صارحته وانصدمت

[شماليـــــة]

عن جد وربي تخنقني العبره

مصيبه شعور الوحده لما تقعد بحياة واحد
واهي تدري انه لغيرهاا

خلاص خلج انانيه وفكري بنفسج
وكشختج ووناستج
نفس مايبي

وربي يهلج امرج

 

[حبي حبيبي]

وانا بعد اقول استخيري وعطيه فرصه
وانتي وشطارتج
والله يعينج ويعطيج قد نيتج يارب

 

[سر النور]

انا قريت الموضوع كله بما فيه الردود الصراحه فيه لبس واضح لما انا اغفر لانسان غلطته المفروض يكون اعلن توبته وابدى ندمه على اللي سواه انا مو شايفه هالشئ بكلام زوجك بالعكس يتكلم بكل صراحة ووقاحة حتى انتي خليك صريحة ووقفيه عند حده لان اهو غلط اوكي تبي تردني تفطع علاقتك فيها الحين واذا تبيها اهي تقطع علاقتك فيني لاني ماارضى اعيش مع انسان عايش حياته بالحرام
وبعدين لما يقول ان انتي ماجذبتيه لان اهو من الاول ماعطاك فرصة اذا من اولها بعدين لما تييبين عيال وتلهين شبيسوي عذره تافه صراحه وقاعد يلبسك الغلط ناسي انه قاعد يسوي هالشئ من قبل لايعرفك والريال لما يشوف من مرته تقصير يصبر مره ويعذر مره ويصارح مرة الى ماتتعدل مرته مويروح يخونها وينسى عذاب ربه
حبيبتي خليك قوية وواضحة لان الريال اذا شاف المرة ضعيفة وتحبه يهينها

 

[dectora 7elwa]

عسىالله يعينج
والله ماني عارفه شقول بس ما بايديالا ادعيلج

 

[رزة الكويت]

ردي وحاولي تنسينه
كل انسان له ماضي
الله يهديه لج

 

[وافية*]

حبيبتي واللة عورتي قلبي اللة يعينج ويسخرلج زوجج ويهدية انشاللة
انا صراحة رايي انج تكلمينة وتقولين بقعد انا معاك بروحنا وطلعي معاة كلمية بالموضوع بجدية
قوليلة انا الحين عرفت بموضوعك ولاتفكر انة ممكن ارجع وانا ادري انة في وحدة ثانية بحياتك
اهلك يدرون عنها الحين والكل يدري ماعندك اي شي يمنعك انك تتزوجها هذا اذا انت عادي عندك ترتبط بوحدة زانية؟؟؟قطي هالحجي علية عشان يشتغل الشك عندة فيها وقوليلة ممكن تكون مثل ماتنام معاك تنام مع غيرك لان ماعندها شي تخاف علية وانا وحدة اخاف على نفسي هالاشكال ممكن تجيبلك امراض وبلاوي ايدز ولا بلاوي ثانية ولا اصلا عندي استعداد اني اردلك الا بعد ماتخلي هالطريج هذا وتسوي فحص بالمستشفى عشان اتاكد(انتي خرعية عشان يصحى شوي لنفسة)
وقوليلة اقعد بروحك وفكر وبعدين ردلي خبر
ولاتسمعين كلام اللي يقولج ردي وانتي تقدرين تنسينة هذا كلام فاضي شلون ترضين تعيشين مع واحد وانتي تدرين بحياتة وحدة ثانية؟؟؟
واللة يهدية ويسخرة لج انشاللة ويبعد عنة بنت الحرام هذي

 

[the note book]

حبيبي فنر


فديتج و فديت الثقل اللي انتي فيه


حبيبتي سواة ريلج معناه ان صج شاريج ووده يفتح معاج صفحه يديده


لا تفكرين اللي قاله لج جذب ولا صح لاا حبيبتي


فكري ان حتى لو يجذب سوا جذيه عشان يحافظ على زواجكم


و دامه ردد لج كلمه محترمه اكثر من مره فتأكدي ان انتي اكبر عنده بوااااااااااااااااااااااااايد


من الواطيه الحثاله اللي يعرفها


و انتي الحين فتحي صفحه يديده و رديله اول مايرد و كوني ناطرته بالبيت و اشتري كفر يديد و استقبليه طبعا و انتي كاشخه


و خلاص دامها صفحه يديده لااااااااااااا تذكرينه بالماضي ابد ولا تييبين طاريها خلاص

