صبرت بس الحين ما اظني اصبر

[Hello_kitty]

الله يكون بعونج ويفرج همج ويعوض صبرج بكل خير وفرحودنيا حلوه يارب

جم مره اقرى لج ردود تعورين قلبي خاصه لما ذكرتي ان كل يوم تتفطرين من مطعم ما عندج مطبخ تطبخين فيه

استغربت ليش متحمله هالضيم وعلى شنو تضيع سنين عمرج مع واحد ظالم حسبي الله ونعم الوكيل فيه لكن اجرج وصبرج عند الله ما يضيع

بس ابي اسال الوالده ليش ردت عنج خطاب وايد ووافقت على زوجج مع ان ما فيه اي ميزه؟

ومن لهجتج اتوقع اناي مو كويتيه عدل يمكن عشان جذي ظروفج اصعب شوي ومتحمله هالوضع

استخيري حبيبتي خاصه احنا برمضان شدي حيلج بالدعاء ان الله ينصرج ويخلصج من هالهم ويعوضج وسبحان الله تشوفين امورج اشلون كلها بتتيسر

طمنينا عليج

 

[خالف تعرف]

اي وبغيت اقولج شي الاستغفااااااااااار كنز مايعرفه اله الي يجربه انوي بقلبج بالي تبينه واستغفري وايد وايد مثلا وانتي صاعده الدرج استغفري مع كل خطوه وبالنزله نفس الحركه وانتي بالسياره بالطريج استغفري
وشوفي الابواب من وين بتنفتحلج سبحان الله

 

[زوجة عزيز]

الله يعينج يارب ويفرج همج
ليش تبين تحملين منه انتى بروحج ومو قايم فيج تبين عيال بعد تنربطين فيه ويتاذون - لو ريلج ماعنده عيال كان قلت ممكن اذا جاله عيال بيتعدل بس الريال عنده كوكش عيال يعنى مو فارق وياه ولا هموه العيال
انا مادرى عن ضروف بيتكم وهل فى مجال تردين بيت اهلج وتعيشين مرتاحه عندهم او لا ؟
حاولى تاخذين حقوقج كامله منه وبعدين ليش قاعدة بالبيت شوفيلج وظيفة او شغل عشان تعتمدين على روحج وعقب لاصار عندج مصدر رزق هنى تقدرين تهدينه وتعيشين بروحج[/QUOTE بيتنا ابوي متوفي وامي يوم اللي قلت لها بارجع لاني باتطلق قامت خذت سريري يديد وعطت ولد خالتي وقالت مانبيج اتيينا كفاية علي اخوانج الصغار وفوق ذي مسوية لي سالفة ودخلتني مركز شرطه لانها صايده عند اختي تلفون واختي قطت سالفتها علي وقايلة في المركز انها ماتبيني اروح لهم والله ان المركز موقعيني اوراق ان ما ادخل بيت ابوي انا في البداية رفضت اوقع وكنت اتصل حق عزيز لانه كان معاي لكنه رايح يسولف معا الشرطه لانهم ربعه وقافل تلفونه وتالي الشرطيه اصرت الا اوقع ومن غبائي وقعت وانا ما احاجيهم من سنين ولا اروح لهم وحالفه ما ارد لو شيصير وفي شيخ دين نصحني انه اخذ نصيبي من بيت ابوي وحتى الشرطيات كلهم مستغربين من اللي سوته امي حسبي الله عليها دنيا واخره ولا باسامحها حتى لو تطلقت مو راده بيت ابوي لو شيصير باخذ لي شقه بس ماعرف اشلون لاني انا مو موظفه وهاذي اللي مصبرني على هالشيبة :eh_s(2)::eh_s(2):

 

[زوجة عزيز]

الله يكون بعونج بس ترا انتي ظلمتي نفسج مع واحد شكبره بوايد

وفوق هاذا مايبي يهال ولا اسلوب ولا معامله شلي حادج تعيشين عنده

استخيري ربج وشوفي شنو بيصير وفكري واايد واخذي بشور اهلج يمكن يساعدونج

بس انا عندي سؤال انتي كويتيه ولا لأ ؟؟

لا الغاليه انا بحرينيه ومشكوره عمري على الرد الله يجعله بميزان حسناتج

 

[زوجة عزيز]

مشكووووووووووورين كل حبيباتي اللي ردوا واللي ماردوا يزاكم الله الف خير وقفتكم معاي ماراح انساها طول عمري وفلنتينو ماقصرتي الغاليه خالف تعرف انا بديت استغفار طول اليوم وبنات ترا انا مو كويتيه بحرينيه وسامحوني مارديت عليكم وحده وحده والله مفتر مخي منه يومين ماقدرت انام وكله بجي عيوني تنفخت والله

 

[سكوتي بذوقي]

حسبي الله ونعم الوكيل

ليش ماخذه واحد كبر ابوكِ ولا اكبر

اختي الغاليه كلمي أهلك يتصرفون معاه

بنات الناس مو مذله

الله يكون بعونك ويريح بالك يارب

 

[Maaax]

الله يعينك حبيتي والله يصبرك اهو لو ريال صج ما سوى كذا

 

[Sweeta Girl]

الله يعينج و يفرج همج :yaaaaaarb:

 

[معلمة شيسمونه]

لاحول ولا قوة الا بالله

ربي ياخذ لج بحقج

انا ما ابي اقول ولا كلمة علشان ما احرشج

لكن لا بيت ولا عيال ولا ريل مثل الأوادم ؟؟؟؟ انتي شناطره ؟
ما تبين تكونين أم ويكون لج ياهل يشيلج بحياتج لا كبرتي ؟؟

ربي يرفع عنج آمين يارب

 

[Sweetq8]

