صالوون حنان دشتي بستكي دخلووو

[كااات]

مرحبا

أنا ان شاء الله بعرسي بروح لبستكي ، وحجزت غرفة بنفس الفندق ، المهم قالولي ان نظامنا تغير وعااادي متى ماجيتي الدور بالارقام يعني نتصل عليج اذا جا دورج
العراايس والبنات الحلوين اللي عندها معلومه بهالنظام لا تبخل علينا ،، لاني احااااتي الفوضى ومن سبق ولبق
سلام :eh_s(8):

 

[beren saat]

ماعنــدي فكــرهـ

اب لعيـونج

 

[حصوص الكويتية]

انا بروح حق بستكي حق عرس اخوي

اول مرة اجربهم

انا دايما اروح اللي بحولي

 

[بيه ويه]

الله يوفقج ان شاءالله والله ما عندي فكره
وحاطه بالي يا رشا شيك ويا بستكي
شلون طريقه الغرفه و ع جم حجزتي عندهم وجم حجز الغرفه

 

[ام زينه المطيري]

غيرو طريقه صح بس يمشون بدور بس اذا جيتي مبجر تخلصين يعن الغرفه بس ترتاحين فيه وتلبسين ومكياج تحت بس والله حلو خاصه امل كل العروس احط عنده لاتروحين غيرحنان والله حلو ولي موعروس خوات المعرس توه عرس اخوي حطيت حولي عند حيات يهبل معنا خواتي ريحن عند ليلي هرموني ولا شي بس شعر حلو وعس الله يوفق الجميع

 

[طهر الغيم]

حبووبه غيرو النظام بحيث إن ما يسوون لج مكياجج وشعرج فوق ب الغرفه

لكن تحجزين غرفه لج ترتاحين فيها

شوفي حبوبه بقولج عن تجربه مع بنت عمي ،، كنا عندهم عالـ 10 ونص اول شي رحنا للفندق حجزنا غرفه بـ 50 دينار
ونزلنا للصالون وعطيناهم فواتيرناا وقالو العروس مو ألحين بنبلش فيها بس الباقي لو تبون ألحين تبدون .,

صعدنا فوق ريحناا والعروس تسبحت فووق بالغرفه وعقب ما تغدت نززلت للصالون
استشورت شعرها وحطولها كريم الجسسم وصعدت فوق مره ثانيه ،، العصرر رجعت نزلت لهم مره ثانيه وبلشو فيها مكياج عقب صعدت للغرفه وصوورت بغرفتها كانت جايبه تبااديل صورت فيهم ،، بعدين نزلت طرحتها وسوولها التسريحه .. لما يبلشون في العرايس ب التسريحه يكون الصالوون خفيييف حيل بس أهل العرايس

وبس صعدت فوق ولبست بدلتهاا وتبخررت وطلعنا من الصالوون للقاعه

 

[بحـةةِ غيـآبِ ≈ ™]

^^

ما قصرت طهر الغيم

 

[عمة الورد]

بجم شغل العرايس عندهم ؟

و عندهم حمام عطوور ولا لا ؟

و بنات ابي اعرف متى احجز الحين ولا متى ؟؟

 

[KOKO_284I]

ما عندي فكره بس اب لعيونج

 

[يالبيه 17]

ماعندي فكره

اب


اب

 

[بيه ويه]

اب اب

 

[إلشآمخة]

صح تحجزين بس بنفس اليوم على حسب رقمج
يعني الاولويه للارقام الاول فتعآلي مبجر - مآتضمنين بعد

والله يوفقج​

 

[حطمۈكہ يآقلبي]

ياقلبي انتي
اهم ع حسب اللي يجي بالاول ..
صــج لويــه
انتــي نفســي حاجزه غرفــه بالفندق هم علشان اصور فوق واخذ راحتي فوق من ازعاج الصالون
واللي تقول جم انـــا 300​

 

[نــجــود]

أب أب أب ​

 

[عنود العجمى]

اي حبيبتي بالارقام شغلهم لا يعلي علي

 

[Miss Eteket]

مآدريُ عن هآلنظآم ..~

 

[!witcha!]

الي مو حلو بالصالون ياخرووون العروس رفيجتي طلعوها 10 و نص تخيلووو !!! وصلت القاعه 11 وشي

 

[beren saat]

^
صح رفيجتي اخررووها بعد حيييل

انا عشان جذي متردده بالصااالوون

 

[كااات]

:eh_s(17): فديتكم مشكووورين عالرد ورفع الموضوع ، صالون حنان دشتي حلو وخااصه للعرايس

بس المفروض يكون مستواه وتعامله مع العرايس ارقى من جذي ، على الاقل يحطون جنااح

للعرايس بسسس مو فوضى وحوسه واللي تصور اللي تاكل اللي تمشي وتطل بوجهج

عالعموووم الله يوفقنا ويسهل أمورنا