اهوا وعدج ان بيهدها خلاص و اعتبريها كلمه ريال


الحين خلي اكبر همج شلوون تجذبينه لج و صيري بالبيت على قد ما تقدرين جرييييييييييئه


لان ريلج طلع من النووع اللي اهم شي عنده الفراش و ركزي على هالنقطه


ولا تنادينه باسمه العادي لا من اليوم و رايح قوليله حبيبي , حيااتي .. ابو عيالي , و ناديه باسم دلع محد يناديه فيه غيرج انتي

اخترعي لج اسم دلع


ولا تصيرين وايد جد لا صيري مرحه و تحبين الضحك و الشطانه لان هم ريلج يحب هالنووع صيري عياره على قد ما تقدرين

و في تفاصيل بقولها لج عالخااص احسن

 

[احلى ـآ وحده]

عطيه فرصه وعسى الله يسخره لج ان شاء الله

 

[Gorey]

خليه يغير رقمه و حاولي تجذبينه باسلوبج وربي سالفتج تحر الله يعينج

و اذا جته الشركه قولي له يطردها او سافرو فتره علشان تجيو ما تلقاه وتمل


انا اكره البنات اللي هالنوعيه عمى بعينهم ما يخافون من الله يخربون بيوت الناس

 

[Gatwa]

هااا قولي لنا شصااار ويااج

 

[غنج السعوديه]

والله قريت قصتك ودمعت عيني

الله يهديه لك وحسبي الله ونعم الوكيل

 

[طعزة]

الله يعينج ولازم تتغلبين عليها غيري من نفسج الرجال شاريج ونصيحتي لج ارجعيله ولا تجيبين طاريها كلش كثري من الاستغفار ولاتخلين زوجج حق وحدة خمه مثلها باين عليه صج يبي احد يساعده على التغيير والاستقرار..

 

[لوازم العائلة]

وينج يافنر ليش تاخرتي علينا
من طول الغيبات جاب الغنايم

 

[@أحلاهم وأتحداهم@]

حبايبي شلونكم

هذي أخر أخباري بالتفصيل

طلعت من 7 أول شي ظلينا ساكتين أحنا الأثنين وبعدين سألني إذا أبي اتعشا بمكان أو نشرب قهوة بس


هذا معناته أن ماييت على تفكيره مو مزهب مكان أو شي عشان يحسسني بهتمامه ولا رتب أفكاره

تأكدت بنات أنا كلش ما أهمه هذي ماخذه عقله وتفكيره وقلبه

خيب ظني وايد وحسيت بندم مو طبيعي لدرجه كان ودي أعطيه كف


خاصة أن بعد ما جاوبته قتله على راحتك إلي تشوفه قالي نروح نشرب قهوة


وبعد دقايق رن تلفونه وحسيت وتقريبا متأكده أن بنت ابليس إلي داقه

لأن رد بحنان وقال ماراح أتأخر وسكت بعدين قال إن شاء الله تامرسكر التلفون

وقررت ما أخلي لها تذكرت كلام خالي ونصايحكم أن حلالي وملكي ماراح أخليه لها

ماراح أخليها تكسب ولازم احرق قلبها وأخذه قررت أتأخر وركزت شلون أقدر ألفت انتباها

وصلنا الموفمبيك رحنا القهوة طلب قهوة بس مايبي حلو عشان ما يتأخر طبعا

طلبت أنا بعد قهوة أول سؤال سألني شنو طبيعة شغلج وجاوبته

بعدين سألني عن رايي بالمنطقه الحرة تخلواا ماكو سالفه

تجرأت و قربت منه وقتله شرايك فيني

توهق - جان يقول نعومه وسكت طالعته قال محترمه وسكت قتله بس قالي لا - راقيه وسكت

جان يقولي شفيج طالعينى واهوا في قمة التوهق - سكت ما دري شقول رن تلفونه حطه سايلنت

قعدت اتلفت وأطمش على الناس

رن تلفونه رد مادري منو بس قال بالكثير نص ساعه لا تحاتي وصكه عرفت أنها قاعده تحن وتدري أن طالع معاي

وتبيه يهدني - جان يسألني ليش ساكته ماتبين تسولفين معاي


سبحان إلي ألهمني الأجابه والله بنات أنا كلش ما عندي سرعة بديهه بس سبحان الله ولا يمكن أتخيل أن ممكن أجاوب بهالجرأة


