شي يخوف برحمي تعالوا بنآت

[يحبني برشآ]

السسسلام عليكم
بنات صج مخترعه قبل الدوره بأسبوعين او اسبوع احس بحركه بالرحم مو طبيعه حركه قويه احس تقل فار يتحرك برحمي
لاتقولون هواء لا مو هواء شي موطبيعي وقتها اخاف مدري شنو هذا ، والحركه تقريبا 10 ثواني وتختفي صارلي تقريبا اربع شهور على الحاله هذي ومالي خلق اروح مستشفيات اخاف من الفحص ، اللي تعرف وصارلها مثلي تطمني ححححيل قلقانه :eh_s(2):
انآ قبل ست شهور حملت خارج الرحم ، وفيني تكيس وضعف تبويض
دعواتكم لي بالحممممممل
​

 

[ابدا يالغالي مانساك]

من صجج اربع شهور وانتي لاشفتي
نفسج ولافحصتي ولاتطمني بالسونار الدااااااخلي
طبعااا طيران باجر وشوفي شنو هالحركه هذا رحم وحسااااااااس

 

[هاجس الشوق]

اي حبيبتي لازم تروحين باجر ضروري هذا رحم ومنطقة حساسة

وان شاء الله بتكونين حامل وماعليك شر يالغالية

يله روحي وردي خبر أكو نونو ؟

الله يبشرج بالخير يارب

 

[دلوعة صلوح]

حبيبتى روحى فصحى وتطمنى احسن صراحة من الوصف خرعتينى..

الله يرزقج ويرزقنى ويرزق كل محرومة الذرية الصالحة عاجلا غير اجلا يارب العالمين.

 

[Maha2012]

انصحج تفحصين وان شاء الله مافيج الى العافيه

 

[يحبني برشآ]

شاكره لكم على ردودكم ، بروح باجر افحص خوفتوني

 

[صفاء القلوب]

لازم تفحصين حبوبه وشربي دويات نظفي رحمج وماعليج الا الخير انشالله والله يرزقج يارب

 

[DO7AWE]

حبيبتي مثلي وطلعت غازات.. لو كنت حامل خارج الرحم جان كبر بطنج .. انشالله ماكو الا العافيه بس مايمنع روحي تطمني
اللهم يااارب يااحي ياقيووم يامن اذا قلت للشيء كن فيكووون يارب ارزقني وازق اخوااتي المحرومات بالذريه الصالحه عاجلا غير اجل يااارب