شوفوا شصار فيني

[*ستايل*]

جزاج الله خير على التنبيه

 

[Harmony]

ويه الله يعوض عليج
و انا مع البنات ترى يمكن البنات مو قصدهم و شغلها صج عاجبهم تدريين الأذواق تختلف علشان جذي فى اي شيء دايما جربيه قبل لا تاخذيين منهم شيء ثقيل سواء اكل او هدوم و دراريع او يره دايما جربي قبل و انا مع نونو اللى تحط تلفون المفروض ينحط عند المشرفات و ايجيكونه و عسى الله يهدي الجميع

 

[أم فرووحة]

صراحه صج موقف صعب..و ان شاء الله ضيوفج تفهموا الموقف..!

عاد انا نفسج جذي اذا البنات امدحوا الشي اتعنى عشانه و يطلع عادي..

كذا مره تعنيت على محل دراريع و محلات ثانيه..

بس الحمدلله ان هالشي حتى لو مايعجبني اقدر اخليه و اطلع..اما الاكل فماتقدين تسوين شي اذا ما اعجبج!

و على فكره مثل ماقالوا البنات ترى الناس اذواق..

يعني في بعض المحلات يوصلونها السما و لم اروحلها القاها عادية و مرات اقل من عادية..

لكن بالنسبة لهم اهم توب..

و عشان الموقف مايصير مع غيرج صراحه المفروض تقولين منو اهي عشان على الاقل اللي ابتاخذ منها اتجرب اكلها قبل..

لان يمكن قرت نفس الموضوع اللي قريتيه و ماقرت موضوعج هذا..

و تحياتي لج و اموعوضه ان شاء الله حبيبتي

 

[omneyaty]

في شغله لاحظتها بالمنتدى ان مثلا وحده تحط عرض لمكان او عن وحده


تمدح شغلها وترد وحده ثانيه تمدحها توصلها للسما لدرجه اني اشك ان

هالاثنتين وحده

مثل مرة صار مديح حق وحده تحط مكياج بطريقه متنوعه بكذا موضوع


فقلت خلني اجربها قبل حفله مهمه عندي لقيت مكياجها خربوطه وحوسه

 

[ZnBQ]

o leesh hl d3ayaat !!
yarbi ilwa7d ymd7 shy yswaa
wla ilshrha 3leena eli n9deq !
ylaa kilt3loma b6raaq

alah yhwen 3leech ilfsheelah
o jhzy 7alich lil3zema ilyaya !

 

[أم طه الحولة]

الغلطة مو غلطتهم .. غلطتج .. حتى لو مدحوها انتي ماتعرفينها شلون تضمنين شغلها شنو ... المفروض تجربين شغلها زين مو زين نظيف مو نظيف !!!

 

[دوللي]

يا كثر ما قريت عن مشاغل وااااااو شي ولما اروح اشوف شي ثاني يلوع الجبد ما ادري هل هو دعايه أو مجامله وياليت كل وحده تقول بالأمانه رايها

 

[آخر ذكرياتي]

حبيبتي اخذيها مني لاتطلب شغل حريم
ترى اكثرهم خوارة ووصخين حدهم
حماتي بدوامها مرة طالبين كبب وحلو من وحدة تسممت لما كلت اكيد الأكل وصخ او المواد اللي فيه طايفة مثل اللحم والدياي المفروم
منها انا كرهت اطلب من الحريم ترى ماعندهم ذمة
وما اعم واقول كلهم لا بس في منهم جذيه​

 

[الفرحه السجينه]

انسي اطلب من حريم وعععععع اشدراني عنهم شيسوون بالبيت ... الطلب يوصلج لبيتج بالتلفون يعني كلش ما تشوفينها ولا تعرفين اذا نظيفه ولا وصخه

الله يبارك بالمطاعم وترى في مطاعم بوفيهاتهم رخيصه وب160 بعد وانظففف

اشوف بنات الكويت هابين بشغل الحريم مادري على شنو ..ديرتنا متروسه حلويات ومطاعم حتى لو تبين شي مميز ما تطلبين من ناس ما تعرفينهم ... عليكم هبات يا بنات الكويت عجيبه خخخخ


اختي الله يعوضج وصج الموقف مو حلو ويفشل جدام الناس

انا مره وحده طيرتلي حلا للسما وقلت يللا اطلبه عشان بوديه ناس بس من زمااان ... يوم وصلني الا الصحن صغيررررر يفشل والطعم استغفرالله ...طلعت تمدحه عشان شكله على اناناس والله رحت وشريت حلا ثاني وفطاير ما قدرت اوديه جذي استحيت

 

[bnt q8 in usa]

الله يعوض عليج بس ياريت تحطين لنا اسمها مافيها شي تري
الي ماعندها ضمير.............وتبي تترزق علي حساب الناس علي الفاضي جزاها انها تنفضح جدام الكل عشان تتوب

 

[Harmony]

