شوفو حماتي اشقالت عني وشنو ردت فعل زوجي اللي هو أخوها

[لورا آشلي]

والله حبيبتي انتي الغلطانه

في احد يدز مسج بهالاسلوب !!

خير وين قاعدين تقولين اهاوشها واطقها واهي جاهل !!

 

[قطوة@@]

الغلط منج لو شنوو ما اطرش لاخوي امي بطق بنتج حتى لو غشمرة

 

[كراميلا مرة]

بصراحه لا تزعلين مني
انتي الغلطانه حطي نفسك مكانها
شنو بتكون ردة فعلك
وبالعكس اذا شفتيها لا تقولين لها شيء سوي نفسك عادييه انتهى الموضوع في وقته

 

[بدلية]

انتي الغلطانة اسمحيلي

يوم انها دزت لج مسج المفروض تعذرينها وتبررين لها موقفج وتعتذرين لانها فهمت غلط <وانا مالومها

مو تقولين لها انا حقود؟؟ مشكورة ع المعلومة

انتي جذي قاعدة تستفزينها

وطبعا اهي ماتنلام يوم فهمتج غلط لانج ماذكرتي بالمسج ان غشمرة والا ع الاقل حطيتي ضحكة (هههه)

باختصار انتي غلطااااااااااانة وايد بعد

والحرمة ماسوت اي شي غلط <وانا لو بمكانها اسوي جذي

وانا لو بمكانج اعتذر او ع الاقل ابرر لها باسلوب حلو

وتقبلي مروري

 

[مسك الجنه]

عطيها طــــــــــــاف وانسي الموضوع​

 

[هدولى]

تبين الصج اثنينكم غلطتوا
المسج اللي دزيتيه حق اخوج قوي والله ويزعل تدرين
كان ممكن اتييبينها له بشكل غشمره وانتي اتحاجينه
ومرت اخوج مابي احش فيها بس غلطانه بردها عليج
بس يمكن ياء من صالحج ردها ع شان مايزعل عليج اخوج او يشيل بقلبه
مهما كان بنته
حاولي تتحاشين مرت اخوج هالايام وعطيها طاف
وياااااااارب مايكون ضايقج ردي

نفس كلامى .

 

[دريم ويب]

اسلوبك جااااف

كان جيتي بطريقه ثااانيه


والله يهدي النفووووس

 

[درر2008]

انتي حاطه موضوع ومتاكده انج مو غلطانه انا بقولج الصج انتي غلطانه حتي لو اخوج ميانه يعني شنو الكلام هذا مهما كان بنته اغلا منج مايرضا عليها لوضحك وانتي طريقتج ماكان فيها ضحك جد وعلاقتج معاهم رسميه فاكيد المره تحسب تكلمين جد لان ماتعودت منج علي الضحك والله لو اهي الي دازه مسج جان كتبتي موضوع وقلتي شفتو شكاتبه

 

[nawal 2011]

عاد أنا طرشت مسج لأخوي وبحكم الميانه أكتب بالمسج اللي أبي قلت( الله يخليك بنتك لا تجينا الا لما يروح المرض اللي فيها ان شفتها راح اهاوشها ويمكن اطقها فحرام مابي اكسر خاطرها وتبجي علا ايدي)


الله يهديج اختى اقرى مسج مرة ومرتين اللى طرشتيه من صجج وين الرحمه بالاطفال ممكن تدزين مسج باسلوب ارقى من جذيه
وبشكل مؤدب بصراحه حتى لو كان عذرج حمال ومرض كلمى امج تكلم اخوج ادنات دون بعد وزعلانه ليش اخوج مادرى ريلج يدافع عنهااا لانه الغلط من الاساس راكبج سمحيلى اختى اسلوبج بالمسج دفش واااااايد شننننو بطقه بنتج وزعلهاااااا

