم تييب اليهد و هم زيتي !!

انزين وين صاير صالون لافينوس وايد يمدحونه ؟؟؟ و محد سمع بصالون نينار ؟؟؟؟ مره شفت وحده سألتها عن صبغتها قالت بصالون نينار و كانت صبغتها شي شي تينن
 

• MuFFiN •

New member
إنضم
17 يونيو 2008
المشاركات
3,779
مستوى التفاعل
0
النقاط
0
^^^


نونو لافينوس بعد دوار البدع البرج الاخضر بس اشطرهم ليلى واختها بعد