صارحته وانصدمت

[عمشه جآكسون~]

ياحسافه ياشباب الكويت ...

تفضلون الزانيه هذيج على زوجتك الي تعرفها وتعرف معدنها ...

كلش ولا الخيانه ...

بس اتوقع لكل شاب ماضي ...


ودام انه رد يراضيج كلميه قولي له فلان احلف لي انك انت الي تبيني مو احد جابرك علي هالمره بعد ... لأن ماعندي استعداد ارد وتقول لي جبروني اردج كرامتي ماتسمح لي ...

واخذي منه وعـد يغير رقمه ويتركها وفهميه انها من واحد لواحد شلون يفكر ياخذها ويجيب منها عيال !!

وسافري معاه جددي نفسيتج وتقربي منه واكسبيه المرأه مو كل يوم لها رجال والله يسخره لج ان شاءالله



...

 

[Ba$ko0oTa]

يا قلبي انتي عطييه فرصه شنو الخسراانه فيه
عشاان بااجر صاار ما صااار مالهم اي حجه معااج وعلى طوول تطلبين الطلاق
والله يا بنت الناااس انتي بشطاارتج
تعرفين شلووون تيرينه صوووبج وتخلينه ينساها
الله يسخره لج ويهديه
ويبعد عنه الحرام

 

[UNiQe^PRiNceSs]

حبيبتي اذا في وحده لازم تنسحب اهي مو انتي !
خلج على الي بتسوينه وامشي عليييه
يبي صوووبج !
لا تخسريين !! هذا ريلج ملكج انتي !!
لا تخلينها تتغلب عليييج وتاخذه منج !!
اهي الغلط اهي الدخيله بينكم !
تدري ان متزوج وليلحين معااه !!


الله يعينج انشالله

 

[عطر ايامي]

عندي فاينل بكره بالجامعه

وشبكت عشان اشوف شصار معاك

ثقفي عمرك هالفتره عددددل شلون تجذبينه وتجيبين راسه


بشرينا عنك

 

[لحظات عابره]

وووووووووووووووينج فنر بشرينا عنج اشصااار معاج ؟؟؟

 

[احبه حييييلA]

عطيه فرصه اخيره يمكن صج ناوي يتغير
وخلال الايام راح تعرفين اذا كان صاج والا لأ

 

[بنوتـــ عسل ـــة]

--------------------------------------------------------------------------------

استخيري ربج

و يمكن ربي يجعلج سبب لهدايته و ياما ناس كانوا يذنبون بذنوب اشد و اعظم و ربي ارسل و فتح على قلوبهم من يهديهم

عسى ربي يفتح عليج و يسعدج و يرزقج بالخير وين ماكان

ونصيحة اخت لا تجعلين مجال لابليس يدخل يوسوس لج

كثري صلاة استخارة و دعاء و استغفار

و فكري بعقل بينج و بين نفسج
هل اتنازل عن حقي و زوجي و بيتي لوحده ثانيه ام ادافع عن بيتي بكل ما املك لاستعيده

انتي الوحيدة صاحبة القرار
اعتبريها غير موجوده و تعاملي معاه حاولي امتلاكه بكل قوتج و اخلصي النية و صدقيني ربي بينصرج و بيجعلج في عينه مثل الدرة

فعلا عيييين العقل انا اتفق معاها الصراحة وعسى ربي يهدي سركم

 

[الجااازي]

شكل البنات متأثرة بالامتحانات والدور الثاني (( عطيه فرصه !!!!))
ليش ان شااللة عشان يهينج مرة ثانية نعمة من رب العالمين ماحملتي __ واذا عشان يدق ويتعذر!!!! عشان امة مو عشانج لان ماراح يزوجة احد ولا اهلة يرضون باللي يحبها فيقول هذي عندي جدام الناس والثانية هي زوجتي*
وبعدين انتي امبين مو مرتاحة من سالفتة وخالتج وزوجها بيض اللة وجيهم ماراح يخلونج لانج ابنيتهم واتعبوا عليج ومو سهل يرخصون فيج*


(((( يارب ياعالم الغيب نور درب صاحبة الموضوع ودلها على طريق الخير )))

 

[EviL^^GirL]

طمنينا عليج

 

[om-HaSsoOon]

ربي يوفقج ويهديه

 

[الجمال اليوسفي]

ياربي والله قلبي عورني .. وبعدين مع هالرياجيل..

عاد تدرين فيه وحده تقول زوجي اذا دخل علي وبوجهي لمعه او ريحة حريم .. اقووله شنو هذا يقول لا عاد اليوم ماجست ولا وحده < غبي يعني بالعاده انا اروح مع بنات ههههههه

مو صاحين وربي.. شر البلية مايضحك .. الله يعينا عليهم بس..

وانتي صلي استخاره اذا للحين مارديتي وشوفي شنو ربي يكتب لج ..

 

[nhr-36shan]

البنات ماقصروا
عطيه فرصه وانتي وشطارتج تخلينه ينساها

 

[باش مهندسة]

والله لو علي لا فرصة ثانية ولا ثالثة !! ليش لي هالدرجة آنا مسترخصة بنفسي حق واحد زبالة تارسة عينه زبالة مثلة !!

