صارحته وانصدمت

[عبق البنفسج]

خليج كاشخة وناعمة حيل ..
ولا تحددين وقت حق قعدتكم .. خليه يقول كل الي عنده وانتي قولي كل الي عندج .. حسسيه انج ودج تكملين معاه وتعيشين مع بعض قصة حب مووووو تعيشون مع بعض مغصوبين عشان أهله ..
قوليله اذا ماتبيني وتبيها فالله يوفقك معاها "حسيسيه بذنب وانتي تقولينها

المهم خليه يطلع كل الي بقلبه وتعرفين انتي شنوووو موقعج بحياته .. وهو بيهدها ولا لأ .. وحاولي تقطين جم كلمة بذرابة وبشكل غير مباشر عن الزنا
واذا رديتيله أول شي سويه انج تحجزين حق العمرة انتي وياه .. ضرووووووووووووووووووري ضرووووووووري .. والله دخلة العمرة تشرح النفس وتقرب الواحد من ربه

 

[شموخ المرأه]

يمكن اول مره ارد عليج
لأني قريت قصتج من اول مره ومادري اذا رديت ولا لأ

بكلمج جني اكلم روحي
وانا حاطه نفسي مكانج

شوفي انا قريت كل اللي كتبتيه وبصراااحه مت من الحره وقمت افرك بصراااحه

انا ريلي اول ما ملجنا وكنت اشك انه يعرف وحده ثانيه
وبصرااحه اهو يعرف وحده ثانيه وكنت اشوف الورد والهدايا وكلام غزل ومسجاااات ترفع الضغط
واستمر على هالحاله طووووول الثلاث سنين وحتى كانت اتسمييني النسره بمسجاتها
بس مادري شنو كان يرد عليها
وكانت تصير بيني وبين ريلي هوااااش وبجي وزعل والحاله حاله بس ما يفيد لأن كلامه يبط الجبد
وطبعاً كله يطلعني غلطانه لأني شفت هالسوالف
وطلعني اني مريضه نفسيا ومحتاجه علاج
ويبت منه بنتين بس مادري اذا كان ينام معاها ولا لأ او يقابلها بس كنت ادري ان بينهم اتصالات ومسجات وهدايا

بس مهما حاولتي انج تقولينله عنها او تصارحينه اهو راااح يعاند اكثر واكثر

تدرين شنو سويت .. مع اني مادري اذا هدها ولا لأ
كنت كل يوم البس واتكشخ واعطر المكان كله واسوي العشا وازهبه
واستقبله كل يوم بضحكه ولا كأنه هامني وكنت بين فتره والثانيه اغير من شكل شعري
ومكياجي ولبسي وحتى طريقتي بالكلام
وحتى بلبس قمصان النوم
وكنت اييب له هدايا عاديه وورد

صج تغيرت طريقته معاي لأني يننته لأني ما قمت اعطيه اي اهتمام واهو موجود يعني اخلي الوضع عادي
يعني احاول ابين له اني عايشه حياتي بطريقتي واللي ابيه احصله

هذا ما يخلا من انج تحترين او تضايقين
انا اقولج راح تنقلب نفسيتج بينج وبين نفسج ويمكن تنهارين وتقعدين تبجين وودج بعد اتصارخين من كل قلبج
بس انتي حاولي هالشي وان شاء الله راح يفيد
بس انتي اعطيه فرصه ويمكن الله يسخره لج ويهديه حقج

وانتي دايماً ادعي له بالهدايه وان الله يبعده عنها

 

[أنثى وكلي حلا]

خسي الل يهو ترجعي له


زاني

واطي

وصخ

مايستهالج ولا يستاهل شعره منج


اوعى ترجعين له


ولا عليك من خالك


خلك عند خالتك مكرمه معززه

 

[لون المطر]

صدقيني اللي بقوله لج حطي تحته مليوووووون خط

كل حب بالدنيا ينتهي

خصوصا اذا حل محله حب جديد


فممكن يموت حبها ليش لأ


ممكن يحس بيوم انه يقدر يتنازل عنها اذا اقتحمتي قلبه بقوة


وكل الناس تغلط

لحد يقولج زنا ومعترف انه خربط وهذي مصيبة لا


ترى سالفة ان اعترفلج وقالج ايه انا احبها وانام وياها هذا بحد ذاته تصرف ايجابي حيل

لأنه صريح ومايعرف يلف ويدور

كل الناس اتغلط

اذا الله يسامح الكبائر احنا البشر مانسامح!!