بنات ليش عاد طيحتوا حظ الحريم و رفعتوا المطاعم ترى اكو الزين و النظيف و الشين و الوصخ فى الأثنين! انا اتعامل فى شغلات مع حرمتيين بس مو مع اي وحده و قبل اول ما جربتهم رحت للبيت و دشيت و شفت بعيونى طبعا رحت على غفلة و لما دقيت الباب قلت ابى ام فلان علشان ابطلب و بما انى رحت جذي تشوفيين كل شي و من شكل و طريقة المره و من بيتها مو شرط المطبخ تعرفيين شنو هى و نظيفة و لا لأ و بعديين مثل بنت الروضان اللى بالنزهة و الله ان حلوها احلى و انظف من اي مطعم و هى كل شيء على المكشوف تروحيين و اتجربيين شغلها عندها بالبيت قبل لا تطلبيين ما شاء الله عليها و عندج ام دانه ما شاء الله نظافة و سنع و لا تعلم طباخ بعد روحى حظري درس و ان تعرفيين شنو اللى جدامج بس اغلب المطاعم كلها عمالة الله العالم شنو و ما كو مطعم بالديرة مافيه على الأقل عامل وصخ
لا تهبون على كل الحريم لأن وحده مو زينه و هم اقول سبحان الله يمكن اللى ما اعجبتكم عاجبه اللى امدحوها

 

[زهرة اللوتس]

الله يعينج موقف لا تحسدين عليه

 

[[]نهاوند[]]

انا ما احب شغل الحريم بصراحة
ماتدرين عنهم انظاف والا لا
على الأقل المطاعم عليها رقابة لكن الحريم ماتدرين عنهم شلون يسوون الأكل وبعدين المطعم اذا طلع وصخ وتسمم احد تقدرين تشتكين عليهم عند البلدية ويغرمونهم او يسكرون المطعم
لكن الحريم تشتكين عليها عند منو

نصيحة حبيبتي اذا بتسوين بوفيه بالذات لا تحجزين الا بمكان ثقة عندج الخليج والبيروتي والخالدية هذيلا احسن مطاعم وتجهيزات للبوفيهات خلي عنج الحريم ووصاختهم​

 

[Kuwait]

والله هذا موقف لاتحسدين عليه صج وهقه
انا اذا بطلب شي اطلب صنفين بس والباجي من بيتنا
ماحب اغامر دايما احسب حساب المواقف هذي
يلا خيرها بغيرها
واخذي دايما من ناس معروفين اختي
انا رحت استقبال مره وحده مسويه للجماعه والله طقيت على راسي من شكل الاكل ولذته وااااااااااي لي يومج قسما بالله ماشفت بوفيه مثله مع انه غالي حيل
بس شنو الاكل انلحس لحاس الاماعين فاضيه والله
شي عججججججججججججيب
وانااخذ مرات من الروضان شغلها حده نظيف ومعروفه من فتره مو قصيره ومرات
ومن ناديه اللي بالروضه صارلها يمكن فوق 15 سنه بهل مجال امي تعرفها من زماااااان واغلب الحريم عليها كبه صينيه ماصارت ومعروفه احلى كيكه بلاك فورست
بس غلت اسعارها
المصيبه ان اسعارهم وايد غاليه
هذي ناديه شوفي اللي تطلعلج الاكل لابسه دسوس ومتحجبه
يعني اكيد في الزين والشين وانتي عليج بالتجربه مو بس بالحجي اللي تقرينه
انا قريت موضوع هني مره وحده طلبت عن طريق موضوع قرته بالمنتدى ياها الخبز فيه عفن
حتى اذكر حاطه صورته استغفر الله
واللي طلبت منها حتى ماترد عليها
خلي بالج
خلو بالكم كلكم بنات لاتطلبون الا من الموثوق فيهم

 

[سيدة الكويت]

الله يسامحها ...............عاد اسهل شئ السلطات والله لو مسويتها فى بيتج اسهل لج

وانا بالنسبه لى ما احب اخذ اى شئ من المنتدى .....

صراحه زمن ينخاف منه

وقولى لنا منو هذى عشان ما يمرون البنات فى نفس مشكلتج

وانا اقولج شغله بعد فتره عزمى هذول الناس وطلبى لهم من مطعم ثقه بالكويت مو بيوت والله يوفجج يارب وبعد عنا وعنج الشر

 

[.]

الله يعوضج....

 

[love love]

حبيبتي

صج ماعندهم لا ضمه ولا ضمير حراااااااام كل هذا علشان الفلوس


انا من جذيه قمت اخاف لازم الشي اشوفه بعيني بعدين اسوييه باي شيي ومن يوم ورايح ماترردد بشي حتى لو كنت بغير لي شي ثاني لانه صج ماتضمنين شييييي



الله يعوضج

 

[-Bello-]

الله يعوضج خير انشاءالله ..

 

[فروتى]

الله يعوضج

 

[abla_momaiza]

مشكووووووووووووورين كلكم على تعزيتي!!!! نعم تعزيه بكل معني الكلمه يا جماعه والله ما همتني الفلوس كثر ما همتني الفشيله بين ضيوفي وانا معروف عني طباخه ويحبون اكلي بس تعب الدوام ورمضان ما قدرت اجهز شي قلت اطلب واريح بالي ما هقيت جذي بس فعلا كل طراق بتعلوم وانا اللي ياني بكس الله وكيلكم ومشكورين مره ثانيه