شو صار علينا

[خجل انثى]

مساء الخير

كيفكم ياحلوين
والله ما ادري من وين ابداء بس اتمنى تتفاعلون معاي بالموضوع واذا ما عجبكم من حق المشرفه تحذفه

يعني امممممممممممم والله اني خجلانه من ذكر الموضوع بس ما عليه يمكن في اكثر من وحده تتمنى احد يستمع لها بهالسالفه
يارب بسترك وعفوك ويسرك يارب ارحمنا ووفقنا

البداية مشكلتنا احنا البنات
يعني ادري ان كل شي بيد الخالق سبحانه وتعالى والنعم فيه
الي تأخرت في الزواج .......تراه توجد اسباب كثيره
بس الوحده تحس روحها غريبه شوي لو البنات الي تقرب لها وبنفس سنها واصغر تزوجت
ومعها اطفالها ولما تجلسين تسولفين وياها ما عندها سوالف الا عن زوجها واطفالها
غير النصايح الي تبي تعطيكي اياها ... والقهر يقولون لك ليه ما تزوجتي لين الحين
والله احيانا احس بروحي عبره احاول اخفيها وامشي روحي كأني ما سمعت بس من جد شي يقهر
كنت مره جالسه اتابع قناة البداية ووحدة كتبت دعواتكم لي بالزوج صالح
مادري في شخص او وحده ردت عليها
تدرون وش قال ::: راجعي نفسك وشوفي وش سويتي في حياتك :0bee2e8d89:
يعني الحين اذا وحدة تأخرت بالزواج لازم تكون سوت شي بحياتها استغفر الله
بدون مراعاه المشاعر ..
كلنا ندري ان في منهم بنات سمعتهم مو كويسه تزوجوا يعني الحين جت على المسكينه الي تطلب دعاء بالستر
ياناس ...واذا وحده ما جاها نصيبها يقولون عنها عانس
يؤيؤيؤؤيؤ يعني وش نسوي :eh_s(14):
صديقتي نصحتها اختها تدرون وش قالت لها
اهون تكوني مطلقه ولا تكوني عانس
وش فيها وحده عانس فيها مرض ولا شو
ولا ماعندها احساس ومشاعر
راح تقولون اني ما عندي سالفه كتبت هالموضوع
بس احس في بنات واجد محتاجين نسولف نفضفض شوي
ومو عيب الوحده تبغى الستر ومراعاه مشاعرها
صدقوني كلنا نبي مشاعر صادقه كل وحده تبي تعيش مع شخص معززه مكرمة
يارب فرجها علينا وعلى جميع المسلمين
يارب ارزقنا ازواج صالحين


كثره الاستغفار
-كثرة تلاوة سورة الصمد، النصر ، الكافرون ، الزلزلة.
-الدعاء بعد صلاة ركعتين لله :

1. اللهم هب لي من لدنك زوجا هينا لينا ودينا مرفوع ذكره في السماء
والارض وارزقني منه ذرية طيبة عاجلا غير آجل انك على كل شيء قدير .

2. اللهم ارزقني زوجا صالحاً انك على كل شيء قدير .

3. اللهم بحق قولك ( الله يرزق من يشاء بغير حساب) وبحق قولك
( الم تعلم ان الله على كل شيء قدير ) وقولك الحق ( الله بديع السموات
والارض وإذا قضى أمرا فإنما يقول له كن فيكون )
اللهم اجمع بيني وبين فلان بالحق وافتح بيننا بالحق وانت الفتاح العليم ،
اللهم وبحق قولك ( فاطر السموات والارض جعل لكم من انفسكم أزواجا )
ارزقني زوجا تقر به عيني وتقر بي عينه .

4. اللهم اني اعوذ بك من بوار الأيم وتاخر الزواج وبطئه وقعودي
وأسألك أن ترزقني خيرا مما أستحق من الزوج ومما آمل وان تقنعه
بي وتقنعني واهلي به .

5. اللهم حصن فرجي ويسر لي أمري واكفني بحلالك عن حرامك وبفضلك عمن سواك .