حطي ايجابياته مقابل سلبياته وشوفي شنو اللي ترجح كفتها؟؟


امشي على خطة معينة مع شوية غرور وكبرياء وبنفس الوقت تغافل يعني سوي روحج ماتدرين او ماتنتبهين

لين تكسبين قلبه

وراح تلاحظين بنفسج وتتأكدين انه تركها بس طبعا سوي نفسج ماتدرين انه يعرفها اصلا


راح تتعبين

بس انشالله حياتج الجايه تستاهل هالتعب


الله يحقق اللي تبينه يارب

 

[لون المطر]

تذكرت نور ومهند


احس نفس قصتهم



استفيدي من نور ترى كانت شخصيتها حيل حلوة وبالنهايه اكسبت مهند



لاتضحكين ترى صج احيانا المسلسلات يتكلمون عن واقع

 

[((Fner))]

انا عن راييي انج تكشخين وتيرزين جمالج وتغيرين شكلج
واذا طلعتي معاه طلعي ساعة لا تقعدين معاه وايد لا تخلينه يشبع منج خليه ملهوف عليج
بانتظارج اختي وربي يوفقج انشالله

ويوفقج ياااااااااااااااااااااااااااااااااااااااارب

مشكووووورة :tek:

 

[the note book]

فنوووره حبيتي بانتظااار مغامره اليوم

ناطرينج



طمنينا عليج


و لا تقولين له ردني بسرعه و جذي لا اخذي راحتج معاه بس بثقل


و الله يوفقج و يسخره لج و ينصرج عليها بنت ابليس

 

[((Fner))]

خليج كاشخة وناعمة حيل ..
ولا تحددين وقت حق قعدتكم .. خليه يقول كل الي عنده وانتي قولي كل الي عندج .. حسسيه انج ودج تكملين معاه وتعيشين مع بعض قصة حب مووووو تعيشون مع بعض مغصوبين عشان أهله ..
قوليله اذا ماتبيني وتبيها فالله يوفقك معاها "حسيسيه بذنب وانتي تقولينها

المهم خليه يطلع كل الي بقلبه وتعرفين انتي شنوووو موقعج بحياته .. وهو بيهدها ولا لأ .. وحاولي تقطين جم كلمة بذرابة وبشكل غير مباشر عن الزنا
واذا رديتيله أول شي سويه انج تحجزين حق العمرة انتي وياه .. ضرووووووووووووووووووري ضرووووووووري .. والله دخلة العمرة تشرح النفس وتقرب الواحد من ربه

حبيبتي مشكووورة لإهتمامج

وصج حييييييييل محتاجه أروح عمرة

وفكة حلوة أني أسافر معاه الله يهديه

 

[the note book]

ولا تنسين الابتساااااااااااامه لا تعبسين بويهه

لا بالعكس و ديري باااااااااااالج ديييييييرييييييي بااااااالج تييبين طاري المشكله


خليها طلعه تعارف و بس و تدلعي و ضحكي دايم ابتسمي بويهه خليه يلاحظ عليج ان ويهج بشووش

 

[((Fner))]

فنوووره حبيتي بانتظااار مغامره اليوم

ناطرينج



طمنينا عليج


و لا تقولين له ردني بسرعه و جذي لا اخذي راحتج معاه بس بثقل


و الله يوفقج و يسخره لج و ينصرج عليها بنت ابليس

أبيييه واااي صج حاسه فيني حبيبتي والله :hjy5jewf:

صج مغامرة وحدي خايفه مادري لييييش

مادري شعوري غريب خايفه على باط جبدي على كره

ولهانه عليه - مادري شنو شعوري بالضبط

ساعات أقول بكشخ واتعطر

عشان أحره وساعات أقول ما يستاهل لا كره ولا حب وساعات أحس أني ولهانه عليه

مادري شنو بالضبط

وخاااااايفه أندم اني رجعت

بعدين اهوا غريب مادري مو معقوله بارد

كلش ما يدق كلش اليوم طلعتنا مادري وين ولا الساعه جم

طبيعي هالريال ان شاء يكون مشغول بشغله مو فيها الله لا يوفقها

 

