شيئـــــــــــــــين ما ايطبون المطبخ عندي

[دشداشه ورديه]

السلام عليكم...........

من الحاجات الي انا واااااااايد احبها واول سنه في زواجي كنت ما استغنى عنهم ..لاني كنت ما اعرف اطبخ واذا حطيتهم في اكلي صرت طباخه درجه اولى

بس من عرفت مضرتهم حلفت ما ايطبون بيتي ..ولو اني اكلت من برا لازم اسئل اذا هالشيئين موجودين ولالا

الي اهم...................

مكعبات ماجي او كنور او اي نوع

وملح الليموووون


سوو بحث عن هالشيئين وبتشوفون شلوووون اضرارهم الي ما يعلم فيها الا الله

في حاجات وايده احاول استغني عنها في اكلي بس لو حصلت لي بالغلط ما اردها

انتو شنو الحاجات الي سمعتي عنها اضرارها عضـــــــــــــيمه وحاولتي تستغنين عنها ...عشان الكل يستفيد

 

[نسمة أمل]

طبعا المااااااااااااجي سواء المكعبات والشوربات والخلطات وحتى إندومي ماجي

الصويا لأنها ضاره

احاول قد ماأقدر اتبل دجاج الشوي بنفسي لأني أخاف من الدجاج المتبل الي جاهز للشوي


الحلويات الملونه الي تصبغ الشفيف واللسان

 

[بحر الرمال]

اي صح الماجي ضار
و انا بالنسبه لي الاشياء اللي مستحيل اخذها
1-الماجي
2-اكل الاطفال المعلب
3-الحلاو و الككاوات اللي مصنوعه بدول شرق اسيا

 

[ودآعتك قلبي]

صح صااااااجه .. مكعبات ماجي عمرهم مادخلوا بيتنا .. والأندومي بس عشان الشغالة لأن هذا أكلها ..

 

[كويتية و لكن]

صح وانا سمعت انهم ضارين

 

[ريم القمردينه]

ماقصرتي على النصيحه

 

[جلاديلياس]

وااااي خرعتوني انا اشتري علطول مكعب ماجي وشوربات

 

[Evax3]

انا امي مانعه الزبده من البيت ,,
الانه وايد مشبعه بالدهون , وحق الطبخ تقدرين تستخدمين زيت الزيتون وايد احسن ,,

المشروبات الغازيه ,, اهم شي اتوخرينها عنج الانه وااايد تتفخ وتسوي هشاشه بالعظام ..

بس هذولي الي ببالي الحين امي مانعتهم =)

 

[%ورد طايفي%]

الماجي
السمن العداني
المايونيز

 

[جارة القمر]

مشكووريييييييييييييييييين

 

[أحلى همبه كويتية]

ملح الليمون ما فيه شي
انتي تقصدين الأجينا موتو ( الملح الصيني )


الماجي
انا استخدمة بس مو وايد

ولقيت منه خلطة طبيعية بالمعرض السوري الكيلو ب 6 دنانير
اخذت منه وايد حلو ومو مالح مثل العادي

 

[قدساويه!!]

ياربي والله كل شي حلوو يقولون مضر


نسأل الله العافيه

 

[78MariMar78]

مشكورين بنات

 

[سلايل*عبس]

8888

88

اي والله قولي كل ممنوع مرغوب

السمن لايمكن يدخل بيتي

المشروبات الغازيه مرات اذا زوجي طقت باله يشرب مرطبات

والله اشكثر شغلات بس ناسيه

الماجي والله اول سنه زواج ماقط دش بيتي بس اختي الله يهديها اطعم واطعم مع اني طباخة العايله بس ماكو طعتها

 

[tooti2]

يمنع وضع الأعلانات التجارية


مشرفة القسم ( جارة القمر )​

 

[G!RLY-PAci]

ليش الماجي مضر؟؟؟
واااااااااااااي وانا بنتي تمووووووووووووت على الاندومي وايد تاكل منه

ليش شسوي ؟؟؟ شنو اضرارهم؟؟

 

[G!RLY-PAci]

اب اب اب اب اب بللييييز قولولي شسوي؟؟؟

 

[برنسيسة الشمال]

ماتوقع صحيح هالكلام ؟
من ولدتني امي واحنا نستعمله 28سنه
مافينا شي الحمدلله

 

[<<لمار>>]

انا اكثر شئ احرص انة مايدخل بيتى البيبسى والاندومى

 

[مريوم 2009]

مكعب ماجى والأندومى .. أجيبهم بس حق خدامتى ,, كيفها بنفسها ..

أما اللى أحاول أمنعه أكلات المطاعم والبيبسى والغازيات عن أعيالى ..

لأن مضر عليهم .. يعنى كل أسبوع أو أسبوعين وبالغصب ..