شوفو لي حل وي بنتي بليززز قالت كلمه وصخه والحل؟؟

[girl k.s.a]

السلام عليكم كويتياتا
بنات بليززز طالبتكم تقولون لي شالحل وي بنتي
تخيلو امس سمعتها تقول كلمه حيل حيل ححححححححححيل وصخه ونصدمت لما قالتها وكررتها مره ثانيه وطقيتها على فمها وحطيت في فمها شطه (دراز)
بس مدري مره مرررره خايفه تقولها جمب احد وانا والله من سمعتها قالتها وانا شغلي الشاغل افكر كيف امنعها اخاف بكرا تقولها جمب احد واتفشل
تكفون ابي طريقه حلوه امنعها فيها بالرغم ان عمرها 2 ونص
بليزززززز حبايبي

 

[PuPa^^SWeeT]

والله مادري


بس احسج بالغتي وااايد

جم عمرها


اذا تمييتي اتعاقبينها بهالطريقة الكلمة ماراح تنمحي من ذاكرتها



جان سالتيها من وين يابتها

منو قالها


و اتقولينلها هالكلمة ماتقولها الا البنية اللي مو زيينة و محد بيحبها اذا قالتها


ادري الكلمة وسخة حييل



بس جان هدييتي وياها


لانه العقاب يخليها تركز بمخها

 

[FDET NFSY]

وي

امممم حرميهااا من شي اذا قالتهااا

او لا تهتمييين اذا قالتهاا عشاان ماتقوولها


او كرري قلبه حلوه عشان تقولها بداال الكلمه الوسخه



الله يعيينج

 

[ام الحلوااات]

اللــــه يــعــيــــنـج عــلــيــهــا

 

[om MaRyooM]

اكيد سامعتها من احد


بس زين سويتي طقيتيها على حلجها

اذا عادتها مرة ثانية عاقبيها وخل تفهم ليش هالعقاب

والله يعينا جميعا .. هالفترة لازم تمر على كل اليهال

 

[مواصله]

انتي الحين عاقبتيها وانا مع هالشي

باقي انج تشوفين هالكلمه اللي قالتها شوفي كلمه قريبه منها وكرريها قدامها عشان تنسى الكلمه الاوليه وتحفظ هالجديده

 

[فركيته]

كل ماقالتها تجاهليها وراح تعرف ان كلمه مو مهمه لان ما اهتميتي فيها بس لا تزيدين العقاب بعدين تخاف من كل شي الطفل قاعد مثل الببغاء بس يردد ما يفهم وراح تعيدها لانها تنسى العقاب بس تجاهليها ومع الوقت راح تتوقف ,,,وترا عيالنا يسمعون من بره ومن هالمسلسلات ماكو فكه لاكبرت شوي بالهدوء علميها ان هذي الكلمه غلط ومايقولونها الا الموحلوين ,,,,وسعي صدرج

 

[.الاميره.]

حبيبتي ستوووووب

بنتج عمرها سنتين ونص .. سمعتها وكررتها
وبطريقتج هذي بتثبتينها بعقلها .. نسيها وصدي عنها بتنساها بسرعه
جاهل ام سنتين لو ٥سنوات وفوق يبيلها عقاب!!

بعدين شكو خايفه من الفشيله مو خايفه بنتج تتعقد

توها صغيره وحاولي تنسينها اذا مانست عصبي عليها وبعدها ابدي ظقي ع اليد
تدرجي بالعقاب

وسلام

 

[قطريه سبيشل]

التدرج بالعقاب احسن شي في التربيه وتغيرين كل مره شي ممممممممم مثلا المره الاولى تقولينلها عيب وان عادتها تقولين لها حرام والمراه الثالثه تقولين لها ماراح اكلمج وجذي يعني .

 

[سوسو حبيبتى]

عقابك بالطريقه دي غلط ومبالغ فيه

انا بنتي عمرها 3 سنين من فتره حفظت كلمه هبله

من بنات جارتي

فضلت وراها هي تقول هبله وانا اقول لها لااا اسمها بلبله هههههههههه اخربطها

لعبت بالكلمه ليين نسيت الكلمه الاصليه وصارت تقول بلبببله

الطفل زي السفنجه يخزن كل شي وسهل تعصريه وتتطلعيه منه

 

[modern]

انا مع "الاميرة" بالرأي

 

[Alias]

غلط لان خليها تتمسك بهذي إلكلمه دائماً انصح خولتي حطو استراتيجه لتربيه

 

[ام رينـاد]

لله يعينج

 

[om Firas]

نفس راي ًسوسو حبيبتي

 

[روحي82]

حيااااتي الله يعييينج يااارب

بس حرام عليييج تحطين بحلجهااا شطه عشاان قالت كلمه وصخه انتي لاتهامين فيهاا ولا تقولين لهاا كرري واذا بعدين الكلمه

سامعتهاا منج ولا انتي بيت حموووله اذا بيت حموووله شحقه تفشليين لان اكيد سامعتهاا من غيره وشوفي تربيت غيرهاا ولاتهلين بنتج عندهم

وترا حرام علي العقااب الحين توهاا صغيره وشووفي اخت سوسو شنو قالت خربطيهاا بالكلمه

والله يصلح

 

[beauty rose]

الله يعينج ما تقدرين تمنعين بنتج تسمع كلمات مثل هذي
بس اهم شي حاولي تقنعينها

 

[%F&R%]

سوسو حبيبتي وايد عجبتني طريقتج

 

[DO7AWE]

مادري كل طفل غير عن الثاني وكل ام غير
انا ولدي من كان عمره 3قال جب
والله ما اوصف شنو سويت فيه
بدون تفاااهم
طقيته طق اليهوود
والله قلبي عورني عليه بس انا ماااتحمل الطفل يغلط وماتحملت منه هالكلمه
والله والله بسمالله ماشالله عمره 5سنوات ماتطلع منه الشييينه
من هذيك الطقه عرف الغلط والصح

 

[DO7AWE]

وغير جذي
دايم اتكلم معاااه
يعني مثلا سمع كلمه من طفل مثل ياخرا/يكرم القاري
اسوي روحي منصدمه واقوله شفت ماما شنو قال مااايستحي ،،امه ماتشتريله لعبه
بس انت الشاطر ماتقول كلام وصخ اشتريلك اللي تبي
علي طوووول هذا نضااامي معاااه

حتي مره ولد قال لامه جبي وتفل عليها من الاهل جدامنا ،،،جان يقول ماما مارح تشتريله امه لعبه قال كلام وصخ

وبهالطريقه

 

[أم عزيـز]

لازم من الاول تسئلينها من وين سمعت الكلمه
وعدها قولي لها امبيه حراااام الله ما يحب اللي يقول هالكلام
لانه مو حلو ومحد يحبه ولا يشترون له هدايا والعاب

الياهل تاخذينه على قد عقله الطق ما ينفع معاه يمكن يلعب بنفسيته ويزيد الطين بله
احسن شي تنزلين لمستوى تفكير الياهل وتعاملينه بالثواب والعقاب بالحرمان مو الطق والسب