[تفـاحهـ]

أنااا اقووول ردي لهــ


وحاااولي تكسبييين وده مثل ما قااالج خاالج



اذا كانت هي ما تستحي لا تخلييينهاا تفووز علييج اعتبرييهاا حررب


وبكل الاحواال انتي بتكووونين الاقرب لهـ صدقيني


بالتوفيق حبيبتي ربي يكتبلج اللي فيييه خيرر

وصدقيني ان حملتي وجبتيله ولد من لحمه ودمه بينسى طواااايف طوااايفها بعد ,, ,

 

[واثقه خطاي]

حبيبتي اغلب الرياييل جذيه الا من رحم ربي ,,,,,,,,,,,, وطالما انه على علاقه فيها تأكدي ماراح ياخذها ابداااااااااااا لانه بشك فيها ,,,,,,وترى المفروض اهيه الحين حاطه ايدها على فلبها لانه لا اهي زوجته ولا تاركها واكيد خايفه انج تفدرين تخلينه ينساها , كثري دعاء لله ولجوء له , وانسيها كأنج ماعرفتي عنها شي وعيشي حياتج , وبعدين خالك ريال وعلمج شنو يفيد بالرياييل , طبقي كلاااااااااااامه , ولما ييج ريلج لاتذكرينه فيها دايما , خلي قعدتج وناااااااااااااااااااااسه في وناسه ,عسى الله يعمي عيونه عن جميع البنات ومايشوف حبيبه وغاليه غيرج

 

[أم صالح]

انا اول شي اقول الله يسخرلج الصالح يارب

انا لو احط نفسي بمكانج ماقدر اردله وبنفس الوقت مابي الطلاق وهذي المصيبه لانه مهما حبيته تظل كرامتي اغاى من اي شي والحل انج اتخلينه فتره بدون ماتكلمينه ولا تطلبين الطلاق لانه الفتره اللي يقعد فيها يفكر بروحه ويشوف شخصيتج وحبج لكرامتج تخليه ياخذ القرار الصح ويحس انه ظلمج لانه انا اشوف انج فعلا انظلمتي . واذا تقدرين توصلين له هالجمله قوليله انا موخسرانه شي بس انت اللي خسرت وحده شريفه وبدلتها بزانيه اشلون تأمن تعيش معاها خلي الكلمه تحز بقلبه واذا بعدها رجع يبيج تاكدي انه مايقدر يخليج بسهوله بس لاتردين له بسهاله لازم يعرف قيمتج

 

[^_^ حوراء ^_^]

عطيه فرصه و ردي له

وحاولي كثر ما تقدرين تسحبينه يمج .. و خليه غصبن عليه يحبج :d ..

 

[جرح الليالي]

احسج واايد محتارة


استخيري والله يوفقج للي فيه صلاح لج

 

[@أحلاهم وأتحداهم@]

انا رايي من راي خالج هذي حرب لازم اتخوضينه وانتي الي تكسبينه
عطيه فرصه بس ديري بالج لاتحملين
واخذي راي خالج ابكل شي اتسوينه ماشالله عليه فاهم ويبي مصلحتج
الله يهدي ريلج ويبعد عنه بنت ابليس

 

[غايتي رضى ربي91]

حبيبتي فنر تصدقين كل يوم ادخل موضوعج عشان اشوف شصار لان ريلج بصرحه نذل وغشج وأنا منقهره منه,,,,,
بس خل أقولج قبل لا تقابلينه صلي وادعي ربج البصير انه يبصرج ويهديه لج اذا كان من وراه خير او ان يرده عنج اذا ما من وراه لا الشر والمغثه ,,,,واذا تكلنتي معاه فهميه ان انتي شابه وكلمن يتمناج وان مراح تتنازلين عن كرامتج عشانه او عشان امه, وقوليله انا ابي ريال انسند عليه ولازم توفري حقوقي الشرعيه وابي عيال عيل شحقه متزوجه بس جذي ماخذني ظهر جدام الناس؟؟؟؟؟
ولازم ماتنسين ان علاقته مع هالمره من زمان وقالج احبها ماتدرين بعد يمكن متزوجها؟؟؟؟؟ ففكري واستخري ولاتستعجلين ابتخاذ اي قرار لان هذا مصيرج انتي بروحج......
وعسى الله ان يهديه لج ويوفقج يارب بس خليج قويه ولايحس ان ظروفج بتحدج له,, الله يسهل عليج....:tek:

 

[((Fner))]

حبايبي شلونكم

هذي أخر أخباري بالتفصيل

طلعت من 7 أول شي ظلينا ساكتين أحنا الأثنين وبعدين سألني إذا أبي اتعشا بمكان أو نشرب قهوة بس


هذا معناته أن ماييت على تفكيره مو مزهب مكان أو شي عشان يحسسني بهتمامه ولا رتب أفكاره

تأكدت بنات أنا كلش ما أهمه هذي ماخذه عقله وتفكيره وقلبه

خيب ظني وايد وحسيت بندم مو طبيعي لدرجه كان ودي أعطيه كف


خاصة أن بعد ما جاوبته قتله على راحتك إلي تشوفه قالي نروح نشرب قهوة


وبعد دقايق رن تلفونه وحسيت وتقريبا متأكده أن بنت ابليس إلي داقه

لأن رد بحنان وقال ماراح أتأخر وسكت بعدين قال إن شاء الله تامرسكر التلفون

وقررت ما أخلي لها تذكرت كلام خالي ونصايحكم أن حلالي وملكي ماراح أخليه لها

ماراح أخليها تكسب ولازم احرق قلبها وأخذه قررت أتأخر وركزت شلون أقدر ألفت انتباها

وصلنا الموفمبيك رحنا القهوة طلب قهوة بس مايبي حلو عشان ما يتأخر طبعا

طلبت أنا بعد قهوة أول سؤال سألني شنو طبيعة شغلج وجاوبته

بعدين سألني عن رايي بالمنطقه الحرة تخلواا ماكو سالفه

تجرأت و قربت منه وقتله شرايك فيني

توهق - جان يقول نعومه وسكت طالعته قال محترمه وسكت قتله بس قالي لا - راقيه وسكت

جان يقولي شفيج طالعينى واهوا في قمة التوهق - سكت ما دري شقول رن تلفونه حطه سايلنت

قعدت اتلفت وأطمش على الناس

رن تلفونه رد مادري منو بس قال بالكثير نص ساعه لا تحاتي وصكه عرفت أنها قاعده تحن وتدري أن طالع معاي

وتبيه يهدني - جان يسألني ليش ساكته ماتبين تسولفين معاي


سبحان إلي ألهمني الأجابه والله بنات أنا كلش ما عندي سرعة بديهه بس سبحان الله ولا يمكن أتخيل أن ممكن أجاوب بهالجرأة


قتله ما تبي تعرف رايي فيك - قالي أكيد شنو رايج فيني

قتله جذاب تينن - ابتسم ابتسامه عريضه وضحك قال عياره وجذابه

قتله لايمكن اجذب أخاف الله ومحترمه - قالي بعد >> قتله حلالي


ضحك حييل اعجبته الأجابه الحمدلله والشكر جان يقولي أول مرة أعرف إنج شيطانه وسولفنا دق تلفونه مرتين مارد بس لما تدق يرد


واحنا نسولف دقت قالها ان شاء الله أخلص وأدق وسكت اظاهر كانت تتكلم قالها اوكى باي

بعدها قالي شرايج نمشي - كان بردني ما قالها بصراحه بس عرفت أن بردني وأكيد بروح يراضيها

قتله ترى يوعانه حدي وين بتوديني رزيت ويهي عشان أموتها و أدري ودى يطقني قالي على راحتج

قتله أبي لونوتر البحر ورحنا وكليت ببطئ شديد وسولفنا من ضمن السوالف أن بسافر باجر العصر وبيرجع الجمعه

قتله مره ثانيه إن شاء اللهودي أسافر معاك بغير جوي قالي ترى ضيقة خلق أنا ديما أكون مشغول قتله عادي قالي خلاص لما ترجعين البيت نشوف لنا سفره مايبي يسافر معاي وأنا ما حبيت أضغط عليه وأنزل نفسي


