صارحته وانصدمت

[زهر الخزامى]

شوفي جيبي راسه بالفراش قوليه ابيك

انت زوجي وحلالي

ولا تستحين احذفي الحيا من قاموسج

خليه يشوفج سعيدة وعطيه هديه بنوتيه رومانسيه منج

خلي صورتج بالبرواز يم صوب اللي ينام فيه

الله يسخره لج وتجيبن راسه ويصير مثل الخاتم بايدج

 

[زهر الخزامى]

.....حاسه اني مقهورة


ما ادري وين اهلها بنات ابليس


انتي فنر وينج في بيت اهلج ولا في بيته

 

[EviL^^GirL]

سالفتج تقهر وتبجي ويبيلها قلب قويي

الله يعينج

 

[لحظات عابره]

حبيبتي Fner صج قصتج شدت انتباهي بس مشالله عليج أثبتي انج قويه يمكن لو انا بمكانج من أول كلمه اطلب الطلاق ولا افكر حتى فيه
بس انتي ربي الهمج الصبر والقوه والاراده انج ماتخلين عن حلالج وحبيبج لانسانه واطيه رضت لنفسها تعيش وتوصل حق هالمستوى الدنيء وصدقيني اهوه لو يحبها أو يحترمها جان ماعشرها معاشرة الازواج وخذاها فقط للمتعه والتسليه ... عشان جذي حبيت انبهج على شغله يمكن انتي غافله عنها بخصوص انج تقولين ماينام معاااي ... انتي مافكرتي ليه ؟؟؟ انتي ماتدرين عن كيد الحريم .. بما ان زوجج ينام معاها اكيد انها مومعطته مجااال انه يجيج أي انها أمشبعته جنسيا عشان حتى لو يجيج يكون مافيه حيل لنوم وهذه اللي انتي لازم تستغلينه بكل وقت حاولي انه مايطلع من البيت الا وانتي امشبعته جنسيا حتى لو انه اهوه اللي مايبي بالعكس لاتستحين من زووجج وحلالج لازم اتجرئين شوي عليه وتطلبين منه حتى اذا مايبي قوليله انا مشتهيه مومعقوله تطلع وتخليها بنفسي .... صدقيني الرجال ماعنده شي مهم كثر هاالشغله هذه عشان جذي حاولي قد ماتقدرين انج اتملكينه بكلام غزل وحب ودلع وشوي من بعض الحركات اللي اتشعلل الرجال .. وصدقيني لازم تاكدين ان لو مابقلبه حب لج جان انتهز فرصه أزعلج عشان جذي لازم تصيرين شوي لهلوبه وماتنازلين عن حقج بهالسهووووله ... وبالتوفيق انشالله الله يسخره لج ويكفيج شر بنات الحراااام

 

[سفيرة العشق]

أمممممممممممممم مشكلتج ان شالله لها حل
والحل باذن الله بيدج
والله سالفتج نفس الرواية اللي قريتها ( ازمة عروس )
تزوجت ولد عمها غصبن عليه وهو يحب وحده أجنبية ويموت فيها
بس العجيب بالقصة شلون البطلة يننته وخلته يتعلق فيها وينسى حبيبته وطوايفها

المغزى حبيبتي انتي رديله حتى لو أهله غاصبينه بس انتي بشطارتج اتيننينه وتخلينه يتحسف على كل يوم
زعلج فيه او ما قرب منج

لعبي بأعصابه وبينيله انج أنثى ومرغوبة وقبله ناس وااايد تقدمولج
بس حظج طاح معاه
لا تبينين له انج متعلقة فيه وايد

ترى الريال يحب يلاحق المرة مو المرة هي اللي تلاحقة...

غيري أسلوبج معاه
خلج جريئة بأسلوبج وطريقة تعاملج معاه
خلج مصممة على رايج وحقوقج
حاولي تجذبينه يمج وخليه ينام معاج وبشطارتج انتي تنسينة هاللي يحبها
شنو الفرق بينج وبينها؟؟؟
انتي مرة وهي مرة بس تعتقدين شنو اللي جاذبه لها ؟؟؟
أكيد في شي
اسحريه بجمالج وبأنوثتج
ودايما ادعي ربح انه يقربه منج ويبعد عنه بنات الحرام

والله ثم والله بتلاقينه يركض ركض وراج ويتمنى رضاج بس ....

