صاير بيني وبين زوجي شي غريب

[عذوب79]

بنات مدري شنو صاير فيني


اذا دخلت زوجي البيت احس بضيقه وصدري يعورني واصير نار


كبريت لو يقولي اي شي اتخانق معاه


قبل لا يدش البيت او اشوفه اكون ولهانه عليه واتصل فيه واستعجله وبس اشوفه ينقلب حالي

حتى الفراش ماووووووووووواطن وبالغصب والمحايل واكثر الايام اتهرب

زوجي ساكت وصابر من غلاتي عنده هالحاله لها شهرين

من سكنت شقتي الجديده عند حماي مادري احس اني مغموته وابي ابجي خاصه حزة المغرب

مادري شسوي مادري وين اروح والمنو اشكي

امي خوافه حيل وختي حامل مابي اخرعها

المصيبه صرت اشوف شغلات بغرفة النوم والله يا بنات وراس وليدي اني بستخف

تعبت من هالحاله مادري شنو اسوي

هالشي اول مره يصير بيني وبينه خايفه الرجال يزهق مني ويكرهني

صاااااااااااااااااايره نفسيه

دعواتكم بنات اللي مرت بهالحاله لا تبخل علي بالحل

 

[مرقووقه]

حطي سوره البقره دايم بشقتج


وغسليها بماي مقري عليه


واذا ما ارتحي طلعي منها اريح لج

وما عليكم شر يارب

 

[اجمل حكايه]

عليج بسورة البقره وارقي نفسج
اوو غيري شقه
الله يعينج

 

[غلا ماجد]

حطي قرآن و اقري ع نفسج

 

[قلبي سلومي]

نفس كلام البنات
الله يشفيج

 

[عذوب79]

الشقه ؟ قعد سنه يقنعني اسكنها ماعتقد بيرضا نطلع منها يبي اخوه

قصدكم اللي فيني منها ؟؟؟؟

يجوز

 

[tmtmt]

شغلي القران على طوول حتى وانتي طالعه
وواهم شي سورة البقره
وان شاءالله خير

 

[دنيا رديه]

والله انا كنت اعااني مثل ماتعانيين ومرات ابجي مع نفسي من غير سبب
حتى قمت ماحب انام بغرفة النووم ماحبها كلشش
والله جنج قاعده تكلمين عني لووووووووووول

انا قمت اشغل سورة البقرره
وحطيت بزوايه الشقه ملح مقري
وقمت ارش على الفرااش ماي مقري عليه

بس هم الشي فيني تجيني ضيييجه غير طبيعيه وتحسين غصب عنج


الله يعينج حاولي تروحين لمطووع يقرا عليج يمكن فيج مس او بزوجج مس

او اخذي فانيلة زوجج بس تكون فيها من عرقه يعني معرق فيها ونقعيها وتسبحي فيهااااااا صج ترا

 

[عمرى شقا]

حبيبتى هذى عين الله يحميج منها ... شوفى من دش شقتج وزارج فيها من سكنتى إذا عددهم قليل وتقدرين تجمعينهم بعشا أو قهوة العصارى

وعقب مايتقهوون أو يشربون ماى أو عصير أخذى القلاصات والبيالات وفناجيل القهوه وحطيها بجدر أو سطل وحطى عليهم ماى وغسليهم

وعقب إخذى الماى وتوضى فيه وتسبحى منه ورشى بالزوايا وعلى الارض هذا أول شى وخلى آية البقره تشتغل أربع وعشرين ساعه

بالبيت ولو تقرينها انتى أحسن وعقب ماتخلصين انفخى على قلاص فيه ماى واشربى واغسلى وجهج ,,, وماعليج شر إن شاءالله

 

[عذوب79]

عمري شقا الله يوفقج وين مارحتي فهمتيني شنو اللي صاير ومرقوقه وغلا ماجد واجمل حكايه دنيا رديه وتمتم فديتكم

بنات بقولكم شغله مرت حماي ماتحبني انا شاكه فيها مع انه علاقتي حيل زينه معاها بس في شي يخليها مانواطني مع اني ماسويت لها شي

 

[فديت من يشبهني]

الله يعينج وبفرج همج ..

نصيحتي .. شغل سوره البقره يوميا ..
واذا طلعتي حطهيا ع قناه القران وشغليها ..

واشتري ماي مقري ورشي زوايا بيتج واشربي منه دايم .. ينشرح خاطرج..
واذا حامتج تكرهج ... ديري بالج منها .. وتحاشيها .. بعض الحريم في قلوبهم حقد

واذا صعب الامر ويااج مالج .. الا تطلعين منها ..

والله يفرج همج باقرب وقت
تحياتي

 

[فديت من يشبهني]

الله يعينج وبفرج همج ..

نصيحتي .. شغل سوره البقره يوميا ..
واذا طلعتي حطهيا ع قناه القران وشغليها ..

واشتري ماي مقري ورشي زوايا بيتج واشربي منه دايم .. ينشرح خاطرج..
واذا حامتج تكرهج ... ديري بالج منها .. وتحاشيها .. بعض الحريم في قلوبهم حقد

واذا صعب الامر ويااج مالج .. الا تطلعين منها ..

والله يفرج همج باقرب وقت
تحياتي

 

[عشق موالي]

نفس الحاله مريت فيها اول سنين زواجي كنج تتكلمين عني حتى نص الليل اقعد ابجي

وبدون سبب ومن ادخل شقتي احس ابضيقه وتعلجت عند شيخ يعالج بالقران والحين صرت احسن من قبل

داومي على قراءة سورة البقره والله يفرج همج

 

[عذوب79]

والله حاسه ان هالسكن بداية مشاكل بيني وبين زوجي الله المستعان

 

[!الجادل الصعب!]

لا تتشآئمين والجئي للقران ولا تدخلين بدائرة الحسد والعين ..

شغلي البقره واقري على نفسج والله يعينج ان شالله ..

 

[حبـ admant ـك]

حطي قرآن دايما
والله يوفقج ويبعد عنكم عيال الحرام

 

[SKY123]

اشكره مسحوره. حاطين لج سحر عشان تكرهين زوجج
روحي حق احد يقرى عليج.

 

[ملوكة الامورة]

لا يابنت الحلال تعوذي من بليس نفس الاعراض الي جتني وقعدت سنتين اعاني وفي الاخر طلع عندي اكتاب لا تخلين نفسك وروحي لدكتور كل ماكتشوفة بدري يكون احسن وعلاجة اسهل

 

[chcoq8]

الله يشفيج حياتي والله كسرتي خاطري
اقري القران وشغلي صوره البقره يمكن تكون عين

 

[عذوب79]

ماعتقد اكتاب انا زي الفل مع نفسي وغيري

بس يركبني هم وغم اذا شفت زوجي اقولكم احس بعوار بصدري وطابوقه تصير فوقه

بشعل البقره واقراها