شوهتو عباية الراس

[مزاا_جية]

صباح ومساء الخير
بالبداية بوضح لكم ان اللي اشوفهم بعض وليس الكل من البنات اللي يلبسون عباية راس
لأني شفت هالمنظر يتكرر بالجمعية تجي وحدة لابسة عباية الراس ورااااافعتها فوووووووووووووق الركبة والله مابالغ يمكن اعلى بعد ومطلعة الدراعه اللي لونها اصصصصصفررررر والا بنفسجي والا زرييي صراحة منظر قمة الهلااااااااااااقة احشمي العباية اللي على راسج تحسبين الناس بتقول وااااو؟ واحنا برمضااااان شفت هالمناظر نصيحتي لكم ارضي ربج بلبسج لاتهتمين للناس
وووولكم المايك

 

[مزاا_جية]

37مشاهدة ولا رد؟

 

[ريف الخفوق]

الله يجزاك خير هذا يدل على حرصك على الدين الله يكثر امثالك ويهديهم يارب

 

[مزاا_جية]

اسعدني مرورج ريف الخفوق أتمنى البنات يتقبلون نصيحتي والله كتبت من اللي شفته واحنا بشهر فضيل ياليت الوحدة تعرف قدرها وقدر عباية الراس ماكان شفنا هالمناظر

 

[~ بنت الهدى ~]

احيانا ارفعها اذا كنت امشي بمكان الأرض رطبه او مغببره عشان لاتتوصخ عباتي ... بس مو فوق الركبه عاد

مشكوره حبيبتي

 

[أحلى البشر]

حريه شخصيه لي متى نراقب الناس دامها مو مفصخه كيفها
ياحلو الاجانب يطلعون ببجايم ولا احد له شغل باحد واحنا ماغير خزني واخزك وكل وحده تبي الثانيه على كيفها
عموما انتي طلبتي راينا وانا هذا رايي دعي الخلق للخالق

 

[مزاا_جية]

بنت الهدى هالبنات واضح قصدهم للأسف تظن انها مسكتة ابي استوعب شكلها بس شلووون عبايتها على راسها بنت الحلال ورااااافعتها من تحت حييييل
أحلى البشر منو قال لج الاجانب مايخزون(بس الشيبان والعجزههههههههههه)صراحة يحللونج وانا شفت هالشي اللي بقوله احنا لنا دين علمنا نستر نفسنا ونحافظ على نفسنا صدقيني الخز مو طبعي بس لان هالشي غريب علينا كتبت عنه وهذا اضعف الايمان

 

[Miss Cherry]

شدعوه شفتي بنت رافعه عباتها جيتي نزلتي موضوع عنها .. هذا وهي لابسه دراعه تحت عباتها لو لابسه جينز ولا بجامة جان شنو قلتي عنها


انا اشوفها حرية شخصية طالما انها مستتره كيفها ترفع عباتها يمكن طويلة ماتعرف تمشي فيها

 

[منو انت]

يمكن بدون قصد او الارض وسخه بعد لاتقولين الجمعيه نظيفه بعضهم حتى البضاعه غبار


على العموم الله يهديهم

 

[كلهآ ملح ..}]

مو كل من لبست عباءه الراس ملآك
كثير يلبسونهآ ولايعرفون وش قيمتهآ و لايدرون انهآ نعمه وكنز من الرحمن كآفي انهآ من انوآع الجلبآب
وربي انقهر لاشفت لآبسه لي سكيني آو آشيآء قصيره وترفع لي العبآيه او تفتحهآ من قدآم << آبي آفهم ليش طيب فجآءه تفتحينهآ وانتي تمشين ! هههههههه
اوكي المكآن مآيحتآج يرفع العبآيه به
اوكي به مآء ممكن اقول معهآ حق ترفع او مكآن رفيع تبي تنزل او ترقآه او من السيآره عآدي هذولي
امآ وهي تمشي فجآءه ترفعهآ ولا تفتحتهآ << منظر غبي وربي ..!!
للأسف كثير يجهلون هالشي [ ان العبآءه عبآده وليست عآده ] .~.!
وآسآل الله يعآفيهم ولا يبلآنآ .~!
وترى كلآمي كله للي يلبسون عبآيه سوآء رآس او كتف << اقصد باللي تطلع لبسهآ .~!