 

[لولو70]

الله يكون بعونج

 

[فوز وفواز]

حبيبتي بعدى الاستخارة والدعاء والاستغفار انا اقول لج اللي يزني ويخون الحلال بحرام مامنه رجى لاتبهذلين روحج وتتعبين على واحد مايسوى لو يخاف ربه جان قلنا سامحيه بس مثل هذا موكفو في واحد من الهل اصل وفصل وجمال وخير عشان اهله ينسونه رفيجته خذولها بنت عمه احلى منها مليون مرة وغربلها معاه سنه يبهدل فيها وبالاخير طلقها واخذ رفيجته جنها نعال ماتسوى بيزة ويدلل فيها ليل نهار واهله انجبرو فيها وتعايشو معاها الحين عاااااااااااااااااااااااااادي ونسو المسكينه اللي زوجوها له وسووها فار تجارب حقهم واذا على خالتج تراها قاعده تعاند رفيجته فيج تبيج تردين لها ولدها موعشانج لأ عشانها اهيه ماتبي هذيج وترى ماخذتج له ولا اهو اختارج الا عشان حسو انج يتيمه ومالج ظهر يعني ماتتعبينهوم ولاتفضحينهم واهو لو حاسب لج حساب ويبيج جان ماصارحج بالحرام بهالوقاحه ولا هدج تروحين لاهلج جذي جان ماخلاج من اول ليلة خل يولي والريايل بداله الف

 

[سفيرة العشق]

حبيبتي انتي ريلج من النمط الشمالي
اللي يحب المدح بدليل استانس لمن قلتيله صفات حلوة وزعل لمن وصفتيه بالظالم !!!

شوفي حاول ي تجذبينه للفراش وبعد ما تخلصون امدحيه امدحيه وبيني له لنج مستانسة منه وايد وودج دايم يكون جذي
خلج جريئه وقوليله كلالام حلو حزة ال......

شكلج انتي نعومة طبيعي فالدلع راكب عليج أكيد تدلعي عليه
خلج مرحة وشيطونه لأنه شكله يحب الوحدة تدوووووووخه
يستاهل
يننيه يننيه
وطمنينا عليج حبيبتي والله يهدبه لج ويسخره بيدج

 

[فوز وفواز]

فنر الله يوفقه وينور لج دربج ويسهل اخطاج دام عندج رقمها عطيه حق ريال تثقين فيه بس موريل خالتج وقوليله تصرف بمعرفتك خل يوهقها او يفضحها او يقص عليها يمكن تطيح ويمسك عليها شيء وتالي تنكشف حق ريلج خيانتها وانتي تفرغيليهدام هالشيء يريحج وحسيتي انه ياثر فيه والله كريم عليج بسورة البقرة يوميا ترى تفج كل كربه وتزيح كل هم عن تجربه والدعاء ناجي ربج بالسجود واجبي له واشتكيله الحال ورب العالمين مايخيب ظن عباده

 

[أنا الثريا]

أنا راي من راي البنات
بالنسبة للفراش بس طبعا هالكلام مو الحين,,لماتردين له
ناديه على الفراش بطريقة رومانسية...اكشخي وقوليه انا (ابيك)طرشي له مسج اذا طلع وكان بينكم شغل
قوليه انا استحي اصارحك بس انت زرجي حلالي(ركزي على كلمة حلالي دائما وانت حقي,,عشان تذكرينه بطريقة غير مباشرة بالحلال)
انا احس بمشاعر غريبة تجاهك ...احبك ومينونه بحبك (واشتهيك)واكتبي واااااااااي مستحية ماادري شلون يطلع هالكلام مني(فهميه انك تبينه بس تستحين تقولين له اشكره!)
سمعيه كلام وايد أن احس في شي متغير واحس متفائلة انت معاي غير عشان تحسسينه بان فعلا في شي يديد,,ترى الرياييل ماينتبهون إلا اذا نبهتيهم,,يمكن من داخل يحبك بس مومنتبه!!اوبنت ابليس مومعطيته مجال!!لاتنتقدينه حتى اذا كشت فيج!!لاتبين طاري مهملني
كله قوليله انت متغير نبهيه ان في مشاعر يديده,,قوليله,,أحسك متغير وايد تجاهي,,,احسك تحبني
سأليه وقت ال__ شنو تحب؟؟ترى وسامحيني على هالكلام يمكن يجرحك صار لها 4 سنين معاه!!يعني سوري متجرأين وااايد مع بعض
فأنت لازم بعد تجذبينه بهالطريقة!!عرفتي وهالنقطة بعد من صالحك...لان ممكن بعد 4سنين يتسرب الملل منها
وانتي عروس بعدك بقراطيسك,وحلوة وبالحلال,,صدقيني راح تحلين بعينه

