صاير لي شي غريب (حبوب تحت الجلد)

[حواء الكون]

بنات صاير لي شي غريب وابي منكم نصيحه او حل بليز لاتطنشوني الله يخليكم محتاجه رايكم

انا ويهي مافي شامه ولا شي صافي يعني

وبمره بدون مقدمات شفت على خدي اليسار نقطه سودا دقيقه جنها شامه !

طنشت الموضوع بعدها هم صار على خدي الثاني طلعوا اثنين اللي يشوفها يحلف النقطه الدقيقه هذي شامه حقيقيه والمشكله صارت مع الايام تحت الجلد حاولت اطلعها بأبره ماقدرت ثابته ماتتحرك طبعا هالكلام من اكثر من سنه

والحين هاليومين طلعت لي نقطتين عالانف بس لونها على رمادي !!

وايد صكت فيني الدنيا علما اني سويت تقشير من قبل اخاف يكون سبب

بس اهي النقط دقيقه بس ما ابيها ابي اشيلهم اشلون ؟ لانهم مو خلقه فيني طلعوا جذي فجأه

وين اروح ابي دكتور يعالج هالمشكله ترى وايد مهمه عندي لاتظنون عادي ومشكله سخيفه ابي اعالجها

ابي دكتور جلديه يطلع لي اياهم من على سطح البشره

قولوا لي وين اروح ؟

علما اني اتعالج عند دكتور بوحمرا ما ادري اذا ممكن يعالجون لي المشكله هناك او مستحيله ؟

بليز شوروا علي شسوي

 

[supermarket]

رد: صاير لي شي غريب

روحي بوحمرا وساليه عنهم

اكيد بيعرف اذا شامات والا دهون مثلا تحت الجلد

 

[حواء الكون]

رد: صاير لي شي غريب

هذا اللي فكرت اسويه بس اهي مو شامات مايصير تطلع فجأه اهي تكون خلقه مع الانسان !

 

[عرووووس الكون]

رد: صاير لي شي غريب

والله ماادري ياحوا بس روحي دكتور جلديه

وبسالج بوحمرا انتي تسوين عنده ليزر ولا شنو واسعاره حلوه ولا غاللللي ؟

 

[حواء الكون]

لا انا اتعالج من اكزيما بالدم معاي

اسعاره يعني مو وايد غالي

 

[sKyLiTeGirL]

حبيبتى حواء الدكتور اهوا اللى بيفيدج

وبالنسبه للشامات ترا عادى تطلع بس مو بكثره يعنى مو شرط من الولاده

 

[SeNyOrA Q8eYa]

حبيبتي حواء موشرط الشامه تطلع من الولاده لاعادي انا ايدي ماكان فيها واطلعتلي بعدين شاااااامه عاااااااادي ماتخافيش..

وسألي الدكتور احسن