صالون رنيم

[مـــهره]

السلام عليكم


شلونكم بنات



استفسار عن صالون رنيم انا اروح الشرقيه ومادري ليش كرهته وابي اركب اظافر ومغربي شرايكم بصالون رنيم

 

[هيفو777]

الاظافر ماري ماجربهم بس المغربي حلو

 

[نادر هواي]

انا جربت القص .. يهبل واللى تقص السوريه بروفشنال ..

 

[dana1212]

جربت البدكير
حدة حلو ونظيف

 

[أم*سلمان]

ويع يا الشرقيه شغلهم كله يلوع الجبد و حيل طارو شدعووه عليهم

 

[Tame]

رنيم شغلهم حلو
انا جربت البدكير منكير نظيف
وحفاف الجسم يدهم خفيفه
حفاف الحواجب اغلبهم يسوون حلو
واشوف البنات هناك يسون لهم صبغ الحواجب والتشقير حلو

 

[Tame]

وناويه اسوي حمام مغربي عندهم وايد ناس تمدحهم
عموما هالصالون شغلهم حلو ومعاملتهم حلوه بعد

 

[WAAAW]

المغربي اللي ب 25 عند فضيله قوي قوي قوي واااااااااااااااااايد حلو .. عموما شغلهم حلو ...... بس اخر مره رحت لهم بطوا جبدي كنت ماخذه بنتي معاي قالولي مايصير اليهال ممنوع حددددددددي عصبت .. ورحت الشرقيه

 

[خرفنوك بغيآـآبي]

صالون رنيم جربت البديكير منكير حلو عادي ..
بس المغربي كلش مو حلو وربي انا انظف الكرسي من الوصخ لاعت جبدي ..
وخالتي عقبي راحت مغربيهم وتذممه حيل ..
وبالنسبه للصبغ ذاك اليوم بنت جيرانا ورتني صبغتها بني مغغغبر ممن فوق فاتح ومن تحت اغمج شوي
والصبغه جنه مكتوت عليها تراب يوم قلت شنو هذذا قالت صبغته عند رنيم ..
واحسسن مغربي جربته سبا بالافنيو وجوري بالافنيو بعد ..
حبيت افيدج فديتج ..

 

[أبلة فاتن]

رنيم الخالدية الستاف حلو

من جم اسبوع سويت عندهم بديكير منيكير ب 8 وادوات معقمه وشغل عدل

عن نفسي ما اغامر بصالونات خيطان صج فرعين لهم

بس انا اللي اروح له فرعهم اللي بالخالديه جربت استشوارهم حلو بس كل مره تزيد السعر هياط

واشوف الزباين يسوون كل اعمال الصالون

هنديات يحفون ويشقرون والخ

وفلبينات بديكير منيكير

وميك اب وشعر وتساريح

وصبغ وقص كله شفت جدامي

بس اسعارهم ما تعجبني بس اذا بعاود الذهاب للبديكير ومنيكير فقط لوول

وموفقه

المغربي مادري عندهم كنت بجربه بس هونت​