شوفو شنو سوى صاحب المنتدى في البنت

[سكوتي بذوقي]

السلام عليكم ورحمة الله وبركاته​

هاذي القصه حصلت معاي شخصياً​

بيوم كنت ابحث عن شي يخص الجامعه لقيت منتدى فيه كل اللي أبيه​

سجلت وشاركت علشان استفيد من الأشياء اللي ابيها وإذا فيه شي ابيه اسأل عنه​

كانو معاي مجموعة بنات اللي متزوجات واللي لا كان من بينا بنت مراهقه عمرها 13 سنه​

كانت ترسل لي رسايل تقول احب صاحب المنتدى قمت تعرفت عليها علشان انصحها​

أول شي كلمتها بالمسن وكل يوم أحن عليها اقول اللي تسوينه غلط ماتسمع الكلام تقول امي​

ماتحبني تفضل اخواني علي قلت لها مافيه ام ماتحب عيالها هاذي تهيئات تقول تخلق​

فرق بيني وبين اخوي واختي هاذي المصيبه شوفو التفرقه شنو سوت فيها خلتها تضيع​

رحت قلت لزوجي القصه وقلت له ابي اساعدها علمته عن كل شي ​

بيوم قال لها هاتي كام قلت لها لو تجيبينها بزعل وربي نصاب تقول لا يحبني​

بيوم قال لها طلعي يبي ياخذ غرضه منها قلت لها تراه نصاب وربي لو تطلعين بزعل​

مره قال لها إني احبه وابيه قالت لي أدري تبين تبعدينه عني قلت لها انتي مو صاحيه أنا متزوجه​

ولايشرفني أعرف اشكاله حتى لو كنت مو متزوجه ترى هاذي علاقة لعب ولا فيه حب​

أنا تميت بالمنتدى علشانها لأنها ماتدش مسن وأكلمها يومياً أنصحها وكل اللي يصير أقوله لزوجي​

شوفو وقاحة راعي الموقع يغير رقمي السري يرسل رسايل للشباب أنا استغرب من هالشغله​

بيوم دقت علي قالت لي جواله مفصول او معطيني حضر جربي دقي قلت لها آسفه مادق عليه​

ولا بدق ابداً وهذا لعاب ردت تقول لي انتي تبينه شوفو الغباء بس أنا أنصح تقول تبينه​

بيوم صار للبنت حادث ودقت علي قالت امي اكتشفت كل شي واني أكلم شباب بالمنتدى​

ابوي حرمني من الدراسه وقال تكلمين منازل من تخلصين الثانويه زواج على طول قالت لي​

انتي صادقه انا كنت غبيه وظنيت تبينه وطلع يلعب علي​

راعي المنتدى نشر رقم بيت البنت يدقون الشباب يقولون فلانه موجوده ​

كانت تدق عليه من جوال امها واخوها ومن بيتهم​

بعد اللي صار قالت لي وحده اعرفها بالمنتدى ويانا دخلت بنت سوى لها نفس اللي سواه لي​

مس شرفها البنت هكر حرقت موقعه وقالت عنده بنتين توأم عمرهم 13​

حسبي الله عليه لعب على بنت كبر بناته​

أنا حطيت القصه علشان البنات اللي يفكرون إن فيه حب بهاذي الطريقه​

ماله اساس من الصحه بمنتدى او شات او برا ترى الذيب البشري​

يحوم حول الفريسه لين ينول غرضه بعدين يكشر عن أنيابه ونصحيتي لكل ام عندها مراهقه​

خافي الله في بنتك انتي المسئوله عنها اهتمي فيها بالسن الحرج لاتضيع ويضيعونها بنات السوء​

او عيال ابليس​

الله يستر علينا وعلى بنات المسلمين ويحفظنا من كل شر​

 

[كويتيه سمره]

لا حول ولا قوه اله باللهوانتي سويتي عليج وزياده انتي نصحتيها واهي الشيطان راكب راسها الله يهداها ويصلح بالها ويفرج همها حبيبتي انتي لا تتضايقين انتي سويتي الصح بس أهي مافاد فيها الله يستر علينا دنيا واخره

 

[سكوتي بذوقي]

اللهم آمين

كويتيه سمره

نورتي اختي مانحرم من هالطله

 

[what's up]

بعرف شلون يقص على طفله يا ويله من الله

 

[برستيجي مآركة]

الله يكفينا الشر ويستر على المسلمين 13 سنه اللي مايخاف ربه شكله رجال كبير هاللي عنده بنت باهالعمر اييه والله صاجه ياليت كل بنت تمشي في هالطريق تتعظ وتعرف ان مافي شي حرمه ربي هو الصح لكن من يفهم عاد الله يستر ع الجميع..

