شوو تشورون عليه في الاختيار

[عـيون عـليـآ]

السلام عليكم خواتي

انا بستشيركم في سالفه حساسه شوي

لو انتي مكاني ورايحه تخطبين لولدج بنت ناس اول مره تشوفينهم وهم جيرانكم بس اول مره تدخلين بيتهم وتتعرفين عليهم

دخلتي وشفتي الام ونعم فيها وجريئه ولاتسكت عن الكلام سالفه تجر سالفه مدرسه وتشرح لج كل شي بتفصيل الممل تتخايلين نفسج في مدرسه للانها مدرسه هههههه

المهم خلكم من الام ندخل ع البنات الكبيره جمالها مقبول وكلامها مختصر ورزينه باين عليها

الصغيره جمالها جيد وجريئه وايد حتى تتكلم في امور الولاده واللي انا الحرمه الكبيره استحي اتكلم فيه جدام حد

المهم جريئه والله يستر عليها

الحين شوو تقررون تختارون لولدكم من هذيل البنتين

انا الصراحه حسيت في ضيجه في قلبي من شفت حركات جي

انا بقولكم اللي متعودين عليه البنت يوم تشوف حد غريب تسلم عليهم وتجلس شوي وتطلع عن الضيوف بس انها تيلس وتاخذ وتعطي وتتكلم في كلام عيب مايصح ولاحد يتقبله

وسمحولي بس بغيت استشيركم في حيرتي :gr4uu:

 

[هنـــــد]

أولاً الله يرزق وليدج بالبنت الصالحه الطيبه الحلوه اللي تسعده وتبر فيج وتحطج ع راسها ،


يالغاليه ..
الخطبة مو لعب .. بل شي جداً دقيق ولازم تكونين جيده في الاختيار لانها حياة ولدج
والنسب والتناسب أمر ظروري نفكر فيــه بشكل كبير ونعمل له ألف حساب ..

من هالعايله اللي رحتي لها شكلج ما ارتحتي
وبما انج مو مرتاحه بلاها هالخطبه بالاساس وكسبتي معرفتهم ع الاقل ..
دوري لولدج البنت اللي تستحي وتخاف الله وأهم شي ادرسي امها عدل ترا الام هي الاساس



والله ولي التوفيق

 

[رتو الكيوت]

مو مقتنعه فيهم هالثنتين اطلعي وروحي بيت ثاني

اهم شي تختارين لولدج وحده مقتنعه ميه بالميه

الصغيره يمكن ع نياتها وهذا طبعها هم يدرون انج تبين تخطبين ؟

 

[عـيون عـليـآ]

أولاً الله يرزق وليدج بالبنت الصالحه الطيبه الحلوه اللي تسعده وتبر فيج وتحطج ع راسها ،


يالغاليه ..
الخطبة مو لعب .. بل شي جداً دقيق ولازم تكونين جيده في الاختيار لانها حياة ولدج
والنسب والتناسب أمر ظروري نفكر فيــه بشكل كبير ونعمل له ألف حساب ..

من هالعايله اللي رحتي لها شكلج ما ارتحتي
وبما انج مو مرتاحه بلاها هالخطبه بالاساس وكسبتي معرفتهم ع الاقل ..
دوري لولدج البنت اللي تستحي وتخاف الله وأهم شي ادرسي امها عدل ترا الام هي الاساس



والله ولي التوفيق

كلامج عين العقل وسليم ميه ميه وتسلمين الغاليه ماقصرتي

وهذا اللي ان شااء الله بيصير الاختيار صعب لزوجه والله يقدرنا ونحصل له بنت الحلال التقيه والوسيمه اللي تخاف ربها وتحترمه وتقدره وتراعيه وتصون بيته

 

[المدينه]

حبيبتي انتي مومجبوره تاخذين منهم وانتي مومقتنعه
وياماا في بنات كانو هاديين وثقل بوقت الخطبه وبعدين تكتشفين العكس
الحلو انه الواحد يكون على طبيعته مو يتصنع

 

[كويتية و لكن]

حبيبتي اذا الام والنعم فيها واخلاقها جيدة ومربية البنات تربية صحيحة عليك اختيار البنت الكبيرة جمالها مقبول صح لكن المهم الخلاق والعقل

لكن ا1ذا الام ماهي مقنعة وحاسة انك منتي مرتاحة من هالاسرو وش حادك دوري غيرها والله يرزقكم الاحسن

والله يوفقكم

 

[حروف من ذهب*]

استخيري

 

[عـيون عـليـآ]

مو مقتنعه فيهم هالثنتين اطلعي وروحي بيت ثاني

اهم شي تختارين لولدج وحده مقتنعه ميه بالميه

الصغيره يمكن ع نياتها وهذا طبعها هم يدرون انج تبين تخطبين ؟

والله يااختي ماقتنعت فيهم وحسها مابتنفع ولدي لانه ولدي من النوع اللي مايحب الهذره ويبغي بنت هاديه ولاملسونه

اكيد البنت ع نياتها من جي طرحت الميانه وتمت تسولف في اللي يصلح واللي مايصلح

وهم يدرون اني بزورهم ادور لولدي بنت

لاني متصله في الام وقلت لها نحن بنزوركم بنتعرف عليكم ومنها بنشوف البنات لاني ادور لولدي بنت الحلال

ومشكوره الغاليه ع ردج ماقصرتي وربي يسعدج .

