صار جدامي اليوم: بتوديها المخفر وتتهمها ببوق ذهبها..والسبــب حـدة عجيبـب

[الصعيريه]

رد : صار جدامي اليوم: بتوديها المخفر وتتهمها ببوق ذهبها..والسبــب حـدة عجيبـب

عفيه قلب عليهاا اللي بتظلم المره بس عشان شيره وغيرهاا

ووين امها مآوقفت بنتها عند حدهاا

نااس مآعندهم لاذمه ولاضمير

 

[!الجادل الصعب!]

رد : صار جدامي اليوم: بتوديها المخفر وتتهمها ببوق ذهبها..والسبــب حـدة عجيبـب

يمآآي هذي تخرع ..!

بتروح مخفر عشآن تتبلى بالعشر الاوآخر ..!

آتوقع بس تهددها لان مالها خلق تروح للصآلون .. هع سخيفه والله ..

 

[MoonDiamond]

شهالجبروت؟؟!!!!
يا رب لاتنزع الرحمة من قلوبنا..

 

[UNICORNA]

شوفى حبوبه عندك مثل مصرى يقول

ناس تخاف وماتختشيش

يعنى هى تخاف ولكن ماتنحرج

هى استغلت ان البنت مو كويتيه ولكن هالاشكال الواطيه ماتقدر تسوى ربع هالكلام مع واحده كويتيه لانها

راح تبلعها 100 جزمه

اصلا مايسوى هالحركات الا اللى عنده نقص ويبى يحس انه شى وله قدره وطبعا هى ماتقدر

تحس بهالشى الا مع المساكين

الله ياخذ هالاشكال اللى ماتفرق رمضان ولا بغير رمضان

 

[أم لطووف]

شوفي إلي مايخاف من الله وناسي أ يسوي روحه ناسي إن وراه حساب وعقاب يسوي أكثر من جذي ولا يهمه شهر فضيل ولا صوم ولا أي شيييييييي المهم نفسه وإلي هو يبيه وبس...هذا ربي طامس على قلبه وهواه ونفسه لاعبين فيه لعب يحلل على كيفه ويحرم على كيفه وعنده هو الصح وباجي الناس كلهم غلط وإنه مظلوم مو ظالم....ربي لاتبلانا..

 

[مرتاحه]

ان لله وان اليه راجعون
ليش ما تخاف من رب العباد
ما تخاف انها احلفة باسمه كذب
الله يهديها والله ينصر هذي المظلومه

 

[محبوبه25]

رد : صار جدامي اليوم: بتوديها المخفر وتتهمها ببوق ذهبها..والسبــب حـدة عجيبـب

السلام عليكم ورحمة الله وبركاته

وكل عام وانتم بخير وعيدكم مبارك
وعساكم من العايدين والفايزين:27d66a9c24b146327bf


تخيلوا بنات لوعرفتو السبب ما ادري تضحكون من المهزلة الي وصلت لها بعض الحريم او تندهشون من هالتصرف ومتى بشهر رمضان وبليلة القدر ... او الصمت احيانا يكون ابلغ لانه بعض المواقف مالها اي تعريف او تعليل

خل اقولكم شنو صار معاي اليوم يا محفوظين السلامه

مثلكم عارفين الكل تقريبا قاعد يحوس بالصوالين هالايام عشان نتزهب للعيد ،وانا نظرا لجمعتنا انا وخواتي وزوجات خواني بالبيت فاتفقنا اننا نسوي شغلنا في البيت ،وطبعا اتصلنا بوحده احنا متعودين عليها وعلى شغلها والمسجينه ماقصرت بعد الافطار جتنا ،،،، وما اطول عليكم ولاني كنت ابي اطلع مع اخوي السوق بدت وياي

المهم وهي عندي كان تلفونها يرن فردت والاوحده صوتها كان عالي وقاعده تحاجيها بصراخ لدرجة اني بعض الكلمات كانت واضحه عندي ، وهالمسجينه ترد عليها وتقول لها ( انتا يبي روح مخفر روح انا ما ما يسوى مشكلة )

الزبدة يابنات سكرت التلفون وانا الفضول ذبحني بس للامانه ما سالتها

هي شوي جان تسالني ماما يعرف يقرا انجليزي قلت لها اي كان توريني مسج بتلفونها انصدمت منه
المراه الي كان تحاجيها دازه لها سمج تقول فيه

(( اذا ماجيتي باجر بالموعد والله والله والله لاوديج المخفر واتهمج انج بقتي ذهبي وابهدلج و و و و و و ..........))

سالتها ليش تهددج هذي شنو صاير تدرون شنو ردت علي ، والله انه ردها صعقني

قالت انا اليوم قبل الفطور كنت موجوده عندهم عشان يسوي شيرة وحف حق اختها وامها انا يجي ويسوى حق ماما كبير بس اختها كانت نايمه مالها خلق تقوم فما سوت لها، المهم خلصت المخلوقه شغلها وطلعت تشوف زباينا الثانيين ، تقوم بعد ساعتين دقت عليها البنت تقول لها انتي باجر راح تجين على الموعد تسوي لي حف وجه وشيرة قالت لها مو مشكلة ماما انا اجي فردت عليها اي وابيج بعد تسوي حق اختي الي كانت نايمة حف وشيره ردت عليها المخلوقه ماما انا مايقدر مافي وقت انا يسوى حق انتي بس ، اختي مال انتي ما يقدر لانه في واجد شغل وموعد مع حريم مايقدر ماما .