ومثل ماقالت سفيرة العشق,,بعدها امدحيه وايد
وشكل ريلك يحب المشاكسة!!يعني كله قصدي قطات حلوة,,بيني له انك شيطونه
والله ييسر امورك
وسامحوني بنات اذا في كلام شوي جرئ!!ترى انا استحي واول مرة اكتب جذي!!بس حدي انقهرت على فنر

 

[عطر ايامي]

ياويلك ان خليتيه لها

بذببببببببببببببببببببببببببحك


من جد


تقدرين تكسبينه بصفك

فاهمه يبي لك صبر

ولا تنسين الي قلته لك على الخاص

لازم تمرين على قصص ناعمه الهاشمي

كلهم مثل حالتك


هي مو من مستواه و كان فاضي فشبك معها

انتي بحرب بارده ياهي يا انتي

الحلال دايم اقوى من الحرام

ادعي ربك وابكي بحرقه


وربي ينصرك

 

[عطر ايامي]

سفيرة العشق

عفيه دزي الروايه لفنر

 

[Miss.6Mo7]

لا تضيعينه من إيدج بسهوله ..

 

[the note book]

حبايبي شلونكم

هذي أخر أخباري بالتفصيل

طلعت من 7 أول شي ظلينا ساكتين أحنا الأثنين وبعدين سألني إذا أبي اتعشا بمكان أو نشرب قهوة بس


هذا معناته أن ماييت على تفكيره مو مزهب مكان أو شي عشان يحسسني بهتمامه ولا رتب أفكاره

تأكدت بنات أنا كلش ما أهمه هذي ماخذه عقله وتفكيره وقلبه

خيب ظني وايد وحسيت بندم مو طبيعي لدرجه كان ودي أعطيه كف


خاصة أن بعد ما جاوبته قتله على راحتك إلي تشوفه قالي نروح نشرب قهوة


وبعد دقايق رن تلفونه وحسيت وتقريبا متأكده أن بنت ابليس إلي داقه

لأن رد بحنان وقال ماراح أتأخر وسكت بعدين قال إن شاء الله تامرسكر التلفون

وقررت ما أخلي لها تذكرت كلام خالي ونصايحكم أن حلالي وملكي ماراح أخليه لها

ماراح أخليها تكسب ولازم احرق قلبها وأخذه قررت أتأخر وركزت شلون أقدر ألفت انتباها

وصلنا الموفمبيك رحنا القهوة طلب قهوة بس مايبي حلو عشان ما يتأخر طبعا

طلبت أنا بعد قهوة أول سؤال سألني شنو طبيعة شغلج وجاوبته

بعدين سألني عن رايي بالمنطقه الحرة تخلواا ماكو سالفه

تجرأت و قربت منه وقتله شرايك فيني

توهق - جان يقول نعومه وسكت طالعته قال محترمه وسكت قتله بس قالي لا - راقيه وسكت

جان يقولي شفيج طالعينى واهوا في قمة التوهق - سكت ما دري شقول رن تلفونه حطه سايلنت

قعدت اتلفت وأطمش على الناس

رن تلفونه رد مادري منو بس قال بالكثير نص ساعه لا تحاتي وصكه عرفت أنها قاعده تحن وتدري أن طالع معاي

وتبيه يهدني - جان يسألني ليش ساكته ماتبين تسولفين معاي


سبحان إلي ألهمني الأجابه والله بنات أنا كلش ما عندي سرعة بديهه بس سبحان الله ولا يمكن أتخيل أن ممكن أجاوب بهالجرأة


قتله ما تبي تعرف رايي فيك - قالي أكيد شنو رايج فيني

قتله جذاب تينن - ابتسم ابتسامه عريضه وضحك قال عياره وجذابه

قتله لايمكن اجذب أخاف الله ومحترمه - قالي بعد >> قتله حلالي


ضحك حييل اعجبته الأجابه الحمدلله والشكر جان يقولي أول مرة أعرف إنج شيطانه وسولفنا دق تلفونه مرتين مارد بس لما تدق يرد


واحنا نسولف دقت قالها ان شاء الله أخلص وأدق وسكت اظاهر كانت تتكلم قالها اوكى باي

بعدها قالي شرايج نمشي - كان بردني ما قالها بصراحه بس عرفت أن بردني وأكيد بروح يراضيها

قتله ترى يوعانه حدي وين بتوديني رزيت ويهي عشان أموتها و أدري ودى يطقني قالي على راحتج

قتله أبي لونوتر البحر ورحنا وكليت ببطئ شديد وسولفنا من ضمن السوالف أن بسافر باجر العصر وبيرجع الجمعه

