شوهتو عباية الراس

[كلهآ ملح ..}]

لوووول نستني صاحبه الموضوع اني رآده <<

 

[ScarletteO'Hara]

و الله حسستيني انهم مطلعين سيقانهم!!!
ترى حتى لو طلعت دراريعهم الصفر و الي فيهم زري ترى يعتبرون مستترات
شنو ما يعجبكم الا ان الوحدة تكون سوادة من فوق لحدر؟
كل واحد حر بلبسه
الي الحين حتى المتسترات ما قاموا يعجبونكم
ما ادري منو قال لكم ان الستر يتحقق بس بلبس السواد التام!!!

 

[فـــخـــر]

ماشوف باللي سوته شي غلط


محد عاجبكم لا السفوور ولا المحجبه ولا عباة الراس شيعجبكم بالضبط

 

[صآعده تحت}..]

دامج قلتي شفتيه كذا مره برمضان

فلا تسيئين النيه يمكن هالاصفر والاحمر لانها بتسير على ناس وماتبي عباتها توصخ

ودام دراعتها طويله وواسعه مهما كان لونها تعتبر ساتره الخمار ترا ما اشترطوله لون اسود بس

انما الاعمال بالنيات* وانتي ماتدرين شنو نواياهم

 

[مزاا_جية]

الوقت 12 بالليل وين بتسير وماتبي عبايتها توصخ!!! لو انتو شايفين المنظر جد كان فهمتو شقصد ترا انا ماذكرت السفور والمتحجبة وقلت موعاجبيني اللي ترفع عباتها للدرجة هاذي ماتبي الستر غصب شوفوني وربي تمشى حتى سلة موبيدها لاتشوفون الغلط وتقولون عادي وحرية شخصية في دين علمنا نستر نفسنا عشان نفسنا شافوها الناس وهي بالشكل هذا شنو خذت شنو استفادت؟نصيحة ووجهتها للبنات اتمنى في احد استفاد منها

 

[الزين 85]

فيه بعض البنات يلبسووون عباية راااااااااااس مخصررررررررررررررررررررررررررررررررررررررررررررررررررررررررررررررررررررررررررره حييييل

استغرب منهم صراحه

 

[a7la-elbanat]

ياحلات الاجانب بس
محد له شغل بالثاني واحنا همنا عبايه ولبس ومدري ايش
حريه شخصيه وبعدين لي متى نراقب فلانه وعلانه

 

[مزاا_جية]

الزين 85للاسف هالنوعية صج شوهوو عباية الراس
احلى البنات الاجانب اللي ملائكة بعينج خل يشوفون وحدة زايد وزنها يكرهونها وينبذونها وتطلع بالتلفزيون تبجي وحالتها حاله
افتخرو بدينكم والتزمو فيه ليش تبون تغيرون باسم الحرية الشخصية هذا اللي ردكم ورا

 

[chocolate&coffe]

الله يهديكم يا بنات حصل خير

وخلاص احنا الحين ما علينا من فلانه وعلانه

الحين احنا بالرمضان ومشكوره حياتي مزاجيه ع النصيحه

والبنت ترا ما تقصد بس يعني تبي تنصحكم

وانتوا حرين بردودكم وانا احترم وجهة نظركم ونظر مزاجيه


​

 

[مزاا_جية]

الله يهديكم يا بنات حصل خير ​

وخلاص احنا الحين ما علينا من فلانه وعلانه ​

الحين احنا بالرمضان ومشكوره حياتي مزاجيه ع النصيحه ​

والبنت ترا ما تقصد بس يعني تبي تنصحكم ​

وانتوا حرين بردودكم وانا احترم وجهة نظركم ونظر مزاجيه​

وانا اشكر اسلوبج الراقي ولايهونون البنات اللي شاركو بالموضوع بس بعض البنات الله يهديهم تبي تفهم على كيفها

 

[~ بنت الهدى ~]

لوووول نستني صاحبه الموضوع اني رآده <<

لووووووول انا بعد او يمكن ماحست

انزين ليش نكتب بالأبيض ههههههههههههه يعني مستحين ؟

 

[النملة نواري]

الله يهديهم بعضهم و الله تشوه عباية الراس لي درجة انج تشكين انها فضائية

 

[بحر الذكريات]

مافيها شي الا اذا هي مبالغه

انا ارفعها لامشيت بس مو فوق الخصر عاد لا ارفعها من قدام شوي تحت الركبه بشوي ومارفعها من ورا وبالتالي تخم الشارع خم بس شسوي

وساعات اذا المكان مو مغبر امشي وانا امصكرتها حيل بيدي

بعدين عادي اشفيها>>>ششت وقلبت هع

المهم انها عباية راس وتحتها دراعه

 

[(دنيتي)]

الله يهدي االعالم


وعبااااااااه الراس ستر واللي ترفعها ماعندها سالفه

 

[مزاا_جية]

بنت الهدى مانسيت رديت عليج منووووورة واسعدتني مشاركتج
النملة نواري وبحر الذكريات ودنيتي الله يكثر من أمثالكم
تذكرو الاية الكريمة((وقل للمؤمنت يغضضن من أبصارهن ويحفظن فروجهن ولايبدين زينتهن الا ما ظهر منها ليضربن بخمورهن على جيوبهن ولابدين زينتهن الا لبعولتهن ...الى آخر الايةسورة النور اية 31 ))صدق الله العظيم
اتمنى ماتجي بنت تقول الحين حرية شخصية والله يهدي الجميع

 

[Tom ♥ Jerry]

,

اي والله هالحريم يظحكون !
يعني مآدري ليش لابسه عبايه اصلا موصلتهآ ليه الركب ! ههه
منظر يظحك :$

 

[مزاا_جية]

اشكر مرورج ياشمحوطة وياااااليت كل بنت تحفظ نفسها وتستر نفسها ترا الناس اللي شافوها بالمنظر هذا ما راح يفيدونها