6. اللهم انك تقدر ولا اقدر وتعلم ولا اعلم وانت علام الغيوب والقادر ، اللهم ان
كنت تعلم في فلان خير فزوجني به واقدر ه لي وان كان في غيره خير لي في
ديني ودنياي وآخرتي فاقدره لي .

7. اللهم اني أستعففت فاغنني من فضلك( اللهم اغنني من فضلك ) بحق قولك
تعالى ( وليستعفف الذين لا يجدون نكاحا حتى يغنيهم الله من فضله


دعواتكم لنا بالصلاح
​

​

 

[hello.kitty_85]

الله يرزقج بالزوج الصالح ويرزق كل بنات المسلمين

اللهم امييين

وحياتي موضوعج مافيه شي بالعكس حلو وخفيف .. ومو كل بنت تأخرت بالزواج معناها عانس او فيها شي (قدر الله وماشاء فعل ) وكل واحد بهالدنيا ياخذ نصيبه لا اكثر ولا اقل وهذي اللي تمشي وتجرح في البنات للاسف مو شايفه خير وجنها ماصدقت على الله تتزوج

الزواج مو كل شي فيه ناس متزوجين ومو متهنيين وفيه العكس

 

[Marka Store]

الله يرزق كل بنوته الزوج الصالح
اللهم انت ولي ذلك والقادر عليه
سبحانك

 

[نونه العنونه_H]

^
^
^

آمين يااا رب​

 

[الباسمه]

الله يرزق بنات المسلمين كللللللللللهم
مشكوووووره على الطرح

 

[امورة زماني]

انا احس عادي لو وصلت للاربعين اهم شي الدين الاخلاق والسمعه الزينه واذا على الناس وربي حتى لو الوحده تزوجت ماتفتك من السانهم مو محصلين منهم الا عوار الراس فعليج بذكر الله وكثره الاستغفار والنصيب اذا الله كاتبه راح يجي باذن الله
وعسى ربي يرزززقج بالزوج الصالح والذريه الصالحه

 

[yam_yam]

حبيبتي لا تقولين جذي شنو يعني مطلقه و لا عانس ؟؟

اولا لازم تعرفين شغله كلمه عانس هذي لا الله و لا رسوله قالها و لو تدورين الكتب و الديانات كلها ماتلقين هالكلمه
هالكلمه ماحطها الا مجتمع تفكيره سطحي و حدد له عمر معين
يعني الحين بقولج لو وحده عمرها بال40 و للحينها تنخطب هل هذي نسميها عانس؟؟
لا طبعا
انا بعرف شنو مصطلح عانس بنظرهم؟؟
ماعليج منهم

انا شوفي عمري 28 سنه و لا تزوجت و لا شي و بصراحه لما اشوف المأسي ببعض رفيجاتي اقول ياربي اذا بترزقني الزوج الصالح اللي يخاف الله فيني و لا خلني عند اهلي ابرك لي

لاتقولين جذي حتى و انتي بنت عندج الف شغله تفكرين فيها و تسولفين عنها
و لا تخلين همج بالزواج و بس
ترا الزواج مو مثل ما انتي متصورة كله ضحك ووناسه
بالعكس مسئوليات و عوار راس
و انتي قولي لنفسج انا بنت و عايشه حياتي مستانسة واطلع و اشتري و مريحه بالي لما ربي يجيب لج اللي يستاهلج
و ماعليج من احد

انا اعرف شعورج و اعرف العاهات اللي يغثونج بس طنننننننننننننننننننننننننشي
و مثل ماهم يسولفون عن حياتهم انتي سولفي عن حياتج و انجازاتج و خلج مستانسه

و انشالله تاخذين اللي يستاهلج يارب

 

[عاشقة الكاكاو]

الله يرزق كل البنات يارب وكل تأخيره فيها خيره

انا كنت افكر في هالموضوع وايد بس صارلي فتره شايلته من بالي لان مليت وانا افكر وشغلت وقتي بأمور اهم واايد

لان شفت ان لا المتزوجه مرتاحه ولا العزوبيه مرتاااحه

 

[الغدق]