والله إنتي مو هذا اللي يستاهلج , باجر إذا يولج عيال تتوقعين إنسان زاني لاهي بخرابيطه بربيهم أحسن تربية!؟

وبعدين دامج بأول الدرب لا تخلينه يطول ويتعقد , الحين بس تحاتين عمرج باجر لما تفكرين بالإنفصال ويكون عندج بيبي راح يصير الموضوع أصعب!

وبعدين إذا أهو من جم سنه يعرفها ويعاشرها معاشرة الأزواج معناته بالنسبة له إنتي الدخيلة عليهم وتلاقين قبل لا ياخذج حالفلها حلف ومعطيها وعد إنها تظل حبيبته ويمكن بعد شارطه إن ما يعاشرج لأنها تغار عشتو!!!!

وعندي تساؤل : اللي يتساهل بالزنا حريص على صلاته ؟ وتتتوقعين اللي محلل الزنا على نفسه يحرم الخمر على نفسه؟؟

يعني الزنا من الكبائر مو شي هين وأهو غرقان فيه من أربع سنين وما يحس بتأنيب الضمير وعايش حياته غلط بغلط وفوق هذا خذاج وظلمج وهم مو حاس بتأنيب الضمير وعند نفسه أهو مو ظالمج ومايدري إنه ظالم نفسه قبل لا يظلمج..

الله يهدي الجميع والحمدلله الذي عافانا ممن ابتلاه وفضلنا على كثير من عباده تفضيلا..

أسفة فنر بس وايد منفعلة ومنبطة جبدي وقاهرتني الردود حسبالهم مسلسل تركي وإنتي الضحية.!!

آنا أهنيج على صبرج ماشاالله عليج لو آنا جان من زمان أنهيت الموضوع وعشت حياتي على هواي مو على هوى غيري , ترى الإنسان يعيش مرة وحدة لا تذبحين عمرج يمكن إييج نصيب غيره يعزج ويحبج ويستاهلج..

 

[the note book]

هااااااااااااا


فنوووووووووووووووووووووور



شصااااااااااااااااار عليييييييييييييج عقب امس




بالي مشغول عليج والله

 

[أم صالح]

امممممممممممممممممم محاولتج الأولى حلوة ..
بس أنا ما أأيد كلام بعض البنات انج ترديله وتحاولين تاخذينه منه .. لأن هو أصلاً مشغول معاها بكل الاوقات ويعطيها تحركاته أول بأول .. وفوق هذا كله مبين يحبها حب مو طبيعي جنه مسحور يركض وراها هذي بنت ابليس الله لا يوفقها ..

انا أقولج انج قبل لا تردين لازم تقعدين معاه وتعرفين هو بيردج لـــــــــــــــــــــــــــــــــــــــيش عشان هو يبي يصلح غلطته ويبي يهدها ولا عشان امه ..
ويبي يتغير ويبدي حياة يديدة معاج ولا بيكمل معاج مثل قبل انتي 24 ساعة بالبيت وهو طالع مع الست الهانم وماعنده غيرها ..

احسن ماتردين وتسوين وتسوين وهو ولا عالبال .. وبجذي بتندمين ليش رديتيله

انا مع رايج خصوصا ان البنت للحين مو متزوجه ونايمه معاه يعني مااعتقد راح تزوج غيره ومثل ما تزوجج عشان رضا امه بيردج عشان امه والحين اللي ما يخافون الله يسحرون ويربطون الريال عن مرته بصراحه لاتزعلين مني حبيبتي ماكان ودي انج ناسيه الموضوع وطالعه معاه بس الحين بعد ماغير فكرته عنج وما جنج معاه من سنه لازم تقعدين معاه قعده جديه تحدد مصير علاقتكم ممكن اكون قاسيه اشوي بس الحره تسبب الامراض

 

[أشبـاهـ المطـر]

فديتج الله يعوض صبرج خير .... ياااارب ياااارب تكووونين اقوى واقوى وتكسرين خشم هالسافله المنحطه !
دزي له مسجات تبين له حرمة الي قاعد يسويه وعن عقاب المحصن الي يزني بالاسلام ! وقوليله ترا الدائرة تدور
وكما تدين تدان وزنا من كبائر لأني مادري مااحس انه مقدر فداحه الي مسويه... ونبهي بطريقة غير مباشره يعني لابغيتي تشفين غليلج فيه
مثلا يوم قلتي له ظالم المره اليايه قوليله انك مقصر وأناني ! بس خليه تعابيرج غامضه مايفهم انتي غاضبه عليه ولا ناويه تسوين شي قوليها بكل ثقه وبرووود ومديها بدلع ..... ونصيحة خليه يفحص قبل لايردج لان وااايد امرااض تيي من زنا ولاتهاونين بهالشغله على اقل تعطينه درس قاسي بهالطريقه !

 

[Miss_Moon]

موقف يعور القلب .. الله يهديه ويبعده عن هالطريج

 

[ميس الورد والشوق]

شي يقهر

الله يكون بعونج


ماادري والله شقوولج

 

[ألماس وردي]

الله ييسر أمورج
واستخيري ياقلبي قبل أي قرار
والله يوفقج ياقلبي

 

[M!sS.mar8adosh]

استخيري بالاول

ودعي من قلبج ن الله يسخره لج

وانا من رايي انج تعطينه فرصه