شوفوا قصتي وادعو لي بالصبر والعوض

[قلب ريلها]

السلام عليكم ورحمة الله اخباركم عزيزاتي
انا من متابعين هالمنتدى واليوم حبيت اشارك فيه وانظم معاكم

بدخل بالموضوع انا متزوجه من سنه وماعندي عيال وحدي متلهفه عليهم الله يرزقني ويرزق كل متمني
حملت من اول شهر زواج بس الله ماكتب لنا فيه نصيب وطاح كان شهر وشوي تقريبا وكان حمل ضعيف وبالاساس مادري اني كنت حامل وماحتجت تنظيف الحمدالله

وعقب 6 شهور حملت وكنت مستانسه ومتفائله بحملتي هذي وطول الشهرين ينزل علي دم وكنت استخدم ابر تثبيت ودوفاستون بس الله ماكتب لي نصيب فيه وسقطته باول الشهر الرابع بسبب ارتخاء بعضله الرحم آآآآآآه ماتخيلون صدمتي تمنيت اموت ولا امر بالموقف لان حدي كنت متشفقه على البيبي وريلي بعد
شلون طاح البيبي :

كان يوم الاحد وكنت بروح خطبة بنت خالتي وعادي كلش مافيني شي غير الترجيع مال النساه
واول مره اطلع من البيت من 3شهور لاني ماطلع زيارات ولاشي غير روحاتي للمستشفى بس

المهم رحت وقعدت مع الحريم ولا فيني شي بس حسيت بالم وثقل براسي وقالت لي امي روحي ارتاحي شي المهم رحت ونسدحت الا مره وحده حسيت بالم في بطني قوي وقمت بدخل الحمام الا نزل ماي علي وايد ومره وحده نزل البيبي حبيب قلبي كامل مافيه شي والمشيمه في بطني والجنين على الارض سبحان الله جنين كامل والحبل السري معلق بالمشيمه جان اقطع الحبل السري بيدي خبركم ماعرف شي وكنت اصرخ وصادتني حاله هستيريه الله يعلم بحالي وقتها
ونزل الماي بكثره بدون دم
وعقب ربع ساعه صادني نزيف حاد وانا بسياره بروح المستشفى خلاص ماقدر امشي من النزيف وعلى طول غرفة العمليات حق تنظيف لان المشيمه داخل مانزلت
وكانوا يعطوني 3 ابر حق توقف النزيف مايوقف وضغطي نزل وحالتي حاله غير حالتي النفسيه وايد تعبانه الى اليوم اصيح على ولدي حبيبي
المهم في اليوم الثاني يات دكتورتي لانها كانت باجازه وقلت لها قصة اجهاضي الا تقول هذي غلطه الدكتوره اللي تابعتج اخر مره المفروض اطالع عنق الرحم لان كان مرتخي ومحتاجه ربط لثبات البيبي
وقالت لي هالكلام مثل الصاعقه نزل علي خلاص جد صكت بي الدنيا صحيح هذي كتبة رب العالمين بس بعد شي يعور القلب خاصه اني كنت داخله بداية الرابع وكنت اجوف الجنين بالتراساوند واهو يسوي لي ولزوجي حركات مره يرفع يده ومره يحرك رجليه ومره منسدح على بطنه ويطالعنه بصراحه ذكريات ماتنسه ومن اذكرها اصيح
اللهم لا اعتراض على كتبة الله الحمدالله على كل حال
نسيت اخبركم جنيني كان ولد الله يرحمه وخذه زوجي ودفنه بالمقبره بعد ما تكفن وسماه اسم وكان جنين كامل بس مالله راد له الحياه الحين صار لي شهرين من سقطت وحالتي النفسيه كلش من اتذكر اصيح
ادعولي ان الله يصبرني ويعوضني ويرزقني ان شاء الله بحمل سليم
اللهم اجرني في مصيبتي واخلف لي خيرا منها

 

[عطر الدوحه]

ياحياتي الله يصبرج يارب

والله يرزقج بالذريه الصالحه

 

[بيتي بوب بس كويتيه]

الله يعوضج يا رب

 

[Eng.Kokoro]

عورتي قلبي الله يعوضج ويرزقج الذرية الصالحه*

 

[قلبي مملكه]

الله يعوضك ياقلبي

وربي حسيت بشعورك قطعتي قلبي

 

["*آآآنؤؤؤقهـ*"]

عورتي قلبي
الله يعوضج خلاص مره ثانيه سوي ربط لاتهاونين بنفسج دامج عرفتي حالتج
لااااازم تسوين ربط .. عسى الله يرزقج ويرزقني ويرزق كل محرووومه ياارب العالميييين يارب يارحيييم ..

 

[tbola]

حبيبتي يمكن خيره لج ماتدرين والله ياجرج في مصييبتج وان شاء الله تبشرينا اب حملج الثاني ياربي

 

[طيــــــــــــف]

الله يعوضك حبيبتي
والحمدلله لا انتي ولازوجك فيكم شي يعني بيصير حمل قريب ان شاء الله وخليهم يسوون لك ربط
ولاتنسين تدعين ربي لاتذرني فردا وانت خير الوارثين
وتصدقي بنية الحمل ولاتضايقين نفسك

 

[رمانة الكويت]

الله يعوضج خير

 

[قلب ريلها]

مشكورين فديتكم وماقصرتوا بس اللي صاير لي الحين من جم يوم ينزل علي دم وردي مع ماي بس اذا اشتغل واجهد نفسي وايد يوم واحد ويخف رحت سويت فحوصات اللحمدالله كل شي سليم لا التهابات ولا شي سويت تحليل هرموني طلعت نسبة حما 209. قالت لي الدكتوره مب حمل ويمكن النسبه مالت الحمل السابق يصير من شهر سبعه انا مسقطه للحين النسبه بجسمي واليوم بعد الجماع نزل بني بس فاتح كلش شنو ذي مادري والله احترت كلشي سليم ومن وين تطلع لي ههالاشياء مب عارفه

 

[ام الحلوااات]

اللــــه يـــرزقــــج الــحــمـــل عـــاجــــلآ غـــيــــر آآآجـــــل
حــبــيــبــتــي لا تــضــايــقــيــن عــــمــــرج كــتــبـــة ربـــــج عــيــشـــي حـــيــاتـــج ولا تــســتــســـلــمــيــن حـــق اوهــامــج ووســاوســـج ولــيــتــنــي دريــت ويــا لــيــتــنــي ســــويــت انـــــســي واللـــــه يـــعــــــوضــــج​

 

[روح مووود]

ياقلبي الله يعووووضج وانا ترا بجرى فقدته مع انى ماحملت الا بى علاج بس الخيره فيما اختاره الله
وعوضنى ربى الحمدلله انتى انشاء الله يعوووووضج اصبري واحتسبى شفيع لج انشاء الله
ولا تتركين نفسج اذ حملتى مره ثانيه لازم ررررررررررررربط والله الحافظ,,,,,,,,,,,

 

[فتاة حالمة]

الله ياجرك بمصيبتك و يخلف عليك بالخلف الصالح

ويعوضك بما تقر به عيناك

 

[إباء الروح]

الله يعوضك.

 

[بتبوتااا]

يا حياتي ربي يعوضه لج ياارب

 

[ريانا]

حبوبه انت نفس حالتي بالضبط بالتمام انا هم حملت واول شهرين اوتقدرين تقولين الثلاث اشهر كله دم بس اخذ مثبتات ويمشي الحال ولما دشيت الرابع بالاسبوع ١٥ قلت الحمدلله خلاص كل شي تمام والدكتور قالي وقفي المثبت وقفته اسبوع وانا ينزل علي مايات بس بجريه وماعرف عبالي رطوبه افرازات المهم ولا بيوم احس بعوار فبطني قلت يمكن هوا ومن كثر العوار دخت ونمت صحيت ولا ماكو عوار بس قمت ولا دفعه من الدم طبعا بحي رحت المستشفى جان يقولي ماي الياهل نزل والرحم مفتوح والحنين بالمهبل كانت صدمه وقعدت اصرخ من البحي واهلي والدكاتره يهدوني دخلوني تنظيفات وريلي مسافر حزتها يعني الالم شلته بروحي وصيت الدمتور والدفن قالي معرفش نشوف لما صحيت من التنظيفات ولا مودي البنت النختبر يحللونها بيعرفون سبب ااجهلض تخيلي حتى ماقدرت ادفنها ربي يسامحني والله اني وصيت الدكتور وريلي مسافر المهم ان بعد تسع شهور حملت وطلع عندي خمول بالغده بس هالمره راح اربط لان اخاف يكون سببي عنق الرحم والله يعوضنا حبيبتي

 

[عضـــــوه]

الحمدلله على كل حال

وربي يعوضج خير وتكونين حامل وتفرحينا معاج


اسال الله العظيم ان يرزقج بالحمل السليم تام الخلقه الثابت ويقومج بالسلامه والبيبي بحضنج يارب

تجربه صعبه صحححححح

بسسسسسس

النسيان نعمه من رب العالميييييييييييييييين الله ينسيج واسنغفري ربج واقري البقره كامله باليوم وتوشوفين البركه الي بتجيج

حبيبتي الله يحفظج ويرزقج انتي وزوجج بالي تتمنون يارب

 

[وتين قلبـي]

حبيبتي حاااسه فيييج نفسي اجهضت باخر الرابع صج تضاايقت بس الحمدلله

قوولي الحمدلله هذا شفيع لج وبي يرزقج بالحمل السليم المتعاافي


وعلطاري الدم اللي ينزلج احتمااااااال كبير كبير كبير يكون حمل استحاله هذا هرمون الحمل القديم
وبشرينا
ودعواتج

 

[مـلاآآآمح]

الله يعوووضج يااارب

 

[رفيف الخير]

اسم الله عليج حبيبتي
شوفي انت تريد وانا اريد والله يفعل مايريد فحطي ببالج ان الي صار خيرة والجاي احسن عسى ربي يزقج بالولد الصالح الي تقر عينج بشوفته ويرزق كل محرومة قولي آمين