شوفوا شصار باختي عند سوق اجيال

[LoLaTi]

سحرتها الله يلعنها
وانا اصدقج لان هالموقف وايد سمعت انه صار بناس ودايما يكون بالبنك
وهالساحرات يتربصون حق البنات الي يكونون بروحهم اكثر شي .. خل اختج تقرا سورة البقره والمعوذات
وعسى لفلوس اللي خذتهم الساحره تصرفهم على صحتها انشالله

 

[بنت الوفا]

صججججججج انا مره رايحه وتقووول اناااااا من حايل وكلامه مو خلجيه

ومبرقعه مسكت ايدددددددددددي موارضيه تهدني والله وانا من ظبيعه مااطلع بعيون احد وتحااول تشد ايدي يعني طالعي فيني

قلت بروح اسحب خليج اهني قلت لاا بروح وياج يهب اثره خايفه يروح اثر السحررر سحبته وعطيته عشرين وبعده لمت نفسي

انتبهووووووووووتري صج

 

[LiL LiLeY]

غسى الله يكافينا شرهم

 

[مودي كويتي]

انا بالسعوديه وصار لي موقف مع وحده عراقيه سبحان الله مدري شلون صدقتهااااااااااا المحلات كانت مسكره لصلاة وانا كنت قاعده منزله راسي شافتني وقالت انتي محسوده عرفت من عيونك وقالت فضفضي شوفيك حسيتها تعرف لان قالت اشياء صح قالت انتي تحبين واحد قلت ايه قالت عطيني تلفونك عشان اخليه ياخذك بايات قرانيه بدعي وصدقيني بياخذك وبكرا بهالمكان ارجعلك التلفون واخذت مني 3000 ريال طبعا انا واختي مطاوعينها ورحنا ثاني يوم نفس المكااااااااااااان مارجعت وقعدنا نصيح وسبحان الله اساسا كنا بدون وعي مدري شلون اخذنا وعطينا معها بالكلام الحين انا دايم اروح السوق ابي اشوفها بس واعلمها كيف لكن هذي الظاهر راحت لكم

 

[مودي كويتي]

ايووووووووووووووه مبرقعه انا قالتلي انا عراقيه وكنا بسواق الخبر واساسا مدري وش حاطه تسوي روحها حامل تمشي اسرع مني

 

[بنت شتره]

يمه يمه
انا مره مريت صوب اجيال الوالده صافطه
ورا مصافط اجيال
الحقتنا وحده
ظلت تمشي ورانا لي السياره
قالت وصلوني المستوصف
وطردناه وبسرعه ركبنا السياره يمااااا شكلها كان يخوف

الدنيا قامت تخوف لكن لازم الواحد يتحصن بذكر الله

 

[ekht el.goumar]

حسبي الله عليهم كثرو مع الاسف خصوصا عندنا الفحيحيل ما اقول غير الله يكافينا شرهم وبلاوييهم

 

[om-3azo-83z]

وايد سمعت نفس نظام السالفه
اختج المفروض ما تخلي احد غريب يمسك ايدها حتى لو متاكده انها مره

 

[عادت ذكرياتي]

الله يكافينا شرهم ..

 

[athory]

هالسوآلف مآ تدخل عقلي

 

[شكارة الكويتية]

حياتي هذي مو اول مرةصارت مع وحدة شكلهم سحرة

 

[سيكلوجيه]

مشكورة على التنبيه

 

[بنبونه الحلوه]

يمــــــــــــــــــــــــــــــته اعوذو بالله من الشيطان الرجيم @@


الله يبعدنا عن هالاشكال انشالله​

 

[@ كويتيه @]

اعوذ بالله منهم ،،،


اذا شفتوهم بالسسوق تحاااشووهم ولاتطالعوون مباشرر لعيونهم !!


وتراا اغلبيتهم جذابات ،،،

 

[ʘɱ_ ᎯᏰᎾᎾᎠᎽ]

رد: رد : شوفوا شصار باختي عند سوق اجيال

الله يكافينا شرهم والله السوالف هذي قامت تزيد بكل مكان جمعيه سوق حتى المستشفى

 

[أم غيثة]

لا حول و لا قوة الا بالله
ترا هالسوالف صدق بنت خالي صار لها تقريبا نفس الموقف كانت ويا بنتها الصغيرة بالسوق و ياتها وحدة تشكي و تبكي و تقول صايرت لها مشكلة المهم انها ما ادري شلون خلت بنت خالي تاخذها لين بيتها و دخلت البيت و جابت لها كل ذهبها و الفلوس الي عندها بالبيت و حتى بيزات زوجها الي حاطهم بالبيت و تقول ما ادري شلون و لا تذكر شكل الحرمة
أنا اول شاكة كنت اسمع هالسوالف و ما استوعبها لين صار لها هالموقف
الله يبعد الشر عن كل المسلمين و حسبي الله و نعم الوكيل فيهم بنات ابليس يقرون طلاسم و خرابيط شيطانية عشان يبوقون

 

[Ranoon]

حرام والله 300 دك
لو حطت هـ 300 لصندوق بيت زكاة وناس محتاجه جااان زين

وبعدين غلط تدخل فلوس بنك دااااااااااخل سوووووق هذا اكبر غلط !
والمفروض يكون معاها رجااااااااال اب اخ خال ... مو بروحها

 

[سويت فانيلا]

حسبي الله ونعم الوكيل

 

[@ كويتيه @]

لآ حول ولآ قوه الا بآلله ..

خلآص اختج لا تتضايق وتعتبرهـم دفعـه بلآ الحمدلله اللي ماصار فيهآ شي .. خليها تقرى قرآن وتحصن نفسهآ

ويآريت لو احد من قرايبـكم يبلغ عنهآ .. لا يعبـثون بخلق الله

اللهم اكفينهم بمآ شئـت .~

 

[om.googi]

مرت علي هالأشكال بس ولا مرة خذو مني فلس !
( لا تحطين عينج بعينهم شوفيهم من تحت تكرمون جواتيهم وصدّو عنهم)

انا حتى الهندي اللي يبيع عطر ويقولي ( مو لازم يشتري بس شمي ) أزفه زف
واقوله تطلع من المنطقة والا أبلغ عليك اف تغثني هالأشكال ومبين عليهم السحوور والطبوب عمى ,,
ومن بعدها ما شفته خير شررر بجمعيتنا !​