صالون ادواته معقمه للبديكير والمنيكير {{دمج موضوعين}}

[يا ليل مطولك]

السلام عليكم ، شلونكم بنات تقبل الله صيامكم وقيامكم يارب

مثل ما هو واضح من العنوان ابي صالون شغله حلوو للبديكير والمنيكير وأهم نقطه تكون ادواتهم معقمه وجديده

وين القى مثل هالصالوووون

تدرون بنات البديكير والمنيكير شغله حساسه واحيانا يطلع دم فتخافين من ادواتهم الي يستعملونها هالصالونات

ومره شريت عدة البديكير والمنيكير بس لما عطيتها الفلبينيه قالت مو زينه عدتج وما تصلح مع اني لما شريتها مدحتها لي الي تبيع


فساعدوني الله يووفقكم العيد قرب عساكم من عواده وودنا نضبط هالاظافر 

ابي اسم الصالون وتلفونه واسم الي تضبط البديكير والمنيكير عندهم



وشكرا مقدما ..

 

[HeSsaa]

رد: صالون ادواته معقمه للبديكير والمنيكير ..؟

اي والله
رفع
رفع
رفع
رفع

 

[بيض مفيوح]

رد: صالون ادواته معقمه للبديكير والمنيكير ..؟

up up

 

[ما كو اسم]

رد: صالون ادواته معقمه للبديكير والمنيكير ..؟

صالون البيادر يعقم

 

[سالم الروح]

رد: صالون ادواته معقمه للبديكير والمنيكير ..؟

انا افضل اخذ عدتي معاي

اب

 

[حقوقيه زوغه]

رد: صالون ادواته معقمه للبديكير والمنيكير ..؟

انا اروح صالون اظافر بمجمع البستان اسمه ان ستايل وأدواتهم يديده بالجيس يعني انتي قاعده تدفعين فلوس الادوات بس اسعارهم حلوة وخدمتهم مريحه وممتازه وتروحين على الحجز هذا أريح شي وهذا رقمهم ٢٥٧١٩٠٥٠

 

[منار البربرية]

رد: صالون ادواته معقمه للبديكير والمنيكير ..؟

اب اب اب اب اتوقع مافي

 

[بحر الرمال]

رد: صالون ادواته معقمه للبديكير والمنيكير ..؟

والله ماعرف , و انا ماسوي بديكير و منكير بالصالون من سمعت سالفه اللي انتقلت لها عدوى التهاب الكبد الوبائي بسبه ادوات البديكير المو معقمه
اذا ماتبين تسوين لنفسج بالبيت اشتري ادوات من مكان زين مثل بدي شوب او سيفورا و خل يستخدمونهم الصالون

 

[كويتية بروما]

رد: صالون ادواته معقمه للبديكير والمنيكير ..؟

لامود السره
وتبطل لج الاغراض مثل طبيب الاسنان من اكياس معقمه ب10 دنانير ويهبل وحده راقي

 

[AVE.NJ]

رد: صالون ادواته معقمه للبديكير والمنيكير ..؟

لابلوبيل بالشعب

 

[يا ليل مطولك]

رد: صالون ادواته معقمه للبديكير والمنيكير ..؟



جزاكم الله خير كل الي ردواا

بنات انا قررت بإذن الله اشتري عدة البديكير والمنيكير صرااحه أضمن

قبل شريت من نسائم الفروانيه كلش موو حلوين طاحوا بجبدي ، الاخت بحر الرمال ذكرت ادوات بودي شوب او سيفورا ،، تعرفوون اماكن غيرهم

امدحولي عماره الاذينه بالسالميه حق هالسوالف بالاخص محل الجوثن انتوا شرايكم .؟

وبعد ممكن تقولون لي شلون اعرف الادوات الزينه من الخربوطية بالضبط  وبعد السائل الوردي وين احصله ؟


ادري كثررت اسئله بس لاني جد ابي اشتري هالعدة وارتاح وما اوسوس ان شاءالله بالنظافه

وشكرا على مروركم حبيباتي 

 

[مطنـوخهـ]

رد: صالون ادواته معقمه للبديكير والمنيكير ..؟

اي انا ابي بعد

اب اب

 

[krkooora]

رد: صالون ادواته معقمه للبديكير والمنيكير ..؟

مي تايم الافنيوز
نيل ستيشن بالسالميه يم صالون الاء دشتي
لميس سبا بالسالميه ورا الثريا
الشرقيه
نيل فور يو "خدمة منازل"

والله واااااااايد جربت ولازم يكون معقمين ولا ما اسوي اروح صالون غيره

 

[منار البربرية]

