صارلي سنه ونص موظفه ولا وفرت شي من معاشي؟

[فـرفـر]

السلام عليكم


شلونكم بناات


اول مره ادخل هالقسم


بناات انا موظفه ومعاشي لله الحمد زين

معاشي 683 دينار

بس مو هذا الصاافي

عندى قسط قرض 193
وفيزا وماستر القسط 30 دينار :eh_s(6):

واستقطاع 10 دنانير بعد

يعني تقريبااا من 683 يصفي 460 او 470


ابي اوفر من معااشي مو عاارفه معااشي من اول اسبوع يطير

جد اقعد 20 يوم وانا بحاالة فقر

470 طبعاا اللى كل شهر يروح منهم

من 50 الي 60 دينار خطي فواتير ومراات اقل

يعني اذا عندي 400 دينار شلون اوفر منهاا ادري دوختكم بشرحي بس والله استغرب شلون الناس توفر؟

مشكلتى اخربط يعني اروح الصيدليه بشتري شغله تلقوني اطلع بشغلاات


امى تقولي لازم تتعودين انه مو كل شي تشتررينه بشهر وااحد جزئي الشغلات اللى تبينها بس انا ماعرف



انا اليووم قلت لو اوفر 200 ديناار كل شهر يعني 2400 بالسنه حلوين !

قولولي من تجاربكم شلون


:aha:

 

[A. style]

هلا اختي ..
اسهل منها ماكو اول شي تتخلصين من الفيزا وبعدها تبلشين تقسمين حاجاتج على كل شهر يعني شهر صيدلية والثاني السوق وجذي وانا شخصيا اتبعت طريقة الاظرف حطيت 4 اظرف واحد للمصرف الاسبوعي 100 على 4 اسابيع + مصرف للصالون التنظيفات الشهرية 30 او 40 . والثاني حق المشتريات الشخصية الصيدلية او السوق 30 . والثالث حق الهدايا عرس او ولادة 20 او 30 . ولاتنسين مكالماتج اقتصدي بالمكالمات .. واللي يزيد باي ظرف يمعي في الظرف الرابع وشوفي اول شهر شراح يصير وراح تحسين بقيمة الفلوس ..
انا اتبعت الطريقة من جم شهر وصار عندي مبلغ محترم .. ودايما اتبعي اسلوب القطية يعني في الطلعات او هدايا الدوام وبتشوفين .. وعندج سالفة الجمعيات اللي يسوونها بالدوامات مع الناس الثقة ولما تستلمين دورج على طول حطي بحساب التوفير ونسيت اقولج ضروري تفتحين حساب ثاني ويفضل الجوهرة يمكن تربحين .. وموفقة

 

[فـرفـر]

ام فهد طريقتج حلووه



انا افكر ابطل حسااب في بينك ثاانى وكل مبلغ يزيد علي هالشهر احطه فيه


وماقصرتي علي هالرد يااقلبي

 

[shai5at al3arab]

خلي عندج حسابين ،

واحد ينزل فيه المعاش والثاني تخشين فيه توفير .

وكل ما ينزل المعاش حطي لج الزامي 200 دينار تحولين ، واذا شهر ما عندج فيه مصاريف حولي اكثر ، بس ما يقل عن 200 .

وهذا الحساب لا تجيسينه ، يعني لا تحطين له كرت سحب ، او خلي كرت السحب ماله بالبيت ، انا بالنسبة لي ناسية الرقم السري ماله . لوووول .

وحتى لو صرفتي عقب ما تشيلين تكونين متطمنة انج خاشة

انا هذي طريقتي

وربي يرزقج من خير واسع من عنده

 

[باونتى]

أنا بعد ودى أوفر .. يعطيكم العافيه على افكاركم الحلوه وان شاء الله راح أجربها

 

[ام _خلودي]

انااا ودى اوفر بس ايدى مخروومه

 

[فـرفـر]

الله يعطيكم العافيه علي الافكاار


لاخلاا ولاعدم

 

[blue diamond]

سوي استقطاع شهري من معاشج 100 دينار

 

[رفرف]

خلي كرتج بالبيت وحطي مبلغ ابوكج ما تصرفين غيره يكفي للمصرف العادي ..
اذا تبين تشترين شي وفلوسج ما كفت معناته لازم تعيدين النظر بموضوعه لأن كرتج مو معاج يعني بتردين البيت وتاخذين الكرت فإذا ماكان الشي ضروري انتي من نفسج بتهونين وتحسين انج مو محتاجته ..

 

[الاسطورية]

سوي استقطاع شهري 20 دينار ولاتجيسينها كلش
وحاولي ماتصرفين وبس الاشياء الي مومهمه دايما اجليها
يعني دايما قبل ماتشترين الشغله سالي نفسج ضروري احتاجها ولاممكن اطنشها انا كله اسوي هالحركه الحين ووايد توفر علي

 

[miss-one]

عيل انا صارلي 6 سنين وما وفرت بعد
مسويه استقطاع واسحب منه اخر الشهر

اهو المعاش يكفي ويزيد بس احنا نحب نفسفس بالفلوس ونتمتع فيهم هذي غير الظروف والمناسبات الله يعيين

 

[فـرفـر]

ماقصرتوا علي افكااركم بس هم لفكره اعجبتني الكرت ماخليه بالبووك



بستحي علي وجهي وبوفر

 

