شي يحز بالخاطر

[:: براءهـ ::]

أين تضعين الاولاد عند الذهاب الى مكان العمل؟؟<<يعيني ع الفصحى

الحمدلله ما اشتغل


او مشوار بسيط وراجعه؟؟

معااااااااااي واذا مشوار مهم وايد وايد ومايصير آخذهم ما اثق غير باختي

كم ساعه تخصصين من و قتج للقعده مع اولادج؟؟

وقتي كلللللله لهم

هل انتي من النوع الي يحط كاميرا مراقبه بالبيت؟؟

ما احتاج

و منو يسبح او يغير ملابسهم انتي او الخدامه؟؟

مي افكورس

هل انتي من الأشخاص الي يثق بالخدام؟؟

لا كلش



ويعطيج العافيه حبيبتي

شاكره مشاركتج
الله يحفظهم لج

 

[جلكسيه اس 3]

انا بحكم انه كنت اروح المدرسه كان عندي اخر سنتين و يدتهم ابروحها قالت اذا ناويه اتسجلين خليهم عندي
بس حسبي الله و نعم الوكيل بعد الطلاق ما ضل كلمه ما قالوها طبعا لاني كنت ارجع اتعب ما اقول الا حسبي الله ونعم الوكيل
لاني كنت احسب يدتهم مثل امي
ثاني شي السباحه على طول انا و عمري ماطلبت منها اتسبحهم و تدرون ساعات الواحد يكون تعباان
و هم ما سلمت من الكلام طبعا الكلام ما طلع الا بعد الطلاق
بس ترا عمري ما خليت الخدامه اتسبحهم لدرجة اكون تعبانه و هما اسبحهم
بناااات نصيحه لحد يعتمد على الخاله ماتدرون متى تقلب عليج

*

 

[قبوط ومربين]

الله يستر انا راعية دوام كامل يعني من الصبح لي العصر وعيالي عند الخدامة بس مامنتهم رب العالمين وعند الله ماتضيع الامانة شسوي مجبورة لاتقهروني وتسالون ليش مجبووووووووووووووووووووووووووورة والله يعلم بالحال

 

[:: براءهـ ::]

حسستوني كل أمهات الديره ربات بيوت
عيل هالزحمه بالشوارع الصبح شمنه
انا عن نفسي موظفه واول ما تزوجت بدون خدامه
بس من حملت يبت الخدامه لان حملي ضعيف ومطيحه مرتين الله يثبت لي الثالثه
الخدم شر لابد منه بس السنعه ما تعتمد اعتماد كلي عليهم
ومافي احد كامل احنا مو كاملين ومرات نطفر من اليهال شلون الخدم
وخاصه اذا الياهل اسم الله عليه شيطان يمد ايده عليها اكيد ماراح ترضى
عاد انتي لازم تحتوين الشغله وتكلمين ولدج جدامها يا ماما عيب لا اطقها ...
اكيد ماراح يسمع الحجي بس جذي جدامها انج ادارينها
اما بخصوص الكامرات ما انصح فيها لان راح تخليج في دوامة الشك والوسواس
ولابد راح تشوفين شي ما يسرج فليش اتيبين حق نفسج الضغط والسكري
دعي الخلق للخالق
عليج بالادعيه والتوكل على الله وحده هو الحافظ
عليكم بدعاء ( استودعكم الله الذي لا تضيع ودائعه )

حبيبتي كلامج صح شر لابد منه خاصتن للموظفه:eh_s(4):
بس اشوف ضروري كاميرا و قولها علشان تخاف ما انطرها تسوي بعدين احاسبها
و نعمه بالله بس توكلوا مو تواكلو في فرق بالمعنى يا روحي
الشغله ثانيه لما ارجع اسأله ها ماما شنو سويت بغيابي اقعد معاه لو ساعه
و احرس ان الخدامه تكون بعيده علشان يحس بالأمان و يعلمج شنو سوت و شنو قالت
حتى لو كانت سالفه لا تذكر اظهر الاهتمام و خخاصتن قبل نوم معرووف الطفل يخر كل شي
بس موو على طول تحقيق اقصله قصه اقوله شنو سويت بدوام يعني مثال
انا اهناك شربت شاي قهوه انت شنو عطتك فلانه؟؟<<لا تضحكين ههههههه
لازم تمهدين و تسحبينه بالحجي فهمتي علي؟؟
الله يحفظ احبابج
شاكرة مشاركتج

 

[:: براءهـ ::]

انا بالنسبة حقي
الصبح بالحضانة
اذا عندي مشوار بوساعة او اقل ممكن عند الخدامة اقولها انا تحت عند جارتي خمس دقايق و ياية
اذا عرس بالاتفاق مع زوجي اذا رضا يمسكهم اروح و الا ما اروح مو ضروري
الاكل و السبوح علي اذا مريضة كلش اخلي زوجي يستلم
اذا صار شي فجأة يستلزم خروجي انا و زوجي من البيت ادق علا عمتهم تستلم

الله يحفظ احبابج
شاكرة مشاركتج

 

[شهد الحياة]

أين تضعين الاولاد عند الذهاب الى مكان العمل؟؟<<يعيني ع الفصحى​

انا موظفه من4 الى 7 احطها عن امي او خالتي ام زوجي

او مشوار بسيط وراجعه؟؟​

اخذها معاي

كم ساعه تخصصين من و قتج للقعده مع اولادج؟؟​

الوقت كله حقها

هل انتي من النوع الي يحط كاميرا مراقبه بالبيت؟؟​

ما عندي خدامه فما يحتاج

و منو يسبح او يغير ملابسهم انتي او الخدامه؟؟​

طبعا انا

هل انتي من الأشخاص الي يثق بالخدام؟؟

ما حبهم ولا اثق فيهم​

 

