صاحب المجمع نصب علي

[المزيونه ...]

اخر التطورات

المحامي كلمهم وقال نحل القضيه بينا احسن من المخافر والقضايا وانا ابي جذي اصلا

قال ادفع 350 متى ماصار عندي فلوس عندي لي شهر 3

واخذ اغراضي باجر بس ابوي يوقع على ورقه يكتبها المحامي يدفع لهم 350 بس اخاف اذا وقعت على ورقه يمكن يستخدمونها ضدي بس الورقه راح يكتبها المحامي

مادري شسوي

 

[Tulips]

رد : صاحب المجمع نصب علي


ويييي يعني بيدفعونج بيدفعونج

حسبي الله عليهم هذيلا قبل ماتتعاملين معاهم لازم الف محامي يشوف العقد ويدرسه عشان مايلاقون ثغره ويستغلونها ضدج

الله يعوضج حبيبتي وعساهم مايتهنون بهالفلوس اللي ماخذينها ظلم

 

[قطوووة]

رد : صاحب المجمع نصب علي

لاتدفعين

خل يولي حاجز اغراضج شنو يبي يلوي ايدج

 

[عضوة ذهبية]

رد : صاحب المجمع نصب علي

حبيبتي توكلي على الله واقبلي العرض و3 شهور انشالله كافيين وزيادة ودام انج بتاخذين بضاعتج اعريضيها في المعارض وبحيل الله بتربحين من وراها وتسددين المبلغ ،،، ونصيحتي الورقة لاتنكتب الا بحضور محامي من طرفج عشان كل شي يكون سليم في السليم وبعدين انتبهي حبيبتي اذا اكتبو رقم المبلغ بالورقة واللي هو 350 خلهم يكتبونه بعد حرفيا يعني ثلاث مئة وخمسون دينار ،،، ماتدرين خوفج اذا بس كان رقم يزيدونة صفر ويصير بقدرة قادر 3500 من خاف سلم حبوبة والدنيا مالها امان ،،، وانسي خسارتج الاولية وعسى الله يعضوج بالربح ويفتحلج ابواب رزقة

 

[silent99]

حبيبتي نصيحة وخري عن القضايا و المحاكم لأن السالفة راح تطول و يمكن تاخذ لها 10 سنين عشان تاخذين حقج..هذا غير اتعاب المحامي
ثاني شي.. لا توافقين تدفعين ولا فلس اذا انتي مو موقعة على عقد يلزمج بالدفع
روحي المخفر و سوي اثبات حالة.. يطلعون يكشفون على المحل و يسجلون الموضوع كله
بعدين اشتكي على صاحب المجمع بالمخفر..خليهم ينادونه و يتفاهمون وياه و يرجع لج اغراضج
و تقدرين تساومينه و تورينه فواتيرج اللي صرفتيها على الديكور و الاضاءة و الطاولات و تقولين له انا دافعة اكثر من 500 على الديكورات
و خليله الديكورات بالمحل بدال الايجار اللي يبيج تدفعينه

بس بيني و بينج.. ترى مافي احد يعطيج المحل ببلاش 3 شهور الا اذا كان الاتفاق انج تكملين معاه و تأجرين المحل فترة معينة..
يعني اعطيج مثال.. لما تروحين تشترين سيارة اقساط يقولون لج اول قسط يبدي بعد 3 شهور.. يمكن خذيتي السيارة و جربتيها ماعجبتج..شتسوين ؟ تروحين ترجعينها ببلاش ؟؟ لا طبعا.. راح يقولون لج دفي قيمة الفترة اللي استعملتيها او بيعيها باقل من سعرها

خلاصة كلامي ان افي احد يعطي شي ببلاش بهالزمن.. كل شي و له قيمة.. و الريال من وجهة نظره انج استخدمتي المحل 3 شهور و بتطلعين ماتبين تكملين معاه.. فيبي قيمة ال 3 شهور سواء انتي ربحتي او خسرتي اهو ماله شغل

بس الغلط انكم مو كاتبين عقد كامل بشروط واضحة.. فمايقدر يطالبج بهالشي

ادري قرقت وايد بس ماني عارفة شلون اوصلج المعلومة.. ان شاء الله تكونين فاهمة شنو قصدي

 

[جوري الغرام]

رد : صاحب المجمع نصب علي

الله يعوضج ان شاء الله