الا هذي جان تفز بوجها وتصارخ موبكيفج وتهدد وتتوعد اذا ماجت وسوت حقها وحق اختها لتوديها المخفر وتتهمها انها باقت ذهبها وتسفرها .....

المخلوقه بالبدايه ما اهتمت الاشوي دزت لها مسج وهم تهددها ..وكل شوي تدق عليها .. وهي عندي لما دقت اسمعها تقول لها تجين بكيفي ومثل ما ابي وبالوقت الي ابيه وراح تسوين لاختي ولي عاجبج اوموعاجبج والا ......

شرايكم بنات بهالجبروت الي بشهر رمضان الكريم..ولااه بعد بليلة القدر ..تهددها بكل هذا عشان ماحفت اختها ؟؟؟؟؟؟؟؟؟؟؟؟؟:nocommint:

بيني وبينكم هي سالتني شنو اسوي انا ما ابي مشكله ماما هو يشوف انا موكويتي هو يبي يسوى مشكلة حق انا.،،،اختي محامية ردت عليها :لها لاتخافين لاازم هي الي تخاف تدرين المسج الي دازتها هذا راح يبهدلها ويلبسها قضيه ،بس انتي لاتمسحينه واذا هددتج مره ثانية دقي علي وكلميني وانا اوقف وياج

المهم بنات طلعت مع اخوي وبالسيارة بيني وبينكم قاعده اتذكر المسج الا حالفه فيه ثلاث مرات انا تتهمها ببوق ذهبها ، والااخوي مستغرب سكوتي فهو متعود علي اقرق ليمه يصيبه صداع:eh_s(4): ، المهم قلت له شنو صار وللعلم بنات اخوي ولله الحمد وكيل نيابه تدرون شنو قالي. شالحريم الي ماتخاف من ربها خليها تجيني بالدوام وانا اعرف اشلون اوقفها عند حدها .( عاد اخوي بروحه متعقد من الحريم من كثر البلاوي والمصائب الي يشوف عنده بالدوام، وجني زودت العقدة حبتين بسالفتي ):j013::eh_s(22):


شالبنات الله يهديهم ليش متساهلين بالاذيه خلق الله ، اذا بالشهرالفضيل جذي قاعده تسوي عجل بالايام العادية شنو راح تبدع فيه ؟؟؟؟؟
وانا ما اتكلم عنها بس ، انا اتكلم عن بعض النساء الي الظلم عندهم مثل شربت الماي ويمكن اسهل ،،، حرام يابنات واتقو الله

قال رسول الله صلى الله عليه وسلم

اتقوا دعوه المظلوم فإنها تحمل على الغمام يقول الله
:وعزتي وجلالي لأنصرنك ولو بعد حين) صحيح الجامع:117

وقال صلى الله عليه وسلم:
(اتقوا دعوه المظلوم فإنها تصعد الى السماء كأنها شراره)صحيح الجامع:118

وقال صلى الله عليه وسلم:
(اتقوا دعوه المظلوم وان كان كافرا فإنه ليس دونها حجاب)
صحيح الجامع:119

الظلم ظلمات يوم القيامه
ويقول الله في الحديث القدسي ( اني حرمت الظلم على نفسي وجعلته بينكم محرما فلا تظالموا )


لا تظلمن إذا ما كنت مقتدرا * * * فالظلم ترجع عقباه إلى الندم
تنام عينك والمظلوم منتبه * * * يدعو عليك وعين الله لم تنم

الظلم طعمه مر وانا جربته بنفسي ويشهد الله اني يابنات بصلاتي وبقيامي وبصيامي ادعي على الي ظالميني
وصدقوني انا بعيني شفت عدل ربي فيهم ، حتى لو بعد فترة لكن الله ماينسى عبده ، وانتقام ربي كان شديد وفوق ماتخيلت وتصورت صدقوني اللهم لك الحمد والشكر ، الحوبه يابنات انتبهوا


فلا تظلمون ولا تستصغروا الامور بالظلم ، وانتبهوا لا تنامون وفي شخص رافع ئيده في عز الليل يدعو عليج
ويطلب عدله منج ، والله لولا محبتي لكم ماتكلمت . لاتقولين الله راح يغفر لي او بروح اتصدق لالالالالالالا ،
المغفرة واجبه برضا المظلوم ،فتحللوا يابنات خاصه هذه الايام المباركة، لانه المظلوم لسانه ما ينشف من الدعوه في كل مناسبه فمابالك هذي الايام ، وانا مجربه وعارفه

والله ان شاء الله يهديكم ويهديني ويهدي جميع بنات المسلمين

:eh_s(22):

ويله بنات لاتنسون العيدية الله لايهينكم :balo:

ماالت شنوو هذااا اهوا غصب يعني
المرا عندها التزامات ثانيه من قبل
يهال شكلهم الله يعينهم وعجبني موقف اختج فديتهاا شكلها طيبه

 

[Loutes]

رد : صار جدامي اليوم: بتوديها المخفر وتتهمها ببوق ذهبها..والسبــب حـدة عجيبـب

يمممممممممممممممممممممممامي
شالهمجية
بالغصب يعني
خل تروح صالون وتفك عمرها

 

[&& دعاء &&]

الله يكافينا الشر
ناس لا دين ولا اخلاق
توقعي منهم اي شئ

 

[مضاوي 75]

اعوذ بالله العظيم

شنو هالاخلاق الي تذل هالمسكينه على شان شي تافهه ؟؟!

