شي شفته اليوم واستغربت منه بالصـــالـــون!

[ورق عنب]

السلام عليكم .. اليوم رحت الصالون وشفت مره تدخن وطفايه الزقاير جدامها ... اوكي بتقولون مو شي يديد في وايد حريم يدخنون ويشيشون بعد ! بس الغريبه انها كانت تسولف ويا مالت الصالون رحت شريت حق ولدي غرفة نوم وووو المهم سوالف عن عيالها !!!

فقلت شلون جذي متزوجة وام ومدخنة !!!!!!!!!!!!!!!!!!!!! ريلها راضي لها عادي

 

[سنا الفضه]

ليش تووج تدرين عاااااااااااااااااااااااادي

ياكثرهم بررررررره لمن تروحين بيروت والا حتى بالقاهره وكل وحده سيجارتها بيدها ولا ساعات هي وامها تتفاجئين انها للاسف كويتيه

حتى مره كنت بمجمع الثريا بالسالميه وشفت شخصيه كويتيه معروفه ولا اديبه بعد والله سيجارتها بيدها تشب وحده بالثانيه من كثر الشفح على التدخين

والمصيبه انها قاعده بالكافيه والناس رايحه وراده وهي سحك بهالسجاير

الله المستعان

بس يظلوون نكره على مجتمعنا مو الكل يقدر يتقبل اشكالهم بدليل نظرات الاستغراب والاحتقار احيانا من الناس الي يشوفونها

 

[رياح الصبا]

الله يستر علينا والله اختي انا شفت وحدة العن من هذي الله يحفظنا
قاعدة تشرب وبنتها ام سبع سنين قاعدة يمهاا واهي اللي متفشلة وطالعنا من سوات امها
وفوق هذا الام لابسه لبس اللهم ياكافي والله العمالة اللي بالصالون يتناغزون على لبسها والله لولا الحياء لقولج شنو لابسة بس مو قادرة عشان لا الوع جبودكم

 

[عرووووس الكون]

اللهم لاتعاقبنا بما فعل السفهااااااء منا


الله يستر علينا ويكفينا من هالشر

 

[لانا]

الحمد لله والشكر لله.....
الله يستر علينا هالظاهره باديه تنتشر وشوي شوي بتصير عاااادي
الله يحفظنا

 

[فتون علف]

هالظاهرة وايد منتشرة وصاروا يتفاخرون
ولا استغربتي ولا كشرتي قالوا عنج متخلفة ودأة أديمه
الله يهديهم
المشكله ماتقدرين تقولين دخلاء على الديرة ولا مو اصيلين
لان في بنات عوايل يسوون هالسوالف وشوف عيني بعد بره الكويت شوفيهم

ماينلامون اللي بره لا ذموا بنات الكويت

 

[انا كويتية]

والله التدخين هين .. توني بشرم الشيخ دخلنا القهوة ولا بنات كويتيات صغار يعني اعمارهم 23 إلى 25 حاطين البيرة ويوم شافونا انا ىوزوجي شالوها بسرعة ............ هذيلا شتقولين عنهم .... لا وفيه بنات مع ازواجهم باللوبي مال الأوتيل كويتيات تمشون بالمايوه وفوقه نفنوف قصيييييييييير تحت ال ........ وشفاف

 

[زيـنـه]

الله يستر عليهم و يبون يتشبهون بالجنسيات الثانيه و الاجانب .

الحمدلله على نعمة العقل و الدين .

 

[زلابيا]

اي الحمدالله والشكر صايره هالسوالف عادي وكل مالها وتزيد !!

رفيجتي يوم بالحج معاها وحده تدخن بالغرفه !!!

وتقول زوجها ما يدخن وعندها عيال!!

شتقولين عنها اللي مو محترمه المكان اللي اهيه فيه .. لاحول الله

اللهم لا تبلينا ولاتعاقبنا بما فعل السفهاء منا .. الحمدالله الذي عافانا مما ابتلاهم به

 

[نازنين]

والله التدخين هين .. توني بشرم الشيخ دخلنا القهوة ولا بنات كويتيات صغار يعني اعمارهم 23 إلى 25 حاطين البيرة ويوم شافونا انا ىوزوجي شالوها بسرعة ............ هذيلا شتقولين عنهم .... لا وفيه بنات مع ازواجهم باللوبي مال الأوتيل كويتيات تمشون بالمايوه وفوقه نفنوف قصيييييييييير تحت ال ........ وشفاف
اي والله في ناس بعد اعرفهم لمن يسافرون عيالهم مايوهات وبالحمام سباحه وشوفت عيني

 

[ريفيل]

انا اذكر مرة بالصالون وحدة دشت الصالون تبي تسوي بدكير قالت لها الفلبينية توني مسويه لج جان تشب زقارتها قالت سوي بس سوي المهم الفلبينية قالت هذي كل مرة تجي تسوي بدكير بس علشان تدخن والمصيبة زوجها تنطرها عند الباب تتعطر وتحط علجتها وتتوكل على الله بعد ما تكون خلصت الباكيت تقول زوجها الاول طيحها فيها والحين ما تقدر تهدها والصدمه ان زوجها سلفي واهي بدويه ....

 

[atooma]

الله يستر علينا

والله زمن ايخوف

الحمدلله الذي هدانا والله يستر علينا

 

[العـذوب]

بالامارات ممنوع التدخين بالصالونات .. سواء رجال والا نسوان

وممنوع التدخين بالوزاراة وأماكن العمل

وفي طريق تقديم قانون بمنع التدخين في الأماكن العامة

 

[ورق عنب]

الله يهدي الجميع ان شاءالله .... مشكورين بنات على التفاعل

 

[فراولة^فوشيا]

الحمدلله والشكر الله لا يبلانا يارب

ايه هالشي منتشر ،، واللي تدخن اكيد عادي عندها

انا وايد اشوف بالصالونات

ومره شفت مذيعه كويتيه مشهوره تدخن

وهم مره شفت في فرايدز ام معاها بناتها ،، الأم عبايه والبنات وحده متحجبه ووحده لأ اول ما خلصوا اكل البنات طلعوا زقايرهم الحمدلله والشكر

 

[-Bello-]

هذا بصالون عيل لو تشوفينهم اللي عندنا بالجامعه يشيب راسج الله يستر علينا وعليهم

 

[قهوة عربية]

هالشي صاير من زمان ...لاتستغربين

احنا مرة كنا بالمارينا وقاعدين بالكافيه ..وجبالنا عايلة كويتية ( أم وعيالها) و معاهم صديقة العايلة أو خالتهم ....قاعدة تدخن ...!!

شوي وإلا تقبل عليهم مرة الظاهر تعرفهم ... وتروح تسلم عليهم وقعدت معاهم وشكلها لااستغرب ولا استنكرت ان اللي معاهم تدخن !! وسوالف ...وضحك

بعدين أقبل عليهم ريال ومرته وعيالهم ...

أنا قلت الحين اللي تدخن بتطفي السيجارة بسرعة اللي بايدها ...فشلة من الريال

وإلا المرة مكملة .... ..ومدت ايدها وسلمت على الريال ومرته وعيالهم !!!!!! وقعدوا معاهم .....عااااااااااادي ...يعني شكلهم متعودين عليها تدخن !!!!!!

 

[ღ•»الًـجٌـوِرٌيّ«•ღ]

الحمدالله والشكر والله لا بلانه

وصار شي عادي عند بعض الحريم شرب الزقاير للاسف !!

 

[supermarket]

مرة بصالون وحدة حااامل ( كويتية)

طرشت الفلبينية تشتريلها سجاير وولاعة !!!

وبعدين اللي يشتغلون هناك من باب الميانة قالولها موزين ع البيبي انتي حامل ولا لقتهم بال !!

انا مستغربة شلون تروح الريحة من حلجها بسهولة وخاصة انها متزوجة!!


اما بيروت عادي اشوف كويتي مع زوجتة الكويتية الريل يشيش والمرة سجاير لما بعدين صارت بايد سجاير وبايد الشيشة مسكينة مو ملحقة !!

 

[الغاليه نونو]

امبيه امبيه امبيه

بتنقدون علي اذااا قلت لكم انا ادخن بس ريلي يدري وابتليت فيها من تطلقت كنت اشيش بس مووايد ولما اكون بالصالون مرات ادخن بس موجدام الناس بس اللي امون عليهم شريت لزقات وسويت كل شى خففت وايد وانشالله ربي يفكني من الشيشه


انالوماحبكم جان ماقلت لكم وجان ماعترفت اني اشيش وجان ماشاركت بالموضوع من الاساس بس ابي دعواتكم يابناتي