ويعطيج العافيه ع الطرح وعسااج ع القوة..

 

[مترفة هوآزن ~]

الله يفرج همها ويهديها

ويهدي امها

انا مو باط جبدي وحارق دمي ألا هالامهات ..

ياماما ياقلبي انتي كبرتي وجبتي عيال جابليهم حسي فيهم ربيهم احسن تربيه

مو حرام تبلين هالمجتمع بهالاشكال ..؟ يعني شفيها لو جابلتي بنتج ساعه كل يوم وسولفتي معها

بتخرب شخصيتج ؟ ولا تصيرين مثل بعض الامهات اناالام هي دورني مو انا ادورها ياقلبي دوريها الحين عشان تدورج بعدين ؟

بنات هالمراهقين مثل القنابل عندنا >>> معليش تحملوا تشبيهي :krkrkr:

بس من جد عاد هم مثل القنابل طاقه وماشاعر زايده ويصيرون حساسين في هالفتره وياذون نفسهم ومجتمعهم بعدين

لو حطينا بالنا عليهم وفهمناهم صح صدقوني ماراح يصير فيه مثل هالاشكال

الله يهدي الجميع ولا يوفق صاحب المنتدى شستفاد غير الفضيحه يعله للفضح​

 

[AROORA]

لاحول ولاقوه الا بالله
جزاج الله خير حبيبتي انتي سويتي اللي عليج ونصحتيها
الله يستر عليها ويهديها

 

[ايسكريم بالتونه]

حسبي الله عليه يلعب ببنات الناس ومايفكر ببناته

واللي يقهر لجيتي تنصحينها تقول انتي تغاارين مني

وماتفهم الا اذا طاح الفاس باراس قالت ليتني سمعت كلامك

 

[بدوردا الأموره]

13 سنه و عندها سوالف حب وخرابيط

 

[عجميه زوغه]

النت خراب لازم مرااااقبه خاصه للمراهقه

 

[جوزائيه مغروره]

حسبي الله عليه

 

[سكوتي بذوقي]

what's up

برستيجي مآركة

مترفة هوآزن ~

AROORA

ايسكريم بالتونه

بدوردا الأموره

عجميه زوغه

جوزائيه مغروره

نورتو خواتي مانحرم من طلتكم يارب

 

[فديت الكويتين]

لاحول ولاقوة الابالله

 

[UNICORNA]

لا حول ولا قوه الا بالله

هالنوعيه راح يشوف ضربته الله عليه وعلى بناته وحرمات بيته

 

[النملة نواري]

لا حول ولا قوة الا بالله

 

[~lonly-sister~]

حسبي الله ونعم الوكيل

هذا درس للأمهات قبل البنات

اللهم ارفع عن هالبنت ولاتبلانا وبنات المسلمين يارب العالمين

الله يفرج هم هالبنت كاسره خاطري

وحسبي الله على هذااك ال............

بتجيه ضربه يوم من الأيام

 

[بسبوسة بالعسل]

حسبي الله عليه

 

[noni_q8]

حسبي الله ونعم الوكيل فيه وباشكاله الشينه

الله يوريه ابناته ( من حفر حفرة لاخيه وقع فيها )

الله موغافل سبحانه وراح يعلمه شلون يمس شرف البنات ويلعب

 

[khawla&tito]

الدنيا سلف ودين

 

[كلكم ماتشبهوني]

لاحول ولا قوة إلا بالله العلي العظيم ناس ماتخاف الله ولا عندها ذرة ايمان
الله يكثر من امثالج أختي " سكوتي بذوقي " وبميزان حسناتج إنشاءالله