قتله ما تبي تعرف رايي فيك - قالي أكيد شنو رايج فيني

قتله جذاب تينن - ابتسم ابتسامه عريضه وضحك قال عياره وجذابه

قتله لايمكن اجذب أخاف الله ومحترمه - قالي بعد >> قتله حلالي


ضحك حييل اعجبته الأجابه الحمدلله والشكر جان يقولي أول مرة أعرف إنج شيطانه وسولفنا دق تلفونه مرتين مارد بس لما تدق يرد


واحنا نسولف دقت قالها ان شاء الله أخلص وأدق وسكت اظاهر كانت تتكلم قالها اوكى باي

بعدها قالي شرايج نمشي - كان بردني ما قالها بصراحه بس عرفت أن بردني وأكيد بروح يراضيها

قتله ترى يوعانه حدي وين بتوديني رزيت ويهي عشان أموتها و أدري ودى يطقني قالي على راحتج

قتله أبي لونوتر البحر ورحنا وكليت ببطئ شديد وسولفنا من ضمن السوالف أن بسافر باجر العصر وبيرجع الجمعه

قتله مره ثانيه إن شاء اللهودي أسافر معاك بغير جوي قالي ترى ضيقة خلق أنا ديما أكون مشغول قتله عادي قالي خلاص لما ترجعين البيت نشوف لنا سفره مايبي يسافر معاي وأنا ما حبيت أضغط عليه وأنزل نفسي


ودقت بعد كان يحقر كل التلفونات إلا إهيا استأذن بروح الحمام وانتو بكرامه

قتله بليز أبي تلفونك ناسيه تلفوني وعندي مكالمه مهمه سأل منو- طبعا سأل ما يبي يخلي تلفونه قتله بنت خالتي عطاني التلفون بس ماراح لما خلصت
طبعا قبل لا أدق حفظت رقمها مادري ليش بس حفظته رقمها يفرق رقم واحد عنه تخيلوا أكيد اهوا إلي ماخذه لها

المهم أكيد راح كلمها رجع طلب الحساب ومشينا

وصلنا البيت قبل لا أنزل قتله بعد أكو شي قالي شنو قتله ظالم

رد شفيج شنو يعني قتله وبعد مو جنتل المفروض قبل لا أنزل تبوسني وتقولي تصبحين على خير

قالي بليز لا تقولين ظالم قلبي يعورني أنا مو ظالم (عشتوا يحس عنده قلب حنون ما شاء الله طبعا هالكلام بقلبي )

بنزل جان ينزل معاي باس ايدي وقالي تصبحين على خير

وبس هذا كل إلي صار

شرايكم بنات تهقون كسبت الجوله ولا لأ وأنا متأكده أن ألحين قاعد يكلمها متأكده

بس على الأقل ما يقدر يشوفها لأني رديت متأخره

شنو أقدر أوي ألحين أبي أشغله فيني - خالتي باجر عازمتي على الغدا بس مادري ليش أكيد مسكينه بتعرف الأخبار

شااااااااااااااااااااااااااااااطره كثري من هل حركات واذا تبين اتشلين تفكيره خلج شيطانه ريلج يحب جذيه ولاتحسسينه انج مهتمه حق سالفت بنت ابليس اصلن لاتيبين طاريها
وكثري من هل حركات
الله يوفقج انشالله

 

[NouR-Q8]

السلام عليكم
أختي قصتج تشبه قصة وحدة أعرفها
وهالأشياء تصير بادنيا كثير000 استخيري استخييييييييري واذا الله كتب تردين
لازم تحسسينه بغلطته ومثل ما قال خالج طلعي أحلى ما عندج بس لا تقطين نفسج عليه
خلج جدام أهله مرحة وفرفشة لحد ما أهو ينتبه لهالشي الرجال ما في شي يعجبة ويشل تفكيرة الا المرح والوناسة
والمرة اللي تنسي زوجها همه بضحكها ما يقدر يستغني عنها0 بس نصيحة خلج ساكته معظم الوقت اذا انتي وياه بروحكم فترة عالأقل
لأن السكووووووت يحير 0 ويجذبه لج حيييييييييييل
اللة يوفقج يا رب

 

[@أحلاهم وأتحداهم@]