ودقت بعد كان يحقر كل التلفونات إلا إهيا استأذن بروح الحمام وانتو بكرامه

قتله بليز أبي تلفونك ناسيه تلفوني وعندي مكالمه مهمه سأل منو- طبعا سأل ما يبي يخلي تلفونه قتله بنت خالتي عطاني التلفون بس ماراح لما خلصت
طبعا قبل لا أدق حفظت رقمها مادري ليش بس حفظته رقمها يفرق رقم واحد عنه تخيلوا أكيد اهوا إلي ماخذه لها

المهم أكيد راح كلمها رجع طلب الحساب ومشينا

وصلنا البيت قبل لا أنزل قتله بعد أكو شي قالي شنو قتله ظالم

رد شفيج شنو يعني قتله وبعد مو جنتل المفروض قبل لا أنزل تبوسني وتقولي تصبحين على خير

قالي بليز لا تقولين ظالم قلبي يعورني أنا مو ظالم (عشتوا يحس عنده قلب حنون ما شاء الله طبعا هالكلام بقلبي )

بنزل جان ينزل معاي باس ايدي وقالي تصبحين على خير

وبس هذا كل إلي صار

شرايكم بنات تهقون كسبت الجوله ولا لأ وأنا متأكده أن ألحين قاعد يكلمها متأكده

بس على الأقل ما يقدر يشوفها لأني رديت متأخره

شنو أقدر أوي ألحين أبي أشغله فيني - خالتي باجر عازمتي على الغدا بس مادري ليش أكيد مسكينه بتعرف الأخبار

 

[~NaZaKa~]

وااي حبيبتي والله خنقتني العبره وانا اقرا الي سويتيه
ماشالله علييييج اليّ يااج الالهام والبديهه هذا من فضل الله
هذي اول خطوه تسوينها ونجحتي فيهااااا اهنييييج من كل قلبي
انا مو متزوجه بس عجبتيني لانج ماتنازلتي عن حقج ومااستسلمتي وتركتيه لهااا
قلبي معاج وادعيلج بس خلج معانا وقوليلنا الاخبار لاني احاتييج

استمري بجرئتج ولاتستحيييين لانه حلالج مثل ما قلتي
ولاتخلينه يفكر بشينة الحلا واهوا معاج يننيه سيطري على عقله وقلبه
تراه مثل الياهل
والله يعيينج حبيبتي ويهدي لج ريلج ويبعد بنت ابليس عنه

اتمنى انج اداومين على الاستغفار وتدعين ربج بثلث الاخير من الليل وهم بين الاذانين (الفجر)
لانه ربي اهو الي بيعينج وبينصرج على بنت ابليس

لاتضعفييييييييين ترااج قدوه حق البنات وانا اولهم فبليييييييز لاتضعفيييييييين

 

[((Fner))]

وااي حبيبتي والله خنقتني العبره وانا اقرا الي سويتيه
ماشالله علييييج اليّ يااج الالهام والبديهه هذا من فضل الله
هذي اول خطوه تسوينها ونجحتي فيهااااا اهنييييج من كل قلبي
انا مو متزوجه بس عجبتيني لانج ماتنازلتي عن حقج ومااستسلمتي وتركتيه لهااا
قلبي معاج وادعيلج بس خلج معانا وقوليلنا الاخبار لاني احاتييج

استمري بجرئتج ولاتستحيييين لانه حلالج مثل ما قلتي
ولاتخلينه يفكر بشينة الحلا واهوا معاج يننيه سيطري على عقله وقلبه
تراه مثل الياهل
والله يعيينج حبيبتي ويهدي لج ريلج ويبعد بنت ابليس عنه

اتمنى انج اداومين على الاستغفار وتدعين ربج بثلث الاخير من الليل وهم بين الاذانين (الفجر)
لانه ربي اهو الي بيعينج وبينصرج على بنت ابليس

لاتضعفييييييييين ترااج قدوه حق البنات وانا اولهم فبليييييييز لاتضعفيييييييين

حبيبتي ما تصدقين شكثر ريحتيني وونستيني وشجعتيني

مشكورة وايد لإهتمامج وأكيد إن شاء الله الدعاء على طول في بالي الحمدلله

الله ييسر الأمور يااارب


الله يوفقج يا قلبي وعطيج الريال السنع إلي ينيج طووول عمرج :tek::tek: