شوفو التغير اللي سويته بعد الاربعين وقولولي رايكم

[rzaan77]

عليج بالعافيه حبيبتى زين اتسوين حلو الوحده اتسوي نيولك عقب الاربعين

 

[مملكة الحب12]

ماشاءاللة اكيد زوجج ماطلع من البيت

 

[الغــــلا رنــــاد]

علييييج بالعاافيه

 

[الوردة المكنونة]

حمدالله على السلامه

والله يديم عليج السعاده ويهنيج العمر كله

 

[خشف العرب]

ما شاء الله -الله يتم علييج-بس ما قلت شنو وصفت تكبير الخدود -والخلطه الصابونيه انت مسويتها ولا شاريتها ----ايه وكرش الحمال وشلووون راحت -يعني وش سويتي
-[/QUO نفس الاسئله والله يهنيكم يارب

 

[خشف العرب]

اي نسيت اقولج ذكرتيني بطلعتي من لاربعين كان زوجي لازق بس يخزني هههههههههههههههههههههههههههه لان سويت تغيررر جذري

 

[جكورة]

طالعة من الشر إن شاء الله

وعسى الله يديم عليج السعاده مع زوجج
بس نبي إسم الصالون لوماعليج أمر ...​

 

[tuna]

حبيبتي شنو الخلطة الي اتكبر الخدوود ؟

 

[الرشيقه]

اي عفيه عليكم يا بنات الكويت هالله هالله برياييلكم لا تخلونهم يعسعسون بره
والحمدلله على سلامتج وعساج اتهنين

 

[Mayar]

الله يهنيج
شنو اسم الصالون و وين صاير لأني بخلص الأربعين عقب 4 أيام و بطني لين الحين أسود

 

[مرتاحه وآكل تفاحه]

مشكوووووووووووورين على التفاعل مع الموضوع والردود الحلوه
وان شاء الله ما راح اخيب ظنونكم واي استفسار انا جاهزه وراح ارد على الكل


اول شي : اللي تسال عن رجيم النفاس اهوه تقريبا ما يعتبر رجيم تكلين ادويه ومرقوق وعصيده وحسو وادويه نفاس بس بطريقه احسن ومن غير ما تمتنين انا اشوف وايد حريم بس تطلع من نفاسها تصير حيل متينه بس شفت وحده من رفيجاتي طلعت من نفاسها بصراحه خيال كان جسمها وايد حلو ومشدود
وعلمتني برنامج نفاسها وطريقة عنايتها بنفسها من ناحيت الاكل والادويه بس بطريقه حلوه ومنتظمه وان شاء الله اكتب لك البرنامج كامل في صفحه ثانيه علشان حبايبي بنات المنتدى يستفيدون بعد000000


ثاني شي : اللي يسالون عن الصالون بصراحه اهوه مو صالون واحد انا صبغت شعري عند فندق كونتننتل عند مدام فيروز اللون اشقر فاتح مع خصل ثلجيه بس صبغتي خياااااااال وكل ما اروح عرس او حفل استقبال او عشى يسالوني وين صابغه شعرج وعند اي دكتور نافخه خدودج وانا بس حطيت الخلطه وبرزو خدودي طلعو اشاعات يقولون عني اني مسويه خدودي ب600 دينار ههههههههههه ما يدرون ان الخلطه ما كلفتني الا 4 دنانير هههههههه واللي سالت عن خلطة تكبير الخدود انا كاتبتها في ثاني صفحه راح تلاقينها وحبيبتي لا تستبدلين الحبوب بلخميره العاديه غلط ما راح تعطي نتيجه ابدا اشتري حبوب الخميره من الصيدليه

 

[قرمزيه]

طالعه من الشر

 

[\ بدوية ذووق /]

ماشاء الله عسى الله يهنيج ان شاء الله وبغيت اسالج وين سويتي الحمامات المغربية والملكية وبرنامج الصالون؟؟؟؟

 

[كدكد]

حبيبتى .. بالنسبه للخلطه الخدود عادى يستخدمها زوجى يعنى مافي فرق بين الرجال والمره.. وبعدين ممكن اسالج وين حاطه رموش دائمه وشغلهم عدل ولا يعنى ممكن اسم الصالون... تحياتى
الله يهنيج ويوفقج وطالعه من الشر والحمد الله على السلامه وربيتى ماجبتى

 

[\ بدوية ذووق /]

وشنو كريم العروسة هذا اللي كنتي تتدهنين فيه ؟؟؟؟ اول مرة اسمع عنه !!! وشنو اسم الصالون اللي ركبتي فيه الرموش؟؟ وجم كلفوا عليج ؟؟ وشلون مع الغسيل والسبوح يعني مايطيحون من الماي ؟؟؟ وسوري دوختج بالاسئلة بس لاني على وشك ولادة وبستفيد وانشاء الله ماراح انساج بالدعاء

 

[qa6wa_q8]

مشالله تبارك الله الله يهنيج حبيبتي والحمدلله على سلامتج ومرووك ما يبتي

 

[مرتاحه وآكل تفاحه]

ثالث شي : الصالون اللي سويت عنده برنامج العروس غني عن التعريف اهوه الشرقيه الجديد كان بصرحه شي حيت اني كني عروس بس انا قبل ما اطلع من انفاسي كنت جايبه وحده مغربيه تسويلي حمام مغربي في البيت سويته مرتين وبعدين اخر اسبوع بديت ببرنامج العروس وكان من ضمن البرنامج حمام مغربي وحمام ملكي وبدكير ومنكير وبرفين وحف وشيره الخ واذا تبون المغربيه اللي تسوي في البيت انا حاظره واكتب لكم رقمها عاد هذي حبيبتي ما استغني عنها شغلها بضمير00000000000
والصالون اللي ركبت فيه رموش دائما اهوه صالون شارمل اللي فوق العربيد بلازا طلبت رموش كثيفه والحين صارلي اكثر من شهرين ارموشي ما طاحو حتى لما اقعد الصبح واغسل وجهي احس اعيوني فيها جاذبيه وحدها اغراء بصراحه تخلت اعيوني جذابه


رابع شي :خلطتي انا كاتبتها اول صفحه بنات انتو شكلكم ما تقرون هههههههههههه
كنت احط قبل النوم كريم العروس على كل جسمي ولما اقعد من النوم اتفرك بلخلطه الصابونيه للاخت مزيونه وشقرا معانا في المنتدى جيكي على مواضيعها راح تلاقين طريقه خلطتها وسويها بدينج والله اغراضها ما تكلف 5 دنانير وتقعد عندج اكثر من شهر انا اشكرها على خلطتها ويعطيها العافيه وعقب ما اتسبح ادهن جسمي بزيت اللوز المر وشوفي الفرق من اول يوم استعمال بتلاحضين الفرق من اول مره


خامس شي :واااااي تعبت وانا اكتب بس ما عليه تستاهلون اللي تسال عن الكرش انا كاتبه هم الطريقه بصفحه الثانيه شيكي حبيبتي وراح تلاقينها



بس حبيت اضيف شغله يمكن تعجبكم لانها بصراحه عجيبه اول شي طلبت متج وردي للابد من زين الاتات بصراحه اتمنى من قلبي تجربونه والله انه عجيب انا اول ما قعدت من النوم علشان انتغدى انا وزوجي غسلت وجهي كله من المكياج وبعدين حطيت وردي للابد على شفايفي وشويه على خدودي ولا خالتي ام زوجي تطق الباب تبي تقعد زوجي على صلات العصر واول ما فتح الباب وشافتني والله يابنات طارت اعيونها وقامت تقول ما شاء الله عليج وعقب ما نزلت جو حمواتي خوات زوجي يعني بيسلمون علي وانا ادري جايين يشوفوني عقب الاربعين00وقامت وحده فيهم تقول والله تغيرتي صرتي روعه وشنو كريمج والوردي اللي على شفايفج قلت ولا شي وقامت تجذبني جان اقوم واجيب مناديل وامسح ويهي ولا بين شي امسح شفايفي ما يطلع اللون على المنديل صاير كنه طبيعي بصراحه شي حلو اتمنى تجربونه 00000
وعدساتي ماركة ديور ثلاث الوان ازرق بعسلي والتحديد اسود بس روعه شويه عليها000
واتمنى اني افدتكم وما ضايقتكم بكثرة كلامي هدفي والله النصيحه واتمنى الدعوه الصادقه واي شي انا حاضره انتو مثل خواتي

 

[باش مهندسة]

ما شاالله عليج سنعة تبارك الرحمن ..
دوووم إن شاالله هالسنع ..
ومثل طلب البنات نبي أسماء الصالونات ..

 

[مرتاحه وآكل تفاحه]

حياتي كريم العروس تلاقينه عند الحواج والعطار
الرموش الدائمه عادي تتسبحين تغسلين وجهج بلماي والصابون بعد ما تتحرك منهم ولا شي الى بعد شهرين وكلفتني 25 دينار بس بصرحه شي
حبيبتي اللي تسال عن الخلطة الخدود اذا تنفع لرياييل انا بصراحه ما ادري بس ما اضن انها ما تنفع اتوقع انها ما تضر ان شاء الله لانها حبوب خميره وروب بس

 

[باش مهندسة]

وردي للأبد هذا شنو كريم؟
أمبي حدج تشوقين كل ساع تبهرينا بشي ما شاالله عليج