صارحته وانصدمت

[هدوء]

استخيري اختي ومثل ما قالوا البنات اكثري من الاستغفار والأذكار وقيام الليل

الله يهديه ان شاء الله

 

[_ظل الياسمين _]

مشكووره بس اهوا كلش ما حسسني ان شاريني

بالعكس انا حاسه أن مجبور أمه اتوقع

وبعد أتوقع أن مكلم خالي عشان جذي دق عقب خالي ودز الورد

أنا إذا برجع بس راح يكون عشان خالتي بس خايفه أندم أخاف ياخذها واحتر أني عطيته فرصه ثانيه

مشكورة

حياتى ترى الرياييل فيهوم طبع الكتمان..
والصبر مو مثلنا احنا الحريم نمشى ونحجى اللى بقلوبنا..
سوى اللى عليج بالعكس بتنحرين من تتركينه لها بارده مبرده..
هذا ريلج لاهو خطيبك ولا واحد تحبينه وبيتك دافعى عنهوم..
بس بهدوء ورويه وثقه لاتردين وبراسك الشكوك والمشاكل..
كانك ماسويتى شى ساااعتهااا..بالعكس بطفرينه منك وبيحس
انه الهدوء والعاطفه بس عند ذيج..
حياااتى كل انسان ربى يمتحنه بشئ بحياااته وقديكون
هذا امتحانك ..الصبر ثم الصبر والتوكل على الله
والثقه فيه ..ادرى جهاااد صعب بس ان كنتى تبين رضى
رب العالمين والاجر ..وكسب بيتك وريلك عليج ..
باللى قتلج عليه وربى يوفقك ويسهل امرك ويهديه ويسخره
لج باذن وااااحد احد ..واحنا معاااج ومتابعينج ..:tek:

 

[وحش سعود]

صلي صلاة إستخاره وفكري بنفسج اولا
وحطي في بالج الطيبون لطيبات والخبيثون للخبائث
والله يوفقج

 

[حبيب قلبي]

الحمدالله على كل حال انا من رايي ماتردين له لانه قلبه متعلق ولا جان نساها اول ماتزوجتوا سمحيلي هو خذاج ترضيه لأهله وبيراضيج علشان يرضون عليه وبترد ريمه لعادتها القديمه دامج لى الحين ماعندج عيال الانفصال احسن قبل لا تيبين عيال ويصيرون ضحيه على الاقل انت الحين بروحج ونصيبج بيكون سهل والله يوفق ويهدى الجميع

 

[ام الحلوه والمزيون]

عطيه فرصه ثانيه عشان ماتندمين

 

[((Fner))]

عورة قلبي قصتج


الله يعينج حبيبتي ويجعل لج اللي فيه الخير والصالح

سؤال ... اتحبينه وتبينه؟ او لا بغض النظر عن اللي قاله

مادري أنا كنت أحسب أن شعوري ناحيته حب بس ألحين أحسن أن لا يعه جبدي منه

ظالم والله ظالم

أعتقدأني كنت معجبه فيه لأن عنده كل صفات فارس الأحلام على قولتهم

وبعدين أنا وحده أخاف ربي وعمري ما عرفت أي واحد وحتى إذا اعجبت بواحد كان شغل مراهقين
عرفتي عشان جذي حسيت أنبي أحبه

 

[خُزام]

سنة ما لمسج إلا مرتين ومتحمله !!!
والله مادري شنو أقول بالضبط ماقدر أنصحج
ولا تاخذين برأي الناس ترى يضيعونج وتتشتتين !
هاذي حياتج انتي ادرى وابخص فيها قعدي بينج وبين نفسج قلبيها بمخج
فكري بمساوىء ردتج له و بمزايا ردتج له وقارني بينهم
فكري هل هو يستاهل تردين له واحتمال يتعدل ويتسنع
والا شايفة انه ما فيه أمل يتعدل
بس آنا مو مع خالج إذا كنتي بتردين له لاااازم تحطين شروط لردتج
نصيحة لا تردين له بدون شروط والا بيعتبرج بلا كرامة
لا تفكرين اذا بيطبق شروطج او لأ لأنه أكيد ما راح يطبقها كلها
بس فكري بالشروط اللي تبينها وقوليها له جدام احد من اهلج
وانا اظن ما دام انج تحملتي سنة وساكته !!! فأكيد تحبينه أو متقبلته
قلبيها بمخج وصلي استخارة والله يكتب لج الخير

 

[((Fner))]

حياتى ترى الرياييل فيهوم طبع الكتمان..
والصبر مو مثلنا احنا الحريم نمشى ونحجى اللى بقلوبنا..
سوى اللى عليج بالعكس بتنحرين من تتركينه لها بارده مبرده..
هذا ريلج لاهو خطيبك ولا واحد تحبينه وبيتك دافعى عنهوم..
بس بهدوء ورويه وثقه لاتردين وبراسك الشكوك والمشاكل..
كانك ماسويتى شى ساااعتهااا..بالعكس بطفرينه منك وبيحس
انه الهدوء والعاطفه بس عند ذيج..
حياااتى كل انسان ربى يمتحنه بشئ بحياااته وقديكون
هذا امتحانك ..الصبر ثم الصبر والتوكل على الله
والثقه فيه ..ادرى جهاااد صعب بس ان كنتى تبين رضى
رب العالمين والاجر ..وكسب بيتك وريلك عليج ..
باللى قتلج عليه وربى يوفقك ويسهل امرك ويهديه ويسخره
لج باذن وااااحد احد ..واحنا معاااج ومتابعينج ..:tek:

