شوفوا شيخ سعودي ايش سوى بجلسة الشباب

[فنون خليجيه]

حدث في السعوديه


كل وحده تكتب رايها بصراحه وبامانه بهذا المقطع

http://www.youtube.com/watch?v=78OlEBFBa50&feature=related​

 

[الكويت العزيزه]

مااقول غير هنيئاً لكم بهيئة الامر بالمعروف والنهي عن المنكر

ياليتها عندنا

الشيخ نبيل العوضي يطالب بوجودها في الكويت

 

[sara81]

الله يجزاه خيييييير ويكثر من امثاله


زيييييين يسوي فييه

 

[أم أحلى البنات.]

الله يهدي ..

 

[فيونكه..~!]

رد : شوفوا شيخ سعودي ايش سوى بجلسة الشباب

هههههههههههههههههههه حلوه الله يجزاه الف خير يستاهلون الشباب

 

[MrS_Rossonero]

رد : شوفوا شيخ سعودي ايش سوى بجلسة الشباب

عاد مو جذي .....الدين نصيحه ....
والايه الشريفه تقول ....قال الله تعالى(( ولو كنت فظا غليظ القلب لانفضو من حولك)) آل عمران
يعني اذا بينصح في اسلوب احسن من جذي ....
الله لا يقولها يصير عندنا واحد مثل اخلاقه عندنا بالكويت....

 

[BlueGirl-LoLo]

ماااااااله حق انه يسوي جذي واهوا شكو بالناس اذا مو عاجبه يوخر عن هالاماكن ,,او اذا يبي ينصح الدين مو جذي وفي الله يحاسبه مو اهوا مني والطريج ياي صج مايستح يعني شوفوني ;/
يسلموووووووووووووو

 

[marimor]

بصراحه سخييف حدا وماعرف يتصرف شدعوووه انصحهم بهدااوه مالا داعي اسلوب العنف هذا والي تقول جانزين عندنا الهيئة يعني عبالج حلووو طريقتهم بالعنف والدفاشة بيحافظون ع الدين اصلا بالعكس لو يجوفونهم ناس مو مسلمين راح يكرهونهم بالدين وحتى لو كان عندهم فكرة انة يسلمون راح يشيلون هالفكرة من راسهم من سبة اسلوبهم الدفش ولا الله ولا رسولة يرضون بهالطريقة والدين نصيحة

 

[miss mama]

رايي انه هالشي تنفير من النصيحه ومن الدين بكبره .........غلط
في اسلوووب احسسسسسسسسسسسسسسسسن

 

[nurseya]

رد : شوفوا شيخ سعودي ايش سوى بجلسة الشباب

عاد مو جذي .....الدين نصيحه ....
والايه الشريفه تقول ....قال الله تعالى(( ولو كنت فظا غليظ القلب لانفضو من حولك)) آل عمران
يعني اذا بينصح في اسلوب احسن من جذي ....
الله لا يقولها يصير عندنا واحد مثل اخلاقه عندنا بالكويت....

معاها بكل كلمه قالتها
مافي شي إيي بالقوه!

 

[امووله المزيونه]

مقطع قديييييييييييييييييييييييييييييييييييييييم حييييييييييييييييييييييييييييييييييل ومغبر الحين الهئيه مو جذي تعاملهم

تسرع ماشاء الله الحين ينصحون من بعيد وكل انسان كيفه

 

[ترانيم القصيم]

الشيخ نبيل العوضي يطالب بوجودها في الكويت

ما شاء الله عليـه , فعلاً هالإنسان نبيل , من قلب اسم على ( مسمّى )

أحترمه كثيــر , الله يجزاهـ بالجنّــة و يكثّر من أمثــاله
​

 

[معزوفة الروح]

سبحاااااااااااااااان الله فطرته خلته غصبن عنه يكسسسسر العووود...!!


ماقدر يصبر على مجاااهره بالمعصيه وقداااام كل النااااااااس..



لله درك يااااشيخ والله يكثر من امثالك..!!!!

 

[حرم القيصركمودس]

رد : شوفوا شيخ سعودي ايش سوى بجلسة الشباب

صراحه ماعجبني النصيحه مو جذي الحين ماراح يسمع كلامه لان ازعجة ما اقنعه بالصح ؟!
ماادري ماعجبتني الطريقة في طرق احسن وافضل وارقى ,,

 

[Pixels]

دينا دين يسر وسماحة .. تهقين هالشاب شستفاد ألحين بالعكس اتوقعه عصب وراح يزيد إصرار على العزف والموسيقى

رسول الله عليه الصلاة والسلام قال "ما كان اللين في شئ إلا زانه وما نزع من شئ إلا شانه"

يعني فعله هالشيخ شينة لأنه ما كان فيها لين ورفق لو ياي للشاب برفق وانصحه باللين والطيب جان اكسبه وكسب ويه الله فيه

أكيد تعرفين موقف رسول الله عليه الصلاة والسلام مع الشاب إللي طلب الأذن بالزنا وإشلون تعامل معاه الرسول صلى الله عليه وسلم بحكمة وبذكاء وليين وكسب الشاب بالطيب وفهمه بالعقل

تصرفه كان غلط وهمجي

 

[صريحه جداً]

سبحاااااااااااااااان الله فطرته خلته غصبن عنه يكسسسسر العووود...!!


ماقدر يصبر على مجاااهره بالمعصيه وقداااام كل النااااااااس..



لله درك يااااشيخ والله يكثر من امثالك..!!!!

يازين ردك
احلى رد​

 

[7sasa]

رد : شوفوا شيخ سعودي ايش سوى بجلسة الشباب

امبيييييييه عورني قلبي..على طوول طرا ابالي اهل هالشيخ..اشلون عايشين معاه!!!حده عنيف ماعنده شي اسمه حوار!!يا كرهي للعنف
واللي تأيده واتشوف انه صح..صدقوني لو يكون ابوها جذي ماراح تحبه!!وبتكون عيشتها عذاب!!لانه واااضح انه ماعنده شي اسمه نقاش واللي يبيه يسويه بدون ما يفكر..هالاسلوب ينفر الناس منه وهذا الشي اهو اللي يخلي الشباب ماخذين فكره غلط عن المتدينين انهم عصبيين وماكو تفاهم طبعا اكو المتدين الصح اللي ينحط عالجرح يبرى لكن هالنوعيه اهي اللي تخرب عليهم..ولحد يحاول يقنعني انه هالتصرف يرضي الرسول!!سؤال واحد يخليكم تحكمون على تصرفه..لو هالموقف صار بزمن الرسول عليه الصلاة والسلام..هل كان راح يسوي جذي؟؟الله يحفظ مشايخنا والله يبعد عنا هالنوعيه منهم

 

[ســتارز]

جزاه الله خير الشيخ وليته يصير حدث في الكويت يااارب ونصير كلنا يد واحدة لمحاربة طغيان المعاصي

مشكورة

 

[غلا123]

الله يكثر من امثاله

ربى يحفظهم لنا

 

[من يشابه ديرتي]

رد : شوفوا شيخ سعودي ايش سوى بجلسة الشباب

عجبتني غيرته على دينه
بس بنفس الوقت اقول ياليته ناصحهـم احسن من هالطريقه
يعني شنو استفاد لما كسر العود ؟ بيروح يشتري غيره
اما لو ناصحه بأسلوب محبب ممكن يسمع له ويكسب فيه أجر