شي شفته اليوم واستغربت منه بالصـــالـــون!

[^^دموع الكويت^^]

انتي على الاقل شفتيها بالصالون

انا من فترة ابوي كان ماخذني من الدوام وشفنا وحده قاعده تدخن عينك عينك بشارع والله اني انصدمت وابوي انصدم !!!!


حمدالله والشكر متحجبة ولابسة ملفع عنابي وحمرا عنابية وشكلها كان حده غلط

 

[BaiTotia]

الله يهدي الجميع إن شاالله

 

[bnt_kwt]

وااااااي الله ياني ما احب هالمنظر مره ولا بنت وبيدها زقاره صار عادي بالكويت هالشي واشكره جدام الكل لا حيا ولا حشيمه

الصراحه موقف كلش مو حلو والشكل بعد مو حلو

الحمدلله ياربي على العقل والثقل

 

[^ليلاس^]

هالظاهره مو حلوة ولا مقبولة

بس منتشره والناس صار عندهم عادي من كثر ما يسمعون او يشوفون

 

[julanar]

امبيه امبيه امبيه

بتنقدون علي اذااا قلت لكم انا ادخن بس ريلي يدري وابتليت فيها من تطلقت كنت اشيش بس مووايد ولما اكون بالصالون مرات ادخن بس موجدام الناس بس اللي امون عليهم شريت لزقات وسويت كل شى خففت وايد وانشالله ربي يفكني من الشيشه


انالوماحبكم جان ماقلت لكم وجان ماعترفت اني اشيش وجان ماشاركت بالموضوع من الاساس بس ابي دعواتكم يابناتي

الغاليه نونو
التدخين .. ادمان .. لكن مشكلة المجتمع اهني والبنات اسم الله عليهم
حلال على الريال اذا ما اعتبروه رمز لرجولته حرام على خواتهم .. ليش مادري
ان شاء الله ربي يفكج من الادمان هذا

 

[شندوخه]

والله مره انا بسوق شرق عزكم الله الحمامات ووحده متحجبه وحجابها مو طالع من شعره وشكلها حيل محترمه بس للاسف زقارتها بيدها والله ستغرررربت حييل منها

 

[جونا]

انا ماشوف فيها شي

اذا انا ضد هالشي لانه ضار صحيا بس ماشوفه عيب

وانا ضد الزقاير للرجل والمرأه لانها تضر صحتهم

 

[PearL]

هالشغله صارت عاديه ومنظر تعودنا انشوفه

بعدين ليش نحللها للريال وانحرمها للحريم

تراه كله دخان ما فيها رجوله والا يبيلها شوية عضلات

الله يهدي الجميع ويفكم شر هالادمان

 

[لبيه لكن!]

اللهم لا تبلينا ولاتعاقبنا بما فعل السفهاء منا .. الحمدالله الذي عافانا مما ابتلاهم به

اللهم لا تبلينا ولاتعاقبنا بما فعل السفهاء منا .. الحمدالله الذي عافانا مما ابتلاهم به

اللهم لا تبلينا ولاتعاقبنا بما فعل السفهاء منا .. الحمدالله الذي عافانا مما ابتلاهم به

 

[ام المزايين]

يا رب سترك ورضاك
يارب توب عليهم

 

[أم طه الحولة]

ليش !! الريال لما يدخن شنو يفرق عن المرة ؟؟ قاعدة تدخن ما تحشش
.. يعني تقولين اام وتدخن ليش ماتقولين ابو ويدخن .؟؟

 

[Filakawyia]

اي والله ظاهره منتشره

و مو مقبوله لا من الريال ولا من المراه

و السالفه مو سالفه رجوله و عضلات

السالفه بالحلال و الحرام . . . بالعيب و الحيا . . . بحسن تربية اعيالهم. . . بمراعاة حرية الناس اللي حواليهم . . . يعني لازم يلوعون جبودنا بريحتهم الخايسه و اللي تكحكح و اللي تسكر خشمها و اللي لايعه جبدها . . يعني حلو جذي ؟؟؟

على شنو هالفشخره بالزقاير يعني ؟؟؟؟:eh_s(14):

جان زين يمنعونها و يفكونا منها قطيعه​

 

[marioom]

انتي ليش مستغربه انا صار عندي عادي اني اشوف هالنوعيه

 

[ورق عنب]

مشكورين عالردود .......الغاليه نونو قطعي التدخين لانج قدوه لعيالج بس الموضوع يبيله اراده

 

[دوللي]

الله يهدي الجميع تكت ايزي جارة اختي متحجبه ولله الحمد تدخن وعااااادي بس اختي قالت لها عفوا لو سمحتي لا تدخنين بيتي لان لا انا ولا زوجي نحب المدخنين ومن بعدها ما شافتها اختي وابركها ساعه

 

[عسولة الكويت]

اللهم لاتعاقبنا بما فعل السفهااااااء منا


الله يستر علينا ويكفينا من هالشر

 

[Maltesers]

صار شي جدا عادي ..

اعرف وحده كانت تقول حق ريلها على ضحك عطني مزه وحده بس عفيه والله يخليك وكان يعطيها ليييييييييين جك بم يالها وقالها ابيج تدخنين لان شكلج يعجبني وانتي تدخنين وابي اشوفج تدخنين والحين اثنينهم يدخنون بالبيت !!!!!

يالله تقولين لي اشلون ريايييلهم يرضون هههههههههههه

 

[aBoOoRa]

تلاقين ريلها الي معلمها عالزقاير يعني مرتي كووووول الحمدالله والشكر​

 

[نوارة الكويت]

شنو السبب اللي يخلي البنت اتدخن ؟؟؟
انا ذاك اليوم رحت الصالون والا اثنتين قاعدين يدخون ، عاد كلمت صاحبة الصالون ، يعني الصالون زين بس اللي يدخنون مخربين عليه
عاد المسكينة قالت لي خلاص اكلمهم علشان يدخنون بمكان ثاني
الله يهديهم انشاءالله

 

[bnt q8 in usa]

التدخين اكيد شي مضر بصحة الانسان
ولكن لكل واحد حرية شخصيه (وانت حر مالم تضر)