[:: براءهـ ::]

اشكر كل من مر على الموضوع وشاركني الرأي

 

[noo7a]

أين تضعين الاولاد عند الذهاب الى مكان العمل؟؟<<يعيني ع الفصحى
انا طالبه فاحطه عند امي

او مشوار بسيط وراجعه؟؟
مشاويري كله معاي

كم ساعه تخصصين من و قتج للقعده مع اولادج؟؟
وقتي كله له ماعدا لمن يكون عندي امتحان و بدرس عند ابوه

هل انتي من النوع الي يحط كاميرا مراقبه بالبيت؟؟
ماحتاجها
لان عيوني اهي كامره المراقبه عليه لول

و منو يسبح او يغير ملابسهم انتي او الخدامه؟؟
طبعا كله انا
امبي عوره ولدي مستحيل احد يشوفها


هل انتي من الأشخاص الي يثق بالخدام؟؟
لاطبعا


امبي والله استغرب من بعض البنات
تين و ماتخلي شي ماتسويه عشان تحمل
ومن اول ما تييب الياهل تقطه عالخدم
و اشكره يقولون لي رفيجاتي قوي قلبج لا تخافين عليه وايد
ولا تدلعينه وايد امبييي اذا ضناي انا مادلعته و خفت عليه من وين بيحصل كل هذا

 

[ام الحوراء زينب]

حلو الموضوع

أين تضعين الاولاد عند الذهاب الى مكان العمل؟؟<<يعيني ع الفصحى​

عندي ولد واحد واخليه ويا ابوه

او مشوار بسيط وراجعه؟؟
​

ماروح مكان من غير ولدي

كم ساعه تخصصين من و قتج للقعده مع اولادج؟؟​

كل وقتي لانه ماعندي غير ولد الله يخليه لي

هل انتي من النوع الي يحط كاميرا مراقبه بالبيت؟؟​

لا حق منو ماعندي خدامه

و منو يسبح او يغير ملابسهم انتي او الخدامه؟؟​

ماعندي خدامه كل شي انا وريلي

هل انتي من الأشخاص الي يثق بالخدام؟؟
لا


​

 

[hooryah q8]

up


up

 

[:: براءهـ ::]

ام الحوراء زينب و hooryah q8 و noo7a
شكرا ع المشاركه و رفع
ترا انا ايضا ما ايد تدليع الولد بذات ما يصير
خلي حمش لا يذونه باجر لي راح المدرسه بسم الله عليه

على فكره في فرق بين تدليع و اهتمام:eh_s(17):

 

[نـعـومـه]

أين تضعين الاولاد عند الذهاب الى مكان العمل؟؟<<يعيني ع الفصحى

امومه ماخذه وللحين مااااااااااادري وين اخليها متوهقه حدي لانه بيتي وبيت امي ودوامي كله بصووووووب


او مشوار بسيط وراجعه؟؟

لو اروح عشر دقايق هم اخذها


كم ساعه تخصصين من و قتج للقعده مع اولادج؟؟

طول وقتي معاها


هل انتي من النوع الي يحط كاميرا مراقبه بالبيت؟؟

زوجي قال بس احس عوار قلب جذي


و منو يسبح او يغير ملابسهم انتي او الخدامه؟؟

انا



هل انتي من الأشخاص الي يثق بالخدام؟؟​

كللللللللللللللش ماحب اخليها عند الخدامه واغار بعد اذا تحب الخدامه ههههههههه





وايد ناس قالولي علمي خدامتج عشان تقعد عندها بس مومتقبله اهيه تمسك بنتي واجابلها

​

 

[mama-dodo]

أين تضعين الاولاد عند الذهاب الى مكان العمل؟؟<<يعيني ع الفصحى

عند الخدامه وكل شوي اتصل ماعندي بديل للاسف

او مشوار بسيط وراجعه؟؟
اذا مشوار بسيط اكيد عند امي او اختي

كم ساعه تخصصين من و قتج للقعده مع اولادج؟؟
من بعد الدوام كل وقتي حق بنتي لمه تنام


هل انتي من النوع الي يحط كاميرا مراقبه بالبيت؟؟
لا ما احب اوسوس


و منو يسبح او يغير ملابسهم انتي او الخدامه؟؟
انا اغير ملابس بنتي لكن السباحه انا وامي

هل انتي من الأشخاص الي يثق بالخدام؟؟
لا. مستحيل

 

[الغـــــزال]

موضوعك مهم كثير بارك الله فيك

،

أين تضعين الاولاد عند الذهاب الى مكان العمل؟؟<<يعيني ع الفصحى

ما توظفت وهذا السبب اني أخاف عليهم

​

او مشوار بسيط وراجعه؟؟

يا يكونون معاي أو عند أختي​

كم ساعه تخصصين من و قتج للقعده مع اولادج؟؟

تقريبا كل وقتي معاهم​

هل انتي من النوع الي يحط كاميرا مراقبه بالبيت؟؟

لااا...مو محتاجه مدام انهم تحت عيني​

و منو يسبح او يغير ملابسهم انتي او الخدامه؟؟

ولاعمرها سبحتهم أو غيرت لهم..الله يخليني لهم​

هل انتي من الأشخاص الي يثق بالخدام؟؟

لااا..حتى لو كانت أطيب الناس أظل أشك فيها من كثر البلاوي اللي اسمعها وأشوفها


الخدم شر لابد منه...لكن الخدامه تكون لبيت للغسيل والنظافه
مو تربية عيالي والآهتمام فيهم


والله أستغرب من بعض هالأمهات تحسين أنهم بس مكينة تفريخ تحمل وتولد والخدامه تقوم بالباقي
الله يهديهم بس


والله يكفينا شرهم​