رد: صالون ادواته معقمه للبديكير والمنيكير ..؟

انا اسوي بروحي بالبيت كل الادوات عندي :

الجهاز اللي تحطين رجلج فيه اخذته من كارفور ب 8 دنانير

واذا تبينه موجود بماركة شول للعناية بالقدم

وعندج المبرد الاظافر الخشب الطبيعي حلو خذته من صيدلية بوتس


ومزيل الاظافر بعد من بوتس

وفي العده كلها تلقينها بوتس

اللي مقص الاظافر الخاص في بالجمعيات وفي ببوتس

وموجوده ماركة شوول ببوتس

وبعد يلزمج المبرد الي حق الرجل

وكذلك سنفرة رجل اخذتها من بوتس

والدوا الوردي والبرتقالي اخذتهم من محلات ادوات الصالون

موجوده بالرقعي

وما ادري اذا في اماكن ثانيه

وخاطري بس بعلب لان تلعوزت ابي العلب اللي اعبي فيها الدوا

في صالونات حطونه بعلب القطره

وفي اللي مثل صبغ الاظافر ما ادري من وين

جنه من دايسوا ياخذونهم


عدتج اخذيها من بوتس وباقي الدوا البرتقالي والوردي

بسسسسس

موفقه ​

 

[منار البربرية]

رد: صالون ادواته معقمه للبديكير والمنيكير ..؟

بنات سمعت ان الجهاز الحراري اللي يغلف الاكياس عندهم بصالونات

هههه يعني تاخذ ادواتج وتحطهم بجيس جنهم جدد وتنظفهم

لوووووووووووووووووووول وانتي تحبينها جديده معقمه ههههه

 

[خباري مطر]

رد: صالون ادواته معقمه للبديكير والمنيكير ..؟

اي والله بنات حتي اوسوس معاد احط رجولي مره ثانية باي صالون الا بادواتي من عقب ما شفت اللي سوت رجولي يوم نظفت المقراضة اي كلام والاضافر لازقة بالمقراضة وحطتة بالفوطة وحطتة بالصندوق من عقبه عفته بس لازم اسوي اضافري عشان جذي لازم ادوات خاصة فيني اريح واضمن

 

[كويتية بروما]

رد: صالون ادواته معقمه للبديكير والمنيكير ..؟

الادوات محلات الفلبن اللي بالعماره الدوليه بالديره ورا الصالحيه لاتاخدين ست كامل ترا مو شي اخديهم مفرق
والدوا مال الاظافر هم موجود انا اختهم لهني لان ماحب صالوناتهم خلط
موفقه

 

[law love]

رد: صالون ادواته معقمه للبديكير والمنيكير ..؟

ندري انهم مو يدد لكن معقمييين ينحطون بجهاز تعقيم و اتطلعهم و تغلفهم !!
مو معقوله بيستخدمون يدد و يقطونهم كل مره
فيه صالونات انتي منهم تشترين ادواتج و انتي و كيفج تبين تخلينهم عندهم او تاخذينهم و تيبينهم معاج ليه رحتي

وروحي الصالونات المتخصصه بالاظافر احسن

مي تايم بالافيوز حلوو
ان بار بغالريا ٢٠٠٠ وايد تمدحه اختي
نيل تيني بالسره زيين

و دشي على المواظيع اللي انا كاتبتها فيه موظوع عن البدكير و المنيكير خدمة منازل بس شغل عدل
و انصح بنيل تو يو عند جينا

 

[بحر الرمال]

رد: صالون ادواته معقمه للبديكير والمنيكير ..؟

بالنسبه للدوا الوردي انا ماخذته من خيطان بس مو متذكره اي محل اهما عندهم وايد محلات مختصه بالميك اب و شغلات الصالونات, انا طريقتي اعبي السائل الوردي ببخاخ علبه فاضيه و اخر الشاور ارش على اظافر ريولي و انطر 3 دقايق و بعدين افرش اظافري بفرشه البديكير مثل هذي

و حق اظافر ايدي استخدم العصا الخشب اللي اسمها orange stick من بوتس حق ارد فيها اللحم الزائد عن الظفر

طبعا استخدم اشياء ثانيه بس هذا باختصار

 

[يا ليل مطولك]

رد: صالون ادواته معقمه للبديكير والمنيكير ..؟

مشكورين بنات

بحر الرمال ما قصرتي عالصور والتوضيح بس انا ما عرف اسوي لنفسي ابي اشتري العدة والفليبينيه تضبطلي الاظافر

ممكن تذكرون الادوات الي لازم اشتريها وشلون حجمها ومن أي مكان ؟؟


ويعطيكم العافيه 