ووحدة كتبت دعواتكم لي بالزوج صالح
مادري في شخص او وحده ردت عليها
تدرون وش قال ::: راجعي نفسك وشوفي وش سويتي في حياتك

أي شي
أي شي صح
هذا أو هذي اللي رادة عليها مريضة نفسيا
شنو ماتعرف أن اكو شي اسمه نصيب وقضاء وقدر
بس نرفزتني هالجملة وتقبلي مروري
والله يرزق بنــات المسلمين لما فيه خير لهم

 

[Mahatii]

الله يرزقكم انشالله بالزوج الصالح والذرية الصالحه !
امين

 

[النهج الاسمى]

الله يرزق كل بنوته الزوج الصالح

 

[سعودية واضحه]

اللي يقولون عانس هذول عقولهم على قدهم هههههههههههههههههههههههههه

اصلا كل وحده من تولد سواء كانت كويسه والا مو كويسه ربي كاتب لها يوم تتزوج فيه ومن مين واي يوم وكم عمرها وووو كل شي ربي كاتبه بس بعضهم ايمانهم بالله قليل فيقولون كلام مايدرون ايش هههههههههههههههههه


الله يرزقك ويرزق كل بنات المسلمين يااارب ...

 

[ولاية علي]

الله يرزقج بالزوج الصالح ويرزق كل بنات المسلمين

 

[pretty sarona]

الله يرزقج بالزوج الصالح ,, انا ما اشوف ان كلمه عانس ابهالوقت تسبب مشكلة ,, مشالله عليهم البنات اللي مو متزوجيين تلقينهم مهتمين بروحهم وح تى العمر مو مبين عليهم ,, بالمقابل ييبي وحده ام عيال و شوفي شكلها , الهم يكبر

 

[رنه خلخال]

الله يرزقنا ان شاءالله بالزوج الصالح امييييييييييين
ويعطيج العافيه عالموضوع

 

[katko0ota]

اتمنى من البنات انهم يستوعبووون و يفهمووون ان نساله الزواج قسمه و نصيييب و كل وحده منا ربنا كاتبلها متى و ويين و شلوون هذي شغله الشغله الثانيه كل تاخيره و فيها خييره

مع تمنياتي بالتوفيق للجميع

تحياتي

 

[درة أهل الطولات]

انا عندي ما تتزوج ول تتزوج وتتطلق

لأن بذاك الوقت راح تكون تعلقت فيهااا صعب

 

[قليبي ماركه]

الي تاخر نصيبها مو دليل انها سيئه او فيها عيب هذا نصيب ورزق مكتوب قبل تولد
و اذا على الزواج لمجرد الزواج ... والله اعرف بنات الله يستر عليهم ويغفر لهم .. كانوا يكلمون شباب وانخطبوا .. وبعضهم خذوا رجال الله اعلم بأخلاقهم كله عشان المجتمع .. حنا بزمن الموازين مقلوبه ..

مشكووووووووره على الطرح .. اللله يرزق بنات المسلمين الأزواج الصالحين الطيبين .. يارب

 

[الرياش]

حبيبتي لا تتضايقين ولا يضيق خلقج وعيشي حياتج واستانسي وان شاء الله الله يرزقج بالزوج الصالح
صدقيني حاسه بكل كلمه كتبتيها , صج انا متزوجه بس انا عندي 5 خوات مو متزوجات وكلهم أكبر مني بس وحده أصغر مني وصج ضايق خلقي عليهم بنات أدب و جمال و أخلاق بس مافي نصيب كل مايصير كلام خطبه تتفركش السالفه حتى قبل ما يشوفونهم الناس والله متضايقه وايد بس ما أبين لهم هالشي وكل ما لقيت أدعيه تسهل النصيب ودي أقولهم بس ما أقدر أخاف أحرجهم وأجرح احساسهم ,ما عندي غير اني أدعي بحرقة قلب بكل صلاة ان الله يسخر لهم اعيال الحلال .
يا ربي يرزقج وكل عزوبيه الزوج الصالح عاجلا غير اجل

 

[فوشية...]

الله يرزق كل بنت بالزوج الصالح اللي يخاف الله فيهاا......~