[on line]

انا فتحت حساب ثاني واحوله
بس بصراحه مو بداعي التوفير اللي اهو التوفير
وماالتزمت بمبلغ معين بس هم وفرت مبلغ لظروف مرت علي وصرفتهم
والشي الثاني قننت مشترياتي كنت قبل لي رحت السوق اشتري مثلا بلوزه ولا اكملها واطيح بجبدي ويروح موديلها ولا كملت البدله وبطلت هالطبع فيني وبعد قللت روحه المطاعم وفعلا حسيت بطعم التوفير يعني قبل يخلص الشهر وانا رصيدي صفر والحين الحمدالله احسن
بس بعد انبه علي شغله حيل مهمه الصدقه يعني حاولي تاخذين لو 10 دنانير وتصرفينها اربعاع وكل يوم تصدقين وسبحان الله بتشوفين اثرها وهم في شغله تضحك هههههههههههههههههههه حاولي تشوفين احد يعزمج مطعم هم حلوه تري وفيها توفير

 

[فـرفـر]

اون لااين ماقصرتي يااقلبي


بس مدري انا فيني طبع احب انا اللى اعزم:×


حتى مراات رفيجااتى مايطلعون بسياارتهم مثلاا اذا عندناا مواقع بالدوام وكله بسياارتي يعني عليج حسبة الباانزين وانا اللى يركب سياارتى لازم انا اعزمه سوااء عصير او مطعم

 

[on line]

ام فروحه عادي اصير رفيحتج ههههههههههههههههههه
الله يعين والله يمكن انا نفس طبعج واكثر بعد
بالله الله يعينا ان شاء الله ونملك عمارات بالجنه ان شاء الله
قولي امين

 

[فـرفـر]

آآمين ياارب



والله اناا مو طمااعه بس علي الاقل اذا احتجت شي عندى

مو فيزا والا اخذ من ابوى فشله :×

 

[شهد ستايل*]

حبيبتى الله يرزقج ان شاء الله ....................هذا انتى توج بنوته ...عيل اذا تزوجتى ويبتى عيال وخاطرج تشترين لهم ...شتقولين........حتى لو ريلج ماراح يقصر ان شاء الله بس لازم انتى تقطين

سالفه الحساب الثانى وايد زينه وانا مجربتها ...........بس ارد اخهم واشترى فيهم شغله .....بس والله الحين كل شى غالى ,,,الوحده ما تقدر توفر ...وسالفه الكرت ..يديده والله ....جنى راح اجربها...عاد انا ما اطلع الا الكرت معاى......اخاف يصير شى واحتاج فلوس....
شغله باحطها باذونج ......................سالفه انتى تعزمين ............شطبيها ..............واذا طلعتوا مواقع خلوها دوريه كل طلعه بسيارة وحده منكم .ليش بس انتى......يعنى البنزين والعصير ...رفيجاتج بحدود ..........باجر ليه احتجتى محد راح يوقف معاج ...الا فلوسج يا عمرى...............

الله يعينج ان شاء الله

 

[sweet fashion]

سوي استقطاع 200 والبطاقه اكسريها علشان يكون مالج خلق تروحين البنك وتنسينهم وحطي في بالج ان جنه الفلوس مو لج جنج قاطتهم علي قرض جذي يعني لاتفكرين فيهم

 

[فـرفـر]

حبيبتى الله يرزقج ان شاء الله ....................هذا انتى توج بنوته ...عيل اذا تزوجتى ويبتى عيال وخاطرج تشترين لهم ...شتقولين........حتى لو ريلج ماراح يقصر ان شاء الله بس لازم انتى تقطين

سالفه الحساب الثانى وايد زينه وانا مجربتها ...........بس ارد اخهم واشترى فيهم شغله .....بس والله الحين كل شى غالى ,,,الوحده ما تقدر توفر ...وسالفه الكرت ..يديده والله ....جنى راح اجربها...عاد انا ما اطلع الا الكرت معاى......اخاف يصير شى واحتاج فلوس....
شغله باحطها باذونج ......................سالفه انتى تعزمين ............شطبيها ..............واذا طلعتوا مواقع خلوها دوريه كل طلعه بسيارة وحده منكم .ليش بس انتى......يعنى البنزين والعصير ...رفيجاتج بحدود ..........باجر ليه احتجتى محد راح يوقف معاج ...الا فلوسج يا عمرى...............

الله يعينج ان شاء الله

وهذا للي بصير

والله جد اتحسر علي عمري لحد سألنى وفرتي:×

أناا قاعده هالفتره افكر لبعدين اذا تزوجت بتكون الفلوس لي ذخر بيت ومسئوليه واعيال
واذا ربي ماكتب هم الفلوس بتكون لي ذخر علي الاقل اشتري لي شي من العقاار

بس انا ودى اجمع لمده 10 سنين لو 2400 بالسنه تطلع وااجد مبلغ حلوو

والله كريم

 

[فـرفـر]

سوي استقطاع 200 والبطاقه اكسريها علشان يكون مالج خلق تروحين البنك وتنسينهم وحطي في بالج ان جنه الفلوس مو لج جنج قاطتهم علي قرض جذي يعني لاتفكرين فيهم

اى والله بدال مالعب فيهم اعتبرهم مو لي ومااقرب صوبهم كلش

تسلمين يااقلبوو