مشكوووره حبيبتي والله انج ريحتيني
اذا برجع برجع عشان ربي وعشان خالتي إلي عمرها ما قصرت معي

مشكووووره

 

[((Fner))]

مشكوررين بنات والله يوفقكم

 

[منيرة خالد]

أختي / ردي لزوجج وأهتمي فيه وطالبيه بحقوقج لا تسكتين لأنج حاسه بخجل شيلي الحيا بينج وبينه وأترسي حياته بوجودج مو تخلينه كله طالع بروحه اطلعي معاه خليه يحس بوجودج بحياته ويعيش حياة اسريه حتى الجمعيه خليه اهو اللي يوديج خليج بحياته على طول ، وصدقيني البنت اللي يعرفها دام العلاقة اللي بينهم زنا بيجي يوم ويكرها لأنها سلمت نفسها لها بالحرام ، وعليج بتذكيره بعقاب رب العالمين وإن الله يمهمل ولايهمل _ والله يهداه

 

[المكسيكيه]

واي ياقلبي انتي عورتي قلبي وربي فديتج
حبيبتي استخيري
وعطيه فرصه يمكن جاد ماتدرين
لو ما يبيج جان ماتم يدق يدق يدق
وربي يوفقج ويسهل لج امورج ان شاء الله
ويحنن قلب ريلج عليج ويسخره لج

 

[دلوعه زوجهااا]

حبيبتي الله يصبرج ويعينج
شوفي بحيااتي مانصحت وحده تقعد عند زوجهااا وهو خاااين بس هالمره غير
انصحج انج تردين لان اولا ... انتي اولا مالج الا بيتج ومالج الا زوجج اذا تطلقتي لا سمح الله وماجالج نصيب سااعتها وين بترووحين محد دايم لاحد خالتج وخالج مو دايمين لج وماتقدرين تقعدين عند عياالهم لانهم مو محرم .......
ثانياا .. زوجج اعتذر واعترف بخطأه مجرد نزوووووه وهي زانيه ماراح يقاارنها فيج لانها مجرد تسليه له
ثاالثااا ..حااولي تغيرين منه وتعدلين طريقه حيااااااته تكسبين الاجر...
وحتى لو ماتغير جيبي منه ولد او بنت يشيلج وتقعدين عنده بكبرج لان محد ساااااااأل عنج لما تكبرين
اسمحيلي اذا قلت كلمه تزعل بس هذا الصج لازم ترضين بالواقع جيبي عيااال ينسونج اياه ويشيلونج بكبرج وهو اذا تعدل كان بهاا اما اذا مافاد راح يصوونونج عياااااااالج

مجرد وجهه نظر واتمنى تفهميني قلبووووووووووو

 

[ريتشل]

لا تعذبين نفسج وتردين وباجر تييبين يهال وتتورطين

 

[متواضعة]

مادري أنا كنت أحسب أن شعوري ناحيته حب بس ألحين أحسن أن لا يعه جبدي منه

ظالم والله ظالم

أعتقدأني كنت معجبه فيه لأن عنده كل صفات فارس الأحلام على قولتهم

وبعدين أنا وحده أخاف ربي وعمري ما عرفت أي واحد وحتى إذا اعجبت بواحد كان شغل مراهقين
عرفتي عشان جذي حسيت أنبي أحبه

اكيد بهالوقت بتحسين انج لايعه جبدج منه لانه الموضوع مو بسيط

شوفي نصيحت لج عطيه فرصه ثانيه بس بشرط انج ماتعايرينه وانج اتشيلين من عينج انه على علاقة بوحده ثانيه لانه اذا سويتي هالشي + كل الاشياء الزينه اللي بتسوينه بعد بينحاش منج عرفتي

عطيه فرصه دام انه ياج لي عندج بس خلي اهلج خالج يكلمه كلام ريايل انه ايدير باله عليج ويقطع علاقته بهالمره قبل لا تردين ضروووري احد من الريايل يكلمه علشان يعرف انه عندج ظهر

 

[Un-6be3iya]

صدقييني لو مو شاريج جان طرش ورقة طلاقج اول ما طلبتيها
بس انتي بطريقتج كسبيه و بعديه عن بنت ابليس
والاحسن بعد تاخذون اغراضكم وتسافرون فترة مع بعض تغيرون جو و تتقربون لبعض اكثر
الله يسخرلج زوجج انشالله و يجمع بينكم بالخير ويبعد عنكم عيال الحرام

 

[مجنونة بس عاقلة]

ارجعي لزوجك بعد ماتستخيرين
وعطيه فرصه ثانيه

 

[Un-6be3iya]

و قبل لا يردج يحلف ع القرآن و جدام شهود من اهلج وأهله انه مستعد يتغير و راح يبعد عنهآ و مايقصر معاج بشي
وانتي احتياطـًــا اخذي مانع عشان صار ما صار لا سمح الله لا تحملين وتتورطين

 

[الولو]

استخيري ربج


ذكرتيني بقصه كاتبتها ناعمه الهاشمي اذا لقيتها بحطها ان شاء الله

 

[Om Khaloody]

ما اقول غير الله يهديه ويسخره لج ياارب اذا كان فيه خير ويشرح صدرج وينصرج وطمنينا عليج

 

[بيتي بوب بس كويتيه]

مادري والله شقول لج الله يعينك
انتي شوفي شنو بترتاحين له وسويه