قتله مره ثانيه إن شاء اللهودي أسافر معاك بغير جوي قالي ترى ضيقة خلق أنا ديما أكون مشغول قتله عادي قالي خلاص لما ترجعين البيت نشوف لنا سفره مايبي يسافر معاي وأنا ما حبيت أضغط عليه وأنزل نفسي


ودقت بعد كان يحقر كل التلفونات إلا إهيا استأذن بروح الحمام وانتو بكرامه

قتله بليز أبي تلفونك ناسيه تلفوني وعندي مكالمه مهمه سأل منو- طبعا سأل ما يبي يخلي تلفونه قتله بنت خالتي عطاني التلفون بس ماراح لما خلصت
طبعا قبل لا أدق حفظت رقمها مادري ليش بس حفظته رقمها يفرق رقم واحد عنه تخيلوا أكيد اهوا إلي ماخذه لها

المهم أكيد راح كلمها رجع طلب الحساب ومشينا

وصلنا البيت قبل لا أنزل قتله بعد أكو شي قالي شنو قتله ظالم

رد شفيج شنو يعني قتله وبعد مو جنتل المفروض قبل لا أنزل تبوسني وتقولي تصبحين على خير

قالي بليز لا تقولين ظالم قلبي يعورني أنا مو ظالم (عشتوا يحس عنده قلب حنون ما شاء الله طبعا هالكلام بقلبي )

بنزل جان ينزل معاي باس ايدي وقالي تصبحين على خير

وبس هذا كل إلي صار

شرايكم بنات تهقون كسبت الجوله ولا لأ وأنا متأكده أن ألحين قاعد يكلمها متأكده

بس على الأقل ما يقدر يشوفها لأني رديت متأخره

شنو أقدر أوي ألحين أبي أشغله فيني - خالتي باجر عازمتي على الغدا بس مادري ليش أكيد مسكينه بتعرف الأخبار

وااااااااي زين سويتي فيها هالخايسه


والله انها ما تستاهل ظفرج
انا اللي حارني شكو يقولها ان طالع معاج


لا و محتره بعد اشتبييييييييييييييييييييييين زووووووووجته


المهم اللي سويتيه اهوا عين الصح ولا تخلينا لها على طوول سوي جذي و احلى نقطه سويتيها انج قلتيله ان سفرته اليايه بتروحين معاه

خلج كل سفره وياه ولا تفارقينا

و صيري اذكى منها و دقي عليه سولفي معاه بالتلفون لا تخلينه لها حتى بالتلفوون


الله ياخذها ان شاءالله الخايسه المقطنه الزانيه
والله ينصرج عليها يااارب

بس ابي منج طلب

حبيبتي لا تفارقين الاستغفار

و كل ما تصلين ادعي ان الله يسخر لج هالزوج و يصده عنها باي طريقه

ولا تنسين علمينا اخبارج

موفقه حياتي

 

[ام مضاوي]

الحمدلله
موقفج وايد حلوووووووووو معاه
والاهم حريتي قلبها هالوصخه


ياقلبي لاتستسلمين مهما طااااااالت المده
واحنا معاج
وحتى بالدعاء
والله طريتي على بالي امس ودعيتلج



الاهم انج بالتدريج بتعرفين شنو الي عاجبه فيج
وتعرفين تدخلينله بمواضيع

ولاتنسين الجرأه
اكيد ماحب هالوصخه الا لانها جريئه زياده معاه وملفته انتباها للهالشي
قطي الحيا ورااااج

 

[the note book]