 

[عـيون عـليـآ]

حبيبتي انتي مومجبوره تاخذين منهم وانتي مومقتنعه
وياماا في بنات كانو هاديين وثقل بوقت الخطبه وبعدين تكتشفين العكس
الحلو انه الواحد يكون على طبيعته مو يتصنع

كلامج صح يالغاليه وايد بنات تصنعن انهم هاديت وبعدين طلع لهم الف لسان هههههه

بس والله مب مرتاحه لهم بس الام احسها شايفه نفسها وايد

والبنات مارتحت لهم

الله كريم

 

[عـيون عـليـآ]

حبيبتي اذا الام والنعم فيها واخلاقها جيدة ومربية البنات تربية صحيحة عليك اختيار البنت الكبيرة جمالها مقبول صح لكن المهم الخلاق والعقل

لكن ا1ذا الام ماهي مقنعة وحاسة انك منتي مرتاحة من هالاسرو وش حادك دوري غيرها والله يرزقكم الاحسن

والله يوفقكم

والله يااختي انا هاناس ماعرفهم اول مره ادخل بيتهم بس مارتحت سبحان الله من صليت العصر حسيت بضيقه ع قلبي

حتى كنت شاله لهم هديه ومن الضيجه نسيتها بسياره ولاذكرت غير يوم رديت البيت هههههههه

بس البنت الكبيره جمالها مقبول وولدي طلبه تكون البنت جميله يعني ولدي مامدح فيه بس اذا بقارنه فيها بيطلع احلي منها وهي يبغي بنت احلى منه مايصير البنت اقل جمال من الولد ولا عينه بتشوف برع وهم قالي هذا الكلام ابغي بنت تخليني ماشوف غيرها هههههههههه

الله كريم وربي ييسر الامور

 

[عـيون عـليـآ]

استخيري

استخرت يااختي ولا ارتحت سبحان الله

 

[كويتية و لكن]

عليك بالاستخارة بارك الله فيك

والله يوفقة

 

[بلسم الجروح]

ستخيري ياختي هذازواج موكلام فاضي لازم تقولين لولدج وهو يقرر بعد واذا انتي اول مره تدخلين بيتهم شلج فيهم اكيد ماتعرفينهم زين ولام شكلها تحب تفلسف مادري عساني ماكون ضالمتهم والله يوفق راسين بالحلال ويكتب الي فيه الخير لولدج

 

[عـيون عـليـآ]

عليك بالاستخارة بارك الله فيك

والله يوفقة

باذن الله بستخير مره ومرتين وثلاث والله يكنب اللي فيه الخير

ويزاج الله خير الغاليه

 

[عـيون عـليـآ]

ستخيري ياختي هذازواج موكلام فاضي لازم تقولين لولدج وهو يقرر بعد واذا انتي اول مره تدخلين بيتهم شلج فيهم اكيد ماتعرفينهم زين ولام شكلها تحب تفلسف مادري عساني ماكون ضالمتهم والله يوفق راسين بالحلال ويكتب الي فيه الخير لولدج

لا والله وانتي الصادقه ماظلمتيهم وانا هذا اللي حسيته الام وايد تتفلسف وكلامها كله انا سويت وانا وانا وانا وهذا اللي ماعجبني فيهم وولدي نفس طبعي مايحب الناس اللي شايفين نفسهم يحب الناس البصيطين في تعاملهم واطباعهم

الله يستر عليهم وان شااء الله بنستخير وربج كريم مع اني احس بضيجه ماتنوصف الله كريم

 

[pink Engineerah]

استخيري والله يكتب لج اللي فيه الخير

 

[مـزآج ــــية]

دوري على البنت اللي ترتاحين لها


و الله يوفجه يا رب في بنت الحلال

 

[اشتياق]

ويه ياعيون عليها زمان أول اللي البنت تستحي وتروح فوق لي يو ضيوف

هذيلا انا وانتي نتراجف ومانبي الا السلامه

ألحين لي تكلموا الحريم بمواضيع حساسه اقولهم اشششش في بنات يقولون لاعادي خلهم يتعلمون

وأزيدج من الشعر بيت لي بغت البنت تطلع ومستحيه من حوارهم يغصبونها تقعد ويقولون لها انتي مره قعدي تعلمي

خلي عنج الحيا وسولفي مع الحريم وخلج جريئه


الله يرحم ايام امي لي ياها ضيف وعطتنا ذيج الخزه يعني يصير حظر تجول ونزع سلاح ..


الله يوفق وليدج يارب ويرزقه ببنت الحلال الهاديه الرزينه الصالحه اللي تسعده وتهنيه ..

 

[reem83]

اختي اذا البنت الكبيرة حلوة وثقيلة ممكن ولدج يشوفها حلوة بنظره ترى اهي مسالة راحة نفسية

اما اذا انتي مارتحتي من اهل البيت فا لا تقربينهم وحتى لو كانت الكبيرة فكري الف مرة

ترى الجمال مو كل شي وممكن اهو يشوفها غير الي انتي تشوفينه

 

[om MaRyooM]

حبيبتي الزمن هذا غير والجيل بعد غير
شوفي اللي يرتاح لها قلبج ومن ناحية الجراة الحين الكل جذي عادي