ريلج امبين يبي وحده تهتم فيه وتغرقه كلام حلو وحركات
ولاتفكرين في بنت ابليس خلي كل تفكيرج اشلون تجذبين ريلج صوبج
دلعيه وايد
وسويلج ليله حلوه فاجئيه فيها وقميص النوم الي تلبسينه مره لاتلبسينه مره ثانيه
وسويله مره مساج
خلج لهلوبه وشاطر لاتعطينه فرصه يفكر فيها ولا تيبين طاريها جدامه حتى لو نغزات
هذا اهم شي
والله والله ريلج يحبج وشاريج من كلامه معاج

 

[@أحلاهم وأتحداهم@]

ونسيت اقولج

كثر ماتقدرين اهتمي بروحج ودلعي نفسج بصالونات وتشري
اشوراج مو اهوه يبي وحده تجذبه وتكشخ خلج جذي

 

[((Fner))]

هلا حبايبي شلونكم

أشكر كل من ساندني وقف معاي وقدملي النصيحه أشكر كل وحدة دعتلي من كل قلبها

سامحوني على التأخير

كنت مشغوله هاليومين

وبنفس الوقت المنتدى بطئ عندي ومو قادرة أدخل ما دري لييش من النت ولا المنتدى

إلي صار أن ريلي سافر ما دقيت عليه كلش اهوا إلي يدق كلامه احسن معاي

وبديت فعلا التغيير

أقصد أني رحت مع بنت خالتي ورفيجتها وشريت أغراض و ملابس يديده للبيت والطلعه

بس إن شاء الله أقدر ألبسهم(فيهم جرئه شويه) الله يقدرني

من زمان بديت دايت وأمس اشتركت بدورة ميك أب باجر أول يوم ولمدة ثلاث أيام إن شاء الله أستفيد


الحمدلله استخرت الله سبحانه وبرجع لبيتي بس ما ودي ألحين

ريلي وصل من السفر وتضايق أني ما رجعت . طول ما هو مسافر كان يردد أول ما أرجع أبيج بالبيت

بس ما قدرت أرجع والله غصبن علي حسيت أني بتنازل بسرعه خفت أندم

وقتله بصراحه أني للحين خايفه أني أندم قتله عطني وقت رضى بس حسيت من صوته أن متضايق

دقيت عليه قبل شوي وقتله ودي أعزمك قالي تعبان وقتله على راحتك بس ولهانه عليك ودي أشوفك

من 5 دقايق دزلي مسج قالي بعد ساعه بمرني ونطلع عشا

أدعولي الله ييسرلي أموري

-----------------------------------------------

بنات إلي يقولولي أنه زاني و يحبها وماكو فايده منه وتطلقيأقولهم مشكوورين وايد لإهتمامكم وأعطائي من وقتكم

بس ودي أقولكم أنا أعترف
أني معجبه فيه وايد يعني باسلوبه طريقه كلامه وان ريال محترم ويتعامل وايد برقي مع كل الناس

معجبه بمكانته اجتماعيا وبشهادته وذكاءه - معجبه بشكله الرجولي
وأكيد أن ريال عنده خيير والحمدلله وهذا شي يزيد من مميزاته بس مو أهمها



حبيباتي صح أن زاني بس الله بجلالة قدرة يعفو ويسامح أكيد ماراح أقدر أوصل قدرة الله سبحانه
بتسامحه بس أحاول ويمكن أكون سبب في توبته

وهالشي أولا وأخيرا في صالحي محاوله وإذا شفت ما منا رجى وحسيت أن جذااب أكيد راح أتأكد وماراح تكون له في فرصه ثانيه

وبنفس الوقت إن شاء الله ماراح أخسر إلا شوية وقت
بس راح أحاول بكل مقدرتي أن ما تكون في خسارة ثانيه اليهال مثلا

يعني إذا تعدل راح أكسب وايد أولا: أجر من رب العالمين على صبري وتوبته
ثانيا:حياة سعيده مع ريال في مواصفات حلوة وايد

وإذا ما تعدل خسارتي صغيرة (وقت مو طويل بعد)

بنات والله أني مو متضايقه من رايكم بالعكس أنتو فدتوني وايد وخليتوني أسير حريصه أكثر

مشكوررين وجزاكم الله ألف خيييير .. تقبلو مني

وإن شاء الله راح أقولكم أخباري أول بأول وشصيير معاي

 

[وافية*]

اللة يسخرة لج انشاللة ويسعدج ويبعد عنة عيال الحرام كلهم

 

[][ الميـــــــار ][]

قصتج بجتــــــني :\

الله يعينج ويسهل عليج كل الأموور ياارب