شوفو التغير اللي سويته بعد الاربعين وقولولي رايكم

[نطوووعه]

ياحلوج والله ماتقصرين الله يعطيج اللي في بالج وامثر اللي مابخلتي علينا و لا صرتي نحيسه مثل بعض البني

عساج دووم احلى و احلى بعيون ريلج ولا يشووووف غيييرج شجعتيني اسويلي نيولوك انا بعد


المغربيه اللي اتييج البيت اتييب وياها الخيمه مالت البخار و اللزي منووو؟؟ لان حمامي صغير و ماعندي الخيمه ينفع تسويلي اب بيتي؟

 

[مرتاحه وآكل تفاحه]

ياحلوج والله ماتقصرين الله يعطيج اللي في بالج وامثر اللي مابخلتي علينا و لا صرتي نحيسه مثل بعض البني

عساج دووم احلى و احلى بعيون ريلج ولا يشووووف غيييرج شجعتيني اسويلي نيولوك انا بعد


المغربيه اللي اتييج البيت اتييب وياها الخيمه مالت البخار و اللزي منووو؟؟ لان حمامي صغير و ماعندي الخيمه ينفع تسويلي اب بيتي؟

هلا وغلا يا قلبي احسن اذا حمامج صغير تدخل جهاز البخار في الحمام
اهي اول ما عرفتها شافت حمامي صغير وقالت حمامج صغير بدخل جهاز البخار داخل واول ما دخلته وحطت علي الخلطه صار الحمام كله بخار وانتي وكيفج اذا حمامج صغير خليها تحط الجهاز بلحمام احسن
واي شي انا حاضره
وشكرا على كل الردود

 

[مرتاحه وآكل تفاحه]

بنات كل الي طلبو مني رجيم النفاس انا متاسفه جدا على التاخير والله يشهد كله ضروف ولا كان كتبته من زماااااااااااااااااااااااااااااان
بس الحين بكتبه وانزله في موضوعي ولا يصير خاطركم الى طيب
نص ساعه وتلقونه موجود
وانا اسفه على التاخير

 

[زينة2008]

ماشاءالله والله أتمم عليكم يارب ويخليكم لبعض طول العمر
ومبروك المولود يتربي بعزكم انشالله

 

[مرتاحه وآكل تفاحه]

هلا


هلا وغلا بكل بنات منتدى كويتيات00 تاخرت عليكم بس ما عليه منكم السمووووووووووووحه وهذا
رجيم النفاس اللس وعدتكم فيه000







أولا:باالنسبه للأكل في أيام البرنامج ككل ألا تصبح المعده فارغه يعني عدم الجوع وهذه ميزه مهمه لنجاح البرنامج
ثانيا: الحرص على أن يكون الأكل برا قدر الإمكان خاصه في أول أيام النفاس تقريبا أسبوعين ونص يكون اكلك بر في بر(مثل المرقوق_ القرصان_..)
ثالثا: الأفطارالساعه السابعه صباحا وبعدين ممكن الخلود للنوم ولكن لابد من الأفطار في الساعه السابعه طول مدة النفاس...

طريقة استخدام المردود
يستخدم من أول النفاس ملعقه طعام وسط في كأس حليب أو عصير أو على حسب الرغبه كل يوم ملعقه واحده فقط طول فترة الأربعين

استخدام الحلب
طبخه بمقدار فنجال حلب حب غير مطحون مع الحليب ويترك يغلي لمدة ربع ساعه حتى يصبح لون الحليب أصفر ويشرب طول مدة النفاس(وممكن وضعه في ماء وتحليه بسكر مثل طريقةة عمل الشاي ولكن بدل الشاي يكون حلبه غير مطحونه ويكون الصباح بدري يوميا فهو مدر للحليب ومصفي للبشره والشعر..مع مدة عشرين يوم يلهم الحلب مطحون من أول ايام النفاس لمدة عشرين يوم في الصباح والليل ولكن شربه باالحليب لمدة 40 يوم

استخدام الكبو
البدء فيه من ثاني أسبوع من النفاس في الليل ولمدة 40 يوم ويؤخذ منه بطرف الأصابع ويوضع على الفحم كما هو عمل البخور ووضعه في الليل بعد انتهاء عملك في المنزل يعني بعد الكبو مباشره ينصح باالخلود الى الراحه تحت البطانيه كي لايؤثر الهواء على الجسم مع لف الجسم من الخصر الى الأسفل بفوطه أو شرشف صلاة كشكل التنوره ثم النوم

استخدام الوضوء
يستخدم الوضوء من ثاني أسبوع من النفاس حتى نهاية الأربعين يوما بأخذ ملعقة طعام وتذويبها في ماء فاتر ثم التشطيف به

شروط نجاح البرنامج
الأمتناع ثم الأمتناع ثم الامتناععن الزوج بألا يحدث جماع فهذا يفسد البرنامج لمدة الاربعين يوما حتى لو بان الطهر في الثلاثين الأمتناع عنه.لمدة أربعين يوما.(عدم اكل الشمام أو الموز أو البطيخ)
اكمال البرنامج وعدم التوقف عنه سواء بملل أو غيره

استخدام المطهر
استخدام مطهر اسمه(سويت فرش) من الصيدليه يستخدم في الاسبوع مره واحده أثناء البرنامج حتى انتهاء البرنامج واستخدامه ضروووووري

استخدام وضوء الخياط
يوضع مقدار من (الحلتيته+المره +الأرطاء_ملح خشن ملعقة طعام) في علبه كبيره ويوضع عليها ماء ينقع لمدة يومين ثم يبداء التشطيف فيه حتى تنتهي كمية الماء ثم يضاف ماء على الخليط السابق وهكذا حتى ينتهي الم الخيوط وتسقط

القهــــــــوه
في الاسبوعين الاولى من النفاس يوضع في الفنجال(مره) ثم تصب القهوه عليه وهذا يمنع الشمم بس تكون كميه بطرف الاصابع أي قليله.. والتمر يكون معبوط ويضاف اليه (سمن بلدي+حبه سوداء+كمون) ويوضع بجانبك ويؤكل منه عند الشعور باالجوع


ملاحظــه مهمــه جدا:
1-عند توقف الدم في أول ايام النفاس قومي بلهم الرشاد مقدار ملعقه طعام صغيره واحده فأن تحسن الوضع ونزل الدم فتوقفي عن الرشاد وان لم ياتي بنتيجه فكلي ملعقة رشاد ثانيه ثم اوقفي استخدامه
2-عدك شرب المشروبات الغازيه نهائيا والماء البارد أي المثلج ولاالآيس كريم.......الخ
3-عند الشعور باالمغص لابد من شرب شاي مغص يوميا وممكن اضافة نعناع معه فهو مهدء للمغص.
4-لابد من الافطار الافطار باكرا يوميا ويمنع الأفطار في الساعه 10 صباحا فهذا يفسد البرنامج ولابد 7 صباحا
5-المشي الخفيف في الحوش لمدة 8 دقائق يوميا
6-المواظبه على لهم الحلبه وشربها لما لها من نتيجه فعاله وممتازه
7-ضروري ضروري ضروري استخدام المطهر
8-الحرص على التبخر(الكبو) ليلا ويمنع منعا باتا في النهار
بعد الكبو تمنع الحركه وتخلدين للنوم مباشره

 

[سنتر الزين]

مشكوووووووووووووووووره حبيبتي استفدت منج حيل

 

[مرتاحه وآكل تفاحه]

حبيباتي هذا اكل النفاس والبرنامج اليومي للوجبات الرئيسيه
بس بعد عمري000لازم بعد كل وجبه تشربين شاي الاعشاب رويال للريجيم
واااااايد حلو يلين البطن ويذوب الشحوم انتو جربوه وشوفو النتيجه بعيونكم
والله على ما اقوله شهيد0000000000000
حتى اللي تبي تضعف تجربه000000
وما بي اطول عليكم 0000حبيبتي امونه اتمنى من كل قلبي انج تتبعين النضام وتقولين لي بعدها شرايج فيه وشكرا0000000000000









الفطور00
لازم يكون ريوقج مفروكه او على قول بعض معفوسه اوبيض او خبز صاج يشرب كوب حليب مخلوط معة القلفل الاسودوملعقة صغيرة من خلطة الحليب وهي عبارة عن @كوب حلبة مطحونة ونص كوب ماش مطحون 2 ملعقة فلفل اسود@
الغداء00
لازم يكون مرقوق اوجريش او اكلة تحتوي علي الدقيق البر ولابد من شرب مرق لحم اودجاج مخلوط معة فلفل اسود مطحون طبعا

00000مهم شرب الشوربة او مرقة لحم او دجاج مخلوط معة فلفل اسود00000000000
حاولي التقليل من اكل الارز

النقوعة تضاف الي الماء ملعقة عنزوت ملعقة مرة ملعقة محلب تخلط مع بعض ويضاف لة بطل ماء كبير ويشرب من النقوعة طول فترة النفاس والدورة طبعااا اذا خلصت تسوين بعد نقوعة وهي تخفف من حجم البطن وتقوم بتنظيف البطن من الانسدادت وتساعد علي نزول الدم


والعشاااااا ............
لازم يكون من مرق دجاج او المرقوق وشوربا او لحم مع خبز نخالة يفضل او بر

قبل النوم 00
يوكل من التمرة 7 ويشرب من النقوعة الماء ويلهم من اللهوم
للهوم عبارة عن كوب حلبة نص كوب ماش مطحون نص كوب حبة سوداء نص كوب رشاد حب ونص كوب سكر نبات مطحون تخلط وتلهم بعد الفطور والغداء والعشا




واتمنى الكل يستفيد 000000000000
واتمنى من كل قلبي اني ما قصرت وياكم وانا حاضره وبشوفه لاي استفسار
وسلامتكم

 

[احلى كويتيه]

مشكوره

 

[A7la 7la]

Up

Up

Up

 

[النوالنو]

هلا تفاحه الله يوفقج يارب البرنامج تقريبا نفس برنامج خالتي فعلنا نجاح

 

[النوالنو]

بس للي استغربته نفس الكلام برنامج خالتي بالحرف الواحد شوفيه بالتوقيع حبيت اسال يالغاليه انت جربتي برنامج خالتي الاني منزلته بالمنتدي من زمان صراحه بالبرنامج نجاح بالتوفيق

 

[مرتاحه وآكل تفاحه]

بس للي استغربته نفس الكلام برنامج خالتي بالحرف الواحد شوفيه بالتوقيع حبيت اسال يالغاليه انت جربتي برنامج خالتي الاني منزلته بالمنتدي من زمان صراحه بالبرنامج نجاح بالتوفيق

هلا وغلا يا قلبي
انا جديده بلمنتدى
واول مره اخل منتدى كويتيات
والبرنامج هذا اخذته من رفيجتي قبا اكثر من6شهور ونصحتني فيه
واذا كان هذا البرنامج فعلان لخالتج الله يجزاها خير
والله نصيحه لكل بنات المنتدى
انا جربته واختي الحين نفاس وتمشي على البرنامج نفسه
ما تتخيلون روعه
الله يعطيج العافيه اختي فاعلة خير

 

[محبوبه ومبروكه]

يعطيج العافيه اختي مرتاحه والله يعطيج على قد نيتج الطيبه
انا جربت خلطة الخدود
واااااااااااااااااااااااااااااااااااااااااو روعه بينت مهاي نتيجتها من ثالث يوم
ويوم نزلت على بيت حمولتي قامو يخزوني يقولون وجهج متفتح وكله صحه وطالعه لج خدود
عاد انا قلتلهم شسويت وعلى طول شرو الحبوب والله كلهم يدعولج
جزاج الله الف صحه وعافيه
وهم طلبت المغربيه الي تسوي حمام مغربي بصراحه فضيييييييييييييييييييييعه
طلعت من الحمام وانا حاسه ان جسمي حيل ناعم وحسيت بنظافه والنعومه وقالتلي حطي على جسمج جلسرين الحين وكل مل بغيتي تنامي اهني جسمج بجلسرين
بس ما قول اللى الله يوفقج ويعافيج يارب​

 

[محبوبه ومبروكه]

لرفع

للفائده

للرفع

 

[مطيريه بذهب مطليه]

مشكوره يا الحبيبه على موضوعج الاكثر من رائع
شدني لج طيبة قلبج
وبحثت عن مواضيعج وقريت موضوعج اللي في قسم اسلاميات
وللامانه اثر فيني والله
الله يارب يخليلج ولدج وزوجج ويسخره لج كمان وكمان لوووووووووووووووول انقلبت مصريه
لا تبخلين علينا بنصايحج
وانا حيل استفدت منج
فتحتي عيوني على اشياء ما كنت مهتمه فيها
على العموم مشكوره يا الحبيبه

 

[bent_36a]

الله يهنيج

 

[شيخه***البنات]

ماشاءالله الله يهنييييييج ان شاءالله .. ويزيدج جمال و حلاه ورشاقه بعيوون ريلج ..

احلى شي جذي الاهتمام ماشاءالله عليج .. حسيت الموقف كان وايد رووعه ..

موفقه ياااااارب ..

 

[تعبتوني]

مشكوووورة حييييل والله يسخر لج زوجج وحمولتج يارب
تستاهلين كل خير ياطيبه

والله يعطيج على قد نيتج

والله انتي احسن من اللي تركب رموش وتقول زيت الخروع لين تبططت عيوننا منه

والا تخش الخلطات والشغلات الزينه

الله يوفقج

 

[عاشقة الرشاقة]

ماشاء الله عليج بالعافية

 

[مرتاحه وآكل تفاحه]

مشكوره يا الحبيبه على موضوعج الاكثر من رائع
شدني لج طيبة قلبج
وبحثت عن مواضيعج وقريت موضوعج اللي في قسم اسلاميات
وللامانه اثر فيني والله
الله يارب يخليلج ولدج وزوجج ويسخره لج كمان وكمان لوووووووووووووووول انقلبت مصريه
لا تبخلين علينا بنصايحج
وانا حيل استفدت منج
فتحتي عيوني على اشياء ما كنت مهتمه فيها
على العموم مشكوره يا الحبيبه

مشكووووووووووووووره يا قلبي وانتي اطيب على الكلام الحلو اللي ذكرتيه