شي سويته في شقتي والحمدلله ارتحت نفسيا وانتعشت وحسيت شقتي فيها هواا

[حصوص الكويتية]

وانا كل ما اشيل ماكو فايدة يردون

واللة احنا حوسة

 

[ذكريات]

انا بين فترة و فترة اسوي جذيه باغراضي و اغراض ولدي بس اللي مو قادرة عليه اغراض ريلي

الله يعطيج العافية

 

[عشق قلبين]

يزاج الله الف خير على فعلتج وتبرعج بالاشياء اللي ماتستخدمينها

الله يكثر من امثالج وشجعتيني ارجع اسوي جرد لكل اغراضي وبيتي

ومبارك عليج الشهر

 

[دانه الهيرات]

انا بعد سويت حمله علا هدوم اليهال و طلعت هدوم مدرسه يديده وزعتها كلها و هم شفت كبتي وتذكرت اوبرا مره ببرنامجها مقابله وحده و قايله اي قطعه ملابس صار لها 6 اشهر ما لبستيها وزعيها و عاد انا ما يبي لي توصيه عالتوزيع جان افرز كبتي و كبت زوجي و الله صج صج ارتحت و حسيت بسعه بالبيت .

 

[مرت حمد]

الله يعطيج الصحه والعافيه والله يجزاج خير

والفال لنا ان شاءالله انسوي جرد انا مع كل موسم لازم اجرد الكبتات

 

[أمانيQ8]

مزيونه انا اشوف نفسي فيج نفس الافكار والتصرفات
كل فتره اسوي غاااااره وهجوم بيتي لوووووووووووول واسوي اللي اتسوينه كل فتره وفتره لازم ولا الله يعلم شيصير البيت بيمشي

 

[قلبي ابيض]

ماشا الله

 

[عيون^عليا]

وانا نظفت التواليت وياكثر اللي شلتووووو وشريت علب نايلون ثلاث احجام ورتبتهم وصار شكل التواليت روعه



عقبال الكبتتتتتتتتتتتتت يارب




وادراج الكتب اللي تبي تنفجر هههههههههه

مشكوووره ع الموووضووووع

 

[eng.q8]

الله يعطيج العافيه يارب

 

[حساسه]

ماشاء الله احسك كنت مخنوقه وتبين هواا

يحق لك كثره الاغراض تسد النفس

بصراحه انا من يومي مااحب اجمع اغراضي جدا بسيطه

حتى مقلميتي ايام الدراسه ماكان فيها الا قلمين اسود وازرق ومرسام ومسطره صغيره وبس

والله انها فيها بركه لاخر السنه واغراضي ماتضيع عكس اختي اللي تحب تجمع وتلم كانها عجوز مودعه هههه

لكن بعد خلطات المنتديات صارت تسريحتي كانها محل عطاره وصيدلية وقبل فتره سويت جرد لها

بعض الاشياء منتهيه مدتها لاني مااستمر اتشجع واشتري بعدين اخليها على جنب

بس سويت شيء حلو خلاني اخلص ثلاث ارباع اللي عندي رتبت منتجات الشعر على جنب الصوابين على جنب ثاني كريمات الترطيب في ركن

صار كل شيء واضح لي ومرتب استعمله وارده مكانه

 

[سلسبيل]

مشكورة مزيونتنا أنا توني مخلصة ترتيب وقط

 

[أميرة الحلا]

زين سويتي

انا كنت جذي بس من قل سنه بديت اقط

الحين لما اروووح السوق اشتري لان احس ناقصني شي

قبل كنت اتحسف لان الكبااات مليانه


يسلموووو الموضووع

 

[paraka]

أمس قريت موضوعج اول شي قلت الحمدلله موبس أنا أكود وايمع ، وثاني شي موضوعج عطاني دافع كبير رجعت البيت على طول على الكبتات رتبتهم وقطيت إلي قطيته ووزعت إلي وزعته وصار الكبت اشحلاته ومرتب .
مشكورة ..والله يعطيج العافية على هذا الموضوع

 

[شموخ العجمية]

جزاج الله خير وانا كل فترة اسوي جدي

 

[أسـيـل]

يعطيكم العافيه بنات شجعتوني وبديت بالمطبخ وانشاءالله وراه كبتي والله يعيني عليه

 

[اموولة]

موضوعج مفيد
صاجة اللي مانستخدمه غيرنا يحتاجة

 

[لوكريسيا]

زين تسوين و الله فيج الخير

يبيله جرد من قلب

 

[q8**girl]

ايي والله معااج حق مزيونتنااا انا لما ارتب داري احسها وسيعه وشرحه وفيها هوا هههههههه اشوه موبس انا اييليي هالشعوور ..

 

[MassComm]

والله داري يبيلها ابي مكان امشي فيه ماكو ادوس على جياس ومجلات ..واشياء ياربي اقول هذول ملوت منو،اخاف الدار مسكونه وانا ما ادري !!
يسلموو حبيبتي والحمله جاريه

 

[اطباق ماي ورد]

الله يهنيج حبيبتى ببيتج

صج الترتيب والسنع يغيرون صج حياتج كلها

تدرين انا شمتعبنى ؟؟؟ ادراج كوميديناتى

كل ما اترتبهم واسنعهم ينترسون وخصوصا اللى عند راس زوجى الله يهديه
كل شى على بعضه والاوراق بكل مكان ...

وبعد مكتبة ولدى كله عفسه ماشاءالله عليه ما مر عليه شى اسمه ترتيب لوووول

كل ما سوى جدوله والا بغى شى انعفست المكتبه