حبيبتي fner صج قصتج شدت انتباهي بس مشالله عليج أثبتي انج قويه يمكن لو انا بمكانج من أول كلمه اطلب الطلاق ولا افكر حتى فيه
بس انتي ربي الهمج الصبر والقوه والاراده انج ماتخلين عن حلالج وحبيبج لانسانه واطيه رضت لنفسها تعيش وتوصل حق هالمستوى الدنيء وصدقيني اهوه لو يحبها أو يحترمها جان ماعشرها معاشرة الازواج وخذاها فقط للمتعه والتسليه ... عشان جذي حبيت انبهج على شغله يمكن انتي غافله عنها بخصوص انج تقولين ماينام معاااي ... انتي مافكرتي ليه ؟؟؟ انتي ماتدرين عن كيد الحريم .. بما ان زوجج ينام معاها اكيد انها مومعطته مجااال انه يجيج أي انها أمشبعته جنسيا عشان حتى لو يجيج يكون مافيه حيل لنوم وهذه اللي انتي لازم تستغلينه بكل وقت حاولي انه مايطلع من البيت الا وانتي امشبعته جنسيا حتى لو انه اهوه اللي مايبي بالعكس لاتستحين من زووجج وحلالج لازم اتجرئين شوي عليه وتطلبين منه حتى اذا مايبي قوليله انا مشتهيه مومعقوله تطلع وتخليها بنفسي .... صدقيني الرجال ماعنده شي مهم كثر هاالشغله هذه عشان جذي حاولي قد ماتقدرين انج اتملكينه بكلام غزل وحب ودلع وشوي من بعض الحركات اللي اتشعلل الرجال .. وصدقيني لازم تاكدين ان لو مابقلبه حب لج جان انتهز فرصه أزعلج عشان جذي لازم تصيرين شوي لهلوبه وماتنازلين عن حقج بهالسهووووله ... وبالتوفيق انشالله الله يسخره لج ويكفيج شر بنات الحراااام

كلاااااااااااامها عين العقل والله الريااال اهم شي عنده الفرااش و صح كلامها حطي هالشي ابالج اكيد اهيا مشبعته زياده عن اللزووم

عن ما اييج

 

[ليالي نجد]

والله كنت بتعاطف وياها ووياه اول السالفه لكن يوم قلتي نايم وياها حققققققققققققققققققققققققققدت من قلب عليها الواطيه !!! الحين تلقين تقول له سلمتك نفسي باسم الحب وهو حاس بالذنب!!!! حجي الافلام والمسلسلات المدبلجه استغفر الله
والله سالفتج نفس سالفة وحده اعرفها بس المصيبه انها حملت منه من اول مره وزوجج ع الاقل فيه رجوله وعنده ضمير !!! هذا قطها قطة جلب ولا سأل فيها تخيلي ؟؟ وخواته يدرون انه يبي بنت عمه بس عناد حريم مارضوا وطاحت براسها المقروده وجابت منه ولد وبعد الاربعين تزوج عليها وبعدها بجم شهر طلقها !!!!!!!!!!!!!!!!!!!!! اقسم بالله البنت ماتصير لي اعرفها من طرف مرت اخوي لكن والله دعيت عليه وعلى خواته لانهم ظلموها ظلم ماصار ولما سالتهم ليش ؟ قالوا هذا نصيبج شنسوي لج !!! حسبي الله ونعم الوكيل هذيل وين الله يوفقهم وهم بهالضمير !

المهم سردت لج هالقصه علشان اتعرفين ان زوجج شاريج وعارف ان انتي تصلحين ام لاولاده والزوجه المصونه... اما هذيج ماعتقد على قولتج واهو نايم وياها بدون زواج انها بتكون الام المناسبه لعياله ....ترى الرجال يفكر بهالشي ويعتبره اهم شي بالزواج

انا اتوقع يبي يعطي نفسه فرصه وياج انه ينساها وانت انتهزي هالفرصه واستغليها احسن استغلال ولا تفوتينها
لاتكونين سلبيه وتحاولين تتقمصين دور المغلوبه على امرها .... لا ابيج قويه ولسانج غلفيه عسل عشان ينسى ابوها واللي خلفها

الله يوفقج ولاتنسين اتوافينا باخر الاخبار ترى انحاتيج .....

 

[جنه من الكويت 0]

انشالله هالمره غير وجربي عن الله ما يضيع هذا ريلج مو خساره لمه تعطينه فرصه ، وتحسبي علي هذيك البنت وادعي من الله يفكج منها ليش تستسلمين بسرعه والله يوفقج انشالله ودربج خضر يا حبيبتي

 

[قطوه ورديه]

ما شاء الله افكار البنات روعه
واللي قالت لاتخلينه لها حتى بالتيلفون
عدل كلامج
وانا اقول من اتحسين انه بيروح لها دقي عليه خليها اتين هالوصخه
والله يهدي ريلج يارب

 

[zain-alq8]

مافي ريال بمعنى الرجوله يتزوج وحده تنام معااه صدقييني مستحييل واذا تزوجها صدقييني ساحرته انتي طلعي طاقاتج الانثويه ولاتخليينه واايد برووحه عشان مايفكر فيييها واستغفري وتصدقي كل يوم لو بنص دينار بنيه انه الله يهدي لج ويبعد عنه بنت الحرام والله يوفقج يااختي صبري ولج الاجر ان شالله ...وعطييه فرصه ترا 4 سنيين مو شويه يهد وحده مره وحده ان شالله بيتركها ...