 

[ᆻŠ вªĺŌÓŃă]

الله يجزاج خير

واذا بنقعد ونخز الاوادم متنا قهر ياخيتي يعني اهي رفعة عبايتها ابرك من اللي امخصره عبايتها وتحقط ويالله ما اتنفس واللي لبسها فوق الركبه على ابو انها موضة الستينات وغيرها وغيرها

يبا دعو الخلق للخالق وراها رب يحاسبها اهتمي بنفسج الزم ماعليج نفسج
وحتى ان نزلتي موضوع شتنطرين منا انروح ونسوي حمله ولا بتكسبين ذنوب لي قبل حش ومادري شنو بهالاوادم كا نزلتي موضوع منو استفاد منه محد

اهم شي لبسج ظافي عبايتج ساتره خلااااااااص غيرج يطق يموووت مو بيبيات امشي واعدل لهم ولبسوا كذا وحطوا كذا
اوكيك يلا طولة السالفه واهي قصيره ومشكوره

 

[كت كااات]

انااااا ما شفت هالمناظر صرااحه لان بناتنا ذربااات ما اظن يسوون هالحركاات

 

[أم توتو]

شوفي في ناس جذيه عاداتهم جذيه الاول عندنا اهل الرياض كذه اذا جاو الشرقيه نستغرب منهم جذيه يرفعون العبايه بس هذي عاداتهم من زمان بس الحين لا ماصارو يسونها

 

[مزاا_جية]

شدعوه شفتي بنت رافعه عباتها جيتي نزلتي موضوع عنها .. هذا وهي لابسه دراعه تحت عباتها لو لابسه جينز ولا بجامة جان شنو قلتي عنها


انا اشوفها حرية شخصية طالما انها مستتره كيفها ترفع عباتها يمكن طويلة ماتعرف تمشي فيها

أول شي انا ماشفت بنت وحدة رافعة عبايتها ومطلعة نص لبسها وجيت اكتب فيها موضوع لاحظت الشي هذا يتكررر

 

[مزاا_جية]

يمكن بدون قصد او الارض وسخه بعد لاتقولين الجمعيه نظيفه بعضهم حتى البضاعه غبار


على العموم الله يهديهم

والله لوتشوفين العباية اللي طاقة للخصر بتقولين شدعوة انا متاكدة لو معاها رجال مارضا تمشي معاه رافعة عبايتها
واسعدني مرورج

 

[مزاا_جية]

الله يجزاج خير

واذا بنقعد ونخز الاوادم متنا قهر ياخيتي يعني اهي رفعة عبايتها ابرك من اللي امخصره عبايتها وتحقط ويالله ما اتنفس واللي لبسها فوق الركبه على ابو انها موضة الستينات وغيرها وغيرها

يبا دعو الخلق للخالق وراها رب يحاسبها اهتمي بنفسج الزم ماعليج نفسج
وحتى ان نزلتي موضوع شتنطرين منا انروح ونسوي حمله ولا بتكسبين ذنوب لي قبل حش ومادري شنو بهالاوادم كا نزلتي موضوع منو استفاد منه محد

اهم شي لبسج ظافي عبايتج ساتره خلااااااااص غيرج يطق يموووت مو بيبيات امشي واعدل لهم ولبسوا كذا وحطوا كذا
اوكيك يلا طولة السالفه واهي قصيره ومشكوره

مححححد خز بالاوادم الاوادم يبون يلفتون الانتباه بس بطريقة غلط الله يهديج خليتي بالسالفة حش وغيبة انا شقلت والحمدلله كتبت بموضوعي نصيحة للبنات ابيهم ينتبهون لنفسهم ولبسهم وأشكرمرورج

 

[مزاا_جية]

كتكات وام توتو اشكر مروركم وفعلا الوحدةلو شنو لبسها عباية والا بدون عباية الاهم تراعي ربها وترضيه أشكر كل من تفاعل بالموضوع
اله يهدينا ويهديهم للي يحبه ويرضاه

 

[الكووول]

ياختي شفيكم ع البنات وكل وحده بكيفهااا

الحين انا جذيه ارفع عباتي مو لين الركبه عاااد لا ارفعه شوي

خصوصا انا مااحب العبايه وانا مو عبايه راس انا البس عبايه كتف

عموما انا ابي اقولكم هذي حريه والبنت بكيفها

يعطيج العافيه

 

[FeShinGoOo]

اشوف الموضوع عادي انا ماعرف امشي بعياة الراس بس ساعات لبسي مايكون مناسب حق المكان الي بروحله اضطر اقط فوقي عباية راس وارفعها وانا امشي لاني اتعرجب ..

مو اشوفها جريمه لو لابسه هيلاهوب ولا سكيني ولا شي فاضح اتفق معاج بس دراعه حده عادي ترى ..!!

 

[أنثى اليمامة]

دراعه ما فيها شي ،، انا مره وحده قدامي ارفعت العباة والدراعه والرجل ما شاء الله كلها طلعت للركبه ،، هههه

بس هما ما يبون يلفتون الانتباه ، الي تروح تتسوق والدنيا رمضان ، مالها خلق تلبس وتكشخ ، وبعدين اشفيها الدراعه ،، مو اهي تلبس العباه فوقها والعباه مفتوحه يعني باين لون الدراعه شنو الفرق اذا شالت العباه لانها اذتها ،، اشوفه عادي ، بس انه مثلا توصلها للخصر لا هذي تفشل
​