شوف أمي شنو قالت لي

[أحلى عروس 2012]

امي مشترية لي ذهب من كنت صغيرة وظلت تجمعه لي كل فترة وفترة لين ما ولله الحمد كثر
الزبدة أني ان شا الله بعرس
فقالت لي هذا الذهب أخذي لج بس شرط لاتعبينه أبدا
أنا فكرت بالموضوع
وقتلها اذا احتجته مثلا ابي اشتري بيت وأسجله بسمي او افتح لي مشروع
ردت وقالت لا ماتبيعينه
هني يابنات قتلها هذي عيل أمانه مو هدية
قالت لي لا هي هدية بس هم ماتتصرفين فيها بشي
فقتلها خلاص أنا ماابي الذهب
لان الذهب زينة وحزينة
وقت الحاجة الانسان يحتاج
فقالت لي شنو تبين تصرفين عليه
قتلها لا بس يمكن ابي اسوي مشروع لي واسجله بسمي قالت لا مومسموح لج
فقتلها مشكورة يمه وانا ماابي الذهب
شرايكم بنات بالي صار
أنا حسيت هالذهب أمانة اكثر من هدية
انتظر رايكم

 

[أحلى عروس 2012]

رد : شوف أمي شنو قالت لي

بنات أنا صج مضايقة واحس أمي خذيت عني فكرة غلط
يشهد علي ربي أني بنت ان شا الله سنعه وماابذر لفلوس مني ومني
شسوي ماابي أمي تفهمني غلط

 

[انا لحبيبي .]

رد : شوف أمي شنو قالت لي

انا فهمت انه امك تعبت على هالدهب وهي تحط قطعه فوق قطعه لحد ما تكبري .. كنتي صغيره وبتكبري كل يوم بعيونها وبتجمعلك فيه

فبدها ياه يضلو عندك ذكرى وبنفس الوقت امانه لانه منها .. بالعكس مافيها شي كتير حلو تصرف امك وعجبني بصراحه

في شغلات بالحياه الانسان ما بقدر يستغنى عنها وشغلات بقدر يستغنى عنها .. انتي خلي ببالك دهب امك ما رح تقدري تستغني عنه ^_^

الا لا سمح الله للحاجه ووقت الضروره

امك مو قصدها خايفه على الدهب تصرفيه ولا تبيعيه .. امك حابه يكون عندك منها شي حلو وقيم

انا هاد الي فهمته من كلامك ^_^

والله يخليها الك يارب لانه نادرا تلاقي ام تفكر تسوي لبنتها هيك من الصغر​

 

[انا لحبيبي .]

رد : شوف أمي شنو قالت لي

بنات أنا صج مضايقة واحس أمي خذيت عني فكرة غلط
يشهد علي ربي أني بنت ان شا الله سنعه وماابذر لفلوس مني ومني
شسوي ماابي أمي تفهمني غلط

لا حبيبتي ماتحطي ببالك .. مافي ام بتاخد فكره غلط عن بنتها مهما تعمل .. يمكن حزت بخاطرها

انه ما تقبلتي منها الموضوع .. بس الموضوع جدا سهل بتروحي لأمك وبتحكي معها حبيبتي

واذا انتي حاسه انها مدايقه اساليها شو الي زعلها منك وشوفي شو وجهة نظرها

 

[iLLuMinaTion]

الله يعينج

 

[أحلى عروس 2012]

رد : شوف أمي شنو قالت لي

ياربي والله تعبانه وماابي أزعلها مني شسوي
بس احسها قاعدة تحدني
أنا لحبيبي شكرًا يألغلا بس شسوي الحين أقولها اي ماعندي مشكلة باخذه
طيب الانسان مايضمن شصير معاه بكره يحتاج حق كل شي

 

[خـذلـنـي]

انتي بينتي لأمج انج بتبيعينه قبل لا تاخذينه اخذيه واقبلي الهديه وانشالله ما تحتاجين انج تبيعينه ...

