صالون فووج اللي يم شلاويط؟؟ بنات اللي تعرف حق المكياج والتسريحات تتفضل بسررررررعه

[ام كرز]

السلام عليكم


بنات انا بدش بالموضوع بسرعه انا عندي مناسبه قريبه عرس اخوووووووي وابي مكياج روووووووووعه وراااااااقيييي و ناعم شويه ماحب الثقيل ويا تسريحه وين تنصحوني اروح؟

شرايكم بصالون فوج اللي يم شلاويط على البحر؟؟؟


شغلهم حلو؟ ودي اصبغ شعري واقصه تنصحوني فيه؟
ومتا اصبغ شعري واقصه قبل العرس بجم؟؟؟

انزين مكياجهم حلو؟؟؟

بنات انا ملامح ويهي بسيطه وصغيره وويهي بيضاوي يعني بالمكياج الثقيل تروح ملامحي واصير هوووووووووووووووووله

بليز لاتقولون لي حنان دشتي سوني مايكل جاكسون​

 

[ام كرز]

بنااااااااااااات وينكم شدعوه؟؟؟؟؟؟؟؟؟؟

 

[make up]

هاي يا حلوة
اذا تبين انا اقدر اساعدج
لاني أحط مكياج للناس ب 15 د.ك
واذا حابة راح أطرشلج صور رسمات العين

وهذي بعض الصور وانشالله بنزل غيرهم

 

[احلى جيكرة]

انا انصحج تروحين عند ايمان اشكناني حق التسريحة والمكياج عندها وحدة تسوي بفات وويفي وتسريحات الكل سالج عنها روعة شغلها والمكياج ناعم ويهبل والكل يمدحه.....انا مرة رحت حف فووج التسريحة على ماوصلت العرس الا ماكو بف ...انا شعري ناعم وخفيف ومو احد يضبطه هذي تسويه كثيف جنج حاطة بوستيج:eh_s(15):

 

[fife4ever]

اصلا فوج معروف بسريحاته حيل روعه بس غاليه
وهمن القص عند ابتسام

 

[حنون المزيون]

اذا قصدج المشغل اللي يم شلاويط يبيع ملابس سهره ومعاه صالون بصراحه شغلهم رووووووووووووعه
اول شي مكانهم هادي ونظيف وتعاملهم حلو معاج وشغلهم عجيب
اذا تبين مكياج ناعم روحي عند فاطمه والشعر عند بلقيس
بصراحه مابقى صالون بالديره وخبيره تجميل الا ورزيت ويهي عندها لكن مثل مكياجهم ماشفت تحسينه ناعم وراقي بس اخذي كريمج معاج او قوليلهم لاتخلطون لي بس ابي كارولاين
وادعيلي على هالمعلومه

 

[شهدQ]

ناديه الشطي حلووو مكياجها للبنات الي مايصلحلهم وايد مكياج

انصحج فيها

 

[ام كرز]

تسلمون حبايبي ماتقصرون

 

[الجــادل]

فوج حلو شغل ابتسام بالقص والصبغ والتسريحه بس نفسها شوي شينه تغيرت


اما المكياج كانت عندهم جيزيل حلو شغلها بس طلعت منهم