صارحته وانصدمت

[Bamya]

الله يعينج .. بس لازم اذا رجعتي تظمنين انه قطع عن حبيبته خير شر

 

[زيزو]

امبيييييه لا تخلينه لها تكفين ردي وكسبي المعركه لصالحج
صدقيني كل ريال وله مفتاح والمرأه اللي ماتعرف مفتاح ريلها اسمحيلي غبيه
قاومي وقاومي دامه زين وسحبيه يمج بذكائج وانثوتج تمسكني لما تتمكنين
تكفين لاتستسلمين بسهوله

 

[ترانيم انثى]

استخيري ربج وكثري من الدعاء ..وعطي نفسج فرصه..والله يوفقج ويسعدج..

 

[@فطفوووطه@]

عطيه فرصه ثانيه وعلى قولة خالج ابدي الحري انتي والللي يحبها حاولي تكسبينه بمعاملتج باهتماامج فيه بطلعاتج انتي وياه مثلي عليه انج دور العشيقه يعني تدلعي خليه ينساها بشطارتج والله يهديه لج

 

[bintq8]

استخيري ربج وانشالله هذي فرصه تخليه يتعدل والله يهديكم حق بعض انشالله

 

[Dancing^Queen]

اختي الحبيبه فنر الله يعينج ويصبرج ويصلحج امرج كله امين
شوفي حبيبتي قبل اي شي الاستخاره استخيري ربج يكتبلج الخير حيث كان ويقدره لج ويسهله ويرضيج به
اولا منتي مجبوره انج تردين له اذ ماتبين مو عشان خالج قالج ردي تحسين انج مجبوره اهوا كيد يبيج تكونين عند ريلج ويبي حالج ينصلح ويبج تحاولين بس مو اجبار اختيار فكري وريل خالتج شقالج؟ قالج مو مجبوره فكري
ثانيا اهلج اهم ظهرج وبيشلونج ان شاءالله ومهم مقصرين يعني عندج خياار وبيتهم ماقصر وياج ولاراح يقصر مبين طيب اصلهم مو عشان انتي يتيمه انتي مجبوره انج تردين له وتتحملين كل شي
ثالثا اذا بتردين ردي واذا بتحاولين حاولي لان انتي تبين مو لانج مجبره ، حياتج تستاهل انج تتعبين عشانها واذا شايفه ان في مجال ان ريلج ينصلح حاولي باختيارررررررررج انج تصلحينه وشرطي عليه ان يهدها ليش ماتشرطين
وردي بشروطج
وخليه يشتري ردج ولايحس بانكسارج ابد او انج مجبوره انج تردين
قوليله تبيني ارد وشاريني؟ بشوف شلون مو بفلوس وجم الف انا ماني مجبوره عليك ولاني مغصوبه باختياري اعيش وياك وباختياري اهدك اذا مانصلح حالك معاي عمري مو لعبه بايدك وامري ورقبتي بايد ربي وايدي مو ايدك
اذا تبي تبني حياه وياي وانت ريال قد كلمتك لي قلتلها اثبتلي
لاتبيبنله ضعف شخصيه او انج انكسرتي او انجبرتي
ونصيحه لاتستعيلين تيبين عيال منه اول تاكدي فعلا ان يبي يستقر

 

[ام الحوراء زينب]

حبيبتي استخيري ربج واللي الله كاتبه ان شاءالله يصير

 

[teenaa]

مساء الخير والله قطعتي قلبي





حبيبتي اول شي صلي استخاره واذا قررتي تردين شرطي عليه ان يحلل ويشوف قوليله الي انت تعرفها شنو الي يضمني مايكون فيها امراض وهني راح يبين اذا اهوا صج يبيج وشاريج ولالا


اذا حلل معناها يبيج وراح تكون له قرصه لان مو سهل الريال يحلل ويدوس على كرامته ويحس بالنقص
واذا ما حلل معاها ان يبي يردج علشان اهله


وبالنهايه هذي حياتج محد عارفها وحاس فيها غيرج


كان ودي افيدج بس لازم محد يتدخل بحياتج لان هذا شي شخصي


وحسبي الله عليها الي بايعه نفسها وعرضها وجسمها علشان حب


استغفر الله واتوب اليه

 

[سي السيدة]