 

[ام معدي]

رد : شوف أمي شنو قالت لي

والله مدري احس الدنيا مفيه خير يعني اشتر ي بيت لكي ولا زمن اجريه وكذ تستفيدين من افلوسه تشترين الي تبينه وسلامتكي

 

[جولينار]

رايي خذي الذهب وطيعي امك

وماراح تحتاجين تبيعينه ان شاء الله

 

[أحلى عروس 2012]

رد : شوف أمي شنو قالت لي

أنا لحبيبي أمي تقول حتي وقت الضرورة لا ماتبيعينه

 

[حشمه]

الحين تقولج جذي تحرصج على الذهب بس باجر مستقبلا

لي ان شالله ناويه تشترين بيت او تاثثين راح ترضه ان شالله

 

[حبـ admant ـك]

المشروع لاحقه عليه حبيبتي
امج ماخشت لج هالذهب الا للحاجه
ماتبيج تفرطين فيه
الدنيا مب بخير

 

[opera]

رد : شوف أمي شنو قالت لي

وليش تبيعينه !!!

:rgewrg:

اخر شي افكر فيه ابيع ذهبي :jbdwjbd:

انا عندي ذهب مالي يوم كنت صغيره .. خاشته حق بنتي بلبسها اياه


عاد ذهب اووول اشحلاته ثقييل و تحسينه صج ذهب مو نفس مال هالايام بسرعه ينعوي


خشيييه لا تبيعينه

معاها حق امج

 

[UNICORNA]

لو الذهب ما يتسوى به شى مفيد وقت الحاجه هذى معناته انه ماله معنى وقلته احسن

 

[أحلى عروس 2012]

رد : شوف أمي شنو قالت لي

صج بنات طلعت أنا مدمغة!!!!!!
بس أنا بنت افكر بعقل وأخاف مااضمن بكره شصير
واهيا قالت قدام كل خواتيمها ممنوع أختكم تبيعه
حتي لو تحتاجة

 

[الدلوعه2008]

انا مع opera
امج جمعت ذهبج وكشختج جدام الناس

وذهب لا تبيعينه وخشيه ان شاء الله اذا جبتي بنت لبسيها وكشخيها بذهبج

وعلي فكره لا تبيعين ولا شيء خشيه مهم يكوون هذي امانه امج في رقبتج ووصيه عليج قالت لا تبيعين ولا تسرفين فيها

فنصحج وهذي انا امي ذهب امها عندنا للحين وما باعته وتخيلي بعد نفنوف عرس مال جدتي في عام 1950 للحين عندنا في بيتنا بعد امي ما قطته قولج ما قطته مخليته ذكره

شوفي امي شلون متمسكه في غراض امها فانتي سوي مثل امي وانا هم ذهبي موجود لبسه علي حسب مو شرط اذا راحت موضه ولا شيء تري ذهب للحين ينلبس مو كسسوارات كلها تروح موضته وينقط بالذبله تبزيرر فالذهب مفيد

بس انتي عورتي قلبي ليش ترفضين كلمت امج تراج جرحتيها روحي حبي راسها وقولي ماني بيعته امانتج برقبتي


خلاص حبيبتي ادام امج قالت جدام خواتج يعني هذي وصيه عليج اذا بعتيه يويلج ليوم الدين وامج وثقه فيج فحافضي علي ثقه امج فيج ​

 

[أحلى عروس 2012]

رد : شوف أمي شنو قالت لي

Uni corina
احسج فهمتينا عدل

 

[أتراب]

حبيبتي واضح انج صدمتين امج يوم قلتين بتبيعنه المفروض اول تشكرينها وبعدين الله يسهل لين احتجتين مو من اولها بيع اهي اسنين تجمعه وشكله غالي على قلبه فلا تكسرينها وأخدي الهديه

 

[المرتاحة]

انا اقول امج معاها حق

ليش تبيعينه ؟؟!! حتى لو احتجتي ان شا الله تتدبر ولا انج تبيعين ذهبج

واذا انتي خايفه انج بيوم تفرطين فيه قولي لامج انج قبلتي الهديه لكن خليها عندج يا يمه انتي تحافظين عليه و تحرصين عليه اكثر

و بوسه على راسها

 

[أحلى عروس 2012]

رد : شوف أمي شنو قالت لي

اي الدلوعة أمي حسيتها أنصدمت فيني
وخذت عني فكرة غلط
والله أمي غير أمي أنسانة رائعة وصج تعبت علينا وانا اكثر شي
وصج دلوعه احسها ودها أكشخ بذهبي قدام اهل ايلي
لان كذا مرة جذي لمحت