صابون الرقي

[نوف الصقعبي]

السلام عليكم ورحمة الله وبركاته

لاتستغربون

صابون الرقي

بحط تجربتي لكم لأن اللى يحب الخير لنفسه لازم يحبه لغيره

وربي يشهد على كل كلمه بكتبها لكم

ومابي الا دعوه حلوه بالرزق والستر وحسن الخاتمه

بنات مافي كثري بالمشتريات بهالمنتجات للشعر
سواء طبي أو شعبي

ماخليت شامبو الا واستعملته
من الجمعيات
من الدكاتره
من لوريال

عسى مانزل شامبو بالدعايات
رحت وشريته

شعري من الآخر

مــــــــــات
كلنا نعرف صابونة الرقي

والله يابنات انها عدلت لى شعري 99%

نعومه
ملمس حلو
قوه
سهل التمشيط
وخر لى التقصف عدل لى شعري بالكامل
وبالإستشوار يهبل يعور القلب
الكل يستخف على شعري
والسر
*
*
*

صابون الرقي​

 

[موريا آدم]

ماشاءالله
اب للافادة

 

[am_kshaa]

كلامج عدل حلو صابون الرقي بس اذا انتي شعرج دهني بكون حلو لج بس الى شعرها ناشف بنشفه لها زيادة

 

[mischocolat]

واللي شعرها مصبوغ يا الله شو بيكون شكله

 

[نوف الصقعبي]

إم كشه لا حياتي شعري ناااااااااشف وايد

وجاف

وصابون الرقي القديم المربع
مو الغار الجديد اللى شكله جنه لوكس
لا
انا استخدم القديمه المربعه
والله خلت شعري روعه​

 

[نوف الصقعبي]

الرقي زيتها منها وفيها
انا اتسبح بس فيها
للشعر روعه
وماحط بلسم تكفي بروحها

وهم فركي فيها جسمج وشوفي الصفاء شلون يصير
توخر الحبوب والبقع
جربي وادعيلي​

 

[تبيني آرضى عليك]

مشكورررررررره

 

[Vous jamais]

جزاج الله خير حبيبتي

 

[ماكواسم2]

اشلون الطريقه ؟؟؟..يعني اتنقعينها وله على طول

 

[نوف الصقعبي]

منورين فديتكم كلكم
نورتو موضوعي

بدون إسم لا فديتج ماتنقعينها للشعر تتسبحين فيها عادى
انا امسك الصابونه الرقي القديمه المربعه واكون تحت الدش وافرك فيها شعري
​

 

[ضنـآني الشوق]

يعني بدون ماتبشرينها !!؟


يعطيك العافيه حبيبتي

 

[نوف الصقعبي]

أعتقد حتى لوبشرتيها ماتفرق حبيبتي
بس لاتنقعينها بالماي
لأ
يعنى اذا حابه تبشرينها وتحطينها بعلبه بس ماتكون حديد ألمينيوم مومشكله
حطيها ببلاستيك ووقت مابغيتي اخذي بكف ايدج
وتسبحي فيه
سواء للشعر او الجسم
​

 

[ديانا سبنسر]

أنزين تنظف ؟

 

[شوshشو]

بنات كيف شكلها الصابونه ماعرفتهااا الي عندها صور تنزلهاا بليززززز

 

[نوف الصقعبي]

والله تهبل الصابونه ديانا
وتبون أصدمكم صابونة الرقي اذا نقعتيها بماى وذابت يغسلون فيها الجدر
يصير لمعه كأنه تو طالع من مصنع الحديد

والله العظيم لها أكثر من فايده

ومره طلع حبوب حمر من الشيره بمنطقة الساق
قالت لى وحده جربي صابونة الرقي
قلت اعرفها للشعر زينه
قالت السوريات مايتسبحون الا فيها
وشوفى اجسامهم تلق وتبارك الرحمن صافيه

جربتها والله العظيم بنات اختفت الحبوب بأقل من كم يوم
وساقى بدون ماحطله كريم مرطب
صار طري وزبده
وحسيت انه يفتح الركبه

جربوه وإدعولي​

 

[اميره1980]

بجربه لجسمي لان شعري اشقر و اخاف يجففه زيادة
تسلمووووووووووووووون

 

[M!SS.LOBY]

صابون الرقي يقطع الشعر بالنسبه لي انا أستخدمته ويجيب حبوب

 

[نوف الصقعبي]

مس لوبي لوسمحتى يعنى لاتدخلين وراي بكل موضوع وتضايقيني
مره تسبيني وتكتبين نصابه
ومره كاتبه بموضوع عن ردي لعضوه انى غيوره
والحين داشه موضوعي وشوفي ردج
ترى فاهمتج عدل
بس بقولج شغله عيب عليج اللى تسوينه
دشي المنتدى سولفي استانسي مع الخوات المحترمات بأدب ورقي وسماحه
ولاتلاحقين عضوه وتناشبينها بالصغيره والكبيره
على فكره انا مكلمه المشرفات أكثر من مره على حركاتج اللى تسوينها معاى
حتى بهالموضوع مناشبتني
لاحول ولاقوة الا بالله العلي العظيم​

 

[sooonh]

ماعندك صوره لها ابي اجربها


ولو سمحتي اختي انتي رديتي في موضوع وتكلمتي عن تجربتك عن كريم فيد اوت

سالتك بنفس الموضوع بعد اي نوع منهم البني والا الازرق اللي استخدمتيه

بشرتي مره تعبانه ابيها تصير منوره


الله يوفقك اختي