صلي صلاة الاستخارة استشيري ربج اول شي ولا تتسرعين في اتخاذ القرار خصوصا الطلاق واذا رديتي ردي بشرط يقطع علاقته وياها
ترا الامر اذا سهيلتيه وفكرتي عدل يكون حله هين

 

[teenaa]

اختي الحبيبه فنر الله يعينج ويصبرج ويصلحج امرج كله امين
شوفي حبيبتي قبل اي شي الاستخاره استخيري ربج يكتبلج الخير حيث كان ويقدره لج ويسهله ويرضيج به
اولا منتي مجبوره انج تردين له اذ ماتبين مو عشان خالج قالج ردي تحسين انج مجبوره اهوا كيد يبيج تكونين عند ريلج ويبي حالج ينصلح ويبج تحاولين بس مو اجبار اختيار فكري وريل خالتج شقالج؟ قالج مو مجبوره فكري
ثانيا اهلج اهم ظهرج وبيشلونج ان شاءالله ومهم مقصرين يعني عندج خياار وبيتهم ماقصر وياج ولاراح يقصر مبين طيب اصلهم مو عشان انتي يتيمه انتي مجبوره انج تردين له وتتحملين كل شي
ثالثا اذا بتردين ردي واذا بتحاولين حاولي لان انتي تبين مو لانج مجبره ، حياتج تستاهل انج تتعبين عشانها واذا شايفه ان في مجال ان ريلج ينصلح حاولي باختيارررررررررج انج تصلحينه وشرطي عليه ان يهدها ليش ماتشرطين
وردي بشروطج
وخليه يشتري ردج ولايحس بانكسارج ابد او انج مجبوره انج تردين
قوليله تبيني ارد وشاريني؟ بشوف شلون مو بفلوس وجم الف انا ماني مجبوره عليك ولاني مغصوبه باختياري اعيش وياك وباختياري اهدك اذا مانصلح حالك معاي عمري مو لعبه بايدك وامري ورقبتي بايد ربي وايدي مو ايدك
اذا تبي تبني حياه وياي وانت ريال قد كلمتك لي قلتلها اثبتلي
لاتبيبنله ضعف شخصيه او انج انكسرتي او انجبرتي
ونصيحه لاتستعيلين تيبين عيال منه اول تاكدي فعلا ان يبي يستقر

انا معاج 100%




والله يوفجج ويصلح حالج ولا تبينين انج منكره خليه يشوف ان وراج عزووووووووووووووووووووووووووووووووووه

 

[بتبوتااا]

لو انا منج اقضبطه بيدي واسناني
واخليه ينسى هذيج وطوايفهاا

اول شي تحطين هالشروط .
تغير رقمك ونسافر لنا فتره نتعرف فيهاا بعض طبعاا حاوي تغيرين الوضع الي عشتيه سولفي معاه وايد
خلج كله معاه عشان ما يلاقي فرصه يتذكر الي فات ,,
والله يوفقج معاه ان شاء الله والله يهديه حياتي ,

 

[haneen]

:

حياتي الانسان مو معصوم من الغلط

وادري ياعمري انتي ,, انه جرحج حييييل مو شوي

واللي صار مو قليييييييييييل .,

بسسس قولي هذا اختبار من رب العالميييييييين ,, وان شاء الله بنجح فيه

ان يبليني بريال مثلة ,, بعدين تلجأين لربج ,, وتدغين له وتناجينه ,, واهو يستجيب لج ,,

سمعي ياقلبي ,,

الريال صح غلط ,, بس لو مو متحسف وحاس فيج ,,
جان مارد ,, شكله نادم حييييل ,,

لانه لو صج يبيها ويحبها مثل ماقال ,, جان ما ندم على روحتج من ايده
جان قال فرصة اسوي الللي ابيه ,,
لكنه ,, صدقيني بدا يحبج ويوم رحتي ,, بان الحب بقلبه ,,
اهو عباله للحين يحبها .. صدقيني لاااااااااااااااااا ,,

الزوجة وربي اغلى واطهر من الف حب سبق الزواج ,,
لانه الله سبحانه وتعالى ,, من اول معاشرة يحط الحب والحنان في قلب الزوجين ,,
وهذا شي بالفطره ’,

الريال ندمان ياعمري ,, عطيييييييه فرصة ,, ومنتي الخسرانه ,,
اذا هالمرة ما قدرج وظلمج بعد ,, لج حق تزعليييين وتسوين اللي تبينه
لكن فرصة وحده ما بتأثر عليج حبيبتي ,,