انتي ارخصــــــــــــتتتتتتتتتي نفسج اكييد هو بيرخص فييييج

اسفه لاتزعلين مني بس حددددج بطيتي جبدي

شنو ماعندج كرامه طااايحه بجبد نفسج رضيتي بالذل و الاهانه و ااجذب و حرمانج من العيال

ليييييش وعلا شنو و عشان خاطر منو

واحد ذالج و راخصج و مو صادق معاج

بصراحه ضيعتي عمررررج وربي قهرررتيني

ليش جذي يابنات اتبيعون نفسكم ليييييش

 

[Green tea 93]

عيشه تييب المرض تطلقي وافتكي


خو الزواج فامساك بمعروف او تسريح باحسان قعدي ببيت اهلج معززه مكرمه ولا هالهم اللي عايشه فيه

 

[زوجة عزيز]

البنات اللي قالوالي ردي بيت اهلج هاي سالفتي معاهم ما اكلمهم من سنتين حتى يوم اتصلت حق خالي يوم عن ابو ريلي يوم اقوله قلت له مابي منكم شي ولا براجعه عند احد منكم بس قولوله يطلقني قالي عطيني باكلمه خالي كلمه وقاله لا اتطلقها ماعليك منها ماتعرف مصلحتها انقهرت حدي محد من اهلي واقف معاي وامي ماتبيني ارجع وهاذي سالفتي معا بيتنا ابوي متوفي وامي يوم اللي قلت لها بارجع لاني باتطلق قامت خذت سريري يديد وعطت ولد خالتي وقالت مانبيج اتيينا كفاية علي اخوانج الصغار وفوق ذي مسوية لي سالفة ودخلتني مركز شرطه لانها صايده عند اختي تلفون واختي قطت سالفتها علي وقايلة في المركز انها ماتبيني اروح لهم والله ان المركز موقعيني اوراق ان ما ادخل بيت ابوي انا في البداية رفضت اوقع وكنت اتصل حق عزيز لانه كان معاي لكنه رايح يسولف معا الشرطه لانهم ربعه وقافل تلفونه وتالي الشرطيه اصرت الا اوقع ومن غبائي وقعت وانا ما احاجيهم من سنين ولا اروح لهم وحالفه ما ارد لو شيصير وفي شيخ دين نصحني انه اخذ نصيبي من بيت ابوي وحتى الشرطيات كلهم مستغربين من اللي سوته امي حسبي الله عليها دنيا واخره ولا باسامحها حتى لو تطلقت مو راده بيت ابوي لو شيصير باخذ لي شقه بس ماعرف اشلون لاني انا مو موظفه وهاذي اللي مصبرني على هالشيبة

 

[مــلاك]

عسى الله يعينج ويشيل الحزن من قلبج حبيبتي كافي اللي ضيعتيه من عمرج ومافي ولا شي يشجع عالاسمترار معاه انسان مايقدر وظالم اهو عنده عيال ويحرمج منهم!! اشتغلي وامني لج دخل شهري وافتكي منه واذا عالاهل مهما يكون ارحم من لعيشه معاه يعني لسان طويل ومايصرف ومايبي عيال ومافي بيت مافي ولا سبب يخلي الانسان حتى يفكر بالاستمرار معاه لاتضيعين شبابج معاه الله كريم ويعوضج باللي احسن منه

 

[نونو العصله]

الله يعينج ويصبرج
ويفرج عليج انشاء الله

الريال ما يتعاشر و من حقج يكون لج عيال

الله يرزقج يا رب

 

[nora2011]

حبيبتي اشتري رااحتك

والله من قلب تعاطفت معك

يعني انتي و انتي تكتبين الموضوعما كتبت

و لا حسنه له وش اللي يخلييك متمسكة فيه !!!

ماشالله علييك انسانة جدآ صاابرة

و انتي الله يهديك تنازلتي كثيير

و اللي بيتنازل مرة بيقضي كل حيااته تنازلات

الله يكتب لك اللي فييه الخيير

 

[nora2011]

نسيت اقولك علييييييييك بالاستغفار

استغلي هالشهر الكريم و ادعي واستغفري كل الليل

عسى الله يسخره لك و يهديه ياااااااارب

 

[زوجة عزيز]

مشكووورين بنات كلكم فديتكم كلكم وحدة وحده وبانتظار الغاليه فوفو22 عساني ما انحرم منكم

 

[البارونـه]

حسبي الله ونعم الوكيل ><
حبيبتي اول شي مثل مااهلج دخلوج مراكز الشرطه ارفعي عليهم قضيه وطالبي بحقج ببيت ابوج وحطي لج اكبر محامي فالبحرين بس الشايب لايدري عشان ماياخذ حقج :eh_s(14):
ولازم تشتغلين وحاولي حتى لو زوجج مارضى لان هالشي بيساعدج وايد
بـ جي راح يكون عندج فلوس ! بعدين طلبي الطلاق واشتريلج شقه..
واكثري من الدعاء في هالشهر الفضيل عسى الله يفرج همج ويعوضج عن كل الي شفتيه

 

[جولينار]

ياعمري يازوزو


ماادري وش اقولك


هذي حياتك بين ايدينك والحل عندك يا تكملين يا تنفصلين


ورايي قد قلت لك اياه


مااملك غير الدعاء الله يفتحها عليك مع هالشهر الفضيل من أوسع أبوابه

 

[رتو الكيوت]

ترا مالله حادج ياعمري زوج بداله عشره !

وانا اقرا اقول الحمدالله ابي اشوف حسنه اقول المسكينه صابره عشان جيي ولاحسننننه !!

صراحهه انيت غلطانه ساكته العمر واااحد ليش اقضيه ويا واحد جي ؟


الله يفرج لج من عنده