الله يهديج بادرى بالاعتذار لانج غلطنج بالاسلوب وبعدين قعدى مع مرت اخوج وفهميهااا السالفه كيت وكيت وكيت وكان الله غفورااا رحيماااا

 

[واي بفضفض]

تبين الصج زين تسوي فيك

مسجك مااااااااااااااااصخ مثل ويهك
اقوله والله يا خوي اذا بتييب بنتك انا ماراح ايي علشان العقنقز بس

 

[أم حمودي**MALL**]

اسلوبج مو حلو
كان ممكن اتيبينها بطريقه ذربه

 

[مالي خلق الدوام]

انت كانت رسالتج غلط من البدايه . مالها داعي ..

 

[فديت عبس]

طنشي
​

 

[منو انت]

شوفي حياتي اخذيها نصيحه مني هالايام مافي شي اسمه غشمره او ضحك الناس تنطر على بعض الزله ولاتقولين اخوي وميانه وقت الصج والله اهم ماعليه زعل المدام انتي طرشتي مسج واللي صار صار بس ضروري تعتبين على اخوج وتقولين ترى كنت اتغشمر ولو جد انا حقوده كان نطرت عيالك يجون وطقيتهم بس ترى ماتوقعتك تخلي مرتك تشوف المسج على العموم ترى اخر مره اتغشمر معاك وبخصوص العله مرت اخوج احقريها لان شكلها حاقده عليج وماصدقت يصير شي علشان تقول يالحقوده شدعوه مافي شي يخليها تقول هالكلمه بس كل من يرى الناس بعين طبعه

 

[نورعيني أنا]

بصراحه انتي اللي غلطانه بنت مريضه لاحول لها ولاقوة اطرشين لابوها لاتجيبها عشان ماتعدي عيالي واطقها!!!!!!!!!!!!!! جان ساكته ويمكن من نفسهم مايجيبونها ومرت اخوج اكيد انقهرت من المسج عشان جذيه ردت هالرد ولو انه موحلو بس لوماتكلمتي احسن او جايبتها باسلوب احلى عموما الله يصلح مابينكم ولاتزعلين حبيبتي مني

 

[اسراب الطيور]

شوفي يالغاليه الله يهداك حطي نفسك مكانها وانتي مثلا حزتها متضايقه من شي ثاني ما اتوقع تتقبلين بعدين بصراحه كان ارسلتي مسج لطيف يعني انتي قلتي ان اخوك ما يجي الا بالتهديد اصلا لو قايلتله عن العقنقز شان بروحه ماراح يجيب بنته
لا تكبرين السالفه ولا تقاطعينها الدنيا ما تسوى الله يجمعكم ولا يفرقكم

 

[الغاليه ام احمد]

حبيبتي مو مشكله منو فيكم الغلطان مبين عليكم شايلين على بعض

اللي صار صار انتي الحين طنشي السالفه ولا تتكلمين وياها عن السالفه

واذا تكلمت قولي انا اضحك مع اخوي وانا عمتها وماراح اضرها

 

[Tom ♥ Jerry]

,،


اهيه يمكن شافت تلفون ريلها و مآ تدري انج تتغشمرين من جذي عصبت !
حياتي لا تكبرين السالفه اهيه فهمتج غلط
على بالها من صجج ! قالت ليش بتطق بنتي ؟!
خو شدراها انج تتغشمرين اسلوبج بالمسج مآ يبين انج تتغشمرين :**

آممم خلاص وضحيلها انج كنتي تتغشمرين و خلو السالفه تعدي (=

 

[REOOM]

اذا جيتي مكان وشفتيها وحسيتي طريقتها معك زفت او تكلمت معاك بالموضوع
طنشييييييييييييييييييييها اححقريها او قولي العقل نعمه وبس

 

[مضيعة برقعها]

عادي يالغلا عندنا وعندج خير
الحمدالله والشكر لابد تصير وحده من حريم الاخوان عقلها قوطي قصدي صغير