وصدقيني الريال شاريج حيييييييل ,, ما يخلي زوجة عفيفة صاينته
ويروح مع وحده عاشرها ,, هالشي مستحييييييييييل ,,


راجعي نفسج وصلي استخارة .. و استغفري ياقلبي وايد ,,
ترا الاستغفار حل الخير لكل الاموووووووووور ,,

وربي يسخره لج ,, وينعم عليكم بالسعادة والهنا
ويبعد عنكم كل حاسد و مفسد ., اللهم امييييييييييييييييين

موفقة ياقلبي

 

[وجدان الكويت]

انا لو مكانج ارجعلى بدون تردد

ادري انة جرحج بس صدقيني وااايد حريم انجرحو من رياييلهم ودشوا الحرب واهم الكسبانيين بالنهاية

وصدقيني الريال لو مايبيج جان استغل الفرصة وقال فكة اهي طلبت الطلاق خل اطلقها

وحتى لو اهو متعلق بالثانية مع الوقت انتي بشطارتج بتنسينة الثانية كافي انة انتي زوجتة والثانية مجرد وحدة قذرة !!!

رديلة حبيبتي وعسى الله يوفقكم يااارب

 

[بدوية بملامح كشميرية 86]

ياعمرى انتى الله يهديه لج
ويسخره لج

 

[.. Dior ..]

حبيبتي انتي عسى الله يسخر لج زوجج ويزرع حبج بقلبه ياااااارب

ياقلبي عطيه فرصه ثانيه مافي انسان كامل والرياييل وايد يغلطون انا معاج ان الموضوع صدمه ويجرح لكن مو من اول مشكله تخلينه لغيرج

ترا الريال يعرف ومستحيل يتزوج وحده تكلمه بالتلفون وتطلع معاه حتى لو يحبها بينه وبين نفسه يدري انها رايحه فيها ومايقدر يأمنها على بيته

ذكري بالله وادعيله بالهدايه وبالاول والاخير استخيري ربج والله يصلح الامور بينكم وتصير حياتكم احسن

 

[كنوشة 2009]

استخيري وعطيه فرصة ثانية والريال شكله نادم وشاريج
وخلي خالك يكلمه مع ريل خالتك كلام رياليل علشان يحسب لهم
الف حساب ويحس ان وراج ريايل ما راح يسكتون عن اللي يسويه
والله يوفقج ويهديه

 

[مـزآج ــــية]

ان شا الله يتسنع

 

[**بحرينية عسل**]

الله يساعدج حبوبة
هو السالفة مو انه يعرف وحدة ومااذخها المشكلة انه ينام ويا عشيقتة هذه كبيرة وايد
والمفروض خالج الي قالج هالحجي انجان قلتي له انه زاني
ماابي اقول لج تطلقثي ولاترجعين له
بس بصراحة وواقعية اذا رجعتي لة بتتحملين كل مرة يرجع البيت وانتي شاكة فيه انه راجع من عندهااا ونايم معاها
فكري عدل
وقعدي تفاهمي معاه قبل لاترجعين البيت وعرفي وضعج بالضبط
بيرتركها وبيكون رجل وزوج لج وبس
ولا بيضل على علاقة فيها ويبيج ترجعين بس علشان امه

 

[الام الحنونه]

وانا مع البنات,صلي استخاره والله راح ينور طريجج,وعليج بالدعاء فأن الدعاء يرد القضاء,وقراءة البقره بصوره يوميه لمدة 40 يوما وصدقيني صدقيني الله راح يفرجها عليج من جميع الابواب ويسخر لج زوجج ويبعد عنه كل فاحشه ومنكر بس انتي طبقي وتوكلي على الله

 

[Meeesh]

الحمدالله على كل حال انا من رايي ماتردين له لانه قلبه متعلق ولا جان نساها اول ماتزوجتوا سمحيلي هو خذاج ترضيه لأهله وبيراضيج علشان يرضون عليه وبترد ريمه لعادتها القديمه دامج لى الحين ماعندج عيال الانفصال احسن قبل لا تيبين عيال ويصيرون ضحيه على الاقل انت الحين بروحج ونصيبج بيكون سهل والله يوفق ويهدى الجميع

انا معاج