الله فوقها اذا كانت صج ظالمتها

 

[بلسم~]

لاحول ولا قوة الا بالله

حرررررام عليها الظلم ظلمات يوم القيامة

~
~

 

[غرووووور]

رد : صار جدامي اليوم: بتوديها المخفر وتتهمها ببوق ذهبها..والسبــب حـدة عجيبـب

الحمدلله والشكر صج هالمره ماعندها ضمير
ولا إحساس وعبالها هالصالونه عبده لها
ما أقول إلا حسبي الله ونعم الوكيل فيها

 

[أم الغاااالية]

لا حول ولا قوة الا بالله

 

[المطيريه]

رد : رد: صار جدامي اليوم: بتوديها المخفر وتتهمها ببوق ذهبها..والسبــب حـدة عجيبـب

أمبيه مووووووووووصج صايره طولت اللسان مو طبيعيه عند بعض الحريم

ليش يمه هالأسلوب عشان وحده تشتغل حق لقمتها !!!

وين بتروح من ربها حسبي الله عليها

واي شي يحر والله اكو ناس عبالهم إن إهما سلاطين زمانهم وكل شي عندهم مخفر الظاهر متعوده على دشت المخافر !!

الله يهديها

وهالمسيجينه الله يكون بعونها يارب

اي والله صاجه جبروت حده

 

[المطيريه]

رد : رد: رد : صار جدامي اليوم: بتوديها المخفر وتتهمها ببوق ذهبها..والسبــب حـدة عجيبـ

ياربي وش هالافتراء ماتخاف دعوة هاذي المسكينة عليها
وش صار للناس الظلم اصبح شي عادي عند الكثير منهم
يارب رحمتك وسعت كل شئ ارحم هذه المسكينة وانصرها على من ظلمها

في ناس مايحسبون لي باجر

تصرفاتهم مايحسبون حساب ربهم

لاحول ولاقوه الا بالله

 

[المطيريه]

رد : رد: رد : رد: صار جدامي اليوم: بتوديها المخفر وتتهمها ببوق ذهبها..والسبــب حـدة ع

أححح حرام وربي كسرت خاطري

يا ويلها من الله متبطحة و نايمة نامت عليها طوفة و تبي الصالونة

تجيها ع هواها ..

شـ الأخلاق و ين الأحترام .. سبحان الله فيه ناس علبونة سيلانية أو هندية

مايحترمونها .. مايدرون إن الاحترام ما تحدده جنسية ..

والله قلتيها الاحترام ما يتحدده جنسيه

والتربيه الي تحترم الاجناس بكل جناسيهم وملاتهم

لانه الاحترام يطلع الشخص نفسه

 

[المطيريه]

رد : رد: صار جدامي اليوم: بتوديها المخفر وتتهمها ببوق ذهبها..والسبــب حـدة عجيبـب

=$

عفان الله دام آن الحـق معاها لا تخـاف
مـو عشـانه هنديـه ولا آجنبيته آستقـوت عليهـا !! آستغفرالله
خلج معاهـا حبيبتـي تكسبين فيهـا آجر ^^

اي والله الي تخاف هي مو الهنديه

والله لو راحت اشتكت لبهدلتها

بس شنقول بعض الحريم يستهينون بهالموضوع

 

[المطيريه]

رد : رد: صار جدامي اليوم: بتوديها المخفر وتتهمها ببوق ذهبها..والسبــب حـدة عجيبـب

المظلوم له حوبه
الله يهديها

صاجة والله

الله يهديهم

 

[المطيريه]

رد : رد: صار جدامي اليوم: بتوديها المخفر وتتهمها ببوق ذهبها..والسبــب حـدة عجيبـب

صج مو صاحية

شنوو تحس فيه هذي

تبي تدور المحاكم والمخافر على جذبة جبتها وصدقتها ؟؟؟

طولت لسان بس الصجية تخاف من ضلها صدقيني

 

[المطيريه]

رد : رد: صار جدامي اليوم: بتوديها المخفر وتتهمها ببوق ذهبها..والسبــب حـدة عجيبـب

اعوووووووووووووووووذ بالله شنو هالاشكال

استغفرالله ياربي

صج ناس ماتخاف الله

يقولج حوبة المظلوم بسرررعه توصل

مسلم ولا عير مسلم

حسبي الله عليها

اشدعوووه كلها شيره


حطي شيره وشيلي حق عمرج مارح يصير فيج شي

استغفرالله

عقول بعض الحريم معدومه