شوفوا لي حل الله يوفقكم

[حلم السراب]

السلام عليكم ورحمه الله وبركاته0 اشلونكم حبايبي ابي المتزوجات يشاركوني بالرد عاجلا زوجي كان يحبني واحبه ولا كان في مشاكل بينا وانا متزوجه صارلي 7 سنوات وعندي اعيال الحمدلله زوجي تغير صارلله فتره ومالله خلقي وكله يقولي انتي نكديه ومايقعد بالبيت وعصبي مع العلم انه ما يخربط ولا عنده سوالف بنات بس ماسويت له شي احس اني ماعاد اطيقه كرهته شسوي بنات نفسيتي تعبانه حدها ربي العالم بالحال والشكو لغير الله مذله بس شسوي

 

[بتبوتااا]

حياتي يمكن في شي مضايقه ومكدره .. وان شاء الله فتره وتعدي ..

حاولي انج توخرين عنه اليهال ولا تحنين عليه ولا تكلمينه عن شي هالفتره بس ودايماا اقري قرأن وطلبي له الهدايه والاستغفاروان شاء الله يرجع مثل قبل واحسن ,,

 

[غير كل الناس]

طري نفسك دخل جو المرح والضحك والقشمره بينكم

اخلقي السعاده

 

[حلم السراب]

رد : شوفوا لي حل الله يوفقكم

مشكورين حبايبي على الردود ما قصرتوا بس انا احس اهله يوزونه علي مع اني زينه معاهم بس احسهم مايبوني مع العلم احبهم وما اقصر فيهم والله

 

[فوفو22]

اخااف انج حامل وتتنسين فيه ؟؟؟

 

[كرز حالي.]

رد : شوفوا لي حل الله يوفقكم

الله يعينج
ويوفقج

 

[softlady]

رد: رد : شوفوا لي حل الله يوفقكم

مشكورين حبايبي على الردود ما قصرتوا بس انا احس اهله يوزونه علي مع اني زينه معاهم بس احسهم مايبوني مع العلم احبهم وما اقصر فيهم والله

والله العظيم من اول ما قريت مشكلتج وقبل لااقرا هالرد توقعت

ابحثي عن المرأه

دام ماعنده سوالف اكيد اهله


حبيبتي كسري عينهم وصيري زينه وياه بزياده دلعي دلعي قد ماتقدرين

خيبي ظنهم حسبي الله على بليس


​

 

[SALYY]

حبيبتي اذا قالج انج نكديه فاكيد انت يمكن غاثته وحانه عليه ,,,فحاولي انح ماتناقشينه او تحنين وشوفي شلونه عقبها هل يتغير او لأ,,,,

ونصيحه لاتقولين له انت ليش ماتحبني وليش تقول عني هالكلام بس غيري من اسلوبج وشوفي,,,,,

والله يسخره لج انشاالله حبيبتي,,,,,​

 

[haya20]

عادي هاذي فتره فتور بالعلاقه وانشاالله يرد كل شي مثل قبل

 

[حلم السراب]

رد : شوفوا لي حل الله يوفقكم

مشكورين حبايبي على الردود وخاصه اللي قالت وراها مراه 0صاجه وربي حسبي الله ونعم الوكيل فيهم الله لايوفقهم 0 والله يرزق كل من رد علي الجنه ويوفقها امين

 

[حلم السراب]

رد : رد: رد : شوفوا لي حل الله يوفقكم

بنات ادلعه دلع بس مايبين بعينه ويعاندني فيهم ولاهو حاس اني كرهته من تصرفاته

 

[fdeet_shosho]

السالفه مو سالفه تدلعينه يمكن الريال عنده ضروف برا البيت بالدوام او اى شي ماثر على تفكيره وشاغله ويمكن يمر بمشكله ومايبي يقول لاحد عنها افضل حل لاتجادلينه ولا تحنين كلش اذا وصل البيت رحبى فيه وقومي بشغله واكله وخلى لابتسامه دايم على حلجج وان راح من عندج لاتدقين وتلاحقينه عطيه فرصه يفكر وصدقيني انشاءالله يرجع احسن من قبل واقري المعوذات على نفسج وعلى ريلج اخاف عين

 

[حلم السراب]

رد : شوفوا لي حل الله يوفقكم

الله يعطيج العافيه حبيبتي ما قصرتي على الرد اثلج صدري انا خليته ورحت حق اهلي عشان ارتاح منه0والله يوفقج بدنياج واخرتج

 

[احلى سماء]

غيري جو انتي وياه
سوي له حفله بالبيت

ليله حلوه

نيو لوك

هديه

يمكن هو مل من الروتين