شو احساسج لما واحد یغازلج؟ابیکم تجاوبون بصراحه

[یاقوت]

مشکورین بناااااااااات علی تفاعلکم الحلو یا حلواااااااااات

 

[PINKEIA]

آنا مغروره ومغازل الشباب يزيدني غرور بس ما أبين لهم اني مستانسه الحمدالله آنا ثقيله ولا أرد عليهم حتى لما يتوسلون بس في واحد نرفزني غصب عشان ماكلمته وماعطيته ويه سب أبوي قال يابنت ال*لب وخالتي كانت معاي قالت له نفس الكلمه ماحب اللي جذي يغازل اجباري حبيني وكلميني قلت حق خالتي لاتردين بعد خفت تصير سالفه في شباب أوكي يونسونج وفي شباب دعله ينرفزون ويكرهونج بالساعه و بالمكان اللي انتي في لزقة عنزروت خليهم اهما عليهم يتغزلون واحنا علينا نطنش لووول بس أكثر شي يضحكني لما كنت واقفه عند الكاشير وفي اثنينه واقفين بس أنا واهما بالمحل واحد يقول حق رفيجه آنا تعبان وماعندي أحد ومن هالكلام يعني مو مرتبط ورفيجه يسإله ويواسيه آنا مطنشه بس سوالف واسلوبهم يضحك آنا ماسكه نفسي وأمي كانت تنطر بره وحست انهم يغازلون جان أمي تقولي يلا بصوت عالي جنها تزفني فشله اهما يغازلون وآنا أنزف آمي دايما جذي ينطبق عليها المثل أمي ماتقدر إلا علي <بدال أبوي مايقدر الا ع أمي

 

[PINKEIA]

ومره كنت رايحه مع أمي السوق واحنا نتمشى يمرون شباب واحد منهم طالعني من فوق لي تحت و صفر تصفيرة اعجاب بعد ماراح بعيد أمي قالت بصوت واطي ويعه حقه قلت لها ماقال شي بس صفر بايعتها أدافع عنه لووول بيني وبين نفسي قلت ماله داعي تقول ويعه الولد عبر عن اعجابه بأدب أتقبل جذي ومره كنت بالسياره وبالصيف كنت عطشانه خلاص أبي دكان قريب عشان أشتري بيبسي دخلت بقاله وأمي تنطرني بسياره أول مره أسويها وآخر مره أدخل دكان عقب ماخلصت وحاسبت كان في واحد لابس بس دشداشه مو مغتر حاط ايده ع الباب مسكر الطريج ما أقدر أمر يعني شنو حركته يبيني أمر من تحت ايده يخسي قلت له لو سمحت ممكن توخر بمر وساكت مو راضي يوخر ولايرد عاد آنا قلت ماكو غير راعي البقاله قلت له شوفه مايخليني أطلع مارد البياع شكله خايف لاينطق من هالمصرقع وأنا وخرت عن الباب شوي نطرت وقاعده أقول لاحول ولاقوة الا بالله بعد جم دقيقه تشرف الأخ ووخر عن دربي مادري شالهدف من حركته الماصخه

 

[rawnaq]

امم..بصراحة اموووت خرعه ماادري ليش وارتبك وامي وابوي لو كنت طالعه مع واحد منهم او معاهم يلاحظوون اني ارتبك مره وحده..بس في بعضهم يضحكوني حيل بس ما اضحك امسك نفسي علشان مايقولون عني خفيفه..وعمري مارديت على ولا واحد فيهم....وبس

 

[مجاريح بدويه]

هو حلوووو ومو حلووو ..

حلو يخلي البنت تثق بنفسهاا آكثثثثـــر .. ويحسسها انها لها قييمــه وانها شششــي

ومو حلووووو لانه صج يضاايق وما تقدرين تاخذين راحتج ... <------ بصـراااحه رعــب ...؟


وتشـــــــكرات خيتؤؤؤؤؤؤؤ ......

 

[M!s$ GoOnA]

امووت من الخووف
وما اتكلم ولا كلمه وألزق بأختي ولا امي
حتى ما اشوفه

الحمدالله ان ما تحوشني مواقف جذي بس نقول فرضا

 

[mollie]

اذا كان حلو و جميل ييلي احساس اني انا جميله و اذا خايس اتعامل معاه بخشونه

 

[ALooy]

الصرآحه اخآف ... وانحآش عند اهلي بس بهدوء لووول
يسلمووو

 

[ا ح ب ك]

لا يما أنا أخاف وأموت بس

 

[abeeek :$]

خخخخخ استححي خدودي تحححمر او احيانا اذا شي يضحك ابطها ضحك :$:$

 

[هواجيس الفجر]

انا تصيبني حاله ابو ركب يوووووم كااامل

 

[كاشفه حقدهم]

ههههههههههههههههههههههههههاااي
قسم ضحكتووووني بمواقفكم
السؤال مرره محرج >> بالله هههاي
مغازل شباب السعوديه غير >> والله ماكذبت
بحكم انو حنا نلبس عبايات وفينا من يلبس نقاب ولا برقع ولا لثمه ولا كاشف>>مثل حلاتي يوم لثمه واسبوع كاشفه هع
انا مثل ماقلت لكم مااتغطى كثير وان تغطيت لبست لثمه
بس انا من النوع اللي ثقيييييييييييله لو وشو مااتحرك ولا ارد على اي غبي يغازلني
بس شبابنا الله يرجهم غصب الوحده يبيها ترد عليه >> مايهمه شي غير انو البنت تعطيه وجه
اذا ماعطته وجه بعضهم يطس ويروح بس بعد مايطلع روح هـ الفقيره من كثر مايلاحقها في المجمع ولا في اي مكان
وبعضهم والله لو وشو مايفك الا عند باب بيتهم >> وربي صارت معي كثييييييييييير
انا عصبييييه مرررره ومااحب احد يتلزق فيني
وكان هذاك اليوم طالعه الصباح مع خوياتي نفطر في المجمع ورحنا نلعب ونستانس
المهم يمرون مجموعة شباب وكل واحد قط كلمه
عدينها لهم
رجعو مره ثانيه >> كانو مافي المجمع الا حنا
المهم
واحد فيهم قرررب مني خلااص احسه بيلزق في ظهري >> مدري كيف حسيت فيه
وكان الف عليه واقوله خييييييييييييييييييييييييييييير >> وانا مطيره عيوني فيه
وربي من الخرعه اللي اخترعها وهو راجع ورا طاح
واللي بالمجمع كلهم ضحكو عليه حتى اخوياه
وبعدها ماشفت الا غبرة رجولهم >> قالو اكيد هاذي متوحشه هههههههههههاي
ومره كفخت واحد الا ماقال امييييييين
كنت متهاوشه وطالعه من البيت مع خوياتي وبرضو تهاوشت معهم >> الاخلاق كانت قافله بسبب الدوره
وربي ماانسى هذاك اليوم
رحنا للمجمع وبالصدفه قابلت خالتي وحماتها وسلمت عليهم وبعدها 2من خوياتي مدري وين راحو واسأل الباقي عنهم يقولون مدري
المهم طلعت جوالي وجلست ادق عليهم مايردون
واقوول للبنات ترا مايردون لايكون صاير فيهم شي
الا هذاك مع خويه جالسين في الكافي ومكشخييييييين اخر كشخه قال يوووه مسكينه ماردو عليها
قلت له على شحم ياحمار
قالي فديت كلمة حمار منك .. اصير لك حمار واصير لك اللي تبين >> هنا انا استحيت بيني وبين نفسي
قلت له تلايط لا أهفك بهـ الكوب اللي بوجهك
قالي كلي افداااك انا لبى هـ الخشه >> وكان استحي اكثر بس مابينت وصرت ادق وادق
الا نط الثاني وقال الحين انتي لبنانيه وتكلمين سعودي ليه ؟؟>> مدري وش اللي خلاه يقول كذا لهـ الدرجه مو عارف تفرق بين لبنانيه وبين سعوديه وبيني وبينكم قلت احييييه صرت لبنانيه خخخخ
المهم والله العظيم واقسم بالله انا شكلي دايم يقولون اني مغربيه مع اني سعوديه >> شاكه بروحها
قال الثاني لا مو لبنانيه سعوديه بس اكيد امها لبنانيه ولا مغربيه
قلت لاحووول ولا قوة الا بالله
قال الثاني : هاه نفرش السجاده عشان تصلين >> الكافي كله ضحك
كان مليان شباب وكل واحد صار يقط كلمه >> لوني خفيفه كان من زمان خقيت ع الكلام اللي سمعته خخخ
المهم انا وصلت عنددددددددددددي خلااااااص
ام العبيد جااااات
وقربت منهم وهم يهلوون ويرحبون مفكريني بجلس معاهم
وواحد فيهم وقف كان اقووم اخذ الكووب واكبببببببببه على وجهه واكفخه واكفخه واكفخه اقسم بالله اني سدحته بالارض
البنات جاو وهذاك خويه يقولي وخري عنه واللي بالكافي ولا واحد فيهم تحرك لانو عندنا نظام لو تحرك البنت يركبك الغلط من راسك لرجولك وتروووح فيها
وربي البنات وخالتي وحماتها قالو لي انتي مو صاااحيه
اللي يشوف شكلك مايقول هاذي تقدر حتى تعطي كف >> خكررريه هع

ومواااقف كثيرره والله صارت لي
لانو انا من النوع اللي اذا كنت معصبه من شي وجى شي مثل كذا ع طووول احط حرتي فيهم >> وعندي قاعده اللي هي
اذا اهلك ماربوك انا اربيك بالطق يالهيس
كم واحد كفخته وفشلته ههههههههههههههههه

 

[زهراء 24]

انا اذا احد قط علي كلمه او حاول يغازل
تييلي الضحكه ماادري لييش ههههههه
احسهم تافهين والكلام اللي يقطونه سخيف
ساعات يقطون كلام يضحك احاول اسمك نفسي او مااضحك
عشان ما ابينله اني معطيته ويه​

 

[bronzeya-q8]

لو تموتين امشي بالسوق بروحي آلزق يم امي او ابوي والله لو واحد بس يتكلم افصخ الجوتي وعلى وجهه قله الادب الحمدلله والششكر

 

[بنوتهـ قمر]

يووماااي امووت من الخووف >_<​

 

[عاشقة هواك]

عادي طاااف

 

[ام حموود ؛)]

يمه انا اخاااف وايد على طووول اقول حق مامي اكرههم اكرههم ويييع
والله ان مامي متغطيه من راسها لي ريولها مو مبين منها و لا شي مادري شلووون تشوووف لوووول ؛). وهم يتحرشوون فيها هذيل ماينفع معاهم ولا شيً مايستحووون *
بس لمن اكووون مع زوجي اتحدى واااحد يرفع عينه . ريلي شرير يخرع

 

[ms_kakawa]

اطنــش وبعض المرات تصير باختي وتزفهم ويقولون تووبه نعيدها

 

[انــا الــزيــن]

اول شي اسوي حالي مو منتبهه وبعدين اصد عليه واعطيه ابو خزه وامشي عاد اهوا يتفشل بروحه

 

[نجداويه نجد]

أتخثع بعابتي هذا إذا ماطحت