صارلي يومين مواصله مانمت من النشله

[الاسطورية]

هاي بنات

ياريت الي تعرف حل للنشله
ذبحتني

صارلي يومين مونايمه من انسدح اختنق خلاص ماكو نفس

ماتشوفون ردودي 24 ساعه مانام خخخخخخخ

والله متضايقه

جربت حبوب تنشيف الخشم
وجربت الفكس
وقطره الخشم

ماكو فايده اعرف الكريم الازرق زين بشتريه اليوم

بس بسالكم شنو شي زين من الاشياء الطبيعيه غير الادويه والي تعرف بعد دوا زين

تقولي

خشمي مسكرررررررررررر

فينيي نوم عذاب

ناطرتكم

 

[جروح تبتسم]

صباح الخير

اخيييي كسرتي خاطري <<< نفس حالتج

رحت الصيديله سألت الصيدلانيه قالت لي غسول الخشم

يعني علبه مثل الدوا ومثل الوضوء تستنشقينهااااا فظييييييييعه والله وماعليج الا العافيه ان شالله وماتشوفين شر حبوبه

يعني روحي لهم قولي لهم ابي غسول وبس استنشقيه من خشمج جنج تتوضين شلوووون 3 مرات باليوم وخلاص

وادعي لي

 

[supermarket]

كنت بقولج عن الغسول

وماتشوفين شر

 

[SeNyOrA Q8eYa]

ماقصرت جروح تبتسم

وماتشوفين شر يا الغالية​

 

[الاسطورية]

الحين بشتررررررريه

مشكورين

 

[لباس التقوىk]

خبرينا
بالنتيجه
مااااااااا
تشوفين
شر

 

[MISS LOLOCATY]

الله يعينج
فكس حطية بقلاس كبير فيه ماي حار وشمي البخار
وان شاء الله ترتاحين

 

[ii DareeN ii]

انا حاشتني حالتج ايام العيد كانت ايام الله يعلم فيها صج تعبت والله ماطيبني غير

بندول كولد اند فلو والزيرتك قالولي الزيرتك ينشف الخشم واستخدمتهم وقمت اتدهن بفكس وزنجبيل كنت اشربه ويا الحليب والحين مافيني الا العافيه ياتني فلونزا مامرت علي بعمري كله وماتشوفين شر حبوبه​

 

[FOZQ8]

صح الفيكس تحطينه بماي حار تقريبا قفشه فيكيس وييبي فوطه وحطيها جنه تسوين حمام بخار وشمي شم عدل وبضمير وبعدها تلحفي عدل عدل وكوني بغرفه حاره ونامي وبس تقعدين مافيج الا العافيه انشالله
احب هالطريقه وايد تريحني
سويها قبل النوم

 

[جبنة بيضة]

بندول الأخضر ثلاث ايام و تطير النشلة

 

[ضحكة الدنيا]

البندول اليديد مال النشله اعتقد الاخضر يقولون رووعه ومفعوله قوى ومسكن عام لان النشله تهد الحيل وماعليج شر حبوبه وسلامات