صالون لابلوبيل(شنكول)

[daloola]

السلام عليكم

شلونكم بنات ...بليز جاوبوني باسرع وقت عشان الاسبوع الياي بطلع من النفاس
عندي استفسار حق صالون لابلوبيل

1. من فيكم جربته؟
2.شلون شغلهم؟
3. منو احسن وحده حق قص وصبغة؟ (شنكول والا صفاء)؟
4.شنو جنسياتهم؟
5.مكانهم زين عالشارع؟ والا يخرع مقلقص؟
6. جم رقمهم؟


مشكووووووووووووورين وايد

 

[حليوه]

دلوله وعليكم السلام ورحمه الله وبركاته
مكانهم مايضيع انتي دقي عليهم واهم يوصفولج لاني انا بالوصف عجيبه حدي ..
شغلهم حلو ومضمون وصفا حلو قصها وصبغها وعلي فكره لاحظت صبغهم ناعم عالشعر مايخربه..بس ترا اسعارهم غاليه
ورقمهم 5661867

 

[أشكي فراغ العاطفة]

تبين الصراحة آنا مجربة شنكول التركية في صالون لوريزون في الشعب البحري وقصها كلمة روعة شوية عليه وموغالية قص وسشوار ب 12 دينار وماشاء الله ايدها خفيفة بس الصبغ ما جربته وهذا رقمهم 22635762

 

[daloola]

مشكورين ماقصرتوا

 

[منارة الإيمان]

حبيبتى نصييييحة .. انا عن نفسي ما حبيتهم كلش ..أولا نفسيات كأنهم نازلين من الفضااااء مساكين .. ثانيا أسعارهم بالعلالي .. مادري على شنو ؟؟!!

وأنا واااايد أمدحوهم لي .. على الطل .. الصراحة لا قص ولا شئ .. شفت بعيني موقف ما أنساه عندهم .. والله على ما أقول شهيد ..
وبعدين اذا أنت مو دفيييييعة .. ما يديرون لج بال ولا يهتمون فيج .. ما أدري لييش مع أنج دافعة فلوس حالج من حال غيرج ..
يعني تقعد تعرض عليييج أشياء عندهم بأسعار خيالية وأذا ما شريتي منهم .. سوولج الشغل أي كلام .. أنا ما حب هالأسلوب ..

 

[مدام فستقه]

انا ما جربتهم
رفيجاتى مجربين شغلهم
صفاء ما يمدحونها وقصت شعر رفيجتى جهه طويل وجهه قصير ما خلته متساوى
وشنكول يمدحون شغلها بس عن الاسعار يقولون عنها غاليه

 

[MoonDiamond]

محد يعرف يصبغ بالكويت.. كلهم يحرقون الشعر

 

[Fatima]

انا لما طلعت من النفاس غيروا شكلي والي سوت لي مدام ايمان
وايد حلو شغلهم والحين رديت سويت جذور بس السعر لج عليه

 

[يازيين بختي]

شغلهم زين بس صرااااااااااااااااااااااااااحه اول مره اشوف صااااااااالووون كل روحه سعر غييييييييييير يعني اليوم 20 باجر عاادي 30
انا كنت اروح عندهم بس ماااقمت ارووح لاني ماااحب النصب

 

[أحبه موت]

حبيبتي تبين الصراحة انا كنت زبونة دايمة عندهم من أول مابطلوا صالونهم حتى الاستشوار كان على 7 دنانير بس تبين الصج هالصالون نصب واحتيال عيل من 7 دنانير خلوا الاستشوار 12 شالبوق ولا على بالهم احنا الكويتيات عادي عندنا ندفع ومانهتم بالسعر اوكي استشوارهم وايد حلو بس في أماكن وايد يسوون شعرج حلو ويضبطونه لج بس مو بهالسعر انا عن نفسي ماقمت اروحلهم لان مااحب النصب وانتي كيفج يمكن ترتاحين لهم هذا شي راجعلج واذا تبين رقمهم 25635572 أو 25635770

 

[د.شريفة]

انا سمعت ان صفاء
وان شاءالله يفيدونج البنات

 

[Alesar]

ما اعرفهم بس حبيت ارفع الموضوع

 

[بسبوووسه]

انزيين رشحلوونه و حده زيينه

 

[vooom]

انا قبل 6 اشهر رحت لهم مع خالتي انا شعري بلياج كنت مسويته عند سيبيل الي سافرت وماردت
فقلت اخذ البديله وبما ان سمعت ان ايمان حرقت شعر وحده فقلت ابي صفاء قعدت خالتي وطلبت صفاء بعد هذيج مايت لها ولاشي والي صبغت حق خالتي وحده ثانيه صبغها يلوع الجبد يعني تفرق شعرها تشوفين ان الصبغه من البدايه اوكي وشوي شوي تنزل يعني نص راسها جنه صبغه صارلها 3شهور شلون مبين جذور الشعر لون ثاني جذي
وموقف ثاني بنفس هالوقت سالتها عن التسريحه مع تركيب اكستينشن قالتلي 25 مع المكاسر وتخيلي رحتلها وقت العرس يعني بعد اسبوع جان تقولي 35 وانا مستعيله قلت والله يعلني مارحت العرس او اتاخر بس ما اسوي عندهم تخيلي طلعت من عندها وهي كانت تستشور شعري تهاوشت وطلعت

 

[daloola]

الحين الاغلبية معارضين

مع ان كل ما اشوف وحدة صبغتها حلوة تقول لابلو بيل

 

[منارة الإيمان]

حبيباتي .. والله نصييحة اي وحدة فيكم تبي تسوي ميش .. بلياج .. صبغات .. تروح حق سلفانا ألي كانت بوردة الجابرية .. أفتحت لها صالون بالجابرية أسمه سلفانا بيوتي .. الصراحة أسعارها واااايد حلوة وشغلها متقن .. أنا واااايد أرتاح لها وأحبها ..

 

[ba6bo6a1]

ممكن رقم سيلفانا

 

[منارة الإيمان]

حبيبتى هذا عنوانها بالكامل .. والله مو دعاية لها .. ما شاء الله عليها شاااطرة وذويييقة بمسائل الصبغات

سيلفانا بيوتي .. الجابرية .. قطعة 1 ب .. شارع 111 .. عمارة 169 .. الدور الأول .. شقة 6

تلفونها الخاص / 97529755

هي حاليا مسافرة لبنان لمدة أسبوع

موفقين إن شاء الله

 

[منارة الإيمان]

تحذير .. أي وحدة بالصالون تقولج تعالي أسوي لج بدل سلفانا .. قولي لا .. لا تطلبين حد يشتغلج غيرها ما أضمن لج غيرها ..أنا شغلها مجربته شخصيا وغيرها جربناه على بنتي ما عجبني .. مونفس سيلفانا ..