شي سويته في شقتي والحمدلله ارتحت نفسيا وانتعشت وحسيت شقتي فيها هواا

[a7La_3eMeYa]

ايي والله حددددده يبيله و الله اغراااض واايد لا و مانستخدمها بس نكود بهالاغراض لوول
و الله انتي ام السنع كلله ماشاءالله عليج و هذا مو شي يديد عليج و مشكوووووووره عالموضوع الرائع

 

[عيالي غناتي]

انا عن نفسي لازم اسوي جرد لشقتي كل شهرين وعجبتني فكرة وحده من البنات قالت تحط كرتون ويقطون الاغراض اللي مايحتاجونها يعني على مايوصل اخر الشهر الا الكرتون مليان الله لا يغضب علينا ....

بس جد انا اتحمل العفيسه والتكود بس الاقلام والدفاتر مو قادره عليها في كل زاويه لون وقلم تحت الكبت بالمطبخ بالصاله بغرفت الالعاب ولدي توه متعلم يمسك القلم وابتلشت الله يخليه لي عقبال ما اوديه الحضانه

 

[مزيونه وشقره]

:stars:
شكرا عالمشاركه يا حياتي



:stars:
:stars: :stars:
ღღღღღღღღ

مع تحياتي ياحياتي

مزيونه وشقره

 

[baby johnson]

ماشاءالله عليييييييييييج
زين تسويين
وصج جنج حااسه ودشيت الموضوع بوقته
كله اقول ماكو مكان حق ملالابسي وماكو مكااان
والله وكيييييلج 3 كبتاااااات اشكبرهم متروووووسه علالاليق يعني كل كبت يمكن شايل 50 بالطو وقميص وهالسوالف
المهم قلت وااااااااي احس اختنق لما افتح الكبت قلت خل اشوف شلي عندي اياه وشنو مااحتاجه
تصدقييييين فضيت كبت كااااااااااااااااااااااااااامل كله ماحتااااااجه
الحين وسعت الملابس مولاصقين ابعض خخخخ
وبسس احس اريح
وبما اني مومتزوجه فهمي بس غرفتي لووول

يعطيج العافيه وزين تسوين ياحلاة النظاافه

 

[White Musk]

موضوع ممتاز وأنا دايما كل سنة قبل اجازة الصيف أسوي هذي الحملة وارتاح بإجازتي يكون كل شي مرتب ونظيف صج راحة نفسية ونصيحة كل شي يمر عليه سنه بالخزانة وما احتجتيه تصدقي فيه أجره ولا هجره ماراح تحتاجينه بس تكديس عالفاضي

 

[مزيونه وشقره]

:stars:
بعد قلبي حياكم الله



:stars:
:stars: :stars:
ღღღღღღღღ

مع تحياتي ياحياتي

مزيونه وشقره

 

[برونزية رشيقة]

لا يوقف لا يوقف لا يوقف

 

[so delicious]

ماشالله عليج هابة ريييح أنا أسوي شراتج بس مش دايما لأنه تعب بس من فرته بصرراحه مانفظت من الخااطر يعني تنظيف ع السريع مش تنظيف جذري لكن اليوم انشالله بنظف

 

[مزيونه وشقره]

:stars:
حياكم الله ياحياتي



:stars:
:stars: :stars:
ღღღღღღღღ

مع تحياتي ياحياتي

مزيونه وشقره

 

[مزيونه وشقره]

للرفع

 

[*&* المميزهـ *&*]

مشكوووووره

 

[Fantazya]

أنا كل فترة (فترة = سنه او سنتين) لازم اسوي هالشي
بس المشكله في صج اشياء واجد تحسفين تقطينهم وصج ما نلبسهم .. هذول اللي يسوون لي زحمه

 

[كفن]

مرحبـــــــــــــــــا بنوتات

اول شي مشكوره اختي شقره و مزيونه على هالموضوع و طبعاً كالعاده مواضيعك قيمه ومفيده جداً جداً

:aha:

بالنسبه لي في الترتيب اعتمد التخصيص يعني اخصص يوم للمطبخ و اجررررد وانظف وارتب يعني يكون الوقت كله للمطبخ

و بعدين استلم دار دار

بهالطريقه اخفف على نفسي وما اجهد روحي واتقن شغلي

بس حبيباتي بنبهكم على نقطه ليش نشتري شي زايد عن حاجتنا هالطبع وهالعاده غلط وتدل على سوء تدبير عندنا

يعني خلونا نتعود ما نشتري الا الي احنا بحاجته .. لأننا مسائلين قدام ربنا عن المال فيما نفنيه

بالنسبه للملابس في ناس مو محصلين يعني بالصيف يلبسون ملابس الشتا لأن ما عندهم ملابس واحنا نبذخ بشي مبالغ فيه

ما في مانع نلبس و نكشخ بس مو بالشكل اللي يخلي الاغراض تتكود عندي ولا البسها بعد :gr4uu:

وبنات اذا جردتوا ودي الاغراض بنفسك لعوايل تتكفلينها انتي بنفسك

لأن الملابس عند اللجان تنباع لباعة سوق الجمعه و يحول ريعها البسيط للصدقات فأفظل انتي وديها لعائله محتاجه قريبه لمنطقتك تدخلين الفرح و السرور عليهم
خاصه في بنات حالهم حالنا ودهم يكشخون ويلبسون و بعضهم موظفات بدخول بسيطه ما تمكنهم من توفير هالكماليات

:denya:
و آسفه على هالاطاله بس لقيت هالموضوع اللي كان ودي اتكلم عنه من زمان


كفـــــــــــن​

 

[كفن]

:tongue22: :tongue22:

شقره و مزيونه = مزيونه و شقره

:eh_s(22):​

 

[مزيونه وشقره]

ماشاء الله عليكم والله سنع


وحياكم الله ياحياتي


مع تحياتي ياحياتي

مزيونه وشقره ​

 

[مظلومة حيل]

النية باشر نودع الزحمة

 

[مـرمـر]

صدقتي مافي أحلى من الوسع:eh_s(6):

تسلمي

 

[أتوش حياتي]

اكييييييد لازم كل فتره غزو علي الأغراااض
و الا نفتح اسواااق

و نصيحه بنااات اللي تشترينه يديد طلعي شئ قديم ما ينلبس أو لابستيه واااايد

و بالنسبه للمطبخ . احب الموااااااااااااعين واااايد كل اسبوع اكل بطقم ، اعطي خبر للخدامه ابي هالطقم هالأسبوع و هالقلاصااااات و خلاص تعرف كل أسبوع تغير الأطقم .

ان شاء الله فدتكم

و كلج سنع يا مزيونه ( فدييت السنع و الترتيب )

 

[مزيونه وشقره]

للفايده

 

[غروب شمس و قمر]

اي والله اثاري هالشي فينا احنا كلنا انضحك هههههههههههه
و لا نسافر نخم الاولي و التالي
تصدقون اني اسوي جرد 3 مرات بالسنة و هم مو مفتكة ماكو فايدة فينا يارب